Bluessky 發表於 11-10-31 13:59 
請大神回家......一定要有一個信得過既師傅幫你做，因為所有神象未經開光，好容易有野係入面，導致你莊香 ...
當年因為阿女去完海灘燒野食, 個晚開始, 到半夜點幾就自言自語, 持續左兩星期, 我就帶佢去搵c fu 睇下, c fu 話有野跟住阿女, 我話屋企已經有地主, 點解仲可以入到黎? c fu 話即係大小姐(阿女)帶朋友返黎, 地主阻唔到喎!!
咁c fu 就係神壇唸經, 比左d符水阿女飲, 阿女當晚就真係冇再自言自語啦!! c fu 就同我講, 屋企有小朋友, 請觀音返去恭奉啦!! (我當時都有小小覺得係打蛇隨棍上), 後尾都係請啦, 因為阿女細個果陣, 佢話係屋企見過木乃伊, 其實我唔多信阿女架!!
咁c6話請啦, 保家宅平安。我一心都諗住快d攪掂件事, 點知c fu 話家陣係清明前後, 唔可以請住, 因為要等閉墓先可以請, c fu 仲話佢會開埋光, 要我地講過地址, 佢要同觀音講喎! 咁一個月之後, 就正式請左觀音返去恭奉啦, 仲請埋門口土地, 即係家陣有3個神係屋企!!
我同c6恭奉期間, 初一, 十五朝早都食素, 後尾我有事, 我先停左冇食。
我咪之前講左運程黑到爆既, 但c6 佢信觀音有幫到我地喎!! 因為年頭我仲病緊, 仲要好嚴重個隻, 因為成晚咳同埋要飲奶粉, 所以我訓廳, 個陣天氣好凍, 基本上, 所有窗都關晒, 開左小小罅, 咁有一晚半夜, c6 行出黎睇下我, 佢話係神台附近有好大陣花香味, 當時冇插花, 插富貴竹。(c fu 曾經同我地講過, 觀音到會有好大陣花香), c6周圍望, 點解會有花香呢? 當時都冇為意啦!!
到左第2晚, c6又出黎睇我, 又聞到花香味, 佢諗起c fu 講既野, 佢就向觀音拜左幾拜, 請觀音保祐我快d 好返。c6 話係得2晚有花香味, 之後就冇啦!!
佢咁講, 我照聽咋, 我都唔知係真係假, 不過今日我仲在生囉, 但身體係得返60%, 個40%已經冇機會好返lu !!
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
發表於 
我問心無愧ka ! 不過我好細膽
返回列表
