少年成長 今日: 0 | 主題: 16125

積分: 2506

1^#

發表於 11-11-4 15:42 |只看該作者 |正序瀏覽 |打印

除左打機，做咩都好似無咩動力咁。但用打機黎吸引佢，他亦不能緊持到底，好似咩野都無咩所謂咁，譬如返學趕時間，叫佢換衫，穿襪，雖然慢，但做到我都讚佢，可是，不知為什么，到穿鞋總是攤在sofa唔郁，有時甚至換衫已經係咁，叫佢起身就成條軟皮蛇咁，每次預早半小時都可以俾佢攪到遲到。除非你幫佢換埋抱佢走or佢心情好好。

食野又係咁，慢吞吞，試過較時間及不停提醒，都無咩作用，唔知係咪成日提住佢，佢有壓力而導致成日食飯要去大大。我通常俾30-40分鐘佢食，餘下15分鐘提一次，10分鐘，5分鐘，1分鐘提一次咁，都唔算過份吖，但佢通常仲有1X分鐘，即提第一或二次后便說要大大，開頭以為佢攪事，後來發現他真的有大大，不是假的。而我未用此方法前，他机乎未試過在食飯時大大，所以我疑住是壓力所致。要不是大大，吃了兩口便說飽，收了他，他亦沒所謂，但到晚上說肚餓，我們不給他吃的，直至下一歺，因在收飯時我們都有說明下歺才有得吃，最令我懊惱的是他不但不介意我們收他的午／晚餐，到我們堅持不給他額外食物時他亦沒所謂。

最煩是老師亦有這方面的反映，好像他做錯了事，他知道自己唔啱，會同老師say sorry, 但態度有點輕浮，不認真，老師罰他，他仍是一副無所謂的樣子，毫無悔意。

由於以前我要返工，老人家照顧的，但覺事態嚴重，所以唯有停下工作，自己照顧，只可惜，現在真的拿他沒辦法，唔知點教，雖然自覺自己停工致今，他都改善了不少，但他的表現仍是比較反覆，有時真的按奈不住自己的情緒，希望大家可以俾d意見，分享下可以點做。

點評

pc999 試吓交比d有經驗嘅EE湊丫,我個朋友都有類似情況,情況改善咗好多:mrgreen:

發表於 11-11-22 23:08

0 0 0

私人傳訊

積分: 752

25^#

發表於 11-11-21 13:43 |只看該作者

CLong 發表於 11-11-21 12:51
回覆 See 的帖子

依家先從我老公著手, 都叫好左少少. 但唔知點攪小朋友已慣的習性... ...

其實我都係摸摸下地教小朋友, 不過您去"小朋友發脾氣, 可以點教"的post問下吧~

我都聽過利用講故事, 教小朋友應有的態度係work既~

我個小朋友都係咁架, 起初都唔肯做, 所以我就係其他時間抱佢多點, 錫佢多點(我意思係真係用個嘴錫), 然後係做功課時, 第一次佢話要坐大脾, 咁我就佢講: 好呀~! (要保持笑容及比佢知媽咪係好鍾意抱佢, 錫佢) 今次可以坐係大脾做, 不過呢, 下次就須要自己坐啦, 好似媽咪咁囉, 一人一張櫈嘛~
當然第2天又要扭坐, 咁我就問佢點解要坐大脾, 係咪擔心媽咪唔記得左您呀?! 上次講左唔坐大脾了, 不過咁, 媽咪拖住您隻手仔啦~(任何接觸到佢的方便動作)

我小朋友在我不停問(因為次次問都唔係同一答案), 但就大概知道, 佢原來係怕我無留意佢, 咁我就解釋媽咪有留意佢, 例如: 佢初頭做功課, 我就拖住佢隻手, 或者touch住佢大脾地, 佢做功課我睇書, 但其實都有眼尾瞄佢, 但保持自己睇書的姿態, 然後做完功課, 就同佢講: 您頭先攪頭髮呀嘛(任何一個做完功課前的一個動作, 可以係佢打呵欠, 揉眼, 轉筆, 伏在台上), 我知呀, 都話我就算無望您, 都有留意您架啦~!

循序漸進地, 坐大脾的情況無左了~ 個個小朋友都唔同氣質, 您同您囝囝傾多d吧~

加油呀, 去 "小朋友發脾氣, 可以點教"的post, 您真係大開眼界, 得到好多啟發架~

靈靈媽媽

私人傳訊

積分: 2506

24^#

發表於 11-11-21 12:51 |只看該作者

回覆 See 的帖子

依家先從我老公著手, 都叫好左少少. 但唔知點攪小朋友已慣的習性...

私人傳訊

See

積分: 18798

好媽媽勳章

23^#

發表於 11-11-19 15:50 |只看該作者

回覆 CLong 的帖子

首先，你真的要好好跟老公和奶奶溝通，要知道孤掌難鳴

。或者你先擺平佢地先。因為我比你幸運，老公和我的理念一致，而我的仔仔是婆婆湊的，所以要跟我自己一套比較容易。對於會縱我仔的人，我通常的名句是：你要縱我仔沒問題，只要你出得起錢養佢一世！

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

積分: 2506

22^#

發表於 11-11-18 20:57 |只看該作者

回覆回覆:See的帖子

See, 我好同意你講法，但最開頭唔係我自己照顧，有好多野佢都根深蒂固左，好難改，雖然係遲左d，但我相信有心唔怕遲。
我都嘗試同佢set規矩，但佢會駁我，Daddy嫲嫲都唔係咁，樣樣同佢企硬，大家關係變差，佢仲唔聽我講，咁點呢？

私人傳訊

積分: 2506

21^#

發表於 11-11-18 20:45 |只看該作者

回覆回覆:同心願的帖子

咁如果一開始唔俾坐大脾，佢係都唔做，你會點做呢？可否分享下。

私人傳訊

See

積分: 18798

好媽媽勳章

20^#

發表於 11-11-18 17:41 |只看該作者

引用:Quote:CLong 發表於 11-11-18 15:56 其實我

原帖由 同心願 於 11-11-18 發表
哈, 我個小朋友又係咁, 佢阿媽又係擔心呢個問題

不過我而家改一改行動, 因為如果起初唔比佢坐大脾 ...

呢方面我有小小心得

有些行為對仔仔十分嚴格,例如打機一天最多30分鐘,計時器一響就要停,曲BB開始食飯時不可離開坐位(任何地方一樣),從没有例外。因為我知道小朋友最叻得寸進尺，我由仔仔零歲開始被人話我嚴格·軍訓，到現在問我點解個仔肯聽話?我的心得是,忍頭三年心,日後風平浪靜……

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

積分: 752

19^#

發表於 11-11-18 16:42 |只看該作者

CLong 發表於 11-11-18 15:56
其實我有時覺得佢唔係專注力不足，因為好似剛剛咁，佢要求我陪佢做功課，我在旁陪，佢話唔得，死唔肯做，原 ...

哈, 我個小朋友又係咁, 佢阿媽又係擔心呢個問題

不過我而家改一改行動, 因為如果起初唔比佢坐大脾, 跟住因為無佢符又就佢的話, 佢好多嘢都會比我更企硬, 呵呵, 所以而家要講明先~

靈靈媽媽

私人傳訊

積分: 2506

18^#

發表於 11-11-18 15:56 |只看該作者

回覆回覆:See的帖子

其實我有時覺得佢唔係專注力不足，因為好似剛剛咁，佢要求我陪佢做功課，我在旁陪，佢話唔得，死唔肯做，原來佢想我抱住佢做，我心唸，就你一次又睇你點，點知佢唔使5分鐘做完一頁數，簡單加數～40-50條。於是，我好誇張咁讚佢，佢都超開心。
問題係我無可能下下咁樣陪佢做，其實佢做到，真係唔知可以點？

私人傳訊

See

積分: 18798

好媽媽勳章

17^#

發表於 11-11-18 15:27 |只看該作者

回覆回覆:CLong的帖子

明白樓主激氣,亦希望你不要錯過六歲前的黃金期,一上到小學會有更多不同的問題。加油!

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

積分: 2506

16^#

發表於 11-11-18 14:07 |只看該作者

回覆回覆:RainMa的帖子

好多謝你地咁多位鼓勵，其實我都盡量叫自己冷靜同唸正面d，我知道自己情緒係好受自己唸法影響，但有時真係控制唔到自己，所以上來問下大家意見囉。
好似之前佢學校生日會，佢好開心，食早餐都快左，不過，佢仍一面食一面攪櫈，攪麵包，當中亦要不停的提住，嘩！你好叻呀!食得快左好多，就食完啦！加油呀！咁先可以完成。
但臨出門佢又瞓向地唔著鞋，叫又唔應，最終係要我入房話唔去生日會，佢仲要等成分幾鐘先來say sorry. 但我原諒佢後，佢仲攪好多野先出門口，由於時間關係，我真係好焦急，佢就一於好少理，慢慢攪完佢要攪既野先出門口。
最終遲到佢都好似無咩所謂咁，真係人都顛。

私人傳訊

RainMa

積分: 1805

15^#

發表於 11-11-18 12:41 |只看該作者

唉，樓主，我家姐個仔今年8月開始同我住，佢10歲，pea到無人有。
佢只係對打機睇電視有興趣，一做功課/溫書，就pea，態度仲要超惡劣。
閙又閙過，氹又氹過，但都無用，我都無晒辦法。

你個小朋友仲細，應該有得改善。
唉，大家唯有正面d諗，加油~~

私人傳訊

See

積分: 18798

好媽媽勳章

14^#

發表於 11-11-18 12:34 |只看該作者

引用:我都好同意，但我老公同奶奶一家成日俾機佢

原帖由 CLong 於 11-11-17 發表
我都好同意，但我老公同奶奶一家成日俾機佢打，仲話我嚴，攪到個小朋友成日覺得媽咪唔鍚佢，唔俾機佢打，我 ...

某程度上,比小朋友長時間打機絕對不是愛的表現,很多時只是想用部遊戲機去湊小朋友罷。除了遊戲機,還是會有很多有趣的遊戲。不過,你的家人不跟你合作也是很無助的。

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

積分: 752

13^#

發表於 11-11-18 11:09 |只看該作者

CLong 發表於 11-11-17 20:43
我都好同意，但我老公同奶奶一家成日俾機佢打，仲話我嚴，攪到個小朋友成日覺得媽咪唔鍚佢，唔俾機佢打，我 ...

CLong媽媽, 我都覺得分開做可能會好點, 因為有時小朋友手仔執筆姿勢及坐姿不對, 都會令佢覺得累呢~

其實您可以去睇下, "小朋友發脾氣, 可以點教"個post問一問~ 啱timing地用讚的方法, 真係work~

其實小朋友唔會唔鍾意媽咪, 亦唔會有一樣嘢可以取代媽媽的愛, 您可以試下同囝囝講解: 唔比佢打機, 唔等於唔錫佢; 比佢打機, 亦未必代表錫佢.

我好鍾意用自己黎吸引我小朋友, 成日錫佢, 抱佢, 話掛住佢, 話好愛佢~

我見更兇的媽媽, 都有好鍾意媽媽的小朋友, 好開心咁同媽咪玩, 我諗佢地表達分明, 令小朋友知道, 媽媽罵的, 唔鍾意的, 都是那些唔聽話的行為, 而不是小朋友本身~

加油, 我都成日被家人話我, 咁佢地話, 我咪過濾一下, 檢討一下, 視佢地為提醒囉~ babyislove都鼓勵話, 家人其實都係緊張啫~ 諗正面啦~

靈靈媽媽

私人傳訊

積分: 2506

12^#

發表於 11-11-17 20:43 |只看該作者

回覆回覆:See的帖子

我都好同意，但我老公同奶奶一家成日俾機佢打，仲話我嚴，攪到個小朋友成日覺得媽咪唔鍚佢，唔俾機佢打，我有時都叫自己睇開d，用打機黎吸引佢，但都無用...

點評

eshiro 唔俾佢打機 la... play lego or drawing with him... 打機&watch TV are both no good 發表於 11-11-18 10:56

私人傳訊

See

積分: 18798

好媽媽勳章

11^#

發表於 11-11-17 19:26 |只看該作者

回覆回覆:CLong的帖子

我覺得打機打得多會影響專注力,而且會減低日常生活動力。

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

積分: 2506

10^#

發表於 11-11-17 18:18 |只看該作者

回覆回覆:201102的帖子

你意思係分開幾段時間做？但佢做野超慢，依家咁扭下擰下，時間都係剛剛夠，分開幾段時間做，我怕佢做唔切。

私人傳訊

201102

積分: 3283

9^#

發表於 11-11-17 16:24 |只看該作者

CLong 發表於 11-11-17 13:59
同心願，其實你講ADHD既徵狀佢都有，點算？有無人知有咩辦法令佢專注d? 佢做一份好簡單既功課，例如:寫詞語 ...

我聽人講過把功課如:寫詞語, 分開3~4次來做及之前講明在時限內做好有獎....那樣容易達到目標及有滿足感..一步步來睇吓會唔會好D..

私人傳訊

積分: 2506

8^#

發表於 11-11-17 13:59 |只看該作者

回覆回覆:同心願的帖子

同心願，其實你講ADHD既徵狀佢都有，點算？有無人知有咩辦法令佢專注d? 佢做一份好簡單既功課，例如:寫詞語6個加兩句句子，加埋成份功課都係唔過25個中文字，但佢最少要離開個位10次以上，唔係就玩腳，攪擦膠，攪鉛筆.....
試過用硬既方法，佢話要去厠所，好累，要休息....
用軟既方法，例如請食糖，貼紙等等，佢開頭話好吖，但寫唔夠兩個字，又話好累，我話咁無獎架啦！佢寧願歎向床，sofa,都唔理我，試過俾佢玩完，休息完再做都係咁，我既耐性有限，大聲d，佢話:你好嘈。
唉！真係好頭痛。點算？

私人傳訊