記得同C6搞結婚都比99玩到我謝一謝....好彩最後都有個完整既婚禮.
當日做了一天公主...但過了那一天, 我的地獄生涯就開始了:
1)結婚該日, 直落怒飲玩到3-4點天光....但係心裡都記得第二朝要去斟茶比9962, 去請安....點知~~
第二日晨早9點C6已經收到99電話....隔15-30分鐘打來一次..奪命狂呼咁..由於C6 又唔肯起身...電話爭持戰到約中午12點....
突然間聽到[叮噹] 門聲....我倆衣衫不整牙都未擦...C6 一開門...OMG..99!!!!! (佢住係樓下).....都話咗我地落去搵佢啦....無LA LA....=.= 我水都未煲....係好慌忙之際...一打開雪櫃...(OH!如陽光伴我~~) 有陽光菊花茶!!! GOOD~~....頂住先...好過冇~
2) 斟咗茶, 叫咗佢老人家做99... 雖然99好唔老禮...但都叫請咗安. 我同C6 打算去還裙掛之後回門返娘家.....由出門口去到佐敦已經收到99 好多個電話...爭人錢都冇咁多個CALL....問完又問, 問我地去邊幾時返....
C6 忍唔住終於皮四了, 好惡咁同佢講, 都話咗回門返女家~~~係咪佢D福建人有D 咩儀式要今日做埋架? 咁冇既話就唔好再打來....安靜咗幾個鐘後...又再狂CALL C6....C6 忍唔到, 就熄咗電話...(想返阿娘屋企食餐飯都唔得咩)
3)已經被精神折磨咗一DAY 既C6....晚上11點幾返到愛巢...已經又累又眼訓...但新婚第一日...當然想咸濕下...我同C6都諗住[阻我者死]之際...[叮噹]一聲 .... 又係99 (配樂黎明唱:99999..能否進一步).....=.=...
C6 問:[咁夜上來做乜?!!!我地想瞓架啦!] (阻住人地咩呀!!!)
99答: [我走落樓下睇, 見你地未熄燈, 咁姐係未瞓啦!!] (妖!!唔比人鐘意開燈咩~~架咩)
C6 問:[咁你又做乜(忟ing), 有咩明天先講啦!!!] (c6推緊佢出門口)
99 望住我答: [我上來睇下個仔唔得咩~~~] (自己走返入來坐)
我答: [我唔知呀, 唔好望住我呀!] (c6 又再一次想請佢返落去)
99 指住我話: [你唔好避孕呀, 就係d人避孕先咁多女人病, 我地一向都順期自然架...] (99你...你阻住ing & 阻住ed 我地)
我答: [哦!有機會先啦下....] (係你唔比機會我至真....)
c6 忍唔住, 用半拉半推既手法推佢走....仲親自送佢返落去 (確保佢肯收手唔好再上來)....點知..我c6 一去就不返...hahahaah 係99屋企坐咗成粒鐘先放人....
ps: 笑料分享!!!
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!
發表於 
返回列表
