本帖最後由 Arrin 於 11-11-18 00:59 編輯
切勿在bb瞓覺時／餵奶中／煮食時/坐車時/返工時大笑~~！
正所謂「做人新袍甚艱難」，我就話「我個99好痳煩」！我還未死得是一個奇蹟！
結怨事件（精神崩潰類）
去99屋企食飯，佢間屋已經污糟到夠料call世衞拉晒佢班大腸幹人去！佢.....煲咗盤十全大補湯請我地飲，（請留意！係煲！唔係燉！）材料包括：花膠，燕窩，魚翅，鹿腳根，響螺，鮑魚。
睇上來好似好正咁，但因為係煲，所以一「畢」出來，鬼口水咁，滑sang sang，佢驚死我無得食咁，比咗一盤我！好鯹，好似濃痰！ 佢好欣勤地迫我食！我見到筷子竹造但發黑了，碗有積，我仲對住佢廁所位食，陣壓味百感交集！ 正打算快手食魚翅，我62就入咗去如廁（大）！ 隱約聽到入面水珠落玉盤咁，肯定痾爛屎..一開門，果然係！陣味已經知道佢食錯野。
果次晚飯，我何止想喊！我簡直食到七孔流血！廿幾年前飲過既奶都嘔埋出來！
見人地樓主開帖話食飯食到想喊，傻豬嚟既，我食到想自尋短見！
**99過年奪命套餐~**(2010年作品) 霉氣公司特約: 文火煮食加點心意~
百鳥歸巢大補湯
做法: 材料花膠，燕窩，魚翅，鹿腳根，響螺，鮑魚...三桶水煲埋一盤水,攪爛至糊結狀...中間隻鹿腳要原隻係煲入面浮游.
原條黑腸白灼虾
做法: 使用約12cm長之大海先虾(註: 先人/先夫.果個先, 唔係鮮) 連虾帶腸去文火白灼, 保証帶有鯹味~每隻虾都見到有條屎~
家鄉地毯炒米粉
做法: 不停用隔夜餸燴入米粉, 炒至乾身一塊塊餅咁似地毯狀, 其間仲見到有頭先d白灼下撈埋係入面...真係多餸law
干蒸含沙鮑魚仔
做法:唔知有冇洗過/洗乾淨d 先鮑魚~...就咁用文火蒸唔知幾耐先蒸得熟.d 鮑魚仔真有靈性因為隻隻都好奀皮~
反蒸奀皮黃皮雞
做法: 去燒味檔買白切雞返來, 又係用文火再蒸...其實咁多味, 最安全係佢架啦~但~由嫩既白切雞,一下子蒸到變成老雞~
清炒唔熟白帶子
做法: 用雜菜同d白帶子係個完全唔熱既獲兜幾分鐘,,,再加返先前果d 白灼虾(因先前灼唔熟)再兜...咁最後都係唔熟既~
隔夜陳年滷豬利
做法: 幾日前用d 豉油滷咗, d豬利係咬過既...因為又係隔n夜既餸,,,入面...又係有鐵腳白灼虾~因為99用來當豉油點來食~
鹽浸發漲臭豬手
做法: ....有冇睇過浸死既浮屍....一隻豬手...鹽浸到隻豬手發漲.....因為文火煮食~....=.=
擦膠海參拼雜菜
做法: 雜菜~係咪好似曾相識呢? 咪又係帶用果d law...但個條海參出水出得唔夠(because of 文火) 所以好似擦膠
滾水浸厚皮湯丸
做法: 呢個99親自主理,d湯丸...佢親手[初]出來...粒粒皆有塵..唔知佢有冇洗手...由於有人話唔食彊...所以湯底係滾水.
ps: 追加樓主的話
估唔到我既玩野99系列咁多姊妹收看! 可能出得post太密了,好似有d 阻住其他姊妹放post係bk.
所以呢...我想d題材可以做得好d,好笑d.....我決定隔耐少少一次(約一星期)....大家話好唔好呢?
賣定個關子先: 嚟緊會有以下精彩文章
1) 我的玩野99 之 99係再世華陀??
2) 我的玩野99 之 新袍仔的反應
3) 我的玩野99 之 c6老母的咒怨頭
4) 我的玩野99 之 99姑9夾攻戰
5)我的玩野99 之 62的生存之道
6)我的玩野99 之 恩怨情仇大結局2011 <----經讀者意見修改中~
多到可以出一本書~ 欲知後事如何.請繼續收看.
(大家可以提出有關意見, 投訴, 提問, 查詢....我個個留言都會盡量回覆架~~多謝支持)
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!
發表於 
頭先食住飯睇你個post,笑到噴飯
返回列表
