吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 發生在我仔身上的"另類醫療失誤" ...

自由講場今日: 1966|主題: 1369515

收藏本版

發帖

返回列表

跳至頁

查看: 2333 | 回覆: 49

發生在我仔身上的"另類醫療失誤"

[複製鏈接]

12 3

tsznok

侯爵府

積分: 21494

好媽媽勳章

1^#

發表於 11-11-18 11:14 |只看該作者 |正序瀏覽 |打印

首先, 我真係好感激大家對二仔嘅祝福!

尋日嘅手術總算順利, 雖然曾經出現血壓過低, 但總括嚟講事情已過去了, 佢而家好精神, 亦好勇敢地忍受到每次排尿時嘅痛楚 (醫生話要痛幾日), 而家我只希望, 之後覆檢時會睇到打入去嘅物料起到作用, 咁就安樂晒喇!

有件事, 我忍忍忍忍忍左兩個多星期, 如今呀仔已做完手術, 終於可以講出嚟...

話說, 上次覆診 (8月份) 知道呀仔要做呢個手術, 某政府專科醫生俾左張MEMO我, 話我知呢隻藥物要自行CONTACT代理嘅藥行購買, 政府醫院係唔包的, 我見MEMO上列明一D付款流程, 藥行聯絡資料, 銀行戶口資料, 以及價錢清單, 導管+物料價錢約為$7000, 為左令呀仔醫得舒服D又唔使開肚, 托米都要籌筆錢番嚟啦, 其後我老公日打兩份工, 望住$7000呢條數跑, 9月份時, 我亦打電話搵過藥行負責嘅職員, 問過詳細交收流程及款額, 最後, 我地終於係付款限期前十日儲夠呢$7000, 老公捱到得番半條人命, 我就叫佢快快RESIGN份夜班.

點知...

到預定付款日 (銀行過數的), 我再打去呢間藥行確認ORDER及留低病人資料時, 負責人話呢隻藥物總數應為約 $12000, 而唔係 $7000, 仲同我講: "我地加左價好耐喇喎, 你手上張紙係邊度搵番嚟傢?" 我即時反應係 "驚訝" + "無奈" + "火起", 我同佢講: "張紙唔係係邊度執番嚟, 係XXX醫院個醫生親手交俾我, 而我9月時打過嚟問, 點解當時問價時, 你都冇提過加左價, 冇提我手上嘅INFOMATION已經過期??? 而家唔係加幾百蚊, 係講緊一加加幾千, 唔係個個家庭都可以一時三刻拎多幾千蚊出嚟!!!" 最後, 對方都係話佢地係今年年頭已加價, 亦已通知XXX醫院, 又話唔知點解呢間醫院仲將D舊料派俾病人... 總之, 錢, 就係要俾! 最後, 老公好無奈地要搵朋友商借, 先夠數幫個仔買藥...

到正式入數前, 我再打去蘗行核對資料, 點知... 成件事可以離譜到連個入數資料都係錯傢!!! 銀行轉左, 戶口號碼當然亦轉埋... 如果我冇再對一次, 跟從醫院醫生派俾我既MEMO上列嘅戶口入錢, 我呢筆血汗錢都唔知會去左邊, 手術亦都唔使做!

事情已過, 手術已過, 啖氣亦都消左, 但係度講番呢件事出嚟, 係想留個溫馨提示俾大家 (當然絕對唔希望大家有呢個需要) , 如果你, 或有朋友甚至親屬需要係政府醫院做一啲使用自費藥物嘅手術, 最好一收到醫生俾嘅資料就快快聯絡藥行問清問楚, 因為醫生拎住派俾病人嘅資料, 隨時可以係唔知幾多年前嘅舊料, 我唔想估計點解咁大間醫院會派舊料出街, 可能係醫生錯, 可能係姑娘錯, 甚至係D文職唔記得幫醫生房內嘅文件TRAY換料, 但真係.... 唉, 我都唔希望同類事件會發生係另一家庭身上~

點評

la_source 樓主頂住呀!加油努力呀! 發表於 11-11-18 14:49

Elefant老婆撐住！發表於 11-11-18 12:14

kkwwpig 撐住ar 發表於 11-11-18 11:59

jnkbb 你係政府醫院, 佢地有d社工定咩鬼, 如果你有經濟困難, 可以搵佢地ka, 發表於 11-11-18 11:45

0 4 0

§ 為左食得好又健康啲，靚太橫行廚房中… §

私人傳訊

晴B媽

水晶宮

積分: 53075

熱血金章至尊種植勳章畀面勳章 2011精緻種植勳章大廚勳章 BK Milk勳章

50^#

發表於 11-11-18 19:02 |只看該作者

引用：唉...+大家高估左我EQ喇,+果日打算入錢,+(

原帖由 tsznok 於 11-11-18 發表
唉... 大家高估左我EQ喇, 果日打算入錢, (對我來說) 咁大條數, 緊係問清問楚啦, 當我從電話裡聽到成筆藥費 ...

仔仔好懂事又堅強

私人傳訊

我愛Corina

瑪瑙宮

積分: 139436

2025勳章蛇年勳章 2024年龍年勳章好媽媽勳章醒目開學勳章環保接龍勳章

49^#

發表於 11-11-18 18:52 |只看該作者

回覆：發生在我仔身上的"另類醫療失誤"

亞仔手術順利就好啦

其他嘢唔好嬲啦，take care＂

私人傳訊

野蠻阿媽

大宅

積分: 1826

48^#

發表於 11-11-18 18:17 |只看該作者

發生在我仔身上的"另類醫療失誤"

祝囝囝早日康復，一家開開心心

私人傳訊

野蠻阿媽

大宅

積分: 1826

47^#

發表於 11-11-18 18:17 |只看該作者

發生在我仔身上的"另類醫療失誤"

祝囝囝早日康復，一家開開心心

私人傳訊

ricohui

翡翠宮

積分: 84197

+3金熱血好媽媽勳章醒目開學勳章畀面勳章

46^#

發表於 11-11-18 16:32 |只看該作者

加油,祝小朋友早日康復~~~

重新起步，為未來努力

私人傳訊

HLDMaMa

水晶宮

積分: 65753

45^#

發表於 11-11-18 15:50 |只看該作者

祝囝囝早日康後，一家人開開心心。

私人傳訊

tsznok

侯爵府

積分: 21494

好媽媽勳章

44^#

發表於 11-11-18 15:49 |只看該作者

唉... 大家高估左我EQ喇, 果日打算入錢, (對我來說) 咁大條數, 緊係問清問楚啦, 當我從電話裡聽到成筆藥費由手上資料嘅 $7000 大幅加到 $12000 時, 真係嬲到我勁粗魯勁大聲咁鬧對方"有冇攪錯! 邊有可能一加加咁多!!!" 當日我已經好想好想上嚟bk呻呢單野, 但無奈諗到呀仔仲未訓上豬肉檯, 唔敢講住咋...

我承認自己真係冇呢方面經驗, 大吉利是屋企都冇人試過要咁樣買藥做手術, 所以醫生講乜俾乜, 我就信晒佢, 堂堂咁大間醫院 (雖然係公家醫院, 但係大院來的, 名唔開喇, 大家可能都估到九成), 冇諗過啲嘢可以咁樣出錯的! =(

當日我同藥行講: "你地改左價錢, 改埋戶口, 好有責任印過d新資料俾醫院派發俾病人, 講真有錢人都唔使搵政府醫院攪啦, 醫生一日派咁多張出街, 但原來張張都係錯既, 你地知唔知會害死好多家庭?!" 呢幾年, 每2個月左右我就要同呀仔番去覆診, 見到啲病童家境都唔似係好富裕, $12000, 分分鐘已經係爸爸/媽媽既全月收入, 呢個錯誤, 係會令病人家屬大失預算囉, 點可以咁冇良心呢? 有姐妹形容得好好, 當我知道咁樣"加價"後, 真係以為自己跌入騙案呀!!

點都好, 而家講左出嚟, 我最後果啖怨屈氣終於散左, 而家只想呀仔快d康復, 佢每次去小便時, 可能入面有傷口未好, 下腹位仲係好痛, 見佢小便後都忍痛得好辛苦, 叫佢食止痛藥佢又話靠自己忍住... 唉, 我個心都仲係未放得低... =(

§ 為左食得好又健康啲，靚太橫行廚房中… §

私人傳訊