我同我個仔都有鼻敏感問題，起初又係搵盡方法試，當然比個仔試之前，會自己試咗work唔work先比個仔試啦!
我試過御藥堂，完全無效，跟住試草姬，起初真係有少少效用，但自從隔離個地盤起咗之後，無效用不特止，仲要吓吓都鼻竇炎，連睇政府門診都開抗生素比我(政府好少肯開抗生素)，仲話我一個月內番發2次係好唔得嫁喎...講到有咁嚴重得咁嚴重，我唔係想輕視，但有乜辦法唧? 佢係要番發...? 你估我想病嫁咩? 吓吓食抗生素我好開心咩? 食完次次身體都好虛弱，啱啱先又食完，而家日日都仲頭暈暈，好想嘔咁...總括嚟講靠保健食品係治標唔治本，始終會有食純嘅一日，最重要係點樣增強抵抗力。
我個仔嘅鼻敏感問題，之前我用噴鼻去解決，但唔知係咪類固醇會噴簿個鼻膜，而家郁啲多就流鼻血，所以噴鼻樓主都要好好考慮一吓，最後睇到bk有人教用凡士林搽鼻內，一可以滋潤鼻膜，二可以隔絕致敏源，亞仔無再流鼻血，再開埋放濕機，情況叫做控制得到囉。
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.
發表於 
返回列表
