話說有一個女仔，我諗應該大概18-20歲，佢同社工嘅言行間我聽到佢係一個同性戀者，扮演一個男仔角色！（我真係無心偷聽，但床位太貼，好多媽咪都聽住）原來佢嘅bb出世嘅時候心跳停頓過，當時仲未脫離危險期，醫生話原來佢胎位唔正，bb係腳出先！最離奇係聽到佢話原來呢個女仔係去厠所嘅時候柯左bb對腳先知道自己生得，即刻call白車（我只能夠話好彩佢及時打999，否則bb一定唔能夠生存）再聽落去，嗰位醫生問佢，你男朋友呢？女仔話我無男朋友！再仔細問，得知原來個女仔係一次同朋友飲酒，第二朝訓醒就喺酒店，佢連個男人係邊個都唔知道！醫生再問佢你幾時知道自己有左？佢竟然係成6個月先知道自己大肚！（無黎月經6個月先醒覺？我真係接受唔到）其次，點解佢肚肚，明知自己有左都唔入醫院？醫生問佢佢話以為自己腸胃炎！（嗰刻我真係想暈低）之後再聽番社工同佢嘅對話，呢個bb最後命運應該係會被領養！我真係好心痛！聽到bb嘅遭遇，我個心真係好酸！我真係好希望bb可以度過危險期！呢個bb因為有一少段時間心跳停頓過，大概係話腦部缺氧，大個都可能會有後遺症！我講呢件事唔係話想責備個女仔！我亦無權咁做！我只係好希望，我地身為父母，可以將呢件事作為借鏡，可以教育好我地嘅下一代！我真係唔想再見到一啲無辜嘅小生命再受傷害！
celery 發表於 11-11-21 20:30
我都未理解女性發生呢D情況,係未因性知識/生理常識貧乏而引致.
我有個朋友,佢當時21,22歲,據佢講經期慣常三個月先一次,
所以真係自己大肚一直都唔知,
到陣痛時以為胃痛,痛到忍唔住就去急症,
後經醫生檢查係懷孕已三十週,最後早產要開刀.
都有見社工,佢簽字將個bb都送比保良局.
生育過一次之後經期就正常返每月一次.
發表於 10 小時前
<<佢本身係肥胖,唔太覺.不過當時佢在家出入,
隔離鄰舍有d女性長輩係幾次有問過佢家姐關於佢係未大肚,當時佢家姐當然否認,仲鬧返人轉頭.
可能d長輩識睇.
原帖由 rilley 於 11-11-22 發表
yes,
我經期有遲無早,3個月唔黎好平常,我之前有左初期無任何唔舒服,照跑步,所以唔知,
發現有左.係因為感冒, ...
最起碼要同佢去做下檢查，唔顧個細都要顧下大嗰個嘅身體啦:;pppp:
發表於 
返回列表
