少年成長今日: 1|主題: 15994

收藏本版

發帖

返回列表

跳至頁

查看: 697 | 回覆: 1

1歲人仔點教好 ?! [複製鏈接]

ope

侯爵府

積分: 20752

1^#

發表於 11-12-3 23:24 |只看該作者 |正序瀏覽 |打印

我大 b 一歲, 之前我開 post, 講到有關佢每次見到我地食飯佢都會大聲叫, 叫到接近我們食完為止, 呢個情況令人好困擾, 因為佢已經食到飽玩到飽訓到飽, 我先至食第一餐, 佢都仲要咁樣, 我好累.

後來有媽咪教我係時候教佢食野, 我即刻買晒bb餐具比佢, 但佢只肯拿著匙根周圍篤, 唔係食, 亦都唔成功, 我想教佢, 佢發好大脾氣, 又大叫又大喊谷紅塊面甚至想由 high chair 度爬出來.

而家新工人未到, 日頭係99 幫手湊的, 我99 講野係千里傳音咁大聲, 同埋語氣好無禮貌, 鐘意呼喝人, 我大b 竟然學左 !! 每次有人拿佢的東西, 佢就會咆哮一聲, 有任何人 stop 佢, 佢又係發脾氣同咆哮.

每次佢一發脾氣 / 擲野/ 扭計, 我都即刻放佢落網床 ignore 佢由佢大喊, 但我 99 同老公忍唔到 30 秒就飛出去 tum 佢甚至抱佢, 大b而家越來越唔鐘意我, 我話親佢教親佢佢都唔想理我, 唔鐘意同我玩.....

請指教 :

1. 到底點解教bb 食野 ? 比乜野黎試 ? 通粉 ? 粥 ( 我怕佢熱) ? 捉佢手教 ? 佢唔比人掂佢隻手同匙.

2. 而家我係屋企入面唯一的衰人, 唯一的大惡人, 我係千萬個唔想縱佢, 我家人同我講我由出世到童年都好乖好獨立唔扭計, 我自己根本唔明點解 d 10後會咁樣 ? 我實在好唔想我個仔係港童 !! 但我可以點 ? 我堅持對佢嚴厲 ( 佢一扭我 ignore 佢唔縱佢唔比佢得呈 ) 但其他人即刻撲去睇佢. 我同佢的關係明顯係好差, 佢曾經係 7 個月大時叫過我一聲媽媽, 但我開始對佢管教後, 佢無叫過我媽媽......

我要點做 ?

0 0 0

私人傳訊

joyceksk

大宅

積分: 3443

貢獻勳章環保接龍勳章

2^#

發表於 11-12-4 18:21 |只看該作者

回覆 ope 的帖子

1. 比佢鍾意食嘅嘢TRAIN佢，佢鍾意食自然會去畢，鍾意都唔畢我真係由佢扭。我個囡係由Yogurt 開始試，好味又易畢，你同阿B成功感都會大D。或者比D果蓉／燕麥佢畢。飯要慢慢試，因為難畢D，有理冇理開頭比佢畢幾吓先，總之放到D嘢入口就勁讚佢。再唔係比ABC粉嗰D都OK易畢。
2. 其實你唔係衰人，只係想阿B好嘅人；你諗吓老師响學生曳時會鬧會罰，係咪就等於佢係衰人？搶你嘢又亂鬧你，嗰D先叫做衰人。
你要堅持你嘅嚴厲，鬧要簡潔，但佢OK或平時你一定要笑笑口同讚吓佢。
如果屋企人唔會作，我會响佢扭時抱佢一齊入房，閂埋門先教。
其實你C6如果只係心軟唔忍得，而唔係覺得你唔應該鬧的話，真係要認真D同佢傾吓，講多D有機會發生嘅後果比佢聽。同埋真係架，屋企有幾多個人都好，如果個個同一件事都用同一方法對佢，效果真係好好多。爸爸有時只需要出一次招，已經會有效。叫佢不妨試吓。
佢扭計喊係難忍，你試吓叫佢哋望吓個鐘，當下嘅時間其實過得好慢架咋。