內附:賤格情節.請勿餵食奶奶時/工作時/小朋友瞓覺時/坐車時/美容時.....大笑~
我99見少佢個親生仔一陣都會死咁...但係佢個孝順仔其實都怕咗佢...仲有份笑99~~上次燒vcd單野,佢自己個仔諗衰野先架~仲有幾單野都係佢做既~
事件1)
未結婚前, 我C6仲係同99一齊住,有次佢打電話比我狂笑....笑到講唔到野, 我問佢做乜鬼....C6話:[阿媽好日都唔去搞下個頭, 無啦啦走去電頭髮,電到好似忍者小靈精隻獅子狗咁.WAHHAHAHAHA]...
我叫佢偷影張相來過下目啦...點知99心中有數,死鬧佢個乖仔唔準佢影....過咗幾日,我同佢地去食飯...佢地係酒樓坐定定等我地....去到一睇!!! WAH 吓~...當場嚇一嚇....咩獅子狗呀, 佢阿媽簡直似係直接比雷劈中~中咗頭獎咁既勢啦...染到個頭獲撈咁黑...人地唔知以為假髮..
佢仲要企起身好大動作揚來揚去咁揮手叫個仔走埋去(=.=周邊d人已經望下佢叫邊個...勁魚皮)......我拉住C6唔好行埋去(我開始笑...笑到震,,,)我話:[老公!HAHAHAH我頂唔順...我見到你老母個頭....釋迦牟尼咁...好肉酸..我好想大笑~...求下你比我笑完先~] C6聽完我咁講後馬上背住99, 其實係捉住我狂笑~
事件2)
中秋人月兩團圓...第一年中秋前2日我地兩個就咁唔好彩...就係樓下撞正99, 99當時hard sale佢親手造既湯丸....我c6狂拒絕佢既愛意...我地上樓後15分鐘左右, 佢又打電話再sale多次佢的湯丸...一樣都被c6狠狠咁拒絕咗...過了30分鐘, 佢按門鐘上來...佢阿媽手持一碗上來, 打算賠咗條老命都要個仔食一粒....入到來佢就叫佢愛兒品嚐下. c6唔肯, 正想推返佢出去....c6係爭扎期間, 99噴Q晒D口水落碗野度, 仲要成隻手指插晒入去....我睇到呆晒..[心裡不自覺一聲WAH].....99見我望住佢眼定定咁,就想屈我話我欣賞佢....好似好想食咁...(唔係呀WAH!!!我無呀!!!)
抗戰成功後, C6同我好認真咁講, [以後過年過節千萬唔好要佢D 湯丸同茶果呀....]我問點解呀?佢咁有心整比你~ 佢答我:[特別難食都算....個制作過程比地下工場更加黑暗.....]
因為佢老母初湯丸時好大汗....用手R完頭, 又有頭皮又有汗...又掛住講野...噴晒D口水入去..仲有好多塵夾係粒湯丸入面....=.=...佢地幾姐弟自出來打工後好多年都唔肯食佢D 野喎~....
事件3)
99有名叫[常哦] 咁更係日哦 同夜哦啦, 有幾次打比C6, C6係不停答佢:[哦...哦....哦] 其實佢玩緊FACE BOOK.無聽過99講乜野...呢下野其實係有遺傳既...其實c6同99真係好似~.
有一次C6有事搵99, 打電話比佢......
C6: [阿媽呀, 我想落來借你個keyboard試D野 (USB插頭)~]
99: [哦~]
C6: [咁你係咪唔用住呀?]
99: [哦~]
C6: [咁我落來拎咗先, 用完比返你~]
99: [咁你幾時返呀?]
C6: [我而家落來~]
99: [我問你去到幾時返呀?]
C6: [用完一陣比返你!]
99: [吓?你去邊度旅遊(福建話)WAH?]
C6.=.=:[唔係旅遊, 係KEYBOARD~呀] <--- 原來人地一直都聽唔明, keyboard 同 (福建話旅遊近似~)
99: [無啦啦去咩旅遊呀~又side錢, 又遠....坐飛機好危機架...留係香港咪好law.........................哦哦~~~]
c6 (惡ing) :[ 唔係呀, 唔好嘈呀, 我話要keyboard 呀~ 唔係旅遊呀!!!!]
99:[咪旅遊law, 你一直講旅遊, 我唔知你講旅遊咩意思...]
c6: [keyboard 咪鍵盤law!....]
99:[吓~~咩呀? 雞翅膀????]
c6 cup 咗佢線~...then 自己去買過個新keyboard......c6話差d因為個電話搞到佢中風(爆血管)...
作者的話:
唔經唔覺已經出到第11集了~...我初初都係由YAHOO 見到BK呢到有個婆媳關係既討論區才入來發個POST, ....我玩BK只有短短2個月時間, 估唔到我已經有FANS 同好多JM朋友! 大家唔單止有共嗚,你地既留言仲好好笑TIM...係出POST 既期間, 我自己都放下了很多99既仇怨...係一件好事吧!
嚟緊我每有預告放係我個留言版上, 大家有時間可以去睇下, 有任何問題查詢都可以PM我 OR 留言喔~
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!
釋迦牟尼......我真係忍唔住係咁想像
發表於 
返回列表
