內附人體奧妙情節....照舊啦...餵奶/瞓覺/大肚/工作/美容/坐車/煮飯時...切勿大笑~
經過多集既玩野99, 我深信大家都知知地我99點玩野法~.....其實佢玩我咁多次我都無仇報,而我又默默忍咗佢.....最後因為以下事情.搞到我精神崩潰, 患有抑鬱症~.....因而同佢決裂, 有佢冇我!!!!
過節1)
有一次我返工出門口, 閂鉄閘既時候因為唔夠力推....所以我再拉出來再大力dd推埋去....就係果野, 我突然眼前一黑...有野跌咗落我個頭度~.....而我個頭獎係 一揪[菜]既物體 + [林正英捉彊屍專用] 鬼劃符一張....
由於揪[菜]係放置咗一段時間, 所以有蒼蠅 付體.
我當時第一句:[ _~] [又搞乜呀_野呀!!!!!吸血新世紀咩!!!!一出來中咗揪符~~] 成頭都係污糟野~我又唔敢dum 咗佢....唯有入屋由頭洗到落腳, 工都唔返...我向c6投訴...c6就笑到不能自拔....完全無人知我其實又驚又慘~
事後, 99話係佢唔知做咗咩法事所以要放係門口~咁先係好個喎.....其實我唔信呢d 野,所以唔係好知d 用品同儀式叫乜野...咁我就細細聲問c6:[係咪 [破地獄]呀?]....c6又再次笑到反咗...99知道咗就鬧鬼我, 話我講親都冇句好!!! (我知~,但我唔識呀痳) 所以果時放好多菜呀, 符呀, 香呀係我地門口, 我都唔敢嘈佢.
過節2)
有次99 近00:00 打上來, 話有封雞腸信唔識睇, 係細佬既.....咁c6叫佢上來我地屋企~....c6鬼識睇咩, 咁我幫佢睇....睇完後99話要打比細佬講封信既內容...唔打唔得...咁c6唯有夜痳痳打去台灣.....
期間, 99就坐係我梳化睇電視, 我就坐係隔離......大家一直冇講野....過咗一陣...我望一望身邊既99...
(我_!)
99原來係度瘋狂採礦ing~....成隻手指頭入晒...仲要用力轉~~轉到面紅耳赤, 口都開埋咁撩佢d 鼻屎....
心諗:(我_!!!洗唔洗核突呀!!!)...我正想拎盒tissue 比佢....(oh!! too late~)..我近距離親眼睇住佢撩出來..濕濕地...仲有d 藕斷絲連既鼻水絲拉出來.......之後初~.....and then 彈落地.....我地下係白色既....我好想馬上搽咗佢...點知!!!!!!
我隻愛狗岩岩行過....踩咗!!!!! 心諗: (忽驚於~~~~).....事後佢閃後, 我狂拖地....隻狗捉去高度消毒!!
過節3)
佢係我屋企冇著鞋, 比拖鞋佢又唔著...睇睇下電視佢就 [上身採青, 下身打snooker]..
上身知啦, 下身點打snooker? 咪就係用其中一隻指公做 club, 係咁棟係其他腳子隙...係度勁磨law.....
佢係我屋企留低幾兩鼻屎, 耳屎, 腳皮,腳塵.............
成個過程我係親眼睇住~~.....呢d 係我咁大個女第一次見到既污糟野, 佢恐怖過鬼.....我唔明一個鼻lone. 點解撩極都有.....耳仔d 屎又如滔滔江水~連連不絕~.......下身又可以咁靈活去打snooker既~
點解呀~~天呀~~~
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!
發表於 
好衰架,又搞到我笑到吵醒阿仔
返回列表
