吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 請教各位媽咪, 我個工人仲有沒有得救?

論盡家傭今日: 0|主題: 134024

收藏本版

發帖

返回列表

跳至頁

查看: 2930 | 回覆: 29

請教各位媽咪, 我個工人仲有沒有得救? [複製鏈接]

monreve888

男爵府

積分: 9034

1^#

發表於 12-1-23 20:15 |只看該作者 |正序瀏覽 |打印

本帖最後由 monreve888 於 12-1-27 23:02 編輯

佢係bunbun, 在我家7個月了.
好處:
1) 做家務超勤力, 自動波, 佢做家務有80分, 可以話你根本吾駛點激氣. 對家務有記性, 有時家裡將近用完既野, 我就叫佢寫係廚房個board到, 去街市時一齊買, 佢都好少吾記得.
2) 有衣食, 會食隔夜野.
3) 放假從來沒有遲回來, 我set左9點前返到, 佢多數8點半就回來. 回到家後, 會自已洗碗及煲水.
4) 肯聽指示, 手腳乾淨, 不駁嘴, 不黑面.

吾好既地方:
1) 英文吾好, 你講既佢識聽70%, 但佢講既, 我同我老公好多時都聽吾明, 聽到一半, 佢鄉音比較重, 我地估估下, 有時要agent translate.
2)煮食味道ok的(60分), 學得算快, 但如果你叫佢諗買什麼, 佢好多時會吾用腦, 一星期會煮兩蒸水旦, 一次蕃茄旦, 一次菜圃炒旦, 吾駛煩.
3) 一日幾次入廁所send sms.
4) 有時d衫染左其它色/或家中有野壞左, 佢吾會話比你知.
4) 吾識/亦沒有照顧小朋友經驗, 佢吾會對小朋友好好果種工人, 吾會對小朋友付出多些. 當一份明買明賣既工, 叫佢帶出帶入, 佢會做得到, 教左半年, 都搞吾掂我個仔(5yrs), 例如:
- 如果我早上吾remind佢, 佢就吾記得比藥我個仔食(我個仔有0考喘).
- 亞仔玩到成身汗, 吾會主動幫我個仔抺汗, 直到我叫佢.
- 又吾識氹小朋友, 早上我比盒朱古力奶呀仔飲, 佢只飲了一啖, corn flakes食半盒, 佢都吾會理佢食吾食, 將盒奶放返入雪櫃, 所以我好多時星睇住我個仔食早餐, 再帶他返學.
- 早我放一個生果在枱面, 叫呀仔中午食, 有時, 佢話呀仔吾食, 晚上仍然在枱面.
- 叫我個仔沖涼, 叫佢用暖風機warm up個廁所先, 佢照做, 不過我個仔在10度以下, 在主人房內脫衣服, 玩梗, 房內是開晒window.
- 回家仍然吾記得先帶我個仔去洗手, 好多時先放好買回來的物品.
- 晚上佢9點返入房, 到10點幾, 我地叫佢學幫個仔刷牙洗面, 佢才學, 如果我地果晚吾叫, 佢吾會理.
- 晚上我地講完故事, 佢幫我個仔洗面, 我或我老公幫個仔蓋好被, 佢睡著我地才出房, 工人到宜家只會等我地出房門口才進去. 佢無心氹小朋友入睡.
- 我個仔叫佢同佢玩, 佢只會玩一次飛行棋, 或一次大富翁, 吾會再教佢玩其它玩具. 我個仔好多時自已同自已玩, 自言自語.
- 我11月好忙, 沒有帶個仔返學, 12月學校老師打電話比我話, 我個仔沒有抺乾淨個嘴, 沒有zip好衣服. 我又同佢傾, 再比機會佢, 但一星期總有一次, 吾記得提(remind)我個仔要抺乾淨個嘴. 因為早上帶我個仔返學, 就觀察佢做成點.
- 我地每次打電話比我個仔, 我個仔話自己同自已捉棋, 工人做梗家務.
- 我個仔無論痾, 吐, 跌到流血, 佢都吾會話比你知. 回到家由我個仔講.
- 呀仔去完廁所, 吾洗手, 吾沖廁所, 佢都吾理.
- 10度時, 我個仔話吾駛穿外套, 佢就吾駛佢穿.
- 鄰居話見到呀仔在街vv, 因為工人帶佢出去時, 成日忘記remind我個仔vv先.

已經同agent講過, 我地想佢多些時間照顧小朋友, 又叫我d friend既工人用菲律賓話同佢講, 因為怕佢吾明我地想點, 但未見有改善.
我不是full time mum, 要返工的, 我想知你們的姐姐是不是這樣的, 是我要求高? 還是我要換姐姐呢?

0 0 0

私人傳訊

wyllai

男爵府

積分: 6020

好媽媽勳章畀面勳章陪月勳章

30^#

發表於 12-1-29 21:01 |只看該作者

我覺得無可能要求工人對仔仔太上心，始終個仔唔係佢...

私人傳訊

sai913

大宅

積分: 2507

畀面勳章

29^#

發表於 12-1-29 20:55 |只看該作者

回覆 monreve888 的帖子

其實妳個工人幾好架啦...再提點多D啦...

私人傳訊

榮盛

侯爵府

積分: 24171

28^#

發表於 12-1-28 22:11 |只看該作者

照顧小朋友，始終是媽媽的責任，不要太依頼工人。 --agree

私人傳訊

carolizaton

子爵府

積分: 12616

BK Milk勳章

27^#

發表於 12-1-28 20:58 |只看該作者

以工人嚟講, 佢表現唔算差, 我覺得中上
明白你可能好多時唔係屋企, 想工人可以頂替你, 但佢哋只係嚟打份工, 有責任心係bonus.
再講, 你個仔都aged5, 與其要求工人做, 不如教識個仔照顧自己仲好la

私人傳訊

huisylvia

子爵府

積分: 12423

好媽媽勳章畀面勳章

26^#

發表於 12-1-28 16:53 |只看該作者

我果個同你差唔多,表面上唔太大問題,係唔多對我仔有耐性,事實上我仔係難攪d,但基本上佢唔會虐待佢既,但對個細女就幾好
佢5月完約,本來諗住再請都唔知會唔會仲衰,決定同佢續約,點知因為婆婆隻腳做完手術一個月無上黎,近排好d時上黎一兩次就黑婆婆面,(之前婆婆日日上黎)嫌佢指佢做野,佢一到我家,我已經同佢講婆婆都係主人,要聽婆婆話,呢句話講過唔止一次
如果唔係婆婆講我知,我都唔知佢對婆婆咁,婆婆係煩,但我接受唔到佢對婆婆黑面同無禮貌,加上佢對個仔真係好無耐性,而且當住我地面都粗聲粗氣叫佢,我唔得囉,所以唔再續約,但仲有成4個月對住佢,又未至於即刻要炒佢,所以暫時扮同佢續約,到4月至同佢講個理由唔再續啦

私人傳訊

ferferfer

男爵府

積分: 8777

25^#

發表於 12-1-28 00:44 |只看該作者

嘩，大家講既野令我好有同感！

我係half time mum，一星期有3日要返工，但基本上全屋野都係自己跟足，亞囝下午果餐同晚上果餐食乜全部由我決定（要返工的話都會講明左先出門），有時老公lunch box都要同工人講定煮乜，亞仔早上晚上著咩衫都係我安排，因為工人只係執行！情況許可的事我都親力親為，陀細b陀到臨生果幾日都係自己幫大b（歲半）沖涼......宜家2個b晚上都係我同老公睇，工人一次都未試過晚上要幫手，一來我覺得父母有責任，二來工人真係靠唔住。

臨生果個星期我成日好累，老公嗌我訓晏d（我去左另一個房自己訓），等工人照顧大仔，有一日我訓多個多小時，果日凍凍地的，起身時見到亞仔著左套薄衫，工人話亞仔濕左片，d衫都濕左，所以換衫，但係點解佢唔同佢換番一套差不多厚的衫呢？我果下真係忍唔住話佢：你自己今日都識著厚衫啦！結果亞仔第二日就氣管炎，病左幾日，從此我唔敢偷懶，朝朝都自己跟番

私人傳訊

wbrenda

禁止訪問

積分: 28450

貓狗褓姆畀面勳章

24^#

發表於 12-1-27 23:10 |只看該作者

提示: 作者被禁止或刪除內容自動屏蔽

私人傳訊

monreve888

男爵府

積分: 9034

23^#

發表於 12-1-27 22:55 |只看該作者

回覆 wbrenda 的帖子

1）細女照係我幫佢沖涼

，刷牙一切個人事都還是我去跟隨及教導；為何？因為佢係我個女，我吾需要出差時，我寧願自己做，因為我係佢媽咪，不想假手於人 :)
2）我細女6歲，我出差時，好多事都由佢自己做，因為佢吾like 比工人見到佢body :) 細女好細個時都已自己沖涼

。

因為我多數8:00先返到家, 回到家先教工人煮送, 已經8:30, 食完飯已經9:15分. 所以要工人幫我個仔6:00沖涼.
其實不是幫我個仔沖涼, 是幫我個仔開水掣, 我個仔自已洗頭, 沖涼. 佢都無幫我個仔刷牙, 是幫我個仔補刷. 我近一個月才叫佢學, 因為我份工有時要返大陸過夜, 如果我老公晚上有野做, 就無人幫個仔補刷. 但一個月來, 佢都搞吾掂.

3）工人只需清楚家務， cook, 湊細女返學放學。
4）大女13歲早上6點45出門，都係我自己同佢出門，個工人只負責cook lunch box 比個大女帶回校吃.

我同你吾同, 其實我同我老公都要比我個仔早出門口, 7:15就走, 呀仔k3, 可以8:00才出門口, 因為老師打電話比我投訴, 所以我才日日遲d返工.

5）工人就係工人，吾好諗佢會交個心你，當然有呢D case，但不多.

6）買餸，還是我自已早上湊左大女後去街市買，因我鐘意自己想食咩就食咩，咩新鮮就買咩cook 咩，吾like 比個工人control我的飲食
我無可能早上去到街市, 吾係比個工人control我飲食, 是我教左佢7個月, 寫左好多menu比佢, 佢都無用到.

7）星六所有課外活動

，都由我自己接送帶，不經工人；因為佢地係我的女兒。

星期六, 所有課外活動, 是我老公帶的, 因為我要返工, 星期三我放假是自已帶呀仔去游泳班的.

最後都係個句，工人係幫頭幫尾，而吾係完完全全交晒比佢自己吾去理。洗手沖廁等。。係個人衛生個人品德，點可以怪在工人身上呢？

問題是我地返左工時, 工人是唯一一個人對住我個仔, 我講左n咁多次, 個仔去完廁所, 如果我個仔吾記得沖廁, 吾記得洗手, 佢就要remind我個仔沖廁, remind個仔洗手(不要幫佢做). 如果我放假, 是我follow up. 我又remind個工人, 出街前要remind我個仔去v v, 才好出去. 但佢好多時都吾記得, 所以個仔急時, 在街v v. 我當然會同我個仔講, 咁樣吾好, 如果工人記得remind佢出去前vv, 就吾會在街vv, 咁我吾怪佢, 吾通怪我自己. (不竟佢只有5歲).

私人傳訊

rosmama

子爵府

積分: 12567

開心吸收勳章最關心BB問題熱投勳章育兒性格勳章我的育兒心得勳章分享愛陪月勳章畀面勳章 BK Milk勳章

22^#

發表於 12-1-27 22:46 |只看該作者

Fanny2012 發表於 12-1-23 22:47
照顧小朋友，始終是媽媽的責任，不要太依頼工人。

我的工人照顧小朋友算是無微不至，但小朋友一病，她就方 ...

很同意, 太依賴工人, 始終對小朋友唔好的樓主改改要工人唔好sms(佢似乎同外面人有聯絡咯)
其他野慢慢來啦

私人傳訊

wbrenda

禁止訪問

積分: 28450

貓狗褓姆畀面勳章

21^#

發表於 12-1-27 20:15 |只看該作者

提示: 作者被禁止或刪除內容自動屏蔽

私人傳訊

Kaw0307

伯爵府

積分: 18872

育兒性格勳章

20^#

發表於 12-1-27 17:55 |只看該作者

Fanny2012 發表於 12-1-23 22:47
照顧小朋友，始終是媽媽的責任，不要太依頼工人。

我的工人照顧小朋友算是無微不至，但小朋友一病，她就方 ...

工人只是幫助, 照顧小朋友始終是媽媽責任, 穿什麽衣服, 吃什麽應該是我們安排, 姐姐幫助執行. 至於陪小朋友玩, 未必个个姐姐鍾意玩, 若姐姐成日陪小朋友玩, 就要接受姐姐做唔到甘多家務啦!

點評

wyllai 同意...照顧小朋友應該係父母責任... 發表於 12-1-29 21:03

私人傳訊

SMFM

男爵府

積分: 8230

19^#

發表於 12-1-27 17:46 |只看該作者

回覆：請教各位媽咪, 我個工人仲有沒有得救?

＂肯聽指示、唔駁咀、唔黑面＂我認為已經係非常好。如果犯齊以上3點，真係貼錢俾我都唔用。

私人傳訊

Lenatsang

大宅

積分: 2719

18^#

發表於 12-1-27 17:33 |只看該作者

始終唔係佢地自己個仔, 緊係無咁上心的, 你所講姐姐不好的事情, 我從來都唔會要姐姐跟, 全部都係自己跟的, 因為我明白, 只有媽媽才會對自己的子女是最細心的

私人傳訊

tai_man

男爵府

積分: 5999

17^#

發表於 12-1-25 00:30 |只看該作者

回覆回覆:Wisdomsfamily的帖子

乜咁似我工人既？我都好苦惱

私人傳訊

555x

大宅

積分: 1328

16^#

發表於 12-1-24 23:27 |只看該作者

回覆：請教各位媽咪, 我個工人仲有沒有得救?

唔好咁大貪，你工人已經好好，如果佢好似你咁，就唔係呢個人工啦。揍仔點都係自己跟穩當，邊個做都係唔合心水

私人傳訊

Wisdomsfamily

複式洋房

積分: 231

15^#

發表於 12-1-24 18:04 |只看該作者

如果樣樣都ok, 算勤力，照顧屋企同兩個小朋友箅係甘只係唔夠細心，出街時啲仔女仲跑得快過佢，如果自己一個照顧啲小朋友走左出馬路就慘啦，我明曰人無十全十美，但如果有時仲黑下面，串下駁下咀，又跟我地同一樣語氣話啲小朋友，食嘢又超麻煩，樣樣都唔食，除飯同印尼撈面之外好多都唔食，喺屋企就無所謂者，出街一齊同佢食嘢就真係好煩，唔唸埋佢又怕餓親佢，唸埋佢有時見到啲唔啱佢食佢個面口又難睇自己就好嬲，佢個人好高級極度偏食，仲高級過我地，俾佢激死左，你地話應該點做？有時真係頂佢唔順，正考慮想炒左佢！但又唸下真係工人難求！煩惱中！我個姐姐來左四個月，剛來時態度好好，一到三個月就甘，已同佢傾過一次偈，第四個月又黎料！