吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 如果老公重兄弟，個兄弟又唔太識做的，你地點做？ ...

夫婦情感今日: 2|主題: 42751

收藏本版

發帖

返回列表

跳至頁

查看: 1774 | 回覆: 27

如果老公重兄弟，個兄弟又唔太識做的，你地點做？ [複製鏈接]

steppenwolf

用戶要求終止服務

積分: 7682

1^#

發表於 12-1-29 08:31 |只看該作者 |正序瀏覽 |打印

我老公好重視D兄弟，D兄弟做乜都奉陪。重朋友係ok、但係佢其中一個兄弟就極唔識做。
我地結婚個晩呢個我老公視若親弟的A，全程wedding planner咁，問題所有野佢都只有佢知，佢自己同酒樓D人傾流程，將之前我同我老公決定左既流程(當然個流程佢無份plan的）改左都係臨時先講俾我同我D姐妺聽。俾人感覺佢好忙好幫得手，但我覺得我無請過你做planner，同埋係做，都唔係臨時先改唒野囉！之前plan的時候，呢位兄弟又未見過人...
婚宴當晩當然個個都無俾新郎飲酒費時佢飲醉。點知呢位A在婚宴結束後，話幫我地拿東西上房，然後我老公話佢幫得手，要搵日請佢食飯時，就話唔駛請食飯了，不過「有點口渴,不如一齊去starbuck坐坐飲杯咖啡，大家man talk下」，然後仲問「阿嫂你唔介意呵？」然後就拉左老公去飲酒，到四五點，我打左N次電話先俾番個貓左的老公我•••咁我婚宴時點解要班兄弟伴郎去擋酒？

然後我基本已同老公講明我好憎佢呢個兄弟，佢呢個兄弟仲不時夜媽媽打來同我老公談心，早幾日仲唔知點解，我地去老公家食開年飯，佢又跟埋一齊去！仲要係遲到Tim!我老公個邊全部親戚一家大細開年飯，都唔明點解佢好意思跟，然後佢遲到當然無理由全世界等佢，大家當然開飯先，食到一半，打電話來叫我老公去接佢，然後全晩就坐係我老公旁邊！
新年後佢換新工有唔習慣，又晚晩同我老公whatsapp同傾電話！
我簡直覺得，好似多左個情敵咁，但衰在我老公又覺得無野喎！

0 0 0

私人傳訊

sfmeow

珍珠宮

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

28^#

發表於 12-3-19 20:41 |只看該作者

steppenwolf 發表於 12-3-19 20:23
香港D剩男真係一個嚴重問題，原來總有一個係左近~

佢地做唔到膽大心細面皮厚, 追唔到女仔.... 可能細個俾人洗腦"有錢就有女人撲"埋黎.... 又唔知只限於超級有錢佬

我地個剩男fd 已經去埋Ya Hoo 有猿人添呀..... 又唔肯執執個樣佢.... 我介紹女仔俾佢識, 佢偏偏要人地工作時間打電話去....

所以事出必有因既.

你地個剩男fd 都係啦, 成日痴住你地, 邊有女仔埋身丫~~~~

私人傳訊

steppenwolf

用戶要求終止服務

積分: 7682

27^#

發表於 12-3-19 20:23 |只看該作者

引用：Quote:steppenwolf+發表於+12-3-19+10:51+

原帖由 sfmeow 於 12-03-19 發表
想當年我c6 個剩男fd 都係咁唔生鏽.....!! 去我親戚屋企做節, 佢話無飯食, 咁我地好好客既, 請埋佢 ...

香港D剩男真係一個嚴重問題，原來總有一個係左近~

私人傳訊

sfmeow

珍珠宮

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

26^#

發表於 12-3-19 20:06 |只看該作者

本帖最後由 sfmeow 於 12-3-19 20:38 編輯

steppenwolf 發表於 12-3-19 10:51
你咪好囉。。。我老公仲要個仔叫佢阿叔喎，話阿a同佢親細佬無分別喎c6同我諗緊移民，想移去星加 ...

想當年我c6 個剩男fd 都係咁唔生鏽.....!!

去我親戚屋企做節, 佢話無飯食, 咁我地好好客既, 請埋佢去啦.... 第二年佢又跟去

去我99 親戚屋企做冬, 佢又話無飯食, 咁99 都好好客既, 又請埋佢去.... 第二年佢仍然跟去

最激氣係條友仔以為自己係VIP, 成日同班fd 唱, 話我地兩個唔慣二人獨處, 要帶埋佢去喎! 嬲到我即刻

我: 你認為咩係拍拖呢~?
c6: 兩個人一齊囉!
我: 咩係朋友聚會呢?
c6: 一班人出黎玩囉!
我: 係囉, 點解我地拍親拖都唔係兩個人既, 莫非你當我係朋友~~??
c6: 你係我女朋友!! 你唔係鍾意熱鬧既咩??
我: 你見唔見我拉我班朋友出黎丫?
c6: 無~~
我: 咁你想唔想繼續同我拍拖呢?
c6: 想!
我: 以後係朋友聚會, 定係拍拖, 你自己揀啦下! 唔該你識做啦!
c6: 好! 得得得~~ 無問題!
以後拍拖真係兩個人過~~~~

其實c6 個fd 係八卦~~~ 佢痴完我地之後, 就痴另一pair 拍拖既朋友.... 人地一男一女獨處一日, 想....

條友仲楝0係度唔肯走

個男仔既新女友已落order 唔准再三人行

條友仔真係好好笑架, 我地買左屋, 條友仔竟然話: 蝦~~ 要開始諗下, 點裝修我地間新屋好呢?

我: (搭佢膊頭) 真係夠老友呀你!

多謝你幫手買屋喎! 喂拿拿臨俾番一百幾十個黎找數啦~~

佢: 哈哈~~ 咪玩啦~~ 我邊有呀!

我: 咩喎, 間屋你有份架嘛~~~~

我預左間房俾你架喇, 拿, 友情價, 1 萬蚊月租, 沖1 次涼20 蚊, 食1 餐飯就100 蚊... 開細10 蚊, 開大要用廁紙30 蚊啦! 如果你用多過6 格廁紙, 收你附加費架bor! 友情價黎架喇, 係唔係好超值呢~~

佢: 嘩... 咁貴~~~~~

我: 咩喎! we are family!! 我地個仔你有份架! 阿仔嗌你UN~~CLE~~ 架!!

UNCLE 幫補下奶粉錢啦!

C6: 係囉! 仲有我地同阿仔同你一齊住, 感受下家庭溫柔呀~~~ 無左你邊成事呀!!

佢: hmmmm 我約左人, 走先!

我: 下次記得開定checque 喎~~

wakakakaa, 呢d 人, 你同佢fd 仲好呀! 笑下佢, 大家都開心! 佢咁鍾意洗碗咪叫佢洗飽佢囉~~ 要多謝佢添呀! "有你0係度真係好呀!! 我唔駛做得咁辛苦~~ c6 可以陪我睇電視啦~~~"

佢咁好人幫你做家務, 你順下佢意啦! 仲要讚佢做得好添喎~~

私人傳訊

canies

翡翠宮

積分: 97120

25^#

發表於 12-3-19 18:03 |只看該作者

引用：Quote:原帖由+fairyfloss+於+12-03-19+發表

原帖由 steppenwolf 於 12-03-19 發表
你咪好囉。。。我老公仲要個仔叫佢阿叔喎，話阿a同佢親細佬無分別喎c6同我諗緊移民，想移去星加 ...

咁鬼好服待，唔係驚老公轉機真係想收佢做細

私人傳訊

ylc1015

公爵府

積分: 27587

熱血金章畀面勳章

24^#

發表於 12-3-19 17:49 |只看該作者

你老公重情義......過籠啫!

私人傳訊

steppenwolf

用戶要求終止服務

積分: 7682

23^#

發表於 12-3-19 10:51 |只看該作者

引用:似基喎，想識女仔只係擋箭牌！我老公都有一

原帖由 fairyfloss 於 12-03-19 發表
似基喎，想識女仔只係擋箭牌！我老公都有一個咁嘅朋友，好彩老公只當佢係一般朋友而唔係兄弟啫！呢位仁兄都 ...

你咪好囉。。。我老公仲要個仔叫佢阿叔喎，話阿a同佢親細佬無分別喎

c6同我諗緊移民，想移去星加坡，佢即刻話佢都有咁既打算。。。不過佢除了同我老公單獨相處外，都會預我一份，例如來我家，佢會入埋廚房幫我老公手，我想入去，就話：「阿嫂，你坐下先啦，我地可以得ga la~」我老公倒瀉野，佢仲快過我去攞地拖抹，又係話：阿嫂，我都有做開家務的，你坐低ok的了。。。究竟呢個係邊個屋企，邊個的主場?！

私人傳訊

steppenwolf

用戶要求終止服務

積分: 7682

22^#

發表於 12-3-19 10:26 |只看該作者

引用:曾經我都遇過呢種「第三者」,我老公個男性

原帖由 A_lcy 於 12-03-19 發表
曾經我都遇過呢種「第三者」,
我老公個男性好友經常性打俾佢, 例如番工前, 番工中, 最恐怖係日日放工都要打 ...

點解d人可以咁痴纏ga...你老公又係覺得無問題?

男人的「友情」真令人費解。。。

私人傳訊

A_lcy

伯爵府

積分: 15750

21^#

發表於 12-3-19 09:46 |只看該作者

曾經我都遇過呢種「第三者」,
我老公個男性好友經常性打俾佢, 例如番工前, 番工中, 最恐怖係日日放工都要打俾我老公, 話自己做到好累, 「報告」佢知依家去邊.:;pppp:
星期五六日例牌叫我老公出去陪佢, 而佢當時係有女朋友, 連我99都忍唔住問「佢唔駛拍拖架咩? 點解個個星期五六都搵你?」
而我地d weekend基本係個個星期都三人行

就算我地買左飛睇戲, 佢都要我地陪佢食個lunch先, 可能個lunch食半個鍾, 因為我地趕入場, 佢都會特登出來跟住番屋企.
如果有陣時我爭取到二人世界, 出去行下, 佢就會平均一個鐘打個電話俾我老公問佢做緊咩, 有咩搞, 講下無聊野, 例如想買相機邊部好, 但佢係知我地兩個一齊緊

你個第三者跟你老公番屋企食飯都未算最離譜, 我個第三者係跟埋我番娘家食飯先黑人憎,
佢仲要拉埋我老公一二邊細細聲傾計, 條友又唔識同陌生人soso...因為實在太多次我老公陪我屋企或我d朋友gathering 中途殺出, 每一個見過佢的人都話佢似電車男/搞基.
就算我試過陪我老公出席佢d中學同學gathering, 依個男性好友都只係會同我老公講野, 其他人問佢十句佢可能答人一兩句, 仲要唔望住人, 係望住我老公答人

好彩, 佢依家結左婚, 就無再咁痴纏

私人傳訊

fairyfloss

男爵府

積分: 9660

20^#

發表於 12-3-19 02:43 |只看該作者

回覆：如果老公重兄弟，個兄弟又唔太識做的，你地點做？

似基喎，想識女仔只係擋箭牌！我老公都有一個咁嘅朋友，好彩老公只當佢係一般朋友而唔係兄弟啫！呢位仁兄都鐘意搵我老公傾電話，但我老公唔鐘意講電話，都係一句起兩句止，佢又定期要同我老公食飯見面，但從冇話叫我一齊，連我老公生日都要補祝，叫佢食飯，但又係要佢哋兩個去。雖則我贊婚後應有自己朋友，但總會有一齊見面聚埋嘅機會，不過呢個朋友一定唔預我，後來越來越過份，有一次要嚟我屋企過夜，話要同我老公傾成晚喎，佢仲問我覚唔覚得佢同我老公好似樣！我頂佢，我老公好man架，佢成個肥基佬咁，我由得佢，但之後嗰日我好嚴正咁同我老公講我好唔鐘意佢同肥基佬來往，我問佢有冇女友，老公話肥基話佢自己唔想受束縛，所以唔拍拖......我話佢一定係鐘意你，老公口講唔會，但睇得出佢都feel到，最重要係老公只當佢係一般朋友，甚至唔係特別啱傾，所以喺我軟硬兼施下疏遠啦肥基佬！