任職文員的淇淇（ 24歲），去年中到日置試做 80元的美容時，不敵職員疲勞轟炸，花一萬元購買脫毛療程，事後她深怕再「送羊入虎口」，寧願浪費金錢也不敢踏足該美容院。
怎料，早前職員以淇淇上次簽賬的信用卡中獎，成功引誘到她：「佢話可以退返千幾蚊畀我，又話幫我將一萬蚊脫毛轉做 facial。我準備出年 1月 4日（即「 1314」一生一世）同男朋友結婚，諗住做 facial整靚塊面，所以先再上去。」
稱裸照用於內部豐胸賽放大圖片
美容師曾答應淇淇簽單後三日，會叫寫字樓替她取消單據，事後卻反口。圖為其中一張收據。
當日傍晚 6時，淇淇到日置位於旺角的分店，美容師 Joan帶她進入一間細房，聲稱以「超筍價」游說她參加三萬多元的面部療程。「我本來唔想再加錢，但畀佢轟炸個幾鐘後，已經好攰好想走，所以應承咗」。
不料對方聲稱不能以一張卡送太多優惠，要求她拿出其他信用卡。當她提供多兩張卡時，另一職員 Money隨即拿走，再進房時不但沒歸還，反而與 Joan一唱一和推銷豐胸療程。
「佢哋兩個喺咁叫我除衫，話療程有內部比賽，要影相做 record，我話唔使豐胸啦，佢哋話淨係影張相！」淇淇敵不住游說脫掉胸圍， Joan即時用 iPhone拍下她上半身裸照。淇淇指事後感到不妥，害怕裸照流出。
淇淇說，兩名女職員拍完照後即開始寫單，她感覺不妙，指自己已是 D cup上圍，毋須再豐胸，拒絕參加療程。「點知 Money攞住一叠單話已經碌咗，我話快啲取消，佢話冇密碼，我話我做過收銀，係四個零，佢話公司用 cctv監察住，唔可以取消」。雙方爭執不下， Joan叫淇淇先簽單，答應三日後會通知寫字樓取消。
做一次性療程拒退款
淇淇信以為真，美容師叫她簽甚麼便照做，頭昏腦脹地連條文亦沒有看清楚，最終被碌爆三張卡，還要用易辦事多付一萬元。事後接獲信用卡公司電話，才得悉總額達 11萬元。
淇淇稱，美容師最高招是即場替她做一次豐胸療程，「佢一步步咁我話已經開咗支藥水，我唔做佢哋好大鑊，分分鐘俾公司炒」。她惟有答應，更強調是一次性，估不到此舉令她完全「入局」。
當晚 10時許，淇淇終於逃出「魔掌」，回想近四小時的疲勞轟炸，越想越不對勁，便到旺角警署報案，但警員指事件不涉及刑事成份。
日置職員三天後告訴她不能退款，因單據已清楚列明不能取消及退款，而且她當晚做了療程，故不相信她在不情願情況下購買療程。「我得 9,000蚊人工，仲要畀 3,000蚊家用，家簽左 11萬卡數，要借高息貸款先還到第一期，之後每個月供 5,000幾蚊，還足三年，一個月得番 1,000蚊用！」淇淇欲哭無淚。 
發表於 
返回列表
