想生BB 今日: 1|主題: 109615

由最初plan生兔b、變龍b……龍b應該無望，掂埋心數等蛇b，咁樣好似無咁大壓力。

一次又一次落空的心情，不用繪影繪聲相信大家會明白，由不緊張變緊張，現在又由緊張變得"麻目"(每次來m好似預料之事)……度日如年日子幾時先可以過去？

我個cycle一向都準，好幾次遲了來m真有過一絲希望，最終當然是空歡喜一場。慶幸自己樂天性格，雖然有時來m會偷偷地喊，但哭過、失望過、唔開心過又展望下一個月，不斷安慰自己比別人好得多，有來m總比兩、三個月才來m一次好，一年叫做有十二次機會呀嘛！(身體無大礙已經好感恩:loveliness:)

等b期間睇過中西醫，花膠湯、黑朱古力、天喜丸、壁高patpat等...，只要係我能力範圍內都試過。

西醫方面兩公婆身體一切正常，另一半的丁丁都不錯，而我定時有排卵(根據體溫表，偶時用紅d check)，有食排卵藥(呢兩個月打孖食)，但不敢講會否係輸卵管問題，準備下個月去驗。
中醫方面睇左好幾個，第一個純為調理，之後未見氣息就轉睇其他…講明係想生bb，「遲醫師」我都有睇過，
一次咁大擺(佢話我睇一次就會有 ，結果咪又係一樣 )。

其實幾位醫師都好好，教我點樣提升機會，又同我講我身子無大礙實好快生到bb，初初聽到真係好開心，唉…...等了又等，心灰灰，家下都無抱咩期望，順其自然(其實呢四個字都講左成年幾)。

綜合各方的分享，世事就咁奇妙，當你用盡一切方法想去得到就偏偏得唔到，反而放棄、放鬆時就容易有，我試過叫自己放鬆，但當要做既時候真係唔容易。

近一年，習慣每個月寫封信給自己，除簡單記錄身體狀況外，最主要係想比個平台自己發泄一下，一來唔想比家人朋友知，無胃要多個人來擔心我，尤其呢兩年身邊多左朋友報喜做媽媽，既羨慕又感壓力，個個成日問住幾時到我？你咁鐘意小朋友就生快d生 (我都好想好想)，就連媽媽都開始追問。

另一方面亦係最主要既原因唔想另一伴難受和感到壓力，我知道係呢段日子裡面，佢承受唔少的壓力，也會不開心，知我心急佢就越擔心我，仲講過無bb都可以，其實我知佢都好鐘意小朋友，係因為我先會咁講。正正係咁，我就更加唔敢將心底話講出來，明明酸溜溜唔開心都扮作若無其事，真係有苦自己知。

事實上我可以點……我仲可以等，但另一半年紀唔細，試多兩三年唔成功都要放棄，再大幾年真係無勇氣生，有心無力累到小朋友。曾經有諗過IUI，成效麻麻，大多數成功過案都係做IVF，不過做IVF又未必一次成功，兩三次說不定，費用不菲，分分鐘花十幾廿萬，坦白講，不過係普通打工仔，負擔不起，即使成功我怕日後無錢買尿片、交學費 >< 。

所以最懷的打算係接受現實，我都明白生兒育女講緣份，「命裡有時終需有，命裡無時莫強求。」一切自有安排。儘管一切不由我們去決定，未確定有其他問題前，還盼機會來找我們。今年年頭去拜龍母娘娘和摸龍床，摸到”添丁發財”，真係好開心，心靈上叫做多個希望，希望龍母娘娘保佑我們今年生返個健康的BB。 其次，望輸卵管暢通無阻，我唔想再浪費金錢睇醫生了。

(不好意思，非常長篇又沉悶的分享，說了出來真係舒服左好多 ^^)