本帖最後由 hkrosetw 於 12-2-29 03:40 編輯
酒可以戒，煙都可以戒。但賭同色好難戒得到，我有個親戚，一生愛賭，同老婆擺酒果日可以賭到最後果秒先出黎，連當年我阿媽同老豆結婚擺酒果日D酒樓錢都拎晒去賭，呢D都係媽媽話我知，更離譜係連姑丈死左殮費都輸埋，佢老婆就係日日等佢改，成日以為佢浪子會回頭，等到佢就死果幾個月，佢先唔賭。
另一個係我老公既親戚，又係賭到幾乎老婆都賣比人咁濟，個女擺滿月，可以最後一秒先出現，仲早過黎飲D人走，就係去賭，幾衰丫，佢老婆幫佢還左廿年債，最衰最衰爭到周街數，仲要係出面有女人，生埋仔，呢D男人唔死都冇用，而家呢?係賭少左，不過幾年又發作一次，又係屋企人幫佢還。
D賭仔多數都賭到入棺材果日就唔賭，就係食又唔捨得食，著又唔捨得著，不過D錢放係賭錢上，叫佢地輸晒全副身家，老婆仔女都賣埋咁濟都唔會肉赤。
你等佢改等到戒等到幾時，同佢分啦，如果2個女都仲真係好細，冇計，唯有離左後申請綜援同公屋，當然唔可以做大食懶，等2個女大小小，睇下可唔可以出返黎做野，靠自己一雙手搵食，貢獻返比社會。
魚說：「你看不見我的淚水，因為我在水中....」 水說：「我能感覺到你的淚，只因妳在我的心中」 ...
發表於 
揾社工幫吓手先,而家有好多機構幫人戒架.
返回列表
