烹飪搵食 今日: 0 | 主題: 139286

積分: 238

1^#

發表於 12-3-12 15:30 |只看該作者 |正序瀏覽 |打印

千祈唔好買雅窗韓國納米雲石鑊，隻鑊用左無耐有開始痴，炒飯的飯得番半粒（因半粒痴左鑊），煎魚柳反完兩面，痴完兩面得番中間食得，即無左一半。打去問代理，個潘小姐話要個個星期做大清洗，即用半鑊水煲滾15分鐘，然後放幾滴洗潔精，用兩隻筷子篤住 3M 易潔鑊百潔布圍住鑊邊打圈擦，唔好息火，一路打圈多 20 分鐘，即係話要煲差不多半個鐘。

我買佢隻鑊果陣個 Promotor 無話周之無日要咁大清洗隻鑊架，浪費煤氣，時間和精力。我係 SOGO 買架，我覺得間公司好唔老實，如果佢一早講明要常常大清洗先唔痴鑊，我一定唔回買。

我係度想講比大家知等你地唔好受騙，聽黃大仙實惠個經理講，佢地有個男顧客買左呢隻鑊，返到屋企無耐又係痴到飛起，個男顧客打電話去雅窗投訴，雅窗叫個男顧客攞番隻鑊去實惠，但已過左7日，實惠唔肯換，攪到個男顧客話要 CALL 的記者去實惠影相。我無呢位先生咁激，只在此奉勸各位千祈千祈唔好買呢隻鑊呀！！真係好激氣！

點評

manicheung

發表於 12-3-13 12:04

0 1 0

私人傳訊

積分: 10773

73^#

發表於 12-3-17 11:42 |只看該作者

Verveine 發表於 12-3-16 18:39
回覆 palapala 的帖子

其實我都好鍾意不锈鋼鑊，外型夠靚，唔怕磨蝕，唔怕生锈，所以我有三個牌子的不锈鋼 ...

唔緊要啦, 只有多賞試有耐性就能掌握技巧架啦.

私人傳訊

積分: 238

72^#

發表於 12-3-16 19:08 |只看該作者

回覆：palapala 的帖子

多謝分享！真係獲益良多！

私人傳訊

Verveine

積分: 8643

71^#

發表於 12-3-16 18:39 |只看該作者

回覆 palapala 的帖子

其實我都好鍾意不锈鋼鑊，外型夠靚，唔怕磨蝕，唔怕生锈，所以我有三個牌子的不锈鋼鑊，Buffalo、Lagostina同 Silga，仲專程上堂學用不锈鋼鑊，明白必須有耐性，等隻鑊熱到見油紋才可放食物。我用不锈鋼鑊煎蛋、煎年糕係可以煎得好好，但炒肉、炒飯同炒粉麵，唔係沾底，就係燒焦，真係要投降。可能我唔係經常親手煮食，實戰經驗唔多，未能好好掌握，真係好羨慕你地可以用不锈鋼鑊用得咁好。

私人傳訊

積分: 10773

70^#

發表於 12-3-16 17:48 |只看該作者

Verveine 發表於 12-3-16 15:20
回覆 pinkyflashy 的帖子

我想買Woll好耐，但因為價錢問題，考慮又考慮，期間就買左好多個唔同種類既鑊， ...

其實唔一定要用呢隻鑊至做到炒飯一粒粒既校果既, 又唔駛一定要快炒, 我初時都係心大心細買隻不锈鋼返屋企, 第一次學人炒飯, 結果.....衰到想死, 心諗唔係化~~果SALES又OK炒到架喎, 乜家陣痴到唔痴嫁, 隻野仲唔係平架喎...唔好玩我啦!!
於是唔順氣走番counter度問, 果男SALES好LIKES咁同我講,佢話好多人用不锈鋼煮野果時都係因為太心急無耐性, 所以煎乜炒乜都痴, 要炒飯就要等隻鑊熱, 落咗飯唔好馬上炒, 等佢一陣就唔會痴架啦...於是我返到去再試, 哈真係唔痴架喎, 仲炒得好靚tim....
仲有以我經驗, 鑊夠熱就可以轉番中火, 唔落油或小小油, 肉有汁都唔會痴既. 咁當然, 唔同牌子既產品都有唔同程度既特別功能, 了解清楚, 問多D, 有耐性D, 平鑊貴鑊都會好好用. 起碼唔駛成日擔心整花同嘥$

私人傳訊

Verveine

積分: 8643

69^#

發表於 12-3-16 15:20 |只看該作者

回覆 pinkyflashy 的帖子

我想買Woll好耐，但因為價錢問題，考慮又考慮，期間就買左好多個唔同種類既鑊，結果就成日都要省鑊。所以真係好後悔唔早D買Woll，慳番好多。

如果可以半價買到Woll，就真係好值得買。全隻鑊係鑄造出來，無化學塗層，用得安心。佢可以少油或無油煮食，我唔識快炒，都可以將冷飯炒到一粒粒，唔再沾左一半飯落不鏽鋼鑊度。隻鑊密度夠高，衡溫力強，所以熱鑊都可以沖凍水。

我用的是28cm平底鑊，但鑊身夠高，可以同時用來做炒鑊，較中式鑊款輕盈，鑊底亦夠厚，導熱效果較好。呢隻鑊係我最滿意的一隻鑊，可惜買番來一個月，阿女已經跌爛左個玻璃蓋，都幾肉痛。

私人傳訊

積分: 238

68^#

發表於 12-3-16 01:35 |只看該作者

回覆 Verveine 的帖子

真心的感謝你 Verveine

的鼓勵！和你咁長而又意義深長的一篇 email！我學到好多野呀！我打中文好慢，所以特別感謝你花時間打了這一篇和我分享你 “鑊” 的心路歷程。
本來我家是有傭人的，而且煮野超好味，所以我這五年來都沒留意鑊呢們學問，直至傭人回鄉後差不多十個月還未找到合適新傭人，所以這段日子由我主理家務，亦開始了我“鑊的尋覓旅程”： BUFFAL？，孖X 牌，MEYE？紐？寶，納米X雲石鑊。真係覺得好敗家，好氣餒，自己好無用，但聽完你一夕話，使我矛塞頓開。

我其實都在做緊 research on 寶迪， Stuab, Le Creuset, Lagostina 和 Woll，找到一些在德國代購 WOLL 而價錢等如在香港買的一半。但正如你想的一樣，一隻 WOLL 仲貴過好幾隻 Tefa? 所以我在鬥爭之中。

你說得很對，技術是一個最主要的問題，所以新手如我還是要找一些易控制的工貝。

其實 WOLL 係咪可以落好少油都唔痴架？仲可以凍水洗熱鑊

如果可以半價買，又好吸引囉．．．．

私人傳訊

Verveine

積分: 8643

67^#

發表於 12-3-15 16:05 |只看該作者

回覆：千祈唔好買雅窗韓國納米雲石鑊

本帖最後由 Verveine 於 12-3-15 18:10 編輯

樓主，唔好氣餒，我都同你一樣，尋尋覓覓，買過十多款唔同物料嘅鑊：五層鑊，不銹鋼鑊，鐵鑊，陽極鑊，扭紋鑊，雲石鑊，陶瓷鑊，易潔鑊等，十幾年來共買近二十隻鑊，至今我終於搵到合適嘅鑊。

我覺得廚藝高手，都會鍾意用鐵鑊或不銹鋼鑊，因為鑊氣夠，又可以大動作兜炒。但油鑊必須要夠熱，食物要完全解凍。我唔識控制火喉，有時不夠熱會沾底，有時又過熱會燒焦，或者凍蛋凍肉影響油鑊溫度，又是沾底。我用的是LAGOSTINA 同Buffalo，都係用得不太理想，所以應該唔關鋼水，係技術問題。

外國常有研究指出，中國人高温油鑊煮食會釋出有害物質，亦會破壞食物養份，所以又不敢燒紅鑊。

以前好怕用易潔鑊，怕甩塗層。但如果能夠完全不沾，就真係只有易潔鑊。其實易潔鑊也有優質的，如果塗層係高溫燒製的，會較堅硬耐用，如果係低溫燒製的，用一兩次已經花哂，一般家品店百餘元以下的就係呢啲貨色。

寶迪同特福都唔錯，但寶迪要買近千元以上先好，可以用兩三年，呢個牌子有一款係二百元左右，只可用幾次，我買過呻笨。相比之下，特福更抵用。

特福嘅塗層唔係杜邦同Telfon，係自家專利物質，據說較安全。我用梗金沙六層系列平底鑊，二百幾蚊，用左一年，仍然完整，用來煎魚炒肉，用極少油，毋須高温炒。急凍肥牛未完全解凍都可以下鑊乾煎，一滴油都唔需要。炒完一樣餸，用濕廚紙抹一抹，又可炒另一味。

我又貪新鮮，買左個Woll大平底鑊，真係非常好用，炒飯，炒米粉，炒年糕好輕鬆，缺點係鑊太重身。隻鑊用左半年多，開始有凹凸紋，但抗沾效果仍然好好。

特福同Woll相比，我覚得易用程度相若，Woll好處係可以熱鑊時用凍水冲洗，特福唔可以。傭姐同阿女較喜歡用特福，因為輕身，清潔方便。經濟角度，一隻Woll等於二十隻特福的價錢，如果擔心甩塗層，即便一年換一隻特福，都化算過買一隻Woll。

總結多年用鑊經驗，廚藝不精，難以一鑊走天涯。我用不銹鋼鑊蒸餸，炒蔬菜同炒有殼海鮮，用易潔鑊煎炒肉類，比較得心應手。

點評

uice1108 thx! 發表於 12-3-18 22:49

fitfish agree 發表於 12-3-15 16:20

私人傳訊

積分: 238

66^#

發表於 12-3-15 14:24 |只看該作者

回覆：Sharon886 的帖子

會唔會係的剛水唔靚呢？不過都已經係Buffal? 架啦！

私人傳訊

積分: 238

65^#

發表於 12-3-15 14:05 |只看該作者

回覆：喜力的帖子

特福邊隻好？佢有好多欵架喎？

私人傳訊

Sharon886

積分: 5817

64^#

發表於 12-3-15 14:00 |只看該作者

回覆：pinkyflashy 的帖子

洗既時候唔好「炸」一聲放係水喉下面沖，加d熱水用百潔布洗兩洗就乾淨晒！

再唔係加d水燒返熱d隻鑊先洗就得。

總之想隻鑊靚仔就幾時都係燒熱佢熱水洗就得，學識咗就連其他不銹鋼餐具都係咁洗。

我有幾隻不銹鋼匙仔既千年污潰都係咁既方法搞掂

私人傳訊

喜力

禁止訪問

積分: 399

63^#

發表於 12-3-15 13:36 |只看該作者

提示: 作者被禁止或刪除內容自動屏蔽

私人傳訊

積分: 238

62^#

發表於 12-3-15 13:31 |只看該作者

回覆：palapala 的帖子

我用大火煎三文魚，想封著的肉汁，的魚脆不過個鑊就啡晒！㷛完小小醋加梳打粉都要好大力用潔x亮先省得甩的啡控

私人傳訊

積分: 238

61^#

發表於 12-3-15 13:25 |只看該作者

回覆：Sharon886 的帖子

真係用鑊都個個有心路歷程架

點解你地冇啡色果的控既？我唔用潔X亮真係省唔到喎？！我都有五層Buffal? 不過打左入冷宮，因為唔想次次省餐死

私人傳訊

Sharon886

積分: 5817

60^#

發表於 12-3-15 11:47 |只看該作者

回覆：pinkyflashy 的帖子

我都用過好多種鑊，細個用生鐵鑊，好用但好重要開鑊養鑊可以粗用，之後興用易潔鑊易洗但唔可以粗用，早幾年阿蘇介紹用黑金剛好用但唔知佢個面整咗咩來達到易潔效果，為咗小朋友又搵鑊，上年見到雅窗牌呢隻鑊以為ok啦點知又中計，最後「的」起心肝睇forum，好多人話不銹鋼鑊好用又俾心機search....

最後而家轉晒用不銹鋼鑊，兩隻鑊加埋唔洗一隻金牛，一隻係百X換既美X鑊，初初入門學用而買既，勝在夠深炒多d菜都唔會飛出來，另一隻Buffalx係一田減價買既唔洗$500

用鑊就中大火燒熱隻鑊，凍鑊熱鑊落油都冇問題最緊要隻鑊夠熱，見油有油變少少煙就得

至於洗鑊，兩隻都一樣，鑊熱熱水百潔布洗就好易洗唔洗省

私人傳訊

積分: 10773

59^#

發表於 12-3-15 11:46 |只看該作者

pinkyflashy 發表於 12-3-15 11:33
我煎完魚隻X人牌不秀剛煎 PAN 真係好難洗，佢無痴底架，不過就有啡色“控”。老公上網見人用白醋加梳打粉煲 ...

嘩~~三文魚已經有好多油, 唔駛落油喇, 就算落小小都夠啦, 要用百潔布+洗潔精大力D打圈省啦, 唔會有"控" 架喎, 不過我隻X人牌到依家都仲係銀白色立立令架喎, SOFAR隻美X煎PAN側面差小小, 平面部份都係立立令嫁, 唔駛用其他野省嫁. 前2日我至用佢煎豬扖燶咁tim, 一省就OK喇. 你試下洗前放D水開火燒燒個PAN至洗啦. 應該無問題架喎

私人傳訊

積分: 238

58^#

發表於 12-3-15 11:33 |只看該作者

我煎完魚隻X人牌不秀剛煎 PAN 真係好難洗，佢無痴底架，不過就有啡色“控”。老公上網見人用白醋加梳打粉煲一陣，佢又試，點知最後都係要用番潔X亮省的啡色先得。其實我只係想有個鑊可以用好少油來煎三文魚，餃子和抄飯姐．．．

私人傳訊