自由講場 今日: 183 | 主題: 1360857

積分: 16293

BK Milk勳章

1^#

發表於 12-3-18 04:03 |只看該作者 |正序瀏覽 |打印

話說BB就黎出世，咁我哋兩公婆就都想比BB最好既嘢，但C6人工唔多，遲D又要擺百日宴，咁咪唯有死慳死抵咁儲錢，唔想話令6299失望又拎錢出黎擺酒，雖然係佢哋兩老話要擺，咁我同C6都無可能要老人家比！

咁今日就去咗旺角度聽迪X尼美語世界既介紹，一套嘢要成幾萬蚊，有能力我就梗係買比BB！咁上去前我已經同個職員講明未必會買，佢就係咁話唔緊要上咗黎聽先啦！之後可以慢慢考慮！

咁樣就中伏………

上咗去之後，就梗係好咁介紹D嘢，不過個職員仲有一個助手，係後生女黎既…想幫個職員拎嘢，點知比個職員用一種兇狠既眼神叫個女仔唔好陏佢D嘢，但之後又話個女仔唔幫手執嘢

不過無惹到我都唔關我事！

但講完成套教材既用法，都用咗差唔多成個鐘！最後講到價錢，佢就話到套六萬幾，一套四萬幾！話知我哋無能力，可以買套四萬幾，逐個月供都得，咁我見個價錢月供二千，但哋信用卡又未批，又儲緊錢，我咪話要返去計吓條數，考慮吓先！

(乜我咁講有問題咩？)之後個職員就已黑黑哋面，問我究竟考慮D乜？我咪答佢，屋企老人家知都會覺得"哂"錢，同埋我哋出去租屋住，已經好大皮費，即使要買都要計過條數先！(我最唔鍾意佢咁講)職員又話，你哋唔想比BB最好既嘢咩？每日慳四十蚊已經可以幫BB買咗佢(我心諗，我同C6已經慳到一日唔可以用超過八十蚊，再慳多四十蚊，真係飯都唔使開)佢又繼續講，唔通你哋想BB將來似你哋咁，搵錢唔多！連英文都唔識講！(我當時塊面已經黑哂！)老人家你哋又唔係一齊住，況且有好多人用完，初頭老人家係反對，之後都好贊成，因為有效果！所以媽咪你仲考慮D乜呢？你依家七個月係胎教既好時機，你都想你小朋友早D識講英文！
之後我已經無心機聽落去，因為我覺得佢講嘢唔尊重人，況且佢仲要一句話，不如同你哋落咗訂先，訂住一套先！我由頭到尾都無話一定買，點解佢好似係度焗我買，我咪黑住面咁話唔洗，我要返去考慮吓！佢又一大堆廢話，

我再話考慮咗三次佢先肯放過我！仲話落訂唔洗信用卡，可以用EPS比，遲D轉返信用卡！

點解我比我覺得佢焗我買？唔買就D說話咁難聽？

一早同佢講咗未必會買，佢又話唔緊要，你估我好想係粉嶺撲出黎聽你講呀？我慳返車錢留係屋企唔好，我已經慳到唔買衫同化妝品護膚品，星期六，日又唔出去！屋企煮嘢食！慳埋有凸少少錢先出街食餐好少少！

真係好憎人哋話，唔通似你哋咁呀？

哩句嘢咩意思，窮人又點呀？我哋又無拎綜緩，我哋靠自己，我哋都有尊嚴架！唔通用完識飛咩，我有能力我夠想比BB最好既嘢啦！人哋唔買，你就講哩D說話，最無教養既人係佢先岩呀！

即使要買，我都唔會搵第二個人買，九個字講教材，一個鐘連三個字係說服人買，聽到都煩！

點評

kawai120 sad 發表於 12-3-18 23:25

肥妹心

發表於 12-3-18 13:53

hoiching930

發表於 12-3-18 11:15

manicheung

發表於 12-3-18 09:58

0 1 0

每天在家安胎...生活苦悶！但亦為迎接小新命的來臨而感到興奮和緊張！雖然生活苦悶，但有丈夫疼鍚和愛護。是我感到最幸褔的！

私人傳訊

anna_my_baby

積分: 44373

110^#

發表於 12-3-19 06:24 |只看該作者

佢講野都唔經大腦！趕客咩！

輸入搜索內容

私人傳訊

積分: 16293

BK Milk勳章

109^#

發表於 12-3-19 06:20 |只看該作者

回覆回覆:LL1999的帖子

我平時都唔聽D sales電話，今次真係對套嘢有興趣，但佢既態度

不過依家買第二D，都好過買套嘢！

每天在家安胎...生活苦悶！但亦為迎接小新命的來臨而感到興奮和緊張！雖然生活苦悶，但有丈夫疼鍚和愛護。是我感到最幸褔的！

私人傳訊

tiffany811

積分: 7444

108^#

發表於 12-3-19 00:55 |只看該作者

回覆：CandyBaby830 的帖子

咁衰！哩d人唔洗同佢客氣，一句唔買咪唔買囉，吹咩？:;pppp:

私人傳訊

LL1999

積分: 35418

牛年勳章 HiPP勳章(1) 2018母親節勳章 2018復活節勳章開心吸收勳章育兒性格勳章我的育兒心得勳章 hashtag影視迷勳章叻叻勳章 wyeth冷知識勳章畀面勳章 BK Milk勳章

107^#

發表於 12-3-19 00:33 |只看該作者

CandyBaby830 發表於 12-3-18 04:03
話說BB就黎出世，咁我哋兩公婆就都想比BB最好既嘢，但C6人工唔多，遲D又要擺百日宴，咁咪唯有死慳死抵咁儲 ...

其實呢間野個 sale 都成日打電話比我, 叫我上去, 我話唔得閒, 佢又話上我屋企介紹呢套野!

我都費事睬佢,

佢打咗 n 次黎, 最後果次, 我叫佢唔好再打黎, 我唔得閒, 我有需要先找她

跟住佢無再揾我 lu

私人傳訊

cyhin

積分: 8482

106^#

發表於 12-3-19 00:22 |只看該作者

回覆：今日真係焗氣！(純粹呻吓)

呢間野真係好煩！我曾經欏個佢地d資料！留過電話！之後我座月時係甘打來約上門介紹d產品！痴痴地！有時夜晚8:00幾打來！我最後話唔會買你d野！我話太貴了！叫（寰宇）

點評

LL1999 yes, 我都有同樣經歷發表於 12-3-19 00:34

私人傳訊

hiphopmama

積分: 18013

開心吸收勳章 Xmas吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章 DHA勳章畀面勳章 BK Milk勳章 hashtag影視迷勳章

105^#

發表於 12-3-18 23:54 |只看該作者

話時話呢間嘢D "sell屎＂真係好煩，我問過一次之後就耐唔耐打來叫我買，一追債咁，欠你嘅咩？

私人傳訊

積分: 16293

BK Milk勳章

104^#

發表於 12-3-18 23:48 |只看該作者

回覆回覆:mixmos的帖子

你講得岩，可能自己雖然中五畢業，但英文係超渣！中文就自問還好！所以好驚小朋友英文唔好，不過依家諗通咗，最緊要係小朋友開心成長同健康

每天在家安胎...生活苦悶！但亦為迎接小新命的來臨而感到興奮和緊張！雖然生活苦悶，但有丈夫疼鍚和愛護。是我感到最幸褔的！

私人傳訊

mixmos

積分: 8366

103^#

發表於 12-3-18 23:40 |只看該作者

回覆：今日真係焗氣！(純粹呻吓)

我都遇過XXX美語的推銷員，我已經表明唔買，佢都唔放人。最後迫我出口講：作為一個中國人，學好中文才是正道。

冬天的味道

私人傳訊

muimuizhe

公爵府

積分: 26458

102^#

發表於 12-3-18 23:24 |只看該作者

口不擇言,買都唔好揾佢

快樂擁抱我！

私人傳訊

JJMumMum

積分: 17320

最關心BB問題熱投勳章認識瑞士牛牛第三回認識瑞士牛牛第二回認識瑞士牛牛第一回畀面勳章 wyeth冷知識勳章環保接龍勳章 BK Milk勳章月餅勳章育兒性格勳章

101^#

發表於 12-3-18 23:23 |只看該作者

要出去??我嗰個係上門介紹架wor~~

叫我出去一定唔會lor~~

風雨同路

私人傳訊

alicewanc

子爵府

積分: 13984

100^#

發表於 12-3-18 23:22 |只看該作者

回覆：今日真係焗氣！(純粹呻吓)

唔好理呢d衰人！搞到自己唔開心

私人傳訊

styh

積分: 9978

99^#

發表於 12-3-18 23:15 |只看該作者

呢個Sales個腦生在patpat度,明知我搵錢唔多,你又sale我買!痴線!

私人傳訊

積分: 16293

BK Milk勳章

98^#

發表於 12-3-18 23:03 |只看該作者

回覆回覆:moonychan的帖子

多謝各位呀！可能佢見我同C6都細個呱！真係要學吓拒絕人先得！

每天在家安胎...生活苦悶！但亦為迎接小新命的來臨而感到興奮和緊張！雖然生活苦悶，但有丈夫疼鍚和愛護。是我感到最幸褔的！

私人傳訊

moonychan

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

97^#

發表於 12-3-18 22:58 |只看該作者

回覆：今日真係焗氣！(純粹呻吓)

佢地咬住＂你想比最好嘅 BB" , 所以呢，有心睇／買都唔洗咁坦白講曬自己嘅私事出來，經一事長一智！

私人傳訊

newbiee

積分: 45787

好媽媽勳章

96^#

發表於 12-3-18 22:57 |只看該作者

CandyBaby830 發表於 12-3-18 05:11
去完洗手間就瞓唔返啦！之後反覆咁記得哩件事，就瞓唔返！始終我C6係男人，唔想令C6覺得自己無用 ...

唔好為左個D小人咁激氣, 會影響BB架.其實BB最需要嘅係父母陪伴, 以前無咁多什麼教材, 好多人一樣可以好出色.
但你睇而家D人生活水平高左, 語文/道德水平反而下降.

父母嘅愛同教導先係最珍貴同重要.

私人傳訊

radish

大宅

積分: 4439

95^#

發表於 12-3-18 22:55 |只看該作者

回覆：今日真係焗氣！(純粹呻吓)

講真我好唔明解呢套嘢重有人買，成套嘢又貴，又老土，公仔唔吸引，內容泛味。我有個朋友買咗，佢借比我用，最記得有套sing a long，嘩，真係悶到我睇咗都又瞓噃。套嘢無update過咁多年，又令小朋友好細個中哂廸士尼毒，市面上好嘅教材好多，我覺得唔好話幾萬，幾千我都唔要。

私人傳訊

yuyu1219

大宅

積分: 2774

94^#

發表於 12-3-18 22:45 |只看該作者

引用：Quote:原帖由+vmc+於+12-03-18+發表大肚婆

原帖由 CandyBaby830 於 12-03-18 發表
去完洗手間就瞓唔返啦！之後反覆咁記得哩件事，就瞓唔返！始終我C6係男人，唔想令C6覺得自己無用 ...

唔使理佢地啦！佢英文咁好又點？個人冇品先至慘！
咩嘢先係最好？見仁見智！你地0鍚BB已經係最好啦！

私人傳訊

chowqv

水晶宮

積分: 67602

wyeth冷知識勳章畀面勳章大廚勳章

93^#

發表於 12-3-18 21:57 |只看該作者

樓主你個b都未出世，唔使買呢d野住啦。

不知所謂的乙陸！！！

私人傳訊