基督家庭 今日: 0 | 主題: 9939

積分: 13670

wyeth冷知識勳章好媽媽勳章畀面勳章 BK Milk勳章

1^#

發表於 12-3-23 10:44 |只看該作者 |正序瀏覽 |打印

本帖最後由 ManPL 於 12-8-3 11:43 編輯

到今日為止, 先生仍然抑鬱+焦慮+驚恐, 但情況比早幾個月好轉了一點, (我估好了10-15%)
但仍未算正常, 仍怕與人接觸, 當然仲係失緊業啦, 哈哈~ (仲笑得出就知我輕鬆了一點~)

好多謝神比我力量, 好多謝主耶穌幫我分擔重擔, 我知我都仲係處於好大壓力(精神/經濟)下, 但我會努力, 我知神在看顧我, 雖然我唔係事事順境, 但我都想D 比正能量大家, 又想多謝之前鼓勵我的人,
重要多謝阿仔(2.5歲), 有日我返左工, 佢打電話比我(用回撥功能)
第一句就同我講:" 媽媽, 耶穌係度!" ,
我答佢:" 哦?......... 係呀, 你唔使驚, 耶穌好錫你架, 知嗎?",
佢答:" 知, 耶穌走左啦!"
我答佢:" 哦,......... 咁你玩玩具啦!"-----> 咁就收左線
我唔肯定同否定阿仔係咪真係見到耶穌, 但我信佢係我身邊, 呢個電話比我既感覺係叫我放心返工, 耶穌會代我分憂. 感謝主!

發表於 12-3-23 10:44－－－－－－－－－－－－－－－
首先感謝神比我有勇氣支撐這個家, 感謝耶穌基督比我可以同神再次聯繫.

我的先生抑鬱+焦慮+驚恐, 已吃了十年藥, 病情一直尚算受控, 但bb 2年前出世開始情況就每況越下,
開始時常常說唔舒服(講唔出係咩唔舒服), 叫佢睇醫生又話食完醫生(普通科)的藥更辛苦,
一直係度捱到個病嚴重了, 多了很多病徵才肯去睇, 一睇就要成個星期先好返,
好返一個星期左右, 又開始話唔舒服(又講唔出咩唔舒服), 呢個循環不斷發生,
而且持續既時間越黎越耐, 於半年前開始已請假冇返工, 請假3個月後份工都冇埋,
政府d 藥轉左幾次都冇好轉仲差左, 自己同時找私家醫生睇(好貴但我都想佢睇, 希望快d 好)
而家少不免都唔出街, 唔想搵工, 晚晚一個人睇電視, 搞個魚缸野,
日日係屋企朝早先瞓, 下午4-5點先起身, bb 由奶奶湊, 我就返工,
我回家後煮晚飯, 掃地/拖地, 沖好涼後已好累了, 陪仔仔玩時佢又唔參與,
每次都係我叫仔仔撩佢玩, 但大多數佢都膚顯仔仔, 如:「係喎, 好叻喎, 返媽媽度玩啦!」
只有少數時間係會同我地一齊玩, 我好珍惜呢d 時間, 其實佢好錫我同個仔,
但係唔知點解真係乜都冇動力去做, 佢唔係信徒, 但我有時同佢講神既道理, 聖經故事, 佢明白架,
佢話佢知道有個主宰, 但唔知係邊個, 冇動力令佢相信, 當我話可能係我唔太識表達佢知,
佢又話唔係, 佢話見到我真係覺得我好有動力, d 動力唔知係邊度黎,
一個女人仔點解可以做到咁多野(其實我覺得佢講既野又唔係咩特別野, 只係响佢眼中係好神奇),
佢想學但真係冇動力, 我話佢知係神比力量我, 但我都唔知再點解釋佢知,
由於我都冇固定返教會既習慣, 我都好難勸佢返, 唯有叫佢拎本聖經自己睇下,
我話我都有上網睇, 大家一齊睇, 但佢真係寧願上forum都唔會去睇, 佢話好難明, 都唔知講乜,
我既認識又唔深, 表達能力又唔太好, 有時比佢反駁到我都唔知講乜好,
最近自己剛病了一個星期, 收入大減(我係日薪的), 個個感覺真係好大壓力.
我唔係埋怨先生(雖然佢既問題都係一個因素), 但佢都係一個需要人幫助既人, 我唔會放棄佢,
但我都有情緒, 有壓力, 我唔會向佢宣洩(咁間唔中都有發盧騷既), 我愛神, 我愛佢, 但我壓力真的很大.

我是信神一直看顧我的, 我對神的信心沒有動搖, 但生活壓力真的令我喘不過氣,
我好迷惘, 我想知神想我點行, 我一定會跟隨, 我明白呢個係要自己感受, 但我呢刻未感受到, 所以真係好迷惘.

我上星期曾經打過電話比傳道人, 但剛巧沒有空接, 到佢打返比我時我又聽唔到, 直到今天都未有機會找她傾談(因為我知一講要講好耐), 感謝神賜我工作, 及工作不忙碌可以在這舒發一下, 希望可以找到點點指引~.

有點長, 謝謝收看!

0 0 0

私人傳訊

積分: 13670

wyeth冷知識勳章好媽媽勳章畀面勳章 BK Milk勳章

27^#

發表於 12-8-14 11:15 |只看該作者

其實我很愛我的先生呀, 想他盡快開心地投入生活, 不要再鬱鬱悶悶, 我一個人的力量很小很小, 但我願意為佢付出全部或更多, 不想和人比較幸福, 只想用盡力去幫佢. 信不信神是他的個人意志, 但我會身體力行去話佢知, 信神的我可以做到不是因為我的力量很強, 而是神的力量很強, 愛的力量可以幫助他, 接不接受由他決定.

我自己對神認識唔深(唔熟聖經,好慚愧), 但我心內有種莫名其妙的 "信",
即係咩?? 我都唔知, 總之就係"信" 咁簡單.

就似:
你信唔信1+1 = 2 ?--> 我信
但有人唔信, 千方百計找方法証明 1+1 =/= 2

我唔係神學/歷史/科學專家, 只係一個平凡又冇一技之長既C9仔, 冇能力去証明專家講既野係岩定唔岩, 有的只有一顆簡簡單單對神的信心.

好多謝大家比我的意見同幫我禱告, 我信我會有一天到終點, 就算終點不在我有生之年都冇問題, 神比左咁溫暖既愛包圍我過一世已經好開心. 只希望減減壓, 比我回下氣..

私人傳訊

積分: 13670

wyeth冷知識勳章好媽媽勳章畀面勳章 BK Milk勳章

26^#

發表於 12-8-14 10:37 |只看該作者

smallfoothk 發表於 12-8-14 09:22
回覆 ManPL 的帖子

先我不是教友,但一家人有什麽不能解决,錢帶不走,姻緣是三世緣,我都有情緒病是正常,邊果 ...

我已經向好處想了, 謝謝你, 只是壓力仍是太大, 要做的已經盡了力去做, 只想借一個POST的小小位置舒發一下.

私人傳訊

smallfoothk

積分: 9268

25^#

發表於 12-8-14 09:22 |只看該作者

回覆 ManPL 的帖子

先我不是教友,但一家人有什麽不能解决,錢帶不走,姻緣是三世緣,我都有情緒病是正常,邊果敢話自己是正常呢......向好方向想可以,你是幸福的,比你差有很多人

私人傳訊

積分: 13670

wyeth冷知識勳章好媽媽勳章畀面勳章 BK Milk勳章

24^#

發表於 12-8-14 09:13 |只看該作者

smallfoothk 發表於 12-8-14 08:44
回覆 ManPL 的帖子

其實香港3分之一都有不同程度病,你不用太擔心,放開D.如冇工作可做part time job,地鐵派 ...

THANKS~

我己經放得好開了, 始終都係經濟壓力太大, 一個人牚住頭家, 返到屋企仲要煮飯打掃, 佢D 情緒病發時又要去探索下咩事再開解佢, 有時我都頂唔住, 唔出聲唔理佢了(我都有情緒架麻), 不過我好感謝神, 佢令我可以每晚可以安心地極快瞓著, 明天又有能量重新再努力!

私人傳訊

smallfoothk

積分: 9268

23^#

發表於 12-8-14 08:44 |只看該作者

回覆 ManPL 的帖子

其實香港3分之一都有不同程度病,你不用太擔心,放開D.如冇工作可做part time job,地鐵派報紙有$3x一小時,還有時間照顧home....要向好方向看

私人傳訊

積分: 13670

wyeth冷知識勳章好媽媽勳章畀面勳章 BK Milk勳章

22^#

發表於 12-8-13 12:42 |只看該作者

多謝各位既支持呀!! 我會同神多D傾下計, 好多重擔, 要減減壓~

私人傳訊

ndw

積分: 13825

21^#

發表於 12-8-13 12:08 |只看該作者

ManPL 發表於 12-8-6 09:47
謝謝你, 我諗佢唔會自己拎出黎睇, 連睇報紙都精神集中唔到, 我會自己睇左先, 抽一段出黎比佢睇, 佢自己連睇 ...

我不覺得誇張，我信你說的情況。辛苦你了！我為你和你一家禱告。希望有日你丈夫能靠著信神的話從憂慮的心境脫出來，以主所賜的平安填滿心靈。

私人傳訊

happytangcnine

大宅

積分: 1197

20^#

發表於 12-8-11 00:43 |只看該作者

回覆：家人的抑鬱+焦慮+驚恐, 令我好大壓力

妳好！我很明白家人有情緒病的壓力，因我的家人是有這情况的。這壓力是外人沒法理解的，直的感到喘不過氣，看不到明天的感覺。很無助很無助，每天睡醒起來的感覺並不是一天的開始，而是：又要繼續默默承受痛苦。只有不斷禱告讓自己心靈上加一點安穩的感覺。
治療情緒病的日子是好漫長的，但是只要積極治療和有信心，一定可以重過快樂的日子。
不嫌我長氣的話，我可以將我經歷的一切和你分享。

私人傳訊

narumi00

大宅

積分: 1394

19^#

發表於 12-8-8 23:55 |只看該作者

回覆：家人的抑鬱+焦慮+驚恐, 令我好大壓力

加油

私人傳訊

boaangel

伯爵府

積分: 15158

18^#

發表於 12-8-6 10:15 |只看該作者

回覆：家人的抑鬱+焦慮+驚恐, 令我好大壓力

禱告！禱告再禱告！要請他一起禱告，開聲禱告。交托給主耶穌，祂必帶領、加力。但同時要找專科醫生，吃一些藥，漫漫會穩定的！你也要有信心、盼望！主是無所不能的，只是祂有祂的時間表，但祂所容許的事，絕對是為祂的兒女最好的！你要加油啊！為你們禱告！

私人傳訊

積分: 13670

wyeth冷知識勳章好媽媽勳章畀面勳章 BK Milk勳章

17^#

發表於 12-8-6 09:47 |只看該作者

ndw 發表於 12-8-5 08:07
回覆 ManPL 的帖子

你叫你先生讀約翰福音啦。若他提什麼問題也好，若你暫時沒有答案，有挑戰他讀聖經，我 ...

謝謝你, 我諗佢唔會自己拎出黎睇, 連睇報紙都精神集中唔到, 我會自己睇左先, 抽一段出黎比佢睇, 佢自己連睇有興趣的書都覺得有壓力(太焦慮了), --> 正常人可能覺得我講得太誇張, 但呢個真係事實, 食左呢D藥個人既反應係好慢～　我會努力～　謝謝～

私人傳訊

ndw

積分: 13825

16^#

發表於 12-8-5 08:07 |只看該作者

本帖最後由 ndw 於 12-8-5 08:09 編輯

回覆 ManPL 的帖子

你叫你先生讀約翰福音啦。若他提什麼問題也好，若你暫時沒有答案，有挑戰他讀聖經，我認識一對夫婦，做丈夫的對真神的表現也雷同你丈夫。連他失業時的生活也和你丈夫一摸一樣。我就挑戰他與我一起讀聖經。結果就測試出他那時到底是真心想從讀聖經（神的話語）來認識神與否。結果，做妻子的原意與我定時定後一起讀約翰福音。這也是好的，因為做如此丈夫的妻子真的很辛苦，很大壓力。真的很需要神的話語來支撐。
我家的收入雖然也靠我一份人工來維持，但我有個很愛神很愛讀聖經的丈夫，所以我明我生活上的辛苦和壓力來的渠道與你們的不同。起碼我不用為丈夫的得救而日日心切。或會自殺而要做輔導的工。
你留意下丈夫有否有自殺傾向？我那友人，做丈夫的失業一整年後就同我表明他有自殺傾向。我在他失業時花了許多時間和他煲電話粥，聽他呻，同時揾機會向他述說我和我老公與神同行的生活見證。
後來那想自殺的丈夫說：我以為我的生活患難，倒霉，原來比起你的，我的真系小毛見大毛，我真系唔應該想死。
在事後，我告訴他老婆知他失業時曾經有自殺傾向。他妻子說：他時不時就話想死嫁啦，我先唔當真。
我都唔知系咪，不過這關乎人命，我也不想掉以輕心。

私人傳訊

ndw

積分: 13825

15^#

發表於 12-8-5 07:23 |只看該作者

本帖最後由 ndw 於 12-8-5 07:32 編輯

回覆 ManPL 的帖子

“、、、佢答:" 知, 耶穌走左啦!" 、、、”

小朋友真系好可愛。若果我個女如此說，我真系好想講D野另個女明白只要我地願意同耶穌一起，耶穌系唔會自己走左去唔理我地既。但如果我如此說，小孩子未必會明白。

啊！如此說吧：你無趕走耶穌，耶穌唔會走嫁，耶穌入左你個心中嘛。

講開耶穌在我心中這概念，我有一友人話我知她的小孩子得這概念後，有次他趴在家裡地板上禱告時突然說：oh no, 我壓住耶穌添！

私人傳訊

gogoblue

侯爵府

積分: 24288

好媽媽勳章畀面勳章親子達人勳章

14^#

發表於 12-8-3 13:02 |只看該作者

回覆：家人的抑鬱+焦慮+驚恐, 令我好大壓力

你一定要相主，將自己交托比佢，主一定會帶領我們走出困境，我都會一樣！求主與我們同在！

私人傳訊

積分: 13670

wyeth冷知識勳章好媽媽勳章畀面勳章 BK Milk勳章

13^#

發表於 12-8-3 11:44 |只看該作者

我們可以讓神替我們分擔壓力!

私人傳訊

積分: 13670

wyeth冷知識勳章好媽媽勳章畀面勳章 BK Milk勳章

12^#

發表於 12-3-27 12:45 |只看該作者

朱寶媽媽發表於 12-3-27 10:58
記得兩年前我有產後抑鬱時都得到你的鼓勵,加油,願主祝褔你和你的家人,特別是你先生 ...

多謝你呀! 我會努力!

頭先睇左個網其中一句, 好感動呀, 眼濕濕, 當自己無助既時候要記得神會替我分擔壓力!! 我覺得你地每一位都係神派來鼓勵我的, 好多謝神, 好多謝你地!

" 求主常幫助我們認定一個真理：就是神能幫助我們擔這
從人而來的壓力，祂能幫助摩西，也必能幫助你。我們可以
讓神替我們分擔壓力。"

私人傳訊

朱寶媽媽

積分: 7891

11^#

發表於 12-3-27 10:58 |只看該作者

記得兩年前我有產後抑鬱時都得到你的鼓勵,加油,願主祝褔你和你的家人,特別是你先生

私人傳訊

funpucca