夫婦情感

跳至

首頁

尾頁
   0


複式洋房

積分: 199


1#
發表於 12-3-24 18:28 |只看該作者
佢上網,我睇電視。

唔會行街shopping,每星期必約佢d朋友睇波。唔會陪吓我
係咪十年感情就會噤?



點評

Melbabi    發表於 12-3-27 14:27
wong191  x 2  發表於 12-3-25 21:50


子爵府

積分: 12100


50#
發表於 12-4-11 23:38 |只看該作者
拍拖同居既時候,我地都有呢個問題,佢掛住打機,因為online game,儲夠人一齊打怪獸,所以一打的話就連阿媽姓乜都唔記得,天昏地暗,話走開左唔夠人打怪獸就會輸會累街坊。我都有一段時間不停投訴,後來都費事理佢。佢在書房打機,我咪入睡房霸住書枱做自己野囉。

之後我發現如果佢工作壓力比較大個段時間,打機會幫到佢,因為佢唔想講野,或者俾負能量我,咁咪算囉。

之後都有改善,佢會打到咁上下就自動入房訓覺,或者走入睡房陪下我跟住先再出去打機。

而家我都習慣左各有各既私人空間,總之佢記得定時定候搵下我,到咁上下會入房訓覺,我都唔會理佢。

我樂得清靜,或者咁樣佢會有自覺性,嘈就反而傷感情。


子爵府

積分: 12418

我的育兒心得勳章 陪月勳章 BK猜猜猜慶中秋


49#
發表於 12-4-11 18:04 |只看該作者
回覆 MonsterBear 的帖子

唉,D男人比attention佢又話太多, 唔比又話唔理佢!
咁不如你就咁好鬼理佢啦!唔好等佢以爲自己好巴閉!


子爵府

積分: 11716


48#
發表於 12-4-11 17:43 |只看該作者

同老公係屋企各有各,冇野講

我地偶爾都會咁,尤其返工返學,真係攰到講句野都懶,我會趁訓著前同佢傾計,一齊食飯又傾計,講兩句都好。佢打機我就訓係佢大比睇佢打,多手又搶黎玩陣,大家有多啲話題。行街佢真係唔中意,得閒踩下單車放下狗,冇咩物質都好開心充實。
佢有一排又係唔同我一齊訓,成日話有野做叫我訓先,我扁晒咀咁話唔一齊訓感情會淡架,佢話係架咩,之後都盡量同我一齊上床。
同佢傾下,嗲下,有轉機架





子爵府

積分: 13594

牛年勳章 BK Milk勳章


47#
發表於 12-4-11 17:06 |只看該作者
回覆 oni2 的帖子

佢鍾意我做既嘢, 就係唔好成日focus係佢到, 佢話我個人太得閒............


大宅

積分: 3583


46#
發表於 12-3-28 00:01 |只看該作者
結婚13年,都是各有各,佢都唔理我,感情轉淡了,大家都冇話題,就算個仔出細都冇變,心淡,好想離婚


大宅

積分: 1725

好媽媽勳章


45#
發表於 12-3-27 16:40 |只看該作者

引用:佢上網,我睇電視。 唔會行街shopping,每

原帖由 applelo1125 於 12-03-24 發表
佢上網,我睇電視。

唔會行街shopping,每星期必約佢d朋友睇波。唔會陪吓我
唔係嚇你......快完了




公爵府

積分: 28387


44#
發表於 12-3-27 15:55 |只看該作者
in general, men language are weaker and less talkative


公爵府

積分: 27587

熱血金章 畀面勳章


43#
發表於 12-3-27 15:54 |只看該作者
我同老公今年第8年喇!但依然勁多嘢講,雖然都係我主動(開題)先.


子爵府

積分: 12418

我的育兒心得勳章 陪月勳章 BK猜猜猜慶中秋


42#
發表於 12-3-27 14:11 |只看該作者
MonsterBear 發表於 12-3-27 09:19
回覆 ilovedancendanc 的帖子

問過佢, 我整得好唔好食, 佢咪就答我, "一路對食都冇要求架啦, 係你有要求咋 ...
睇到你呢個post令我醒起以前既我!其實你明知佢對食冇要求你又何必嘥心機去學整野佢食呢?eg. 你一心氹他,可他根本不是需要這些; 可能佢仲會覺得你唔了解佢添?

不如花心機喺佢鐘意做既野到?
加油!


子爵府

積分: 13594

牛年勳章 BK Milk勳章


41#
發表於 12-3-27 13:41 |只看該作者
回覆 ilovedancendanc 的帖子

我有自己搵節目, 但係佢都係冇乜反應......至於星期六, 日, 我諗住大家都係放假, 所以通常有朋友約出去都會唔去, 因為想2個人多啲時間相處, 因為佢平時好多嘢做, 係星期六, 日先會叫做好啲, 我知其實假期我朋友約應該係出去好啲, 唔好成日比佢覺得我好得閒咁, 但係又未做到.......



伯爵府

積分: 17239


40#
發表於 12-3-27 11:54 |只看該作者

同老公係屋企各有各,冇野講

簡單講,工作上或私事上需要搵料係好大幫忙,娛樂上適可宜止就叫做識得利用工具幫自己,咁就係叻。沉迷左係某一方面,對其實事不聞不問,叫做被控制住,迷失左,嚴重既就係病態




男爵府

積分: 6731


39#
發表於 12-3-27 11:30 |只看該作者

回覆:VCMS 的帖子

講得好




伯爵府

積分: 19711


38#
發表於 12-3-27 11:29 |只看該作者
我老公做野好忙
但總搵到時間去飲酒
飲完訓死
醒左既時間又係做公司野
我同佢可以話沒野講
過年前有次飲醉,話我地感情好淡咁,新年有D假期
要同我去重遊以前拍拖去過既地方
要增進大家既感情
但新年過左都咁耐
提都沒提過
生活又好似以前一樣,各有各,沒野講LOR


男爵府

積分: 6731


37#
發表於 12-3-27 11:24 |只看該作者

引用:我都係呀!打比佢次次都話忙緊,三十秒內收

原帖由 applelo1125 於 12-03-25 發表
我都係呀!打比佢次次都話忙緊,三十秒內收線。
有時返緊工、做緊嘢都不方便傾電話的,試下多d send SMS!




伯爵府

積分: 17239


36#
發表於 12-3-27 11:08 |只看該作者

同老公係屋企各有各,冇野講

其實呢個年代上網真係好方便,想搵咩資料睇都得,但就係太方便,隨時攞部手機都上到網同打機,沉迷左就好似中左毒一樣,眼中只有電腦同手機,都唔同人溝通,有時會諗太方便真係害左人。好似我咁,搬左屋幾個月,我地而家係冇得上網,只用手機上。未搬前c6都晚晚對住電腦,睇無聊野,睇戲呀,乜都睇一餐,咁我地都會傾計,但唔多,因為我都要空間去做我自己既事。好在我地放假多數搵活動玩,行山游水咁,離開部腦,都叫有時間溝通下。而家搬左,我冇申請上網,大家用手機,佢冇左長期對住電腦習慣,佢多左留意屋企既野同講多左野,我地都認為咁生活都唔錯,又早左訓,所以都未打算申請上網。唔好意思,講得太長篇感受




伯爵府

積分: 17239


35#
發表於 12-3-27 10:33 |只看該作者

引用:回覆 ilovedancendanc 的帖子 問過佢, 我

原帖由 MonsterBear 於 12-03-27 發表
回覆 ilovedancendanc 的帖子

問過佢, 我整得好唔好食, 佢咪就答我, "一路對食都冇要求架啦, 係你有要求咋 ...
如果可以的話,你放低晒所有野,包括佢,自己搵節目,定期做義工,或者去一個短期旅行。比一個空間大家係完全冇左對方。適當時可以叫埋佢多d去戶外活動,因為係室內困得耐,或者同一個空間太耐,人係會麻木同失去動力。你地有咩共同興趣或朋友呢? 呢兩個係main point。




子爵府

積分: 13594

牛年勳章 BK Milk勳章


34#
發表於 12-3-27 09:19 |只看該作者
回覆 ilovedancendanc 的帖子

問過佢, 我整得好唔好食, 佢咪就答我, "一路對食都冇要求架啦, 係你有要求咋麻, 我食乜都得既, 食嘢只係填飽肚".......所以咪無言以對.....我又不其然咁黑面....唉


男爵府

積分: 5989

BK Milk勳章


33#
發表於 12-3-26 11:52 |只看該作者
我同老公識左5年後結婚,阿女都15歲,同老公感情都未淡過,仲好似初初拍拖感覺,當然大家有各自的空間同朋友,有時老公會話覺得我好似佢半邊身咁,我都有同感

其實要經營一段婚姻,係好靠自己用乜野角度去睇,當然互動就最好啦,否則,只有單方面努力加埋抱怨對方的不努力,就變左大家都有壓力,久而久之就出現了小三,結果是離婚或忍耐也是很痛苦的

我自己會咁睇,結得婚做得夫妻嘅,已經唔係要唔要溝通,因為應該溝通好哂先結婚,婚後就變成係默契,即係大家都唔需要講野就知道對方需要乜,呢個係我同老公結婚的原因,大家有了默契才能一起生活,一起走人生餘下的路

感情應是越久越深,否則,那只可以說是愛情或激情,這是我個人睇法,在此祝各JM以平常心對待婚姻,終有『出頭天』的,不要灰心


伯爵府

積分: 17239


32#
發表於 12-3-26 11:19 |只看該作者

引用: 回覆 klm402 的帖子 x 2我專程去學啲佢鍾

原帖由 MonsterBear 於 12-03-26 發表
本帖最後由 MonsterBear 於 12-3-26 10:47 編輯

回覆 klm402 的帖子
可能我地結左婚日子唔算耐,仲維繫到新鮮感,你會覺得我唔明。但如果你c6冇反應,你有冇開心見成咁問佢係咪整得唔好食? 叫佢比下意見。又或者咁啱個日佢心情唔好,食龍肉都冇味呢,佢見你黑面佢又唔高興,咁咪影響大家關係




首頁

尾頁

跳至
Presslogic Logo
Baby Kingdom Logo