上次係二小姐半歲時見過 , 一別又幾個月 , 之後再食飯已經係中秋之後既事 , 二小姐都已經差不多9個月喇
因為二小姐係細碼 b又食媽媽奶 ( 二小姐食到2歲
) , 所以食飯之前都預左有野聽 
呢餐飯除左阿auntie一開始又有指定金句之外 , 佢全餐飯都冇出過聲 , 亦冇打搞過2個女 , 心諗可能佢都知道自己吾岩 , 所以開始有改變 , 點知去到生果時段先黎料
auntie一開始係咁講既 : 拿 , 我今次冇出過聲啦 , 大家食飽晒啦
我同c6吾明佢意思 , 但都知心知不妙
auntie : 我忍得好辛苦呀 , 上次你掉低我一個人係屋企食飯 ( 詳情盡左" 女兒們成長篇 1 " ) , 就咁走左去 , 你吾驚我會自殺架 , 你得一個老母架咋 , c左就冇架喇 ( 開始
)
c6 : 好地地做咩又要咁呀 ?
auntie : 我一直忍住咋 , 吾想比人睇到你地食食下走左去 , 我要面架 , 依家食完啦 , 我咪可以盡訴心中情啦
c6 : 好 , 咁你有咩吾滿意丫 ?
auntie : 我冇吾滿意 , 人地睇我幾幸福呀 , 個仔結左婚又有個孫 , 但係人地又點知我有幾苦丫
c6 : 你有幾苦呀 ?
auntie : 係囉 , 就係冇人知我幾苦囉 , 連自己個仔都吾知道呀 ( 又
)
我 : auntie , 有事你可以直接講出黎架
auntie : 你咁聰明點會吾知呀 ? 我連你生多左個都吾敢話比人知呀
c6 : 我都好想知你點解吾比人知阿妹出左世咼
auntie : 衰仔 , 我要面架 , 我點講比人知呀 ? 生一個就話意外啫 , 依家生左2個喇 , 邊有咁多意外呀 
<- auntie既表情
見到auntie開始失控 , 依家走又驚佢吾知會點反應 ( 因為佢肯定未爆完 ) , 我就諗住一拖二同 d女去換片 , 等佢好好同 c6溝通下
auntie : 又換片 ? 次次見都話要換片既 , 你吾好走呀 , 費時又話我講你是非呀 , 要換係到換啦
auntie 講完就將 2張"登"拍埋 , 走去2小姐身邊 , 突然係佢耳邊大聲"呀"左一聲 , 我同c6都冇諗過佢會咁做 , 仲以為佢想抱起二小姐換片
我 : auntie , 你做咩呀 ? ( 我一手抱番二小姐 )
c6 : 喂 , 你做咩嚇佢呀 , 果個我個女黎架
auntie : 你睇下 ? 你地睇得我幾衰 , 試到啦 , 知我有幾苦啦 :;pppp: <- auntie既表情
auntie繼續講 : 你個女"龍"架 ? 我咁大聲佢連望下都冇 , 又冇反應
c6 : 阿媽 , 你見親我 d女吾係呢樣就果樣 , 佢地係你 d孫黎架 , 你把口收下好吾好呀
auntie : 我係錫你先咁講咋 , 係你吾聽我講之麻 , 你知吾知"龍"既就一定啞架 , 我未聽過你個二女講野架 , 個大女又冇落地玩 , 淨係係度食 , 我驚佢自閉 tim ar , 唉 , 你依家知道我有幾苦啦
c6 : 根本係你既問題 , 有個好新抱你吾認 , 有 2個孫你連望都冇望多眼 , 仲要連我二女出世都吾話比人知
( auntie係呢5年係冇同3個寶貝換過片餵過奶既 , 三少就連抱都未抱過 tim )
auntie : 我梗吾話啦 , 你未結婚架 , 你叫我點講呀 ( 又)
c6 : 我老婆明正言順嫁我架 , 佢同我捱一句都冇怨過 , 你吾覺自己有新抱係你既事 , 吾好話我老婆 , 佢係我好辛苦娶番黎架 , 你吾知點同人講我自己同人講
auntie : 咁你即係要落我面啫 , 要我比人笑啫 , 自己個仔結婚都吾話比人知 , 衰仔 , 我係你老母黎架 , 你咁對我 ?????
我聽到c6咁講 , 我點都同佢頂落去 : auntie , 我地咩都吾會講 , 亦吾會落你面 , 夜喇 , 我地走先喇 , 阿b眼訓喇
auntie : 我都話你聰明架啦 , 吾怪得我個仔咁為你啦.......( 以下刪數百字 )
之後既好多個月都冇見auntie , 佢只係不停既電話攻勢
下一篇 " 再再次報喜篇 " 
好可惜，一直以為好深既緣分，原來好淺-節錄＜野豬.黃子華＞ »
發表於 
８Ｄ來聽下
返回列表
