吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› BB三個月, 要做單親家庭了

大仔大女媽媽會今日: 0|主題: 177860

收藏本版

發帖

返回列表

跳至頁

查看: 2913 | 回覆: 77

[2011年] BB三個月, 要做單親家庭了 [複製鏈接]

12 3 4

sweetybean

大宅

積分: 1584

1^#

發表於 12-3-30 22:45 |只看該作者 |正序瀏覽 |打印

終於都係要同c6分開

望住BB可愛的面容, 我真的忍不住喊, 我知佢冇咗爸爸了, 我會好好帶大自己的BB, 我知我的路會好漫長, 希望我能堅忍下去

由我有咗到生埋, 我只知呢個男人乜關心都冇比過我; 所有產前產後的進補, 只有我媽咪一手包辦, 這個男人乜都冇做過; 當我湊唔掂BB佢只會話我唔識做人阿媽, 連BB都湊唔掂……我覺得自己好失敗, 點解會揀咗個咁既男人, 人地d老公個個都好關心老婆, 虛寒問暖, 我嗰個, 冇; 到今天, 每當我想起呢d 嘢, 我都會喊, 因為真係覺得自己呢段日子好可憐, 我真的需要時間去淡忘呢d 不快

我曾產後抑鬱到想自殺, 不過那些念頭都過去了, 到今天, 我已冇感覺。感情線上終站的到來, 似乎先係解脫。

三個月大的BB, 我會努力賺錢把她養大, 我會身兼父職將佢好好培育

0 0 0

私人傳訊

fattt

洋房

積分: 62

78^#

發表於 12-5-24 00:06 |只看該作者

呀b 3個月果陣我都勁甩，甩到前面禿左...但而家開始生返出黎~ 好短好

樣衰

私人傳訊

sweetybean

大宅

積分: 1584

77^#

發表於 12-5-23 22:24 |只看該作者

多謝你地！我呢輪冇乜事了, 星期六仲去找了朋友, 去了她的家飲酒, 白酒、威士忌…我太耐冇飲酒了, 難得有朋友陪, 我都吐了一大堆苦水~ 做媽咪我都唔係咁稱職, 平日已日日返工, 回來都夜, 星期六仲出咗街飲酒, 冇乜照顧BB 添！

我個心情反而冇乜嘢, 但我呢排甩好多頭髮, 唔知乜事; 我生咗BB後都冇乜甩, 唔通而家先嚟hormone 改變？係甩得好勁嗰隻！我都好驚！等我係度出post 問下人有冇咁既情況！

私人傳訊

fattt

洋房

積分: 62

76^#

發表於 12-5-23 11:01 |只看該作者

千其唔好就咁輕生，個衰佬會係最開心果個，你而家要努力照顧自己bb，想想當年我地的媽媽都係咁湊大我地，如果你就咁boom 一聲跳落去，最傷心就係你媽媽，你以為你死左就可以解決左問題?? 超錯!! 咁你女女點算?? 無老豆都要有母愛，
如果就咁走左，不負責任，同個衰佬有咩分別?!

你媽媽生你照顧你咁大，而家仲做人地媽咪，她們老人家也很安慰，唔好再停留係個衰佬有幾衰，點解會愛上佢呢d past tense，由他去吧! 你要做的，就是照顧女女長大成人，認真地去愛為你無條件地付出很多的家人!

大家有緣做11年12月的媽媽，都想你女女快樂健康地成長

私人傳訊

wingyg0404

大宅

積分: 1198

陪月勳章

75^#

發表於 12-5-22 13:36 |只看該作者

加油!

邊個鍚bb, bb是知道的. 您對佢嘅愛, bb是會感受到的. 生命可貴, 唔好成日諗住或輕易結束. 試想想您有家人有bb支持同愛護已經好好, 有一些人好想o係自己親人同兒女身邊,但疾病將佢地帯走, 佢地無得選擇仲無奈. 所以在生的人要好好珍惜生命. 生活無論有幾困難, 都有好多方法可以面對. 記住, 身邊其實有慘過您嘅人, 佢地可以繼續生活下去, 您亦可以. 知嗎?

大家共勉之.

私人傳訊

Chocobean

男爵府

積分: 6525

畀面勳章貢獻勳章環保接龍勳章

74^#

發表於 12-5-14 20:15 |只看該作者

Sweetybean母親節快樂～～～

過得開心嗎？仲有你媽媽，希望百有身體健康

（其實湊得最多喺我哋，點解要跟爸爸姓，好唔公平～）

私人傳訊

sweetybean

大宅

積分: 1584

73^#

發表於 12-5-14 05:50 |只看該作者

ozoz 發表於 12-5-11 11:22
可以改姓嫁，我有見過同學改姓。Bb係天賜比你嘅禮物，好彩一早發現個衰男人嘅野重要一早離開，否則有排痛苦 ...

好多謝你地咁多人係度支持我, 其實咁又捱咗個幾月了,我用有日過日的心態, 都冇乜好諗咁多
可以改性, 刪咗個男人的名嗎？我會打去入境處查詢一下, 之前打過了, 佢地個電話長期busy！

私人傳訊

阿俊

大宅

積分: 1536

72^#

發表於 12-5-13 22:25 |只看該作者

加油

私人傳訊

toyann

大宅

積分: 3290

71^#

發表於 12-5-11 16:35 |只看該作者

回覆：BB三個月, 要做單親家庭了

為左bb你要加油，距吾識珍惜你地係距走寶，你要俾距知道你地無左距，反而活得更好

私人傳訊

ozoz

伯爵府

積分: 17362

70^#

發表於 12-5-11 11:22 |只看該作者

引用：Quote:Chocobean+發表於+12-4-26+19:49+4個

原帖由 sweetybean 於 12-04-28 發表
BB而家好肥呀！你的BB又點呀？

我其實仲係好down, 我好唔gur 個男人咁衰, 我同我d fd 講咗個來龍去脈, 都 ...

可以改姓嫁，我有見過同學改姓。Bb係天賜比你嘅禮物，好彩一早發現個衰男人嘅野重要一早離開，否則有排痛苦。你屋企附近有冇育嬰園？如果有可以放育嬰園，你趕唔切接佢就搵媽媽幫手，咁可以慳好多，不過家務3餐要自己。你請咗工人雖然支出成5k, 可以做埋家務，整3餐你帶飯，咁又省返一筆，最重要有你mom睇頭睇尾。情況唔係好差，時間好快過，2歳入n班全日，咁你可以唔要姐姐，請鍾點清潔下。bb快半歳，重有1x個月，我地同你一齊count down, 好快埋岸，好快有好d嘅日子過。

私人傳訊

sweetybean

大宅

積分: 1584

69^#

發表於 12-5-1 00:23 |只看該作者

Chocobean 發表於 12-4-30 21:46
哈哈BB肥咪好咯～我好中意『咬』我BB嘅肥髀.....太可愛了

宜家成日好中意『企』，坐都未坐得好耐 ...

我好多謝你既留言, 我真係睇到喊, 我已喊咗好幾晚, 幸好有朋友出黎陪我, 我只知朋友比這個衰男人重要。

我同佢係唔夾, 佢一句唔夾,大家生活唔到, 便留低所有問題比我處理。因為我係同媽咪住, 佢不回來就可以一走了之, 佢每個月話會比生活費, 但觀乎之前成日比唔足黎睇, 佢會再比到先算。我唔係唔愛唔錫自己個BB, 但見到BB便想起個衰男人, 我點會唔傷心？我都成日諗番點解要同佢有咗？我以為有咗, 大家的生活會更愉快, 點知只係換來每晚的嘈吵, 佢根本係一個冇想清楚的男人, 之前承諾太多野, 到真係有咗後根本什麼也做不到, 很冇用的男人。我要獨力養大BB, 教育佢, 我的責任好大, 我當然曾有想過你的想法, 常常想返番去未有BB前的生活, 因為那種生活不用為別人負責任, 我自己過到自己便得, 但現在我的擔子好重, 所以先咁辛苦, 回望係好正常, 但我知只需要時間, 我必定可以活過來。

我為這個男人付出太多, 到頭來得到這樣的結果, 佢還理所當然的覺得佢冇錯！這些才是我傷心加不甘心的地方！我現在在街上見到大肚的女人, 我都好驚, 我想起我大肚時的日子成日同佢嘈交, 我仲要出去兼職賺生活費; 我見到出黎曬幸福的明星, 我好憎恨, 因為我冇得一家三口出黎見人, 呢個傷痛好難磨滅; 我很同情楊思琦, 我見到她我又好想喊, 因為我現在就像她一樣, 我要自己為自己找出路。

私人傳訊

Chocobean

男爵府

積分: 6525

畀面勳章貢獻勳章環保接龍勳章

68^#

發表於 12-4-30 21:46 |只看該作者

sweetybean 發表於 12-4-28 20:38
BB而家好肥呀！你的BB又點呀？

我其實仲係好down, 我好唔gur 個男人咁衰, 我同我d fd 講咗個來龍去脈, 都 ...

哈哈BB肥咪好咯～我好中意『咬』我BB嘅肥髀.....太可愛了

宜家成日好中意『企』，坐都未坐得好耐就想企同行了，BB好心急。

BB姓.....單親天地應該知道。宜家好多B都係，跟你姓冇問題吧？

我最近知道有朋友冇咗BB.......佢好唔開心，成日訓唔到。佢嘅辛苦同攰係另外一種。佢嘅失眠係冇意義嘅。佢對住啲以為會用咗嘅錢，以為會冇咗嘅時間，每日照樣返工但返到嚟唔係忙湊B，係對住間空嘅屋，冇BB喊聲嘅屋.......

Sweetybean，我同妳都係第一胎，我都成日投訴點唔開心，點攰，點忙，但原來有一種攰，有一種失眠，有一種精神緊張，係我同妳冇辦法想像到嘅痛。我同妳嘅身體都已經好得7788，我同妳嘅BB都越嚟越叻，肥，開心，識笑/講嘢/玩。但世上有一啲媽咪，日子永遠停留喺最辛苦嘅一分鐘。當世上所以人已經過返正常日子，所有人都以為應該好返，呢啲媽咪仲停留喺無助地睇住啲人帶走BB嘅一刻。

唔好諗長遠。每日起身諗住點返工就算。返到工諗食晏，食完諗放工。跟住諗訓。重複。唔好諗咁多點解佢咁衰，諗吓自己BB健康快樂。如果婚姻美滿，家財過億，但妳手中抱住嘅BB唔係好似宜家咁健康，妳會交換嗎？有時我會諗，好想去返未有細路之前。唔係唔愛BB，唔係想唔要佢，但其實係想要返之前簡簡單單，而自己為中心，自由自在嘅生活。但既然那種生活已經過去，我好興幸我手中依然有活潑，對我笑嘅BB，而唔係未用過嘅小襪子或一張相片。

私人傳訊

奶油B

大宅

積分: 4328

67^#

發表於 12-4-29 13:48 |只看該作者

引用：Quote:Chocobean+發表於+12-4-26+19:49+4個

原帖由 sweetybean 於 12-04-28 發表
BB而家好肥呀！你的BB又點呀？

我其實仲係好down, 我好唔gur 個男人咁衰, 我同我d fd 講咗個來龍去脈, 都 ...

自己養大bb,bb識得邊個對佢好，大個會錫哂媽媽

私人傳訊

cnyiris

男爵府

積分: 8238

66^#

發表於 12-4-29 03:22 |只看該作者

引用：Quote:Chocobean+發表於+12-4-26+19:49+4個

原帖由 sweetybean 於 12-04-28 發表
BB而家好肥呀！你的BB又點呀？

我其實仲係好down, 我好唔gur 個男人咁衰, 我同我d fd 講咗個來龍去脈, 都 ...

不如搵社工丫，唔好唸埋一邊呀，bb好需要你咖，加油

私人傳訊

sweetybean

大宅

積分: 1584

65^#

發表於 12-4-28 20:38 |只看該作者

Chocobean 發表於 12-4-26 19:49
4個月啦，最近點呀？

BB而家好肥呀！你的BB又點呀？

我其實仲係好down, 我好唔gur 個男人咁衰, 我同我d fd 講咗個來龍去脈, 都覺得呢個男人好垃圾, 我好怪自己好蠢好蠢, 點解會揀咗個咁既男人

我想問, 我而家想將BB個姓跟番我, 唔知得唔得？但出世紙上有個衰男人的名, 我都唔知點算！因為我上網睇咗d info 好似話個姓冇得轉？

我而家日日返工, 好夜收工, 請咗工人回來幫我湊BB, 幸好我媽咪都幫手湊下, 和BB玩下~ 我每個月的開支好大, 助底八千元, 個男人不會付的了, 佢連奶粉錢都冇, 當我一諗到呢度, 我又好傷心, 好老實講, 我有諗過跳樓死咗佢, 我好唔想面對而家的局面, 我究竟可以點樣去平衡自己個心態？我好辛苦。