婆媳關係 今日: 4 | 主題: 27758

積分: 12890

醒目開學勳章畀面勳章

1^#

發表於 12-4-9 00:05 |只看該作者 |正序瀏覽 |打印

我仲有唔夠一個月就生,99知道我有咗已經問c6要唔要幫手,c6已經直接拒絕咗,但係今日99突然殺上嚟,同c6講(我不在場)到時佢放工就會上嚟(同區)!c6同我講佢覺得99會日日都不請自來,我聽到之後心情有d低落...

雖然佢好似好有心咁,但係我生第一胎時同住,我都係自己湊,無要求佢幫手,開奶沖涼佢都無試過,換片都只係幾次,仲係會前後掉轉同抹唔淨,佢試過夾硬搣bb頭泥添!仲有好多問題...c6都話佢唔掂!但係個b係我嘅,所以我無嘈佢只係自己做返哂!但係佢仲會多多意見,又話要咁又話要咁,鬧我唔可以抱,但係就自己抱到實!總之令我覺得好煩...今次搬咗出嚟諗住可以靜靜休息,但係佢又話會日日嚟...

我明白佢會想睇孫,但係唔駛日日嚟架!我同我父母講都係一星期一次好啦!佢幫唔到我不特止,仲要招呼佢,佢又會嘈住哂,仲要唔知佢會唔會帶人上嚟喎!我怕我到時會影響情緒,唔覺意黑佢面又有說話聽...或者有人覺得未發生可能無咁差呢,但係第一次經驗真係令我好怯...可以點算呀...

0 0 0

私人傳訊

myserena

積分: 1779

47^#

發表於 12-4-15 01:23 |只看該作者

回覆：已經預測到99會日日上嚟,點算?

一黎到即刻拎個b入房唔出去，直到佢走為止！

私人傳訊

積分: 12890

醒目開學勳章畀面勳章

46^#

發表於 12-4-14 12:42 |只看該作者

karisyam 發表於 12-4-14 11:25
真假抑鬱都好, 男人係要見到咁樣先會知死! 幾個月前我都係咁樣. 一於照做, 如果99唔想個仔難做就知機醒目啦 ...

如果99係醒目嘅,已經知我唔會想見到佢啦!佢係知機嘅,之前c6講咗幾次唔需要佢幫手,佢就唔會係都堅持要不請自來啦!不過睇過咁多位意見,
扮抑鬱會係我

殺

手鐧,但係

可以嘅盡可能都唔想用,免得c6擔心呀

嘛

私人傳訊

積分: 12890

醒目開學勳章畀面勳章

45^#

發表於 12-4-14 12:35 |只看該作者

十月十六發表於 12-4-13 15:28
係屋企扮瞓覺唔開門，叫c6夾定。試得㡬次應該唔上黎，不過一定有說話聽

...

嘩~我唔敢叫c6同我夾埋,要做嘅就不如明正言順叫c6出聲stop佢阿媽!況且我之前都講過,呢度周圍都係99嘅耳目,99會俾說話之餘,仲會多咗好多唔關事嘅八公八婆知少少扮代表,見到又唔知講d咩~我次次遇到嗰d人都例必問我有無去99度,又叫我要多d帶個孫去見99呀,又猛讚99好好人呀咁!99無同佢哋講我壞話?我唔信囉~

私人傳訊

karisyam

積分: 1313

44^#

發表於 12-4-14 11:25 |只看該作者

Sammyan 發表於 12-4-9 04:42
扮產後抑鬱呢招真係work , 我坐月時99爭住湊，當正自己生咁，我半夜坐係度喊，話99搶走我個b ,C6 同佢阿媽 ...

真假抑鬱都好, 男人係要見到咁樣先會知死! 幾個月前我都係咁樣. 一於照做, 如果99唔想個仔難做就知機醒目啦. 阿孫唔係奉旨一定要同爺爺麻麻住. BB既primary carer係自己媽媽有冇咁出奇

私人傳訊

十月十六

積分: 2853

陪月勳章

43^#

發表於 12-4-13 15:28 |只看該作者

回覆:KoyeBaby 的帖子

係屋企扮瞓覺唔開門，叫c6夾定。

試得㡬次應該唔上黎，不過一定有說話聽

私人傳訊

積分: 12890

醒目開學勳章畀面勳章

42^#

發表於 12-4-11 08:47 |只看該作者

chanc9_929 發表於 12-4-11 04:40
你都好丫! 99要返工... 我99係主婦62退左休, 仲要住樓上呀!
我好擔心朝朝8點 ...

咁你嘅情況又的確更加令人擔心嘅,仲要佢哋有鎖匙自出自入...我都知唔駛一齊住已經好好彩,但係一諗到佢搞住哂,有破壞無建設,我就好難說服自己去歡迎佢...

私人傳訊

chanc9_929

積分: 6771

41^#

發表於 12-4-11 04:40 |只看該作者

引用：我仲有唔夠一個月就生,99知道我有咗已經問c

原帖由 KoyeBaby 於 12-04-09 發表
我仲有唔夠一個月就生,99知道我有咗已經問c6要唔要幫手,c6已經直接拒絕咗,但係今日99突然殺上嚟,同c6講(我 ...

你都好丫! 99要返工... 我99係主婦62退左休, 仲要住樓上呀!

我好擔心朝朝8點門鐘響跟住就自己拎鎖匙開門囉!!

私人傳訊

積分: 12890

醒目開學勳章畀面勳章

40^#

發表於 12-4-10 10:13 |只看該作者

boey 發表於 12-4-9 22:58
唔好意思,借左你個主題嚟呻

如果到時真係日日嚟,我一定會返房鎖門唔出去見佢,亞仔亞女 ...

唔駛介意~大家都係遇到同一問題,當然要呻出嚟啦!我都打算就算99嚟到,我都唔會點理佢,佢有佢坐,我有我自己做嘢!不過我就唔可以好似你咁叫管理處趕佢,之前都話佢同呢度d人好熟,陣間d人多事加把口,我仲煩多幾樣!

私人傳訊

boey

積分: 8888

39^#

發表於 12-4-9 22:58 |只看該作者

KoyeBaby 發表於 12-4-9 22:49
如果可以真係返娘家坐月,我已經返咗啦!當初係有打算喺娘家坐月架,媽咪都話無問題,但係真係有突發事而作罷. ...

唔好意思,借左你個主題嚟呻

如果到時真係日日嚟,我一定會返房鎖門唔出去見佢,亞仔亞女都返晒學,到時無人理佢,佢夠膽發癲仲好,我會叫管理處趕佢走

私人傳訊

boey

積分: 8888

38^#

發表於 12-4-9 22:55 |只看該作者

daisylulu 我62都係咁, 係人面前講我但係係我老公面前死都唔認講過. 發表於 10 分鐘前

佢無得唔認,因為佢係打電話比我嬸仔,我嬸仔唔聽,佢留言鬧佢咒佢,我同我老公都親耳聽留言,我仲聽到打晒冷震,可想而知我嬸仔聽到會點

私人傳訊

boey

積分: 8888

37^#

發表於 12-4-9 22:53 |只看該作者

KoyeBaby 發表於 12-4-9 22:32
你99的確好麻煩,直情搞到你有抑鬱,可以想像你99做嘅肯定唔止咁少...真係辛苦哂你啦~好彩你c6肯正視咋,不過 ...

其實佢做既野仲有好多,不過唔想記起怕諗起自己唔開心,所以而家見親食飯飲茶都係當佢搭台

佢成日想買I PHONE氹我個女,我一D都唔比面同佢講買部我賣一部,跟住佢火起就話自己係麻麻,鐘意買咩就買咩

我話你錢多買金,買金我多多都要,跟住尋日一大早打比老公話嚟緊要同D孫飲茶(唔想老公難做都去左),但一坐低就塞錢嚟

我女唔舒服我無比佢去,我同個仔去(老公要返工),佢就好似搭台咁,佢講咩我都答單字,亞仔又無野同佢講,坐左半個鐘我要趕返工就埋單走人,佢帶亞仔去到亞婆樓下就走人,因為我講明我妹唔鐘意有人上去佢屋企,老公話得咁做唔好,佢由黃大仙坐成個鐘車先嚟到,坐一坐就要佢走,話比佢湊D細路返屋企等我放工都好,但我唔想放工再見到佢,所以無理老公講野

daisylulu 同我6299一樣, 佢地做左少少野要你千年記, 唔係係D親戚面前數你, 好得人驚. 發表於 1 分鐘前

佢唱我同嬸仔唱到返佢鄉下,個時亞女十個月大,我老公麻麻C左,返去送最後一程(佢亞媽無返,因為佢地都有婆媳問題,但最後一程都唔去送,可想到我隻99係咩人)返到去,我老公亞E話我好衰,唔比99見個孫

之後我更加清楚佢為人

私人傳訊

積分: 12890

醒目開學勳章畀面勳章

36^#

發表於 12-4-9 22:49 |只看該作者

月師奶發表於 12-4-9 22:40
放風扮晒野咁, 叫老公同佢講因為99你成日上來
搞到你休息唔夠, 唔能好好坐月
所以返外家坐月咁得唔得呢?

如果可以真係返娘家坐月,我已經返咗啦!當初係有打算喺娘家坐月架,媽咪都話無問題,但係真係有突發事而作罷...最麻煩係99每次嚟都唔會事先通知,差唔多到先打個電話嚟當係通知咗!假如我呃佢,佢照上嚟知道我作故仔咪仲難兜...

私人傳訊

月師奶

積分: 3763

35^#

發表於 12-4-9 22:40 |只看該作者

本帖最後由月師奶於 12-4-9 22:42 編輯

放風扮晒野咁, 叫老公同佢講因為99你成日上來
搞到你休息唔夠, 唔能好好坐月
所以返外家坐月咁得唔得呢?
斷估唔會摸上去你娘家呱......

話坐完月就會抱阿B俾佢見囉

私人傳訊

積分: 12890

醒目開學勳章畀面勳章

34^#

發表於 12-4-9 22:32 |只看該作者

boey 發表於 12-4-9 22:16
我之前兩胎佢都無野幫到手,第一胎早產我家姐個D幫我煲薑,我未食佢就已經拎去派比人,之後仲加水落去:igiveup ...

你99的確好麻煩,直情搞到你有抑鬱,可以想像你99做嘅肯定唔止咁少...真係辛苦哂你啦~好彩你c6肯正視咋,不過千祈唔好同住呀!覺得佢可憐唔代表佢可以傷害你!你c6提出嘅話,一定要提醒佢,99係你抑鬱嘅來源,唔好再俾佢影響到你生活!

私人傳訊

boey

積分: 8888

33^#

發表於 12-4-9 22:16 |只看該作者

KoyeBaby 發表於 12-4-9 21:50
我都係有第一次經驗所以更加唔想佢騷擾我!第一次坐月雖然係一齊住咋,但係實際上佢無做過d乜,就算係我食飯 ...

我之前兩胎佢都無野幫到手,第一胎早產我家姐個D幫我煲薑,我未食佢就已經拎去派比人,之後仲加水落去

因為佢唔識...又話好驚抱咁細個BB,但就有日我去洗手間返出嚟,佢抱住我個女食碗剛煮好既米粉,話佢醒左我行開左

,我即刻抱番,個時洗完D衫晾廚房,佢每次都係未收BB衫時就煮野,仲要係大煙咁煮,之後我要再洗

個時亞女早產,個胃細成日噴奶,半夜我機半上無得瞓,佢返夜放早返到見我瞓緊就話我唔起身食野,個孫無奶食

第二胎又係咁,我幫BB沖涼佢就于停EE哦哦話自己唔識,唔識咪唔識,又無要你幫手,唔好煩住晒就好,我D屋企人由屯門去黃大仙探我,佢就係房瞓,要我家姐煮埋飯叫佢食

見到佢真係好大壓力,聽到佢要嚟已經怕怕,我好驚自己又再產後抑鬱,之前生完亞女已經開始有,直到亞仔兩歲幾(大女6歲)有次唔舒服去醫院,醫生見我精神有疑,安排見精神科,精神科醫生再同老公傾,老公先知大件事同無再迫我要見佢亞媽,我先無抑鬱

而家呢個同亞仔隔左9年,我嬸仔同隻99同住,但因為隻99發癲左好幾次,鬧我嬸仔死XX,又咒佢生唔出BB,而家嬸仔雖然同住,但兩個小朋友都唔鐘意佢地麻麻(大仔(2歲幾)叫佢做壞人,因為個時成7個月,99咒佢生唔出),我對仔女都唔鐘意,但唔會出晒面...唔知係咪因為咁,我老公同我叔仔成日想比佢亞媽嚟住,等佢亞媽響下兒孫福

有時我都覺得佢好可憐,但一切都係自己攞嚟

次次一開口都咒人咒到無灣轉既地步,之後扮失憶同無心

點評

daisylulu 我62都係咁, 係人面前講我但係係我老公面前死都唔認講過. 發表於 12-4-9 22:43

私人傳訊