吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 想離婚、點算

夫婦情感今日: 0|主題: 42762

收藏本版

發帖

返回列表

跳至頁

查看: 4104 | 回覆: 52

想離婚、點算 [複製鏈接]

12 3

Ngyim930823

男爵府

積分: 7270

畀面勳章

1^#

發表於 12-4-9 14:42 |只看該作者 |正序瀏覽 |打印

本帖最後由 Ngyim930823 於 12-4-9 15:59 編輯

我覺得自己開始對c6冇以前個種feel
亦都開始對佢既野覺得好煩、有D厭惡既感覺!
我都吾知點解....

c6係個吾煙吾酒既人
平時都係佢洗碗煮飯..

我就係一個湊仔師奶
汁屋企同洗衫個d都係我搞...

但不過我都仲係覺得吾開心
雖然甘樣睇c6係幾好

但、唉...我都吾知...

我呻既野有少少長篇、希望大家吾好介意....
因為我真係吾知可以點做

由我開始大肚個陣、C6差吾多日日都係去玩
明明有得番工、但都吾去番
我吾明點解、我又吾係吾舒服
好啦、就算佢有番工啦
但一番到黎吾係即刻問我關心我
而係去玩電腦
我既異性/同性朋友們都關心我都仲多過佢

搞到我成日都要擔心錢既問題
期間我自己屋企又發生左好多事
牙媽爭人錢牙爸要用綜緩幫佢還(個陣已經得番少少
牙爸壓力太大而暈低入院
等等既事....

甘始終大肚婆都會悶
行下街都好正常姐
但我想講我甘耐以黎、同C6行街既次數係一隻手數得晒...
到我生完、係、C6有比之前更加勤力左少少
但放到工番到黎又係玩PSP、電腦、ONLINE GAME...
我吾知係咪有少少產後抑鬱啦
我覺得甘樣個BB有爸爸同冇爸爸好似冇咩分別甘...
然後就會坐係度喊....

講到出糧、因為佢係跟佢老豆開工、$400/日
有時佢老豆冇錢出俾佢、我叫佢問番佢牙爸拿佢又吾制..
吾係我想咩都計到盡
但依家始終有自己既屋企..有埋仔
少個幾百蚊、就等於買少一‵兩罐奶粉
甘問佢拿番糧都好正常姐...

有時就會因為甘而嘈起上黎
我叫過佢去搵過第二份工
但佢吾聽、佢吾明點解我硬要佢轉工
話跟住老豆做幾好甘樣...
但講真、吾通成世跟佢老豆開工咩!
講得衰D、如果佢老豆有D咩事過左身佢點算?係咪先?

佢吾肯轉工、甘咪算囉
我本身諗住同個仔報定育嬰院
因為報吾係一報就一定有位入、都要時間等
甘我就同佢講、不如同個仔報啦、甘之後我都可以去番工牙嘛
甘可能有位個陣、我都可以去番埋工、佢咪可以冇甘辛苦囉
但佢一聽到我講呢樣野
就開始問、"你真係甘吾中意湊仔咩?你好憎個仔咩?"
問埋D問題好難答囉真係...
同埋個問題係、靠佢一份糧根本生存吾到
佢係有得番就番/吾番、一份糧一個月都未試過有$7000up既
未計佢老豆未出個d糧...雖然話依家同佢老豆、牙妹住...
但如果甘樣、之後我地搬出去點生存?

後尾、佢整傷左隻腳、佢淨係睇左一次醫生
跟住又吾肯去覆診、佢照去番工
一時又話腳痛又點
甘講真、你有錢、有時間點解吾去睇醫生姐
寧願訓係張床度打機
到之後、次次同親佢出街、出吾夠半個鐘就話腳好痛
我吾知佢有心甘講定點啦
每次佢一甘講就要走、吾行街
其實我好吾中意甘...
因為每次既行街就好似人地放監甘
佢係連俾我自己帶個仔落一落街、落公園都吾俾
我每日都係坐係屋企湊仔、個感覺好難頂

甘佢整親隻腳、又番吾到工、甘咪我去番工囉
但佢吾又吾肯、話咩吾想使女人錢
大佬、我番工吾係搵錢俾你使
係俾個仔同埋草定我地啲錢姐...
佢就日日都係度講點點點點點...
話咩俾朋友知道實會笑死...甘樣...
老實講、你腳又整親、又吾俾我番工..
你想點先?

同埋、C6係性愛呢方面既慾念較為強
佢由我大肚開始到依家
晚晚都會問我可吾可以幫佢用手解決
如果我SAY YES、解決完之後、佢就會佢有佢訓我有我訓
但如果SAY NO、佢會拿部PSP出黎玩而吾係訓教...
如果想DODO...DO完之後都係佢有佢訓我有我訓

補充多少少、c6係一個極中意講粗口既人
但我係一個極度討厭人講粗口!
我覺得好無禮貌!!
我由識佢到依家、已經叫過佢改講粗口叫左已經吾知幾多次了..
到依家係個仔既面前佢都仲會講粗口
如果你話你嬲你講粗口我都接受到
但你有事冇事都係度講粗口我就接受吾到囉、真心講句
"_街、頂你"係我最大既限度黎!!!

大概想呻既野係甘多....V_V
我只係覺得好吾舒服
吾知可以點

雖然佢係有負責任
但佢甘樣負責任法、我真係寧願佢吾負好過負囉真心講句
有時我真係覺得我就算做單親都可能好過做雙親...
可能有D媽咪會覺得我比較"港女"左少少
但我我依家都吾知點算好
所以上黎請教下

0 1 0

I ♥ U CLH

私人傳訊

funbi0816

珍珠宮

積分: 45360

叻叻勳章畀面勳章

53^#

發表於 12-4-24 16:57 |只看該作者

引用：好多謝各位媽咪既留言（；我同佢經社工開解

原帖由 Ngyim930823 於 12-04-22 發表
好多謝各位媽咪既留言（；我同佢經社工開解完之後、情況都好左啲、仲有待改善甘啦！而佢都好左啲、至少多左 ...

加油

私人傳訊

suetwababe

翡翠宮

積分: 77553

畀面勳章

52^#

發表於 12-4-23 04:03 |只看該作者

引用：Quote:原帖由+suetwababe+於+12-04-10+發表

原帖由 Yyannes 於 12-04-22 發表
社區保姆係啲咩黎咖？點樣可以搵，thx

社區保姆類刺托兒咁，就$20/1hrs 時間由7：00am-11:00pm 大致上係咁，因為佢地係分地區，我吾知你果區有無，你試下上網搵下

私人傳訊

Yyannes

伯爵府

積分: 17450

51^#

發表於 12-4-22 08:15 |只看該作者

引用:樂樂媽：）吾好咁衝動住先，咁始終你老公

原帖由 suetwababe 於 12-04-10 發表
樂樂媽：）
吾好咁衝動住先，咁始終你老公都仲細，打機呢啲就再所難免，好刺我老公24 佢都會掛住打機，吾幫 ...

社區保姆係啲咩黎咖？點樣可以搵，thx

私人傳訊

Ngyim930823

男爵府

積分: 7270

畀面勳章

50^#

發表於 12-4-22 02:57 |只看該作者

回覆：想離婚、點算

好多謝各位媽咪既留言（；我同佢經社工開解完之後、情況都好左啲、仲有待改善甘啦！而佢都好左啲、至少多左關心我地先；）

I ♥ U CLH

私人傳訊

ackky

大宅

積分: 1228

49^#

發表於 12-4-11 00:02 |只看該作者

回覆：Ngyim930823 的帖子

得個7千個月點可能陽家，既然一早知他粗口懶散有點解同他結婚生仔。你們都太年輕了，前路一定難行，但是你nij自己簡的一定要繼續走落去。

私人傳訊

akina888

男爵府

積分: 9370

48^#

發表於 12-4-10 22:32 |只看該作者

回覆：想離婚、點算

你認為離婚可以解決問題咩？c6係你揀既，你地年紀太細，只有你地先幫到自己，好好同c6傾下啦

私人傳訊

llssisi

公爵府

積分: 28384

2018復活節勳章最關心BB問題熱投勳章 hashtag影視迷勳章畀面勳章陪月勳章 BK Milk勳章

47^#

發表於 12-4-10 22:10 |只看該作者

回覆：想離婚、點算

我同您都好似

我迷茫中!!!!
Bb仲喺肚入面!!!!
婚前婚後兩個樣!!!
我仲要多個99

問題係我地無靠99一分一毫!!!佢都褚多意見

私人傳訊

hinghing0128

珍珠宮

積分: 41343

畀面勳章 BK Milk勳章

46^#

發表於 12-4-10 20:32 |只看該作者

回覆：想離婚、點算

樂媽要加油牙

我地係你身邊支持你

私人傳訊

iris_yip1030

伯爵府

積分: 19671

畀面勳章

45^#

發表於 12-4-10 19:54 |只看該作者

回覆：想離婚、點算

我老公有幾樣野仲衰過你老公，都係慢慢捱過，同佢結婚就黎兩年，感情先叫穩定啲，或者大家再傾下睇下有無彎轉

私人傳訊

suetwababe

翡翠宮

積分: 77553

畀面勳章

44^#

發表於 12-4-10 18:57 |只看該作者

回覆：想離婚、點算

樂樂媽：）
吾好咁衝動住先，咁始終你老公都仲細，打機呢啲就再所難免，好刺我老公24 佢都會掛住打機，吾幫我手湊軒軒！
但我會同我老公溝通，我會將我既感受話比我老公知，好彩既，我老公都會好努力改變自己，盡反自己做爸爸責任：）
樂樂仲細，係咪一定要行到離婚呢步？
媽媽呢條路吾易行，但單親媽媽呢條路都更難行！
如果你想反工，怕樂樂無人湊，你不如搵社區保姆，我自己都搵左社區保姆湊軒軒！

私人傳訊

TinTinMame

大宅

積分: 3898

43^#

發表於 12-4-10 13:55 |只看該作者

你有d咩想幫想要既你可以出聲呀, 我有d男仔bb野可能會岩你阿b嫁, 只希望你唔好介意會係二手野,

你要努力呀! 你要為個仔好好想一想將來!!! 十卜你!

你可以pm我呀

私人傳訊

mspigpig

男爵府

積分: 5164

玩具勳章畀面勳章 BK Milk勳章

42^#

發表於 12-4-10 13:33 |只看該作者

男仔黎講﹐20歲﹐你妄想佢會成熟顧家啦！根本佢都未玩夠﹐未定性！你爸爸媽媽養左你18年﹐依家你bb都要佢地養埋﹐佢地會好辛苦架！你第日更加吾知點樣報答你爸爸媽媽既恩啦！
其實﹐吾好講你地仲細啦﹐就算再成熟d既夫婦﹐都有性格吾合既時候！你地都系曾經愛過對方而生左bb出黎嗟！試下大家好好溝通下先啦！吾好郁d就話分開！你老公仲細﹐系比較難理解女人既要求點樣架啦！等下佢啦！仔仔仲細！你地應該比心機湊好佢！錢銀有幾多使幾多住囉！吾好林太多住啦！因為就算你離左婚﹐如果都吾系見得好好嗟！bb無左爸爸﹐而你又要照顧bb﹐又想出去做野養bb﹐你一樣分身吾到！發泄下好啦！

私人傳訊

20022009

男爵府

積分: 6903

好媽媽勳章

41^#

發表於 12-4-10 13:17 |只看該作者

WOW~ 20歲男仔唔打機. 唔上網. 要佢好似40歲既男人咁負起全負照顧你. 相信萬中都無1. 唔好講話20歲仔未定性. 30歲嗰啲都猛猛緊.

錯在你兩個真係唔聽人講~ 唔先讀好書. 而係比人行快咗10年. 所以亞口吃黃蓮. 有苦自己先知.

係呢方面. 確實做女仔輸蝕好多. 而且你真係要有心理準備~ 單親路真係唔係咁易行~

父母已經養咗你18年. 仲要養多你幾多年呢? 仲有個細都要養埋. 你真係要好好....孝順你父母呀. 你自己都做咗人媽媽. 應該知道照顧一個小朋友除咗錢. 仲有心機.

私人傳訊

子爵府

積分: 12169

40^#

發表於 12-4-10 12:07 |只看該作者

樓主︰

你和c6都這麼後生，他還未成熟就要面對孩子家庭的責任，他肯做家務已經是很不錯了，當然有些惡習是一早已經養成了，你一時三刻是無可能改變。他沒有惡習，只是喜歡打機也是男人的慣常娛樂，加上他應該是給家裡的人寵慣，根本不知道應如何愛錫你和孩子，他不給你工作也是因為怕你識其他男人吧！所以你現在應好好和他溝通下，不要用責怪的方式，反而應該以愛為出發，冷靜地說出一切都是為孩子將來打算，你們的路畢竟還是很長。現在的你和他都應好好為未來規劃一下，何況還有一個孩子要照顧？如果你真覺得他不可以同行，你也要明白作為一個單親媽咪也是要面對一連串的考驗。想清楚自己想怎樣才去行動吧！加油！

mc <()>