吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 真真正正的想離開這個家!!

夫婦情感今日: 0|主題: 42797

收藏本版

發帖

返回列表

跳至頁

查看: 3215 | 回覆: 21

真真正正的想離開這個家!! [複製鏈接]

mimibebe

別墅

積分: 595

1^#

發表於 12-4-9 16:30 |只看該作者 |正序瀏覽 |打印

和c6一齊都10年有多, 我們倆個每月必嘈番次先安樂, 雖然係咁, 但我地既感情都係唔差. 以往嘈交, 我每次都頂唔順佢對我既不瞅不睬, 會主動的搵佢黎講數, 但今次我無.
我第一次覺得唔想同佢講太多野. 話我唔愛佢咩, 唔係! 如果我唔再愛佢, 我係嘈果日就帶住d女走左, 但我選擇留係度, 但留係度令我更痛苦. 諗起因為佢而對唔住外家的人, 令我更痛苦.
我亦第一次覺得我無錯, 我外家係無錢, 我阿爸阿媽係唔識交仔女, 係"種"個仔. 唔通因為咁而你想見就叫佢地黎, 你唔想見就趕佢地走? 無錯, 你無出聲趕佢地走, 但你同我講既野就等同於叫我趕佢地走. 你見到我父母上黎攞番d野, 你無離開個房一步, 無理過我父母. 果一刻我心痛我父母, 我心痛佢2老不出一句聲就走, 阿爸無出聲, 無黑面, 無表情, 係門口等車黎, 阿媽一路同我講, 返上去唔好同佢嘈, 下次問到佢同意先黎, 大溝通好先. 唔好唔開心.
我因為怕失去你, 當日嘈交後, 你話唔好再提呢件事. ok, 可以唔提, 但你同我心裡果條刺有拔走嗎? 大家的行為又如以往嗎?
我一直唔敢搵我父母細佬妹, 唔係怕比佢地話, 係無面目面對佢地.
我唔知可以同邊個講, 同朋友咩? 有事就鐘無艷, 無事就夏迎春, 好意思找他們嗎? 所以只好係呢度嘆一口氣.....

0 0 0

私人傳訊

pollytopig

侯爵府

積分: 21979

BK Milk勳章

22^#

發表於 12-4-12 21:35 |只看該作者

作為外人,我哋唔清楚你2個家庭背景来龍去脈，
比唔到意見,你同你c 6一定要好好溝通吓,避免問題惡化

so far so good

私人傳訊

我愛唐英年

侯爵府

積分: 23298

21^#

發表於 12-4-12 20:39 |只看該作者

真真正正的想離開這個家!!

如果我老公，一定唔會俾我屋企人流離失所囉，一係俾錢佢地住酒店，一係係我屋企訓，如果佢都話今晚唔返黎訓，我一定發火同佢講，咁你冷出去訓囉！如果我係你兩老，咁樣俾人掉低，我一定偷偷哭泣囉，我一定唔會做不孝女，老公錫我既，佢都唔會咁對我家人，

點評

HLDMaMa 講得好啱。又唔想外父外母嚟住,又孤寒，係唔係要人斷六親。發表於 12-4-13 17:26

私人傳訊

sjssjssjs

子爵府

積分: 14523

20^#

發表於 12-4-12 20:26 |只看該作者

回覆：mimibebe 的帖子

勇敢d啦!努力!您都愛您嘅親人... 好自然禁打電話問侯父母... 吾好浪費左有機會孝順父母嘅時間

私人傳訊

ylc1015

公爵府

積分: 27587

熱血金章畀面勳章

19^#

發表於 12-4-11 16:23 |只看該作者

唔好咁怒氣

私人傳訊

RAY媽

侯爵府

積分: 21257

母親節2025勳章 2025勳章蛇年勳章 2024年龍年勳章

18^#

發表於 12-4-10 22:56 |只看該作者

回覆：真真正正的想離開這個家!!

即係佢好愛你，但好討厭你的家人因為佢地窮？
你咪你C6好窮但你用佢救命嘅錢（或幾個月嘅使費）去俾屋企人享受？

如果係你就真係有D過份呀。

否則，佢愛極你都有限啦。

私人傳訊

ann16688

大宅

積分: 1857

17^#

發表於 12-4-10 22:33 |只看該作者

樓主, 首先係咪你對你c6既父母都係成日阿之阿左先? 有好多野係連鎖反應, 你要檢討下先, 好, 先唔講你點對佢父母先, 就表面睇黎, 嘩, 你c6真係好姑寒, 住兩晚酒店有幾多錢? 如果你話佢愛你(我好有保留)者係佢好唔比面你&蝦你, 同埋又唔係佢出錢, d錢你既, 盡孝心比父母享受下都唔得? 我諗你地真係要傾下, 咁樣落去好傷感情

另外真係建議你一定要搵自己既親人呀, 呢個世界上只有佢地先會無條件付出去為你, 你諗下, 你c6連3, 兩千蚊都要計, 所以如果你唔錫你父母多d, 你第日一家後悔, 如果係我, 我一定唔會理個c6, 叫你c6成熟d啦, 從來結婚唔係成係你兩個人既事, 其實係兩個家族既事, 祝你好運

私人傳訊

mimibebe

別墅

積分: 595

16^#

發表於 12-4-10 19:20 |只看該作者

各位唔好意思, 成件事係咁: 由於我跟左老公返大陸做野同住, 父母好少見到D孫, 所以就約左父母同細佬妹係復活節假期一齊黎我度玩2日. 呢件事老公都無問題, 亦無話有咩唔鐘意. 咁就係佢地黎既前一日, 我提左個方案話去玩, 點知老公就覺得我唔理佢感受, 好唔高興. 而我亦覺得自己咁做係唔係幾好. 果晚就氹左佢成晚, 亦話下次會加倍顧及佢的感受. 見佢無乜事, 到父母上黎果日, 我就話我想同佢地一齊出去玩, 佢一聽到就好唔高興, 開始對我不瞅不睬, 我都算啦, 可能尋晚果度氣未過, 過左一排佢話比我知, 等我家家D人走左佢先返黎, 我亦無嘈佢, 隔一段時間都打比佢, 問下佢點, 但佢依舊係對我好冷淡!
到中午既時候, 我話大家今晚係度住一晚, 佢就答我: 今晚唔返黎訓!我地2個結緍咁耐除左佢出TRIP外, 都無試過唔返屋企訓!! 呢一刻令我好難受, 就正如我之前所講, 無錯, 你無趕佢地走, 但你咁做就即係叫我趕佢地走!! 我唔知點同父母開口叫佢地走! 而我亦唔想咁做, 大家一心黎探我地一家幾口, 你一句我開心就趕走人地. 所以我只好話今晚住酒店, 當老公知道我按排佢地住酒店就開始發脾氣, 覺得我同外家亂咁用錢.
尋日我地2個話唔好再提果日的事, 生活好似往常. 但係我心底呢條刺仲好深.

私人傳訊

肥妹心

禁止訪問

積分: 54592

15^#

發表於 12-4-10 18:01 |只看該作者

提示: 作者被禁止或刪除內容自動屏蔽

私人傳訊

mimibebe

別墅

積分: 595

14^#

發表於 12-4-10 17:06 |只看該作者

回覆 Nancy20090615 的帖子

可以咁解釋我地2個既情況, 我地2個都好愛對方, 但就係睇對方屋企人唔順眼!!
而今次佢比我既感覺係, 由於我父母用的係我既錢, 所以當佢知道我叫佢地出去住酒店時, 佢好嬲, 覺得我父母亂咁用錢!! 但試問邊個仔女可以做到叫興致勃勃黎探個孫的父母講: 你今晚走啦! 我老公唔想見到你地!!