夫婦情感 今日: 1 | 主題: 42762

積分: 34

1^#

發表於 12-4-13 13:00 |只看該作者 |正序瀏覽 |打印

比較長篇，希望大家可以睇唒佢⋯
我同c6結左婚5年, 有1仔1女,大女之前俾我媽咪湊,生完細仔後,諗住一人湊一個, 但眼見99湊仔仔既方法真係O哂嘴, 如:有成23、4度既時侯,亞b著4件衫,我幫佢徐,有話:"吾好凍親佢架..", 我話:"出哂汗喇^^"佢都唔理我...有次我買件貴既羊毛底衫俾仔仔, 我已經同佢講左一件已經好暖,
可以唔駛著咁多衫,有次出街99佢俾亞仔著左3件羊毛衫,嘩..我即時話"唔駛咁多呀!"
99:"羊毛衫唔暖架,咁薄.."痴線架...淨係識得攝條毛巾係仔仔背脊....
唉...同c6講,佢就話:"佢驚bb凍親嘛...由佢喇...著多件衫有咩問題者...!!"...(c6不嬲都係幫佢亞媽..企佢亞媽個邊....)
有次我&c6&99吵得好勁, 當時仔仔4個月, 女4歲, 因我想倆個小朋友一齊生活,所以我同c6講俾佢地我媽咪湊, 佢當時都冇問題,話會同佢亞媽講,點知返到屋企問佢講左未...佢黑哂面又話由佢喇..咁我話:"即係點呀..
我嬲起上黎咪入99房即接同佢講...
我話:"亞媽,我有野想同你講...(禮貌)...
99:"你講啦你講啦..(佢係度抱住我個仔,隻手係咁fing,)我見咁我話:"你放底bb先喇...
99開始好嬲喇..:"你想講咩呀..我知你想俾你亞媽湊架..我冇話唔湊喎...我想講原因時..
c6突然沖入黎話我對佢亞媽唔禮貌..唔駛講喇我地離婚啦!..我當時真係冇做d咩.係佢亞媽大大聲講野..
99:"呢d人點同佢相處架..離婚喇~~...
我:"你做咩人奶奶架...叫個仔同個新抱離婚..
99:"而家係我個仔話離婚咋喎..關我咩事呀!!
當時我c6已經打緊電話俾我亞媽叫佢帶我走...我搶左個電話..我話:媽咪唔駛理佢..我已經忍唔住喊得好利害..
媽咪好擔心話:咩事呀..發生咩事..你老公咁講架...??
c6攞番電話:"auntie..佢頭先對我亞媽好無禮貌呀...
我媽咪話:"你頭先叫我咩呀??..
c6"我頭先叫你auntie...."
我媽咪話:"唔駛咁快改口嗎?..."
我同媽咪講:"媽咪對唔住呀..我咁大個重要你擔心..(喊到收唔到制..
99重出黎話:"叫埋你亞媽過黎呀..大家一齊傾清楚佢呀!"
我:"我媽咪湊緊個女架..佢點過黎呀?"
99:"帶埋佢過黎囉....怕咩即，聽日唔好返學囉,幼稚園之嘛..."
(當時已經11點幾了!佢咁講, 我覺得佢係痂線架...個孫黎架..咁細個黎到嚇親佢咋...)
之後99返左入房...得番我同c6..
佢重走入房問佢亞媽:"冇野呀嘛你..."
99:"冇野..."
我心諗:"有野個個係唔係應該係我呀??" (我岩岩俾你地倆個圍鬧喎)
當時心好痛...好似被人打完一場之後,重要佢問打人個隻手有冇痛呀??

之後我send msg同c6講我要冷靜下..佢話好呀..之後大家都真係冇野..以c6話佢屋企人冇野好..好就係鬧完就算,就會冇野...吾會記住！

我同c6冇野後,佢搵媽咪食飯時,c6對我亞媽講:"亞媽,對唔住,我個晚講既野唔好記住!"
我媽咪:"哦..得喇.." (因當時我哥哥在場,媽咪唔希望亞哥知道...

其實呢件事已經發生了一年..期間因某些原因,2個仔女要俾99湊了,媽咪唔可以幫我,佢要長期睇醫生食藥,事實係十萬個唔願意,但冇辦法, 如請工人,99又問,做咩唔俾我湊埋呀?唔想再煩了..我c6又衰, d小朋友有佢亞爸亞媽理就得,冇都唔理,
我有時又要返媽咪度睇下佢, 有時返屋企睇仔女,個c6好懶...咩都唔做..就算一家人去公園, 佢只會坐埋一邊玩手機,
唔陪仔女玩..同小朋友玩個個又係我...唉...我成日叫佢放假同多d小朋友玩下...
你帶佢黎呢個世界,係想佢開心,...佢放假鍾意用哂d時間訓覺..佢放工返黎..鍾意就玩下佢地..如果唔係就做自己野...我原來都諗住算喇..為仔女, 自己辛苦d..

上倆星期c6有時要去深圳做野,
去了8日一個電話都冇,我打親俾佢就話做緊野,講唔夠2句就收線,
唉..一句問候d仔女都冇,明知個女發燒有咳都冇問,返左黎,我問佢做咩唔打電話問候下,佢又唔出聲,又話好累唔講喇..
到夜晚再問佢, 佢話呢幾日去左深圳, 心只掛住d仔女,冇掛住我
我問佢出面係唔係有個女人呀?
佢承認有一個女人有聯絡, 佢話每當同我鬧左交會搵佢傾計,我好嬲點解可以做出d咁既事,佢話我未同佢開始架...如果我要我99%已經開始左啦..佢話佢諗起頭家..所以佢想俾3個月大家冷靜下...俾佢諗下大家係唔係家庭重要..

好無奈,唔知點做...又唔可以同媽咪講,唔想一個人咁辛苦,
幾晚訓唔到,做野又冇精神...之後我決定話俾佢家姐同99知
(我都知佢地會幫c6, 但我諗住多一個人知,唔想俾佢一個人話點就點。)
佢地知道之後,都覺得佢c6唔岩,已經話左佢...
不過佢地暗示我要我忍下佢, 佢地話做女人係咁架啦..係咁唔公平,
重同我講左好多好多個例子, d老婆知道老公有小三都繼續忍,冇離婚,
重話好平常者,講到好似男人出面有小三,做老婆既為頭家就要接受。

點解女人為頭家就要啞忍,男人就唔可以為頭家斷絕同小三來往呢??

想問問大家可唔可要俾d意見我,究竟我應該點做, 做小女人容忍c6出面同異性聯絡,
定係做個大女人大家分開呢?
如果真係要去到呢一步, 我真我好想2個小朋友跟我。

希望大家俾d意見,tks!

0 0 0

私人傳訊

wong191

珍珠宮

積分: 39387

育兒性格勳章畀面勳章

30^#

發表於 12-4-14 01:10 |只看該作者

smile05042012 發表於 12-4-13 21:55
多謝你地既支持，而家最重要係媽咪健康活每一天，仔女快高長大。

你自己心裡面都清楚知道邊樣先係最重要了.
其實你媽咪都想你每一日有健康身體快樂生活咁睇住 d 仔女快高長大架.
所以你所做的決定, 你媽咪同仔女一定會支持你.

加油呀~~~~

私人傳訊

積分: 34

29^#

發表於 12-4-13 23:20 |只看該作者

引用：你自己想下同呢個人有無將來先?如果無就早D

原帖由 李大嫂 於 12-04-13 發表
你自己想下同呢個人有無將來先?如果無就早D解決,俾自己條生路啦.

如果咁做，好似俾左個機會佢同其他人⋯

私人傳訊

李大嫂

侯爵府

積分: 23500

28^#

發表於 12-4-13 22:58 |只看該作者

你自己想下同呢個人有無將來先?如果無就早D解決,俾自己條生路啦.

私人傳訊

VCMS

積分: 5989

BK Milk勳章

27^#

發表於 12-4-13 22:58 |只看該作者

回覆 smile05042012 的帖子

努力呀，我冇野叻，最叻係俾正能量，記住，你係媽咪黎架，升左哩好高級架，辦法永遠比難題多，加油，撐你

私人傳訊

積分: 34

26^#

發表於 12-4-13 22:53 |只看該作者

引用：回覆+smile05042012+的帖子如果係咁，你

原帖由 VCMS 於 12-04-13 發表
回覆 smile05042012 的帖子

如果係咁，你就要更加生活得好，你要生活得開心自在，俾你c6覺得佢唔會影響到 ...

好多謝你VCMS, 我要活得俾佢好！:ayawn
我要好好記住。Tks!

私人傳訊

VCMS

積分: 5989

BK Milk勳章

25^#

發表於 12-4-13 22:49 |只看該作者

回覆 smile05042012 的帖子

如果係咁，你就要更加生活得好，你要生活得開心自在，俾你c6覺得佢唔會影響到你，等佢知道佢唔係你一切，你亦未必需要佢，千其唔好俾自己殘，當你活得開心自在，你就自然搵到你要什麼，唔需要現在馬上去想呢段關係嘅將來，我同朋友都係咁講，如果因你今天不睡，今天的問題會在明天可以解決的便好，但相反，不睡也不能解決問題的話，那麼請好好睡一睡，人在不清醒時是想不到好方法的，一切從心開始

私人傳訊

積分: 34

24^#

發表於 12-4-13 22:09 |只看該作者

引用：回覆+smile05042012+的帖子我都同意『寧

原帖由 VCMS 於 12-04-13 發表
回覆 smile05042012 的帖子

我都同意『寧教人打仔，莫教人分妻』呢個講法，but if 你發現你老公已經不再愛 ...

多謝你既意見，好有用，講得好好。我會認真諗下下一步點做。至從發生呢件事後，冇一晚訓得好，食野食少少就飽了。一有空當時間就想喊，唉！如果有得選擇，真係十萬個吾想。
隻c6又好似已經變左心咁，好迷茫！等三個月可能結果都係一樣。

私人傳訊

李豆豆

珊瑚宮

積分: 111992

2024年龍年勳章

23^#

發表於 12-4-13 22:05 |只看該作者

回覆：吾知點做好？大女人or小女人？

我覺得唔應該俾自己咁辛苦，你認為容忍係為仔女好，但佢地病時爸爸唔理，平時又唔會同佢地玩，咁佢地會覺得開心咩？
個個都痛苦既話，你就趁呢三個月習慣下，同有時間就扮下靚，開心d，等佢知道你冇左佢唔咪唔得架！

私人傳訊

積分: 34

22^#

發表於 12-4-13 21:55 |只看該作者

引用：好矛盾。首先，99同妳C6第一段扯貓尾已經

原帖由 heffalumpiglet 於 12-04-13 發表
好矛盾。
首先，99同妳C6第一段扯貓尾已經話妳知，妳無可能喺佢地手上攞番妳個仔，妳C6好狗擺妳上 ...

多謝你地既支持，而家最重要係媽咪健康活每一天，仔女快高長大。

私人傳訊

VCMS

積分: 5989

BK Milk勳章

21^#

發表於 12-4-13 21:34 |只看該作者

回覆 smile05042012 的帖子

我都同意『寧教人打仔，莫教人分妻』呢個講法，but if 你發現你老公已經不再愛你嘅時候，我建議你唔好一拖再拖，我識人係咁，始終唔肯離婚，籍口係為左仔女，但係佢地兩公婆嘅關係，佢對仔女亦睇得一清二楚，搞到仔女對婚姻嘅想法好模糊，離婚唔係壞事，只要同仔女交待清楚係發生乜野事，咁樣反而令仔女更了解父母分開係什麼一回事

另一方面，如果你地仍是相愛的，3個月就3個月，呢段時間我係你就唔會俾壓力老公，多d關心佢但戒囉唆，男人步入中年梗有模糊期，對家庭、事業都會，佢地會搵方法逃避如搵小三等，內地、台灣及韓國女人點解咁受男人歡迎，因為佢地識讚男人，懂得什麼時候令男人覺得有『無比敵』感覺，呢樣係香港女人好多都做唔到，所以樓主如果想維繫呢段婚姻，你要俾好多好多耐性，可能要暫時拋開個人想法，比較冇自我地生活，換個角度睇，你係踏出呢個圓圈去看呢段關係

以上兩種方法都會好痛苦，問題係你認為值得嗎？守或攻？

私人傳訊

WAILAI_CAT