我由2010年10月開始努力造人，半年後都無就開始睇中醫，睇左半年中醫，十月的m小姐遲來了，以為bingo點知驗極都唔係，看了婦科才知是生了水瘤，吃了催經藥後正常番，11月重見m小姐，足足遲來了一個月(我平時cycle好準的)！2011年12月開始的起心肝book不育科醫生，book了周X仙醫生@3月同仁安董醫生@5月。後來在bk見到有jm分享話book將軍澳醫院或東區比起傳統的那三間快好多，於是book了東區@4月，放棄了周醫生。
剛剛同c6看完第一次公家症，報告一下情況：
先去繳費處交$100，然後登記，姑娘幫我磅重，然後收集尿液樣本，好快便有得見醫生了，醫生查問一下病歷，包括家人疾病，看看我們的婚前檢查報告，然後幫我照陰超，無特別狀況。醫生建議我抽驗hormones、照輸卵管，同埋c6要驗丁丁。抽驗hormone要在next period day2 and day21驗，照輸卵管可以給我揀用顯影劑或做手術，我當然揀用顯影劑啦，咁要在next period day10-14照，照前要避孕，最快要5月中才有得照。醫生就refer c6去出面的lab驗丁丁，收費$400，但醫院介紹應該有八折喎！現在要驗齊晒所有野，5月中後才book下次覆診日期，大家認為我是否應放棄埋仁安董醫生呢？但我已年屆35了！但公家做咁多野只收我$100，除了驗丁丁要自費，私家剩係consultation都幾舊，仲未計其他檢查！
發表於 
返回列表
