婆媳關係今日: 0|主題: 27758

收藏本版

發帖

返回列表

跳至頁

查看: 177617 | 回覆: 1924

真係唔知點算好-深層矛盾（唔好意思好長...）

[複製鏈接]

12 3 4 5...97

133

A.Yin

大宅

積分: 3719

1^#

發表於 12-4-28 18:47 |只看該作者 |正序瀏覽 |打印

我之前我喺度呻過99叫我唔好去產檢又要陪她去旅行，我最終按我原定計劃自己番咗香港，點知惡夢一觸即發

話說99知道我一定返香港，她即時縮短她的旅行探親之旅，返咗去她的基地-北京，呢個行為殺62一個措手不及，所以62以＂好意＂一定要99落深圳然後要我上去同她住一排俾她照顧我，（她們已經賣咗香港間屋），我一到香港嗰日就不停以慰問形式打俾我但事實係言談間不斷迫我上去。一開始係99迫我咁做因為她要討好她老公，我唔賣帳喺咁話我坐完長途機好攰成日嘔唔舒服，再問多幾日我已經冇辦法，格硬話自己血糖偏高要跟餐單食嘢，99冇我辦法，62出動再過一日又提，我又搵藉口話過關人多最近菌多怕被傳染再加上我真是好攰，點知他二話不說話派架車呢接我上去，唔存在過關同人迫的問題，又話深圳間屋大（事實真是好大），依家冇人住（因為99依家退休痴住62喺北京）冇菌又話空氣流通過香港多多聲唔會有事，我真係冇哂藉口，依然話好攰。
點知62琴晚send咗個msg過泥話：

「點都好我主意都係要你99去深圳睇睇間屋，開下窗通下氣，你
到時＂有時間＂的話多D聚一聚，住下就最好唔住都冇壞，等99煲燕窩、蟲草、海參呢D同血糖冇關的補品你食，大家一家人你有咗唔可以淨係你呀媽的責任我哋都要負責照顧你，走動的問題你打俾xx安排一架車喺你屋企樓下接送你就得嘞」

雖然62講的說話好漂亮，但他是令有目的的，而亦都係咁令我唔知點算好。要先交代下背景先可以講落去

我同C6 -十幾年前已經因為讀書過咗澳洲，C6比我更早，加上62喺大6做生意關係c6等如一直同呀媽住亦可以叫冇乜點同屋企人住過。我同C6拍咗好耐拖亦住埋一齊好耐，舊年年尾被99迫結婚

99 - 口未遮攔，唔經大腦鐘意講乜就講乜，成日以為自己係＂醫生＂說穿了就係c9一名，但因為62的關係再加上大6跟紅頂白，個個俾面，就算她話人係狗（假設），D人都只會講係嘅係嘅，形成她更加目中無人，講是講非，有她講冇人講，總之難聽講句就是一名八x，有咩唔滿意就潑婦駡街，c6丶62都怕咗她，唔會同她嘈，只會由她發難。

62 - 非常聰明的生意人，交際圓滑口才了得，譬如他個司機每日有8個鐘休息，但如果他夜晚有飯局他會叫司機返去瞓覺，他差唔多收工先叫個司機開工，臨近新年他話司機都係人，一早俾他返鄉下，寧願自己揸，對下屬好好，司機都有萬6蚊人仔一個月

！每年仲有花紅，所以個個下屬為他賣命，好錫我同C6。唔會同99起正面衝突，他只會對99表面功夫做足但唔會真是理她，譬如99去北京探他，他夜晚照帶她去晚宴但一食完飯就即刻叫司機送她返屋企，62自己就會好夜先番，就連禮拜6丶日都唔例外會一整日搵藉口出去

（我個人覺得）：因為62根本唔會頂得順99，c6細細個62已經因為工作關係成日要travel，根本冇真係同99一齊住過，所以當62知道自己要station北京之後，就安插99喺深圳高薪厚職做＂醫生＂，當99舊年退休之後，62唔想同99住，就叫99喺深圳等出退休金（奇怪係退休金一般即刻出但99等咗差唔多半年，我現在開始懷疑62同間公司夾埋），終於等到出退休金99一定要去北京同62住，62即刻說服99要照顧c6（成三十歲人）叫她去澳洲，99想順她老公意就迫c6同她搞移民（好彩我諗到個絕世好籍口停咗呢個計劃）

所以今次他們要我上深圳，好明顯係62想放假因為他已經同99住咗三個月可能開始頂唔順，坦白講點解我咁苦惱係我唔知應唔應該幫62呢個＂忙＂，我自己當然唔想risk我自己甚至肚裡BB的健康上深圳，但62今次迫得好緊，如果99真係去咗深圳我唔去就好唔俾面，又唔似一個新抱應有的行為再加上我深知99真是超級難頂，當年同她喺澳洲住咗兩個幾月，她一走我即刻要睇心理醫生睇足四個course,有晚c6飲大咗番嚟半講笑話如果我現在跳落去你記住同人講係我呀媽迫的。但是如果我去，我同99冇嘢講，她煮的嘢我又唔啱食，終日你眼望我眼唔知點咁，我驚幾日我都頂她唔順會動胎氣

懇求各位俾D意見，我真係進退兩難