吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› ..

夫婦情感今日: 0|主題: 42775

收藏本版

發帖

返回列表

跳至頁

查看: 4558 | 回覆: 67

.. [複製鏈接]

12 3 4

Siusukfan

別墅

積分: 724

1^#

發表於 12-5-1 08:04 |只看該作者 |正序瀏覽 |打印

本帖最後由 Siusukfan 於 12-5-7 23:34 編輯

:

點評

333s 家他有份, 住,食,.. 視老婆/老母當家的? 發表於 12-5-1 10:27

0 0 0

私人傳訊

Siusukfan

別墅

積分: 724

68^#

發表於 12-5-7 22:33 |只看該作者

明白喇，各位樓主。

點評

chan803 樓主係指開帖的人, 在此是指你呀.... 發表於 12-5-8 09:53

私人傳訊

heyhey101214

子爵府

積分: 11869

67^#

發表於 12-5-6 22:03 |只看該作者

樓主呀,其實照睇你老公性格應該都唔係好同你計較個D人,係咪因為你問佢拎多D家用個時講到好老奉,所以佢特登唔俾呢?

你有無諗過呢個方向呢?兩公婆無謂為個一千幾百咁計較啦...

私人傳訊

vivi0707

公爵府

積分: 25898

陪月勳章

66^#

發表於 12-5-6 21:40 |只看該作者

有番工,唔俾都好正常!!
如果一般開支佢都俾o西,禁其實自己都無咩要俾,
自己有手有腳有番工梗係食自己啦!!!

私人傳訊

heyhey101214

子爵府

積分: 11869

65^#

發表於 12-5-6 21:07 |只看該作者

樓主,其實兩公婆唔洗計到咁盡既,唔係話佢搵幾多錢都要掃哂入自己袋..

你有你鍾意做FACIAL,瘦身,佢都會有自己想玩既玩具..大家想點儲錢咪慢慢傾,
或者一齊協議每個月再額外每人儲幾多錢FOR換樓囉,你儲三千咪叫佢儲六千囉..

私人傳訊

木土土

琥珀宮

積分: 168099

64^#

發表於 12-5-6 20:41 |只看該作者

引用：Quote:cotychan+發表於+12-5-1+20:19+無錯,

原帖由 Siusukfan 於 12-05-06 發表
佢咪就係有鬆動都走去買幾千蚊一個的玩具，講好咗每個月要儲起佢換個三房單位(因為工人同bb瞓廳），我並不 ...

你老公已支付咁多家庭支出仍有閒錢買玩具，但你只負責咁小開支，點解都無錢剩呢？你講到佢俾多幾百都唔肯，其實你自己做小次facial都唔止幾百啦！衰d講句，你唔係俾你老公包養，點解一定要佢俾d錢你過手先得，你呢種想法真奇特！

你老公人工多你三萬，但照你所講，佢負責既家庭開支似乎比你負責既唔止多三萬law！

私人傳訊

李豆豆

珊瑚宮

積分: 112004

2024年龍年勳章

63^#

發表於 12-5-6 19:32 |只看該作者

引用：Quote:木土土+發表於+12-5-6+12:51+你老公

原帖由 cotychan 於 12-05-06 發表
我MISS咗呢個樓主回既POST!

樓主老公搵4萬5,一直只比2K比佢亞媽,我覺得呢啲叫刻薄.....

噢！我睇唔到原來奶粉尿片日用品係一人一半添！
其實樓主兩公婆都係一樣啫，一個搵四萬五但只俾兩千阿媽，一個就搵萬五但只係負責好少屋企開支都咁大怨氣

私人傳訊

李豆豆

珊瑚宮

積分: 112004

2024年龍年勳章

62^#

發表於 12-5-6 19:27 |只看該作者

引用：我揾萬五，他揾四萬五。他俾開二千奶奶，宜

原帖由 Siusukfan 於 12-05-06 發表
我揾萬五，他揾四萬五。他俾開二千奶奶，宜家話要俾多二千。阿仔讀官小，他負責阿仔補習費二千，課外活動一 ...

其實佢都負責左大部分洗費喇喎，連你扮靚都有俾，已經好好啦！你只係負責食同奶粉尿片，都唔係好多啫，點會冇錢呀？
我都係搵萬五蚊，我負責俾六千我媽幫我湊仔，同我會返去食飯及帶飯，另外阿仔尿片其他用品，屋企買野同兩公婆出街食飯有時我俾，有時老公俾，我自己所有洗費當然自己負責啦，老公冇俾家用我，我都有錢剩！

私人傳訊

cotychan

伯爵府

積分: 18748

畀面勳章環保接龍勳章

61^#

發表於 12-5-6 19:07 |只看該作者

大姐,佢買玩具店用好多錢,呢點你可以同佢傾,但係唔應該將佢比幾多錢家用亞媽嚟比.

而且佢已經有比唔少既家庭支出,並唔係無份養家,已經係一個好負責任既男人.你覺得佢一定要另外比啲"零用"去買嘢先叫有比錢老婆駛??有幾多個老公,連老婆去美容院既分期PLAN都比埋??咁叫無比錢你駛?

樓主,最後想講,稱呼你老公媽咪,你可以叫佢亞媽/佢媽咪或者叫做99都可以.叫人地做老母,我覺得呢個稱呼好難聽!!就算唔係你99,你都唔應該稱呼人地亞媽做"老母"!

私人傳訊

李豆豆

珊瑚宮

積分: 112004

2024年龍年勳章

60^#

發表於 12-5-6 19:04 |只看該作者

回覆：有無老公因為老婆有返工而唔比家用

我有做野，老公冇俾家用我，我負責阿仔既費用（俾我媽既湊仔費、尿片、用品），老公負責供樓+水電煤、管理費，我搵少佢五千蚊，但佢仲月月清過我，呢兩個月佢欠我兩萬蚊（我幫佢找住卡數先）

私人傳訊

Siusukfan

別墅

積分: 724

59^#

發表於 12-5-6 18:40 |只看該作者

D

本帖最後由 Siusukfan 於 12-5-7 23:46 編輯

D

私人傳訊

cotychan

伯爵府

積分: 18748

畀面勳章環保接龍勳章

58^#

發表於 12-5-6 18:30 |只看該作者

樓主,係你話佢比錢供你地層樓,他負責阿仔補習費二千，課外活動一千，家傭人工四千五，我的手提電話費四佰，我的美容、減肥、按摩plan的部份供款。我有畤都會要佢買衫鞋（每月一次），其他去街睇戲食飯買野他負責。奶粉尿片家庭日用品就一半半。

呢啲叫無比家用??咁你都覺得唔心足??一定要將錢直接放入你個袋先叫比咗家用你??

佢搵咁多錢,一直只比2K比佢亞媽,你覺得好合理?佢父母因為有返工,有收入,就唔應該比"4K咁多"??咁如果到佢父母都退休,你老公話比夠8K佢地,你又會唔會又嘈?你老公比2K佢父母,嗰啲叫茶錢咋,根本就唔叫"家用"!連屋租都唔夠啦!而家係你老公良心發現,比番多少少錢佢父母嚟回饋番佢養育之恩!

我老公比幾多錢佢亞媽,我覺得佢唔駛同我交代!只要佢負責番屋企既開支,佢有幾多多餘錢去買佢啲心頭好既玩具,或者儲埋佢都好,又或者佢比好多錢佢亞媽,搞到無錢都好,我唔會理.

你所負責既部份已經好少,你仲想點?我喺樓主都講過,我係FTM,就依靠我老公比既萬五,要包屋租,水,電,煤,保險,家用品.伙食.你話你搵萬五,只係負責比伙食,仲想點?你覺得你老公應該連呢啲都比埋?等佢萬五全部落晒自己袋??你供你亞媽層樓,係你自己既事,同你家庭支出無關架!!