吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我應該點開解佢, 我的弟婦

夫婦情感今日: 1|主題: 42802

收藏本版

發帖

返回列表

跳至頁

查看: 2951 | 回覆: 26

我應該點開解佢, 我的弟婦 [複製鏈接]

catping

男爵府

積分: 5340

1^#

發表於 12-5-1 09:52 |只看該作者 |正序瀏覽 |打印

佢---->弟婦
佢地結左婚3年, 現在21YEARS, 有個小朋友3歲, 見佢FACEBOOK變左單身,問咩事, 佢話我屋企人對佢唔好, 弟做左D佢原諒唔到既事, 有產後抑鬱....想同我弟分開下...
1, 佢身嬌肉貴已經做左好多平時佢唔會做既事 (煮飯係頭一年比較多, 洗衫都係各有各洗, 嫁左應該係跟老公家住態度照舊呢??其實佢又唔係做好多)
2, 佢地要比租金2千蚊, 包埋水電, 當家用都要掛 (我家係村屋, 可以一人一間屋, 只係同一個門口出入, 近呢半年先要佢地比租)
3, 我哥把口好臭話過佢(3萬請個菲傭, 抵啦) 佢一直記得, 佢嬲我哥但更嬲我弟冇幫佢出過一句聲
4, 佢呢2年落2次, 第2次晕左, 我弟都冇關心過佢...我唔知件事係點...
5, 我弟做左D佢原諒唔到既事, 曾經佢話過比佢去食快餐(因當時佢有左), 有咩事係比出軌更難接受?
6, 佢鍾意夜浦, 因佢D朋友都係夜浦, 唔去就會冇哂朋友 (我弟又唔LIKE佢去, 但又比佢出, 次次我弟又講住粗口電話去接佢返黎...-.-....
7, 佢有產後抑鬱, 就係佢成日記住人地對佢唔好, 我同佢傾左半個鍾都係講我屋企人點點點, 點解唔諗下我屋企人對佢好既野....

我同佢最傾得埋, 但我已婚搬走左1年, 我屋企人係比較傳統, 重男輕女, 但因有個阿哥比弟有主見有分寸所以父母都聽哥講野, 我弟係月光族但結左婚已經好左好多, 脾氣都收哂, 佢以前中學可以幾日唔返家, 佢話佢媽錫哥多D, 但結左婚佢知媽都錫佢, 關係好哂, 佢比我印象係:佢未玩夠, 鍾意夜浦, 識男仔朋友多, 佢覺得冇問題, 但結左婚係咪應該收斂下, 何況我弟唔LIKE, 把口都好串, 屋企人都比佢串過, 同佢傾當日佢都有話我之前講過: 成日係屋企煮下飯, 洗下衫有幾難呀!: 現在我有左BB明白係辛苦架, 但洗唔洗記到依家, 唔通你話過我我又記住咩...其實我弟都係粗心大意D, 試問有幾多個男人係十分呀, 佢話我弟成日都唔改, 佢冇幾多年, 自己都唔改點解要人地改, 當初佢地分開再一齊, 我問點解, 佢話同過其他人一齊覺得都係愛我弟多D, 但現在又話佢唔夾, 而且佢落過BB怕冇得生, 我應該同佢再傾定係等佢迷途知返...

0 0 0

私人傳訊

mollywong2002

別墅

積分: 986

27^#

發表於 12-5-2 23:49 |只看該作者

唔好理佢地既事,正所謂一個願打,一個願捱,況且,講賽一句,你弟婦又未必會講晒所有事實既真相你聽,你不能講邊個岩邊個錯,只有佢地先知點樣做係最好,兩個都係未玩夠,恕我直言,而且仲生左小朋友,試問兩個小朋友教小朋友,如何教得好,我叔仔既事從來唔問唔理,你話人地記住你哥同佢講過d唔好聽既說話,我都會啦,你哥講野過火左,我勸你不要做中間人,否則,到時有事,會怨你一世

私人傳訊

charryying

洋房

積分: 82

26^#

發表於 12-5-2 23:29 |只看該作者

回覆：我應該點開解佢, 我的弟婦

其實你弟婦需然不太成熟，但問題的確在你細佬上，講真不論你細佬比以前已經好左又點呢？佢始終有不對不是嗎？而且如果問你弟婦點解算擇你細佬，你試下用佢既角度睇一睇！

私人傳訊

蘿絲頭

禁止訪問

積分: 54604

畀面勳章

25^#

發表於 12-5-2 22:53 |只看該作者

引用：Quote:原帖由+catping+於+12-05-01+發表佢-

提示: 作者被禁止或刪除內容自動屏蔽

私人傳訊

蘿絲頭

禁止訪問

積分: 54604

畀面勳章

24^#

發表於 12-5-2 22:53 |只看該作者

引用：其實你係家姐，晤可以插手太多女的未玩夠

提示: 作者被禁止或刪除內容自動屏蔽

私人傳訊

家龍mA

水晶宮

積分: 54643

畀面勳章環保接龍勳章

23^#

發表於 12-5-2 05:25 |只看該作者

點解你阿哥把口可以咁賤?

私人傳訊

rayrayus

翡翠宮

積分: 86787

馬年勳章 2026勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

22^#

發表於 12-5-2 01:57 |只看該作者

唔好插手，由得佢，好明顯你細佬同弟婦都唔成熟，當初係為BB結婚，而家婚姻有問題只有佢地可以解決，無謂唔知頭唔知路做和事佬

私人傳訊

ABBC

子爵府

積分: 13533

21^#

發表於 12-5-2 01:19 |只看該作者

回覆 siumeow 的帖子

無錯~~~你講得O岩!!樓主話弟婦成日記住人地話過佢既野~
試問針唔拮到肉又點知痛丫?
講真~我同我D姑9依家D關係都算OK~
不過只係我叫自己唔好記住佢地講過既野~
但係要忘記真係好難~因為真係好唔開心
只係大家都係一家人就算~
不過如果連記得都唔俾人~會唔會係霸道左D呢?
ANYWAY~樓主有呢個心都算係咁..不過好人難做~
永遠都係唔出聲好D~

私人傳訊

ABBC

子爵府

積分: 13533

20^#

發表於 12-5-2 01:08 |只看該作者

引用:佢---->弟婦佢地結左婚3年, 現在21YEARS,

本帖最後由 ABBC 於 12-5-2 01:15 編輯

原帖由 catping 於 12-05-01 發表
佢---->弟婦
佢地結左婚3年, 現在21YEARS, 有個小朋友3歲, 見佢FACEBOOK變左單身,問咩事, 佢話我屋企人對佢 ...

睇到你話你細佬粗心~有邊個男人係有十分?，就令我諗起我啲姑9們，佢地細佬可以咁，但佢地既老公就唔可以咁

樓主，好老實，你作為姑9仲嫁左添，如果唔能夠將心比己既話，我勸你都唔好做和事佬!!
各人有各人既緣份，千祈唔好以為你依家係幫緊佢地，要知道你講錯一句，就已經可以更導致佢地關係更惡劣!又唔好以為你係心理治療師，可以開解到你弟婦，你只會令到佢對你屋企人既埋怨升華，引導左佢既記憶!亦唔好將你自己喺屋企既不滿同佢相比，要知道佢地係你屋企人，而你係冇得揀但佢有，到佢諗到呢一點，可能更堅決走人!!!

槍打出頭鳥，到佢地爆大煲，你既說話可能係你細佬埋怨對象，講多錯多架咋，置之度外啦!從來兩個人既事，外人都好難介入調紛得到架啦!你又何必要拿屎上身呢????