吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公對我父母~

夫婦情感今日: 0|主題: 42776

收藏本版

發帖

返回列表

跳至頁

查看: 3853 | 回覆: 40

老公對我父母~ [複製鏈接]

12 3

babychlo

別墅

積分: 828

好媽媽勳章

1^#

發表於 12-5-3 09:42 |只看該作者 |正序瀏覽 |打印

忍唔住再出post~~~

真係越諗越嬲, 我老公未結婚, 對我父母客客氣氣..

結左婚後簡直不知所謂, 對住我父母黑口黑面,
好日都唔見一次, 一見你咪做下樣囉, 唔駛你死掛~~
我就日日對住你阿媽, 大聲d講野都唔得,
做人公平d得唔得, 果個係我父母~~

而加搞到我連屋企食飯都唔會叫佢去,
有時我父母打返屋企搵個孫都等我老公唔係屋企先打~~
唔係嚴重到咁, 而係我覺得我父母冇需要受佢氣睇佢面色~~~

咁大個人都唔識話同我父母去食下飯, 我地放假諗住3人世界你就叫埋你阿媽~~
真係越諗越火, 越數越嬲~~~真係好鬼曾佢~~

0 0 0

私人傳訊

靜媽

男爵府

積分: 5754

41^#

發表於 12-5-26 23:54 |只看該作者

我老公同你老公都係差不多，我對佢阿媽就客客氣氣，真係當親人咁看待，但我老公就唔會咁樣對我阿媽，仲不時黑面，為左呢個問題都同老公嘈過幾次，佢話自己對住我屋企人就無話題喎，有時自己都會覺得好委屈，點解做新抱就好似奉指要對男家好，但外母就好似怕左個女婿咁...

私人傳訊

Magan28

大宅

積分: 4881

40^#

發表於 12-5-26 17:29 |只看該作者

回覆回覆:babychlo的帖子

他很自私，一定要傾清楚！！問吓佢係咪有咩唔順呀！！

私人傳訊

Y.W.L.

大宅

積分: 3413

39^#

發表於 12-5-26 15:49 |只看該作者

我都想呻下呀!

我結婚前已同老公堅決講明唔會同6299住,因佢地啲生活方式我係完全融入唔到,更何況做女梗係親自己父母多啲架啦~我都已經讓步,同老公住6299隔離屋苑,方便老公返去食飯同埋睇睇佢父母(因兩老都成60幾同埋70幾),呢點我明白!

有時返去食飯,99餐餐都嫌62煮的餸唔係鹹就係冇味,再唔係就唔熟,大姐!你一日三餐都係62煮俾你,你就翹埋雙手等開飯,有冇為自己有個老公肯為自己日常生活照顧周到而講聲唔該或多謝?我有時好睇唔過眼,為62發聲,叫99不如煮一餐俾62參考,等人地知你口味囉,但老公鑊鑊好話我話佢媽,但你媽真係餐餐都係咁架喎,自己好似冇責任,當你老豆係阿四!!!

終於有次62飲完早茶,順便買個飯俾99做早餐,99食一兩啖之後好話62嘥錢,買埋哂啲垃圾俾佢食,結果62屈左成晚,到晚飯時(當晚我並冇返去食飯),當晚我老公同姑奶都有返去食飯,點知62煮好飯,就出廳除左隻錶俾我老公,叫我老公拎去當,仲話值幾萬蚊,間屋就賣左佢,啲錢同佢平分,之後走左@@一問之下,至知99做左啲咁過份的事,但99仲要好理直氣壯話唔關佢事......過左三個鐘左右,62自己返屋企,直到第二朝,如常買餸返屋企,結果響大堂暈左,原來62前一晚冇食過飯,玩呀!玩出事個99至識驚

不過我62成日都扮大佬,次次一講到啲新聞時事,成日好話人"多能餘啦!唔能識你就咪出聲"冇架啦,佢講得最多係呢句

前排我同老公plan緊換樓,但由於資金有限,故被迫兩間屋賣左同6299住(我億萬個唔願意!!!!!!!!),但老公好鍾意個單位,加上佢問過62,62好爽快話支持,咁就成就我老公買左個單位,點知響我生日果日翻睇樓兼簽文件,呢個62響我父母面前做左啲不知所謂的野,又好大鬧我老公"點解要買,同6299住緊的單住高成十幾層,你知唔知呀仔?",又好話自己當初講笑,又話人地間屋一個衣櫃都冇,對我父母又黑面,全程毫不大方,大佬!!!間新屋寫埋你名架,唔係明屈你架,你原來大方唔起就咪扮大佬啦,玩唔起就咪話支持啦,我都唔係咁想同你住架咋!!!新屋有露台,我媽話夠大,可以掠被,點知62一出黎就理直氣壯大大聲同我媽講"我唔行得咁出架,我行出啲會震架"心諗你住26樓響露台食煙又唔見你話腳震,你至係名符其實的"多能餘",我媽俾佢的說話搞到唔識答,因我父母覺得間新屋好靚,完全冇問題,我細細聲同我媽講唔洗理佢,因為佢響度發癲,咁岩我老豆出黎,就冇意中一句話我62"有冇搞錯呀!咁靚的景都唔識欣賞,真係嘥哂"我就借啲意拉我媽返廳,由於我約左我嫲同我父母一家慶祝我生日,加上當時已經過左約定時間,我就好心急,因為約會係我約,但已經過時,唔想老人家等,我同老公好快手簽左文件,到老爺簽,佢居然兜住經紀話佢唔簽得,一簽就死得人,我好忟,即發佢爛渣"喂!你點架?支持又係你話支持,到依家至話唔支持,你想點呀?一係撻左兩萬蚊訂走人囉!!!!"佢至死死地氣簽,我好嬲,話知你係咪長輩,但你響度扭屎忽花阻我就唔得囉!!!之後去銀行問做按揭時,居然有驚人發現就係可以賣一間屋,另一間套現現金,好呀!咁就唔洗一齊住兼唔需要兩老有大轉變~

事後我老公同6299深情對話,62話好唔鍾意我果日的表現,我老公道出果日係我生日,佢就扭屎忽花,阻住啲時間,所以我發佢老脾,而6299仲話想一齊住,我老公話一定冇可能,因我性格火爆,睇唔過眼的會出聲,一定冇可能一齊住,老公同62講果晚佢的露台事件真係好核突,響人地面前好冇面!62聽完只係響度笑...

總結,呢個扮大佬的62冇咁大個頭唔好帶咁大頂帽,個仔做左又好話自己講笑,你又知唔知你個仔最尊敬你,至問你意見？另外，大家生活方式唔同,我都唔會日日去6299屋企食飯,一個人更加唔會上去食,只會等老公返黎至食,一係各有各回家食,我覺得返父母屋企食至舒服,所以我好多時都返自己屋企食,對住6299又冇野講,餐餐都好似自閉同埋搭枱咁,加上99講鄉下話我又聽唔明,亦冇心去學!有時都係還債方式同老公上去食飯架咋,所謂還債係老公去我屋企食一餐,我就去返佢度食一餐,當然兩個人一齊至算數啦!

私人傳訊

mankei416

男爵府

積分: 6690

38^#

發表於 12-5-26 15:48 |只看該作者

babychlo 發表於 12-5-3 09:42
忍唔住再出post~~~

真係越諗越嬲, 我老公未結婚, 對我父母客客氣氣..

我好鍚我既父母，我嫁我老公都係因為佢對我家人﹑朋友都十分好咋。呢樣野對我黎講係最最重要。

正用手機app，請勿點評，因為是看不到的。如要回覆請用引用，多謝合作！

私人傳訊

咔咔

複式洋房

積分: 434

37^#

發表於 12-5-26 13:50 |只看該作者

回覆：老公對我父母~

佢父母點欺負我呢個新抱! 我都會咬實牙根叫佢地一聲：「老爺! 奶奶!」所以佢唔敢唔尊重我父母!都會「外父!外母」咁稱呼!

私人傳訊

咔咔

複式洋房

積分: 434

36^#

發表於 12-5-26 13:45 |只看該作者

回覆：老公對我父母~

我對我老爺奶奶有幾討厭我都唔會同佢地正面沖突! 而我父母則好錫我老公!當佢自己仔咁錫!
講一個最近的故事呀!母親節前兩日老公同我講! 過兩日母親節! 星期六同我媽飲茶! （冇提及同我媽飲）我問佢! 「點解你剩係叫我同你媽飲茶??點解你又唔話同我媽飲茶??」佢開始嬲嬲地答我：「星期六，同我媽飲，星期日同妳媽飲」我更嬲地答：「點解要你媽飲先! 我媽飲後呀?? 你都好識安排喔」跟著就開始吵了......! 我仲嬲到當晚搭車返娘家! 手機電源也關了! 佢就係樓下搵著我2個鐘!後來我回到娘家，沖完涼，開返機! 老公打來，我叫細佬同佢講「家姐返左我地到，她睡左了!」結果我星期五同六都同媽媽及細佬一起開心過日，個衰佬就同佢細妹佬陪佢媽去飲茶! 星期五六個衰佬打親俾我，我都cut佢缐!星期日個衰佬就黎接返我，仲同我同細佬同媽咪下街買餸煮飯! $$$由衰佬俾晒! 星期一晚我才同返奶奶老爺食返!
其實我同6299他地好有火藥味的! 有機會慢慢分享俾各JM聽!!我也憎佢地憎到死

講真! 我地做新抱梗係一開頭都想同老公父母好架啦! 邊有新抱找死! 同老爺奶奶姑仔等吵! 咁咪者同自己條命過不去

哎! 我既故事又係一匹布咁長!

日後我地做人奶奶!真係要識做!唔好要個仔難做!

奶奶都係過來人! 點解佢地咁唔識做人同黑人憎ga?

私人傳訊

klcbb123

男爵府

積分: 7939

35^#

發表於 12-5-26 12:57 |只看該作者

我又係鐘意一家4口去街, c6不是成日有假放,但奶奶成日痴住哂, 整整吓我咪話, 你同你呀媽去我同2個女去唔好跟住我地,後來c6叫99自己去街, 叫c6自己陪自己呀媽都唔行做咩要我3母女陪她,你唔出聲c6就扮無事一齊去99又不通氣

私人傳訊

ireneskinfocus

洋房

積分: 79

34^#

發表於 12-5-26 12:33 |只看該作者

係咪你地結婚時出現左d誤會令佢同你父母面阻阻呀~

私人傳訊

Cody

男爵府

積分: 6395

畀面勳章

33^#

發表於 12-5-26 02:05 |只看該作者

回覆：babychlo 的帖子

我c6以前都係咁衰，唔止黑面直頭試過開口閙

所以有維持好多年，返娘家食飯唔會叫佢。

可能年紀大左，見識多左，我亦好感恩等到佢開始生性似返個人

私人傳訊

WAKS

複式洋房

積分: 299

32^#

發表於 12-5-25 02:27 |只看該作者

回覆：cotychan 的帖子

私人傳訊

bobo2001

禁止訪問

積分: 2256

31^#

發表於 12-5-4 16:46 |只看該作者

提示: 作者被禁止或刪除內容自動屏蔽

私人傳訊

蘿絲頭

禁止訪問

積分: 54604

畀面勳章

30^#

發表於 12-5-4 14:15 |只看該作者

引用：有無試過問下距點解？做人要將心比心啊... +

提示: 作者被禁止或刪除內容自動屏蔽

私人傳訊

小冬姑

男爵府

積分: 8320

29^#

發表於 12-5-4 14:13 |只看該作者

我初時都係一見到c6個邊d長輩, 一定叫既! 因為係基本禮貌! 但...我見c6唔係好叫我個邊d長輩, 我而家都好少叫c6個邊d人啦!!

我冇同c6講我既不滿, 佢地男人諸多excuses! 我都費事傷感情! 我只會mirror佢既做法, 佢若覺得有問题出聲時, 我咪話返比佢聽佢平時都係咁對我d長輩lor!

私人傳訊

lolmum

禁止訪問

積分: 13848

28^#

發表於 12-5-4 10:32 |只看該作者

提示: 作者被禁止或刪除內容自動屏蔽

私人傳訊

JennyChiuKaYee

別墅

積分: 942

27^#

發表於 12-5-4 00:51 |只看該作者

引用:忍唔住再出post~~~真係越諗越嬲, 我老公未

原帖由 babychlo 於 12-05-03 發表
忍唔住再出post~~~

真係越諗越嬲, 我老公未結婚, 對我父母客客氣氣..

我老公去街唔會叫埋佢阿媽，但試過叫佢家姐，老實講啊，我同d姑9零交流，試過一次一齊行去飲茶，我老公同姑9兩個一路行密密傾，而我孭住bb跟系佢地後面，就好似透明人咁，之後老公試過再提議叫佢家姐一齊去街啊去長州啊去踩單車啊，我話無預我，我費事去做透明人，其實呢d都小事，我最嬲個次系我老公為左佢另一個家姐，話我自閉唔討好佢d家姐，自己攞來衰，我真系嬲到爆炸！想離婚添啊，自己屋企人就巴閉，要老婆去就，老婆屋企人就系草，呢d男人執到都喊三聲

私人傳訊

JennyChiuKaYee

別墅

積分: 942

26^#

發表於 12-5-4 00:34 |只看該作者

引用:佢過份到我媽上黎，完全唔叫我媽，嬲到我死

原帖由 babychlo 於 12-05-03 發表
佢過份到我媽上黎，完全唔叫我媽，嬲到我死！
唔知我媽點解可以咁大量，話由佢完全唔嬲！我爸上黎我地到， ...

好明顯你老公屋企人無禮貌無家教，我父母來老公屋企探bb，d姑9啊姑仔啊又系啞巴咁，唔識叫人架，要我父母同佢地打招呼先識應人，我老公一開始又系唔叫人，我次次都鬧佢，宜家會叫人了，但系佢地屋企有親戚上來，我老公就拿拿林要我叫人，我同佢講，我屋企好有家教架，父母系我細細個時就教我見到長輩或者親戚等要叫人，唔似得你屋企啊，我老公即時無聲出