個時第一個念頭就係唔要得,之後就喊住打比老公,因為水痘加經濟壓力老公都話唔要再去睇醫生,睇返出水痘時睇個個,佢第一時間就話唔要得,好大問題缺憾,但就話如果真係有先天問題8week內會自然流走同我寫信去醫院證實懷孕,都註明有出過水痘,之後去屯門醫院想排期做手術,但無得做,叫我去家計會再轉去其他醫院,之後揀左去瑪麗醫院,去到排期耍排到12week先第一次見醫生,老公話太耐怕我傷身傷心,再去家計會再排,排去灣仔家計會,個時8week,去到照到閃閃(喊左),本來決心要約過幾日要做手術,但問左家計會醫生,我咁既情況(受孕期早過出水痘一星期)對bb係咪好大影響,係咪一定有缺憾,點知醫生答我"其實早期出水痘對胎既影響只係2%,以我情況睇嚟有問題既機率係好細"叫我諗清楚先做,做左就返唔到轉頭仲話當我無嚟過close檔案好感激家計會醫生
到第二朝起身見紅,自己去左急証,老公無理我繼續瞓...到佢起身先打比我問我點,個時係醫院再照一次陰超,見到閃閃好正常,忍唔住喊左出嚟(個日仲係我生日),我同急証室醫生講我既情況,佢叫我一係留院,但如果真係要流都做唔到d咩,咁我都心知肚明如果個胎真係先天缺憾,我要留都留唔住,醫生寫左兩日假比我叫我唔好返工,同轉介我去婦產科見醫生,但個時一心抱住隨遇而安,係你就係你既心態第日繼續返工,個時都無諗住要好好保住個胎,同左上司講應該唔要,佢又無炒我(未過試用期),照做粗重野同有爬上爬落搬下野咁仲開電腦即刻搵數據比我睇,又講話只係2個%,真係要放棄一個生命之後佢叫我考慮清楚,又幫我約期照早期結構性,又問我老公幾時方便,約左個期就佢放假去再見醫生傾個時好開心係政府醫院居然有一個咁有心既醫生
發表於 
之後既我會聽日用電腦繼續打埋
加油呀
返回列表
