大仔大女媽媽會 今日: 0 | 主題: 177861

積分: 1037

1^#

發表於 12-5-9 14:53 |只看該作者 |正序瀏覽 |打印

我個仔唔知係咪近排成日同個比較調皮既同學仔一齊玩,愈來愈唔聽話,好勞氣~唔知有無關係既呢?係喋唔應該比佢同d調皮既小朋友一齊玩呢?(d老人家係咁講)都唔知點算?搵人教下我啦~thx~

0 0 0

私人傳訊

積分: 1037

26^#

發表於 12-9-11 21:11 |只看該作者

Jerryjelly 發表於 12-9-11 16:48
樓主,我4年前都開過online shop..真係要用好多電腦時間架..後來覺得online shop競爭越來越大先唔做..
而且 ...

多謝你呀~我都覺我而家onlineshop真係好難做,我而家都好少理,得閒先upload少少新野上去,因為之前暑假,自己又要返工,又要安排小朋友既節目,所以更加唔理~呵呵~真係好多謝咁多朋友既意見~

私人傳訊

Jerryjelly

別墅

積分: 808

25^#

發表於 12-9-11 16:48 |只看該作者

本帖最後由 Jerryjelly 於 12-9-11 16:49 編輯

tweety0509 發表於 12-5-17 10:38
多謝晒兩位熱心既朋友~我受益良多~希望可以慢慢教好個仔,如果唔係第時大個左都唔知點教~THX~
如果可以加我F ...

樓主,我4年前都開過online shop..真係要用好多電腦時間架..後來覺得online shop競爭越來越大先唔做..
而且依家好多人去淘宝買野..己經少咗人上網買
不如樓主用多d時間同仔仔相處吧..有時錢可以再揾..仔仔大個咗親子時間就少咗..好好把握現在多d同仔仔親子溝通呀

Good Luck

私人傳訊

積分: 1037

24^#

發表於 12-5-17 10:38 |只看該作者

多謝晒兩位熱心既朋友~我受益良多~希望可以慢慢教好個仔,如果唔係第時大個左都唔知點教~THX~
如果可以加我FACEBOOK~ 因為我成日比人BLOCK, ADD 唔到人呀~THX~
[email protected]

或者click左入去睇左再add~
https://www.facebook.com/media/set/?set=a.354196291303870.81946.100001405057098&type=3&l=c2e42849f5

私人傳訊

積分: 1037

23^#

發表於 12-5-15 23:35 |只看該作者

回覆回覆:titanlow的帖子

多謝晒你呀，你地真係好好人,用咁長時間去幫我分析，我好感激你地呀，我會盡量用你地建議既方法去教亞仔，希望佢快d乖返啦!

我下次去圖書館揾下你所講個d圖書先~係英文架???如果係真係要慢慢消化下先得

點評

titanlow 有中文版, 係台灣出o既, 但library好似只有英文版...我沒有找, 我是借英文發表於 12-5-16 09:55

私人傳訊

積分: 1037

22^#

發表於 12-5-15 23:30 |只看該作者

亞仔愈來愈調皮~點算

多謝你地比咁多寶貝意見比我,真係好感動!

今日我都打左電話比亞仔班主任,同佢傾左一陣,miss 覺得亞仔比前排好左d,可見真係唔比佢同個個小朋友一齊玩,真係會好d,不過仲沒去到之前咁好,惟有慢慢黎啦!不過miss到讚佢好多乖既野,聽到都開心返晒，放工去買餸仲買左西瓜比佢食,(亞仔叫左幾次叫買架喇，不過我唔識攔，今次都買到唔靚既

)

其實我間中都有去聽d講,不過次次都係聽完就唔會跟足佢教既方式去做,係唔係我唔同意,我都好認同,不過就係跟唔到囉~其實我都想跟住講師講去做!!!哎…大家加油啦!!!!!!!

點評

wan_sosin 唔洗客氣!有時都唔知幫唔幫到架!只係可以的話,盡量關心下! 發表於 12-5-16 22:09

私人傳訊

積分: 49860

21^#

發表於 12-5-15 22:40 |只看該作者

回覆 tweety0509 的帖子

如果個細路嘅家人覺得無問題,咁都無辦法!如果個小朋友真的有d唔對路,終有一日會見到!

而家行為有問題嘅細路唔少,有些可能係天生,有些當然是管教出問題!

今日我去了CAC聽講座,個姑娘話而家D父母,帶小朋友乘港鐵,成日會比小朋友坐而父母自己企,佢話咁都唔好,三歲小朋友都應該比父母坐,從中要學去尊敬父母!

我哋呢代學識是比上一代高了,但教導子女,就未必合格,大家一起努力學習!

私人傳訊

titanlow

用戶要求終止服務

積分: 7429

20^#

發表於 12-5-15 11:28 |只看該作者

小朋友有樣學樣真係好正常, 有個同我地好close o既家庭來我家吃飯，佢地細囡好鍾意用手拎野食, 一食完餐飯, 我2個囡就會跟o左個妹妹用手拎野食, 要好多日先可以correct番佢地用筷子spoon...真係學唔好容乜易, 呵呵！又有一次，2個囡同妹妹一齊去跳舞班試堂, 平常妹妹都有上開呢個班o架, 會跟導師指示, 個日有我2個囡一齊, 就癲o左, 玩到傻, 唔聽老師講, 我同朋友都話, 佢地3個絕對唔可以一齊學野...:;pppp:

其實你自己都有好多壓力, 變相都無時間同耐性去教小朋友呀, 希望你先生快d 搵到工, 減輕經濟壓力啦, 有老人家同住一般都係有呢個縱容問題, 其實都需要大人預先協議好, 邊個負責去管束, 好似你覺得個仔無禮貌呢, 你下次試下用正面o既語氣去提醒: 有禮貌吖....唔好一句炳埋去話: 你都無禮貌, 我點解要幫你...之類咁o既說話, 久而久之, 細路都會學晒o架, 我細囡成日叫人做野o架, 我每次都要講: 有禮貌吖, 咁佢就會答: 唔該媽咪幫我....其實都係同一個目的, 但換一換用語同語氣, 效果就好唔到。至於亞仔學人家的行為, 都要趁大家好開心, 心平氣和時拎出o黎討論, 再將d 道理'滲'入佢耳仔。

你有冇睇過mr. men & little miss 呢套童書, 有好多個人物o架, 可以去圖書館借, 其中有mr. rude, mr. noisy等等, 佢地都會因為講野太大聲/無禮貌而遭到別人教訓從而改過, 有時我大囡講野太大聲, 我就模仿番書中的人物, 扮聽唔到mr. noisy講野, 等佢細聲番先聽到....咁呢d '道理'就係咁樣慢慢入腦...你需要o既係時間囉...因為唔係一朝一夕可以做得到o架！

私人傳訊

積分: 1037

19^#

發表於 12-5-14 22:51 |只看該作者

回覆 wan_sosin 的帖子

係呀係呀~個個同學仔都係,我地都覺得佢情緒好有問題,上次佢同我個仔一齊畫畫,之後突然喊得好勁,話自己畫得唔似,我點同佢講都無用,(其實畫得都幾靚,起碼睇得出係咩)之後就掉低d筆,望住個窗勁喊,點都攪唔掂,個下我都唔知點算,所以我覺得佢情緒有問題~但係佢屋企人唔覺,只係話佢要求高,仲有,個小朋友成日都唔肯食野,除左早餐之外,根本一日都唔食,好難搞,去健康院問d姑娘,d姑娘仲罵佢父母話係佢地唔識教仔~真係激死~

私人傳訊

積分: 49860

18^#

發表於 12-5-14 22:38 |只看該作者

回覆 tweety0509 的帖子

咁你都真係好好采!直得開心!

我都係無錢比個仔出出面做評估!如果要加埋訓練更加無可能!

我自己無入息,我老公又唔係搵得多!

不過我個仔情況唔算嚴重果種,其實唔講的話,好多人唔會覺得佢有問題!反而健康院個姑娘好嘢!睇兩睇就留意到我個仔避開人嘅眼神,佢唔多正眼望人,就算望都係望一眼就立即閃開望第二度!

我都希望快d清楚佢嘅情況,其實身邊嘅人都使我有壓力,當D人見唔到我個仔嘅問題,就會覺得問題係我果到,認為我太緊張,或教得唔好,管教不善!最初連我個仔個班主任都咁覺得,健康院個醫生都懷疑是否我唔識教!!我真係好委屈!

還好我老公係企我果邊,否則真係想死!!

私人傳訊

積分: 1037

17^#

發表於 12-5-14 19:42 |只看該作者

我會試下打電話去學校睇下佢行為方面係咪真係差左~而且我會盡量避開個同學仔~唔比佢地一齊玩,我覺得最近少左玩,好似好左少少,不過始終都係有少少衰野!例如而家佢會成日同你講叫你唔好理佢,呢d都係係同學仔度學返黎,而家有咩要求就大嗌,以前都唔會~不過我同佢講左幾次,而家好似好左少少!

你仔仔都係排政府既評估?我個仔算好彩,排8個月就有位,不過希望佢可以快d糾正,佢講野唔正呀~成日伸條利出黎~不過睇左兩次已經進步左好多,睇私家真係支付唔到,太貴喇,成千蚊先得45分鐘,而家佢睇左兩次都係健康院既治療師,個姑娘好好人,比左3堂比我,一開始既時候,健康院d醫生話只可以比一至兩堂架咋!而且我又唔理地區方面,遠都照去,所以排左最快8個月就ok喇~有d醫院排幾年呀~到時小朋友到左6歲佢又話要重新排小學部架喇~好彩好彩~

私人傳訊

積分: 49860

16^#

發表於 12-5-14 16:13 |只看該作者

回覆 tweety0509 的帖子

班主任方面,可唔可以打電話?或你老公有時間,搵你老公去傾下!如果間學校同老師係好的話,應該能給你們意見!盡量掙取方法!攪唔掂個仔,你都會唔開心!

我囝囝就要10月左右才可評估,而家都無嘢可以做,唯有自己比心機教佢!好在我可以全職湊佢,否則一樣好煩!

私人傳訊

積分: 1037

15^#

發表於 12-5-14 07:49 |只看該作者

亞仔愈來愈調皮~點算

我老公唔識整online shop 個d野,如果佢識我就輕鬆得多啦!

亞仔而家排政府言語治療,都算快10月有得睇，係10前睇三次建康院既治療師,我叫做好好彩,不過就要由大埔去到將軍澳醫院!

我根本無機會見到佢miss 返學我盡量叫老公晏d送落去,唔想周佢同學仔一齊玩?放學又坐校車黎避開佢。星期六d活動真係無辦法,英文係學校既興趣班,畫畫就係學校附近,不過佢同學仔應該學埋呢期唔學喇掛~佢地好似成家返鄉下過暑假!

私人傳訊

積分: 49860

14^#

發表於 12-5-14 01:03 |只看該作者

回覆 tweety0509 的帖子

咁你老公而家未有工作,會唔會可以搵佢幫手online shop嘅嘢?

我都有時幫我老公手做佢公司嘅嘢,不過佢公司無得出糧比我!!只係文書工作我會做得好過我老公,所以幫下佢!

你囝囝在那裡check語言問題,係政府嗎?幾時覆診?可唔可以順便問下醫生佢其他方面嘅問題?或者同佢班主任傾下?

興趣班方面完咗個課程之後轉下得唔得?

我覺得再咁落去,係你會太大壓力,個仔個問題未處理到,你自己都自身難保!唔好怪我直接!

你有沒有搵d非牟利機構,去問下,睇下有沒有可以幫到嘅地方?

私人傳訊

積分: 1037

13^#

發表於 12-5-13 07:47 |只看該作者

亞仔愈來愈調皮~點算

因為而家我一個人做野,我老公失業,間中打散工,所以我先搞online shop 幫補下!

其實我都覺得我個仔情緒開始有問題,成日想避開個同學仔,不過真係好難,尋日又一齊學畫畫,之後又一齊玩~~

我個仔而家就排緊言語治療,佢講野唔清楚呀，成日伸條"利"出黎，睇私家又貴到離譜~而家又唔知學邊個同學仔"斬"眼,真係煩,好攰~~~

私人傳訊

積分: 49860

12^#

發表於 12-5-13 00:05 |只看該作者

本帖最後由 wan_sosin 於 12-5-13 00:06 編輯

回覆 tweety0509 的帖子

如果間online shop 唔係必須,不如你專心照顧屋企同個仔啦!因為online shop真係努力同收入唔成正比!你已經要返工,唔好咁辛苦,到最後兩頭唔到岸,得不償失!

我個仔其實排緊期去做評估,所以我會盡我心力去教佢,我個仔係超級活躍,精力無限,當佢發燒,病嘅時候才等同一般小朋友!
不過可能係我貼身教住佢,家中亦無老人家縱佢,佢係頑皮,不過唔惡,唔臭脾氣!呢個係我最安慰嘅地方!

我見到你的處境,真的為你為難!你老公唔識教,唔好怪佢,多d同佢傾,亦可以一起參加下出面d育兒課程!無人天生識教細路,真係要學架!尤其你囝囝行為已有些不受控,更加要找方法教佢!

呢到道能了解到小朋友嘅實在情況真的有限,因為始終無見過!最終要自己搵辦法!在這裡只能叫作提醒一下!

我自己都搵了無數方法教我個仔,現在仍在尋找中!

大家要努力啊!唔開心就黎呻下啦!

私人傳訊

積分: 1037

11^#

發表於 12-5-12 23:14 |只看該作者

亞仔愈來愈調皮~點算

同我個仔一樣,鬼咁好精力,我都係個仔開始返學先返出黎做野,做左差唔多一年,最近又想揾返d外快,學人攪埋online shop,不過真係唔係想像中咁易,利潤好微,唔知係咪我攞d貨貴d呢，有時真係唔知有d人賣到鬼死咁平到底點做,而且仲好多人做,競爭都好大,我老公咪成日覺得我覇住部電腦唔比佢用囉~~~我話我一日24小時,用左至少16-17小時做野,有時真係好攰~佢都唔會體諒下我,仲發我脾氣~哎~我都唔知我多d錢幫補下到底有無做錯?教仔佢又唔識,成日搞到個仔瓜瓜嘈，聽到都煩，而且我又同老人家住,好就小朋友，差唔多佢話咩就咩。好煩~今日我仲發覺個仔愈來愈臭脾氣,自己搞唔掂就發脾氣,以前都唔會,仲好似用命令既口氣要你幫佢，我無理佢，話佢咁無禮貌，我係唔會幫佢，點知屋企老人家又走去幫佢，真係好激氣好煩~~~

私人傳訊

積分: 49860

10^#

發表於 12-5-12 00:29 |只看該作者

本帖最後由 wan_sosin 於 12-5-12 00:31 編輯

回覆 tweety0509 的帖子

我住青衣,我早兩年都有做過online shop,之後因為時間和生意不佳無做,我個仔佔了我很多時間,佢精力太多,足兩歲就已唔瞓晏覺,我陪佢玩都陪唔掂,唔好話要攪間shop!你老公如何唔諒解你?你同佢可唔可以協議下?你平時囝囝邊個湊?
其實share下,講乜都無所謂!

私人傳訊

積分: 1037

9^#

發表於 12-5-12 00:03 |只看該作者

回覆回覆:wan_sosin的帖子

你住邊頭架?而家我真係覺得好辛苦~個仔又唔聽話,老公又唔識教,一味攪到佢喊，我又返工,又湊仔，而家仲攪埋online shop幫補家計(不過生意麻麻)好辛苦,一日先訓幾個鐘,個頭日日赤赤痛,老公仲唔體諒我,覺得我成日覇住部電腦,我晚晚攪掂晒d野都10點幾啦，仲要上網忙online shop d野~~~

你話我應該點?sorry ~扯開左個話題添，

純粹呻下

私人傳訊