大仔大女媽媽會 今日: 0 | 主題: 177860

積分: 1037

1^#

發表於 12-5-9 14:53 |只看該作者 |倒序瀏覽 |打印

我個仔唔知係咪近排成日同個比較調皮既同學仔一齊玩,愈來愈唔聽話,好勞氣~唔知有無關係既呢?係喋唔應該比佢同d調皮既小朋友一齊玩呢?(d老人家係咁講)都唔知點算?搵人教下我啦~thx~

0 0 0

私人傳訊

積分: 45986

2^#

發表於 12-5-10 23:58 |只看該作者

好難話應唔應該!
假設你個小朋友學咗同學比較調皮,如何覺得是調皮?調皮等唔等於唔聽人話?
你囝囝唔聽人話,是否只因這個原因?就你所說的,好難作評論!
你之前比個仔同那個小朋友玩!有無同你個仔講,那個小朋友有什麼不對的地方,教你個仔分辨?
個個小朋友都有或多或少曳曳,好難完全避免!

不過就我個人而言,如果個小朋友行為上真的很明顯有問題,例如:喜歡打人,對人極為無禮貌,加上唔會比人教等等.......我都會唔比我個仔同佢玩,始終小朋友還少,佢哋唔容易分對錯,亦好易模仿別人行為!我亦要保護我的小朋友免受傷害!
正如如果日後小朋友比較大的時候,我們也不會讓他們認識會打架,講粗口,食煙,或更甚的朋友.

我的想法是這樣!

私人傳訊

積分: 1037

3^#

發表於 12-5-11 00:15 |只看該作者

亞仔愈來愈調皮~點算

嗯…佢而家成日都唔聽我講野就走,你講咩佢學你講咩，第一次比miss問我佢最近做咩事,d行為變左好多,我一家人都覺得佢愈來愈唔聽教~好煩,而家學壞左,仲好難教導返佢乖d~佢同學仔個媽咪問佢係咪媽咪唔比你同xxx同學仔玩呀，佢又照答係，尷尬死人喇~~~

私人傳訊

titanlow

用戶要求終止服務

積分: 7429

4^#

發表於 12-5-11 13:57 |只看該作者

一齊返學, 一齊玩o左都唔知喎, 除非話放學後少d一齊玩o者。

我覺得細路去到某個階段, 唔學都會曳o左, 因為佢地又識多o左, 又會有多o左o既主見, 你幫佢揀朋友, 揀得幾多呢？反而要係亞仔o既行為方面下手喎，e.g 你覺得佢多o左唔聽話, 係邊方面呢？有冇了解過佢做某件事背後o既動機呢？細路仔係好易受人影響, 所以去街有時見到d 小朋友在扭計, 我會問番孩子: 咁樣好唔好？多d 同佢一齊分析下咩係好行為咩係壞行為。

我囡返o左k1之後, 講野都曳o左, 成日特登講d 野激嬲妹妹,又話o左會話'你好衰格呀''我踢死你呀'又或者係'超好味''超大'....但屋企無人咁講野o架, 我都係呢方面努力緊, 佢一講就即時話佢知咁唔o岩, 咁樣講人地會唔開心, 我照佢講一次, 問番佢自己開唔開心....希望幫到佢改善到啦！

私人傳訊

積分: 1037

5^#

發表於 12-5-11 14:09 |只看該作者

回覆 titanlow 的帖子

多謝晒你比多d意見我,我都覺得你講得好岩,今朝我又同佢同個個小朋友一齊食早餐~哎~不得了!小朋友周圍走,佢又跟住~煩死,又話唔聽~我唸真係要隔開佢地先得~個個小朋友真係好調皮,我個仔有樣學樣~

私人傳訊

積分: 45986

6^#

發表於 12-5-11 15:37 |只看該作者

tweety0509 發表於 12-5-11 14:09
回覆 titanlow 的帖子

多謝晒你比多d意見我,我都覺得你講得好岩,今朝我又同佢同個個小朋友一齊食早餐~哎~ ...

點解會約一起吃早餐?本來你和那個小朋友同媽媽已經好熟的嗎?咁如果係,佢哋係學校都會好自然一起玩!而小朋友有樣學樣好平常!
你囝囝見你都會同佢哋一齊,又點會識分,以為你都會接受,呢一時刻大家一齊,下一刻你叫佢唔好咁做,你個仔會好混亂!
我囝囝有個大一年嘅朋友住我樓上,兩歲已開始玩,但果個小朋友越大行為越差,有次屈我個仔打人,亦曾對我很不禮貌,而家就算樓上樓下,我都盡量遠離個細路,走遠d玩,我亦不會因唔好意思而勉強一起玩,因為影響係自己細路,始終仲細,就算平時點教佢,但玩起上來,要佢哋果一刻分到是非,真的比較難!我都會同我個仔解釋如此做的原因,教佢點解唔好!
平時慢慢教佢是非黑白,等小朋友慢慢大了,就會明白!
我其實都有你的煩惱,我個仔係"超級有樣學樣",別人做一兩次,我個仔會乘大10倍,做得更"出眾"!
係學校,我知道有那些同學仔比較乖,我會叫佢同那些同學玩多d,如可以,我會平時幫佢約那些同學出來玩,等佢哋關係埋d.
個小朋友有固定好朋友,就會自然減少同其他小朋友相處時間,但當然唔會絕對,只要同乖嘅小朋友一起嘅時間有一半以上,已經比較好的了!
另外就要自己落功夫教多些了,同時我也會留意自己個仔有無教壞其他小朋友!我一樣唔會放過佢!

私人傳訊

積分: 1037

7^#

發表於 12-5-11 16:15 |只看該作者

回覆 wan_sosin 的帖子

5555~~不過真係無辦法,朝朝食早餐都會碰到面,我已經叫我c6幫我送佢,避開個個時間,盡量唔好碰到,不過有時真係無辦法,我早出門口,亞仔又要跟我就一定會碰到,係學校佢地都會一齊玩,無得避,同個仔講叫佢唔好學同學仔d唔好既野,佢又唔多明~哎~星期六仲要一齊係同一間畫室學畫畫同英文,點避~又住係附近,再加上平時我又要返工,都無咩時間同其他家長同學交流~

私人傳訊

積分: 45986

8^#

發表於 12-5-11 23:55 |只看該作者

回覆 tweety0509 的帖子

好明白你的痛苦!我都為你好為難!加上要返工!
不過如果真係事實上個環境已難改變,就要想辦法加強正面的那份力量,去對抗負面的情況,即是"扯大攬"一樣,看那方大力D.
例如給你囝囝上一些教社交,自律的課程,當中會教分辨對錯.
盡量爭取機會認識其他多些小朋友,雖然唔易!一有學校活動就去參加下,星期六日係屋企附近玩多D,主動些總會識到人,無論如何,小朋友多些朋友都是好事!
如不抗拒,可以帶小朋友返教會,當然你自己都要一起返!教會嘅環境一般可以幫到小朋友正確態度.(我一家人每星期有返教會)
不過最後想提醒一下,問題又唔能夠完全歸咎於那個比較調皮嘅小朋友,只是那個小朋友將你囝囝的某一面引發出來,其實也可以說是好事,因為如此,你就可以捉緊現時的機會去教,而家只係3,4歲,還可以教,否則唔知幾時才見到問題!
你而家教到佢,將來就會好行D架啦!
我個仔都好難教,布時間再同你share.
加油!

私人傳訊

積分: 1037

9^#

發表於 12-5-12 00:03 |只看該作者

回覆回覆:wan_sosin的帖子

你住邊頭架?而家我真係覺得好辛苦~個仔又唔聽話,老公又唔識教,一味攪到佢喊，我又返工,又湊仔，而家仲攪埋online shop幫補家計(不過生意麻麻)好辛苦,一日先訓幾個鐘,個頭日日赤赤痛,老公仲唔體諒我,覺得我成日覇住部電腦,我晚晚攪掂晒d野都10點幾啦，仲要上網忙online shop d野~~~

你話我應該點?sorry ~扯開左個話題添，

純粹呻下

私人傳訊

積分: 45986

10^#

發表於 12-5-12 00:29 |只看該作者

本帖最後由 wan_sosin 於 12-5-12 00:31 編輯

回覆 tweety0509 的帖子

我住青衣,我早兩年都有做過online shop,之後因為時間和生意不佳無做,我個仔佔了我很多時間,佢精力太多,足兩歲就已唔瞓晏覺,我陪佢玩都陪唔掂,唔好話要攪間shop!你老公如何唔諒解你?你同佢可唔可以協議下?你平時囝囝邊個湊?
其實share下,講乜都無所謂!

私人傳訊

積分: 1037

11^#

發表於 12-5-12 23:14 |只看該作者

亞仔愈來愈調皮~點算

同我個仔一樣,鬼咁好精力,我都係個仔開始返學先返出黎做野,做左差唔多一年,最近又想揾返d外快,學人攪埋online shop,不過真係唔係想像中咁易,利潤好微,唔知係咪我攞d貨貴d呢，有時真係唔知有d人賣到鬼死咁平到底點做,而且仲好多人做,競爭都好大,我老公咪成日覺得我覇住部電腦唔比佢用囉~~~我話我一日24小時,用左至少16-17小時做野,有時真係好攰~佢都唔會體諒下我,仲發我脾氣~哎~我都唔知我多d錢幫補下到底有無做錯?教仔佢又唔識,成日搞到個仔瓜瓜嘈，聽到都煩，而且我又同老人家住,好就小朋友，差唔多佢話咩就咩。好煩~今日我仲發覺個仔愈來愈臭脾氣,自己搞唔掂就發脾氣,以前都唔會,仲好似用命令既口氣要你幫佢，我無理佢，話佢咁無禮貌，我係唔會幫佢，點知屋企老人家又走去幫佢，真係好激氣好煩~~~

私人傳訊

積分: 45986

12^#

發表於 12-5-13 00:05 |只看該作者

本帖最後由 wan_sosin 於 12-5-13 00:06 編輯

回覆 tweety0509 的帖子

如果間online shop 唔係必須,不如你專心照顧屋企同個仔啦!因為online shop真係努力同收入唔成正比!你已經要返工,唔好咁辛苦,到最後兩頭唔到岸,得不償失!

我個仔其實排緊期去做評估,所以我會盡我心力去教佢,我個仔係超級活躍,精力無限,當佢發燒,病嘅時候才等同一般小朋友!
不過可能係我貼身教住佢,家中亦無老人家縱佢,佢係頑皮,不過唔惡,唔臭脾氣!呢個係我最安慰嘅地方!

我見到你的處境,真的為你為難!你老公唔識教,唔好怪佢,多d同佢傾,亦可以一起參加下出面d育兒課程!無人天生識教細路,真係要學架!尤其你囝囝行為已有些不受控,更加要找方法教佢!

呢到道能了解到小朋友嘅實在情況真的有限,因為始終無見過!最終要自己搵辦法!在這裡只能叫作提醒一下!

我自己都搵了無數方法教我個仔,現在仍在尋找中!

大家要努力啊!唔開心就黎呻下啦!

私人傳訊

積分: 1037

13^#

發表於 12-5-13 07:47 |只看該作者

亞仔愈來愈調皮~點算

因為而家我一個人做野,我老公失業,間中打散工,所以我先搞online shop 幫補下!

其實我都覺得我個仔情緒開始有問題,成日想避開個同學仔,不過真係好難,尋日又一齊學畫畫,之後又一齊玩~~

我個仔而家就排緊言語治療,佢講野唔清楚呀，成日伸條"利"出黎，睇私家又貴到離譜~而家又唔知學邊個同學仔"斬"眼,真係煩,好攰~~~

私人傳訊

積分: 45986

14^#

發表於 12-5-14 01:03 |只看該作者

回覆 tweety0509 的帖子

咁你老公而家未有工作,會唔會可以搵佢幫手online shop嘅嘢?

我都有時幫我老公手做佢公司嘅嘢,不過佢公司無得出糧比我!!只係文書工作我會做得好過我老公,所以幫下佢!

你囝囝在那裡check語言問題,係政府嗎?幾時覆診?可唔可以順便問下醫生佢其他方面嘅問題?或者同佢班主任傾下?

興趣班方面完咗個課程之後轉下得唔得?

我覺得再咁落去,係你會太大壓力,個仔個問題未處理到,你自己都自身難保!唔好怪我直接!

你有沒有搵d非牟利機構,去問下,睇下有沒有可以幫到嘅地方?

私人傳訊

積分: 1037

15^#

發表於 12-5-14 07:49 |只看該作者

亞仔愈來愈調皮~點算

我老公唔識整online shop 個d野,如果佢識我就輕鬆得多啦!

亞仔而家排政府言語治療,都算快10月有得睇，係10前睇三次建康院既治療師,我叫做好好彩,不過就要由大埔去到將軍澳醫院!

我根本無機會見到佢miss 返學我盡量叫老公晏d送落去,唔想周佢同學仔一齊玩?放學又坐校車黎避開佢。星期六d活動真係無辦法,英文係學校既興趣班,畫畫就係學校附近,不過佢同學仔應該學埋呢期唔學喇掛~佢地好似成家返鄉下過暑假!

私人傳訊

積分: 45986

16^#

發表於 12-5-14 16:13 |只看該作者

回覆 tweety0509 的帖子

班主任方面,可唔可以打電話?或你老公有時間,搵你老公去傾下!如果間學校同老師係好的話,應該能給你們意見!盡量掙取方法!攪唔掂個仔,你都會唔開心!

我囝囝就要10月左右才可評估,而家都無嘢可以做,唯有自己比心機教佢!好在我可以全職湊佢,否則一樣好煩!

私人傳訊

積分: 1037

17^#

發表於 12-5-14 19:42 |只看該作者

我會試下打電話去學校睇下佢行為方面係咪真係差左~而且我會盡量避開個同學仔~唔比佢地一齊玩,我覺得最近少左玩,好似好左少少,不過始終都係有少少衰野!例如而家佢會成日同你講叫你唔好理佢,呢d都係係同學仔度學返黎,而家有咩要求就大嗌,以前都唔會~不過我同佢講左幾次,而家好似好左少少!

你仔仔都係排政府既評估?我個仔算好彩,排8個月就有位,不過希望佢可以快d糾正,佢講野唔正呀~成日伸條利出黎~不過睇左兩次已經進步左好多,睇私家真係支付唔到,太貴喇,成千蚊先得45分鐘,而家佢睇左兩次都係健康院既治療師,個姑娘好好人,比左3堂比我,一開始既時候,健康院d醫生話只可以比一至兩堂架咋!而且我又唔理地區方面,遠都照去,所以排左最快8個月就ok喇~有d醫院排幾年呀~到時小朋友到左6歲佢又話要重新排小學部架喇~好彩好彩~

私人傳訊

積分: 45986

18^#

發表於 12-5-14 22:38 |只看該作者

回覆 tweety0509 的帖子

咁你都真係好好采!直得開心!

我都係無錢比個仔出出面做評估!如果要加埋訓練更加無可能!

我自己無入息,我老公又唔係搵得多!

不過我個仔情況唔算嚴重果種,其實唔講的話,好多人唔會覺得佢有問題!反而健康院個姑娘好嘢!睇兩睇就留意到我個仔避開人嘅眼神,佢唔多正眼望人,就算望都係望一眼就立即閃開望第二度!

我都希望快d清楚佢嘅情況,其實身邊嘅人都使我有壓力,當D人見唔到我個仔嘅問題,就會覺得問題係我果到,認為我太緊張,或教得唔好,管教不善!最初連我個仔個班主任都咁覺得,健康院個醫生都懷疑是否我唔識教!!我真係好委屈!

還好我老公係企我果邊,否則真係想死!!

私人傳訊