吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 第一次做媒人，估唔到識咗10幾年嘅朋友係啲咁嘅人（都幾 ...

自由講場今日: 2485|主題: 1362506

收藏本版

發帖

返回列表

跳至頁

查看: 6356 | 回覆: 131

第一次做媒人，估唔到識咗10幾年嘅朋友係啲咁嘅人（都幾長篇幅） ...

[複製鏈接]

12 3 4 5...7

tc080628

大宅

積分: 1980

1^#

發表於 12-5-20 22:55 |只看該作者 |正序瀏覽 |打印

第一次做媒人，估唔到識咗10幾年嘅朋友係啲咁嘅人。

G先生-36歲，我老公個中學同學，18年前同家人移民美國New York居住，有綠咭，初時做跟車送貨，後來自立門戶，做餐廳外賣用嘅餐具用品批發小生意，所有落單送貨交收一腳踢，收入穩定。

K小姐-39歲, 我朋友, 做Merchandiser, 有一層自住尚未供斷嘅居屋，家庭之柱，未婚，單身，10幾年無拍拖。

W小姐-28歲，8年前喺我舊公司做Temp，住黃大仙公屋，鄰家女孩。

話說我老公一直想我介紹啲好女仔比佢個老死G，因為G喺NY一直同一個有夫之婦(以下簡稱A）一齊，呢個A係廣州人，佢老公而家喺廣州，G未去NY前已經識A，而且一直都追A，後來2006年A自己一個去NY讀書，喺G屋企住，一直都係G供養佢，近呢兩年A同G關係惡劣，A喺上年年尾搵到第2條比佢自己後生十年嘅男同學之後，就執包伏搬走，飛起G，喺呢6年，G大大話話用咗十幾萬美金喺A身上。因為G覺得自己無條件，唔靚仔, 無學歷，做粗重工，所以會盡量用金錢去滿足自己嘅女人。

因為唐人街啲唐餐廳鍾意用現金交易，所以G會有幾萬蚊美金放屋企夾萬度做週轉金，用作找數之用，同埋收返嚟嘅貨款都會先放夾萬再存入銀行，A衰到臨走前喺G夾萬攞走1萬美金。跟住G打電話問A，係咪你攞咗，A話係，我用嚟交學費，G話當欠咗佢。

因為G而家做嗰行喺美國競爭好大，所以G唔可以隨便行開，如果個客想訂貨，搵唔到人，交唔到貨，就會用第二間，咁就會少咗單生意同埋無咗個客，佢平日工作時間係朝6晚11，有時收工後仲要落貨，所以G如果放假只可以喺美國境內玩兩三日，但係A走咗之後G好傷心，好想散心，所以坐咗16個鐘頭飛機返咗香港瞓咗1晚, 約我老公見面訴苦兼散心。本來我兩公婆一直想介紹W比G識，但係W又同男朋友打算蛇年結婚，結果無行，又因為時間倉猝，所以臨時拉夫搵咗K出嚟，正因為K一直同我講好想搵個伴，唔一定需要結婚，簡簡單單一齊過埋下半生就得架啦。年紀唔係問題，細過佢都ok嘅。我同K講，G有一定經濟基礎，如果你將來同佢一齊喺美國，生活應該無問題。我見K純純品品，又係家庭支柱，所以諗起佢介紹比G識，等佢下半生生活可以過得好啲，我仲有話比K聽，G喺美國捱咗差唔多18年，佢身家連物業資產估計都有150萬美金左右（呢個係我老公估計嘅，因為佢地做咗咁耐朋友，唔多唔少都會知，而且我老公曾經去過NY一年都係住喺G屋企）

因為G好少出外旅行消費，所以今次過嚟住咗四季酒店，喺嗰日下午我地一行4人（我兩公婆，G同埋K）就近去咗四季入面嘅龍景軒作相睇介紹，呢次都係我第一次見G，佢個子不高，少少地中海，樣貌平凡，可能捱得太辛苦，外表看似45歲左右，我同老公都估計呢次成功率應該唔高，我地估一係雙方都唔啱，一係就K唔LikeG，因為K係鍾意有才華同藝術氣質嘅男人，但點知兩個一拍即合，交換電話。

後來G返咗美國之後G同K嘅溝通交流方法就係靠傾電話，佢地一直都好好傾，好投契，天南地北，無所不談，G已經認定K為終身伴侶。有一次K同我講話G副身家無我講嗰個數(150萬美金)咁多，但係當時G同K只係傾咗幾次電話咁大把，之後我話我唔知呀，我都係聽我老公講咋, 跟住我心諗，你同G傾咗幾次電話，咁快就量度到人地副身家? 你心入面部計數機都好犀利啫。到咗情人節嗰日，G托我兩公婆喺香港同佢訂咗扎花連朱古力送比K，K喺做緊嘅嗰間公司從未試過喺情人節收花，因為K十幾年都無拍過拖，又無人問津，所以收到花之後嗰日興奮到即刻上網填表申請美國簽證，再訂機票打算4月Easter隻身飛過去NY探G。

起初K同我講話想過去13日，實地考察一下自己適唔適應美國呢個地方，同埋同G可唔可以一齊生活，結果係，K過到去考察G嘅資產，知道G有一幢House(自住）, 一間Apartment（租出去）, 一架寶馬，一架Benz，一架Honda七人車，一架開工大貨車，之後就二話不說同G講8月會再飛過去探佢（因為K喺8月生日）然後12月攞埋公司份Bonus之後就辭職走人，跟住過去同G雙宿雙妻，我同老公都覺得有無快啲呀，究竟K了解G有幾多呀，真真正正相處咗只有幾日，咁快就有定案? K以往鍾意親嗰啲男仔根本同G係完全唔同類型，K鍾意有才華，有藝術氣質嗰種，佢試過追幫我結婚做証婚嗰個律師，可惜只係神女有心，所以呢次咁快同G撻著，我地兩公婆都覺得好莫名奇妙。

G一直都唔太清楚K實際年齡，因為K每次講自己年紀嘅時候都半講笑形式，G一直以為K細過自己，直至K去到美國show passport 比G睇，G先至知道K大自己3年，G有啲失望，原來G好傳統，一向唔鍾意大過自己嘅女人，但基於禮貌，G同K講無所謂，最緊要夾啫，但個心就有啲down。

G每晚收工後都帶K去食飯，食親都好野，比最好嘅野比K，又買定部新iPhone 4s 比K過到去美國用，G又好識氹K，對佢讚不絕口，搞到K飄飄然，覺得自己喺G心目中係女神，再世仙子，跟住K就食住上同G開啲好辣嘅條件，內容如下：我同你結婚之後我唔會生仔架，唔同你阿媽住，我唔識又唔會煮飯架，我唔鍾意又唔會執屋同做家務，我無車牌，亦唔打算學車；我要一定做Facial架(K已經喺G屋企附近搵定間美容院)，我又要得閒返香港同啲朋友去旅行遊埠架，你平日開工，我喺屋企做啲我鍾意做嘅野（畫畫，車衫，做手工藝）。其實G係想搵一個賢內助，幫佢打理頭家，打理下盤數，兩公婆拍住上，唔係想搵一個只會識美容，洗錢，一無是處嘅女人。因為美國唔同香港咁容易請賓賓同家務助理，喺嗰邊請呢啲Labour係好貴嘅，所以好多家庭都係自己親力親為，但係K只係想過去享福, 乜都唔使做。

有一次G想試下K，問K如果我朝早想你出嚟一齊幫手得唔得呀? K竟然好認真咁答G，我要考慮下先，其實G咁錫自己嘅女人，點捨得要K幫自己搬搬抬抬吖，連我老公當年過去G度，有啲貨物比較重嘅，G都唔使佢搬啦，何況自己嘅女人，K呢個女人只可共富貴。而G嘅阿媽60幾歲人仲要去老人院打工做阿嬸，夜晚收工返嚟仲要幫G手落貨，放假做家務執屋，難道K好意思撟埋雙手乜都唔做，等未來奶奶放工返嚟做?

13日過咗啦，K返到香港，點知佢公司又爆發裁員潮，佢公司喺兩年幾前曾經爆發過一次，K慶幸得以生還，當其時K驚到鼻哥窿都無肉，夜晚失眠，食唔安，瞓唔落，驚無咗份工，手停口停，但係呢次喺美國返到嚟就唔同晒啦，知道公司裁員不知幾咁風騷，佢話如果公司真係要裁佢Team人，佢會自動請英叫公司裁走自己留返佢阿姐喺度，好意氣風發，真係一朝得志，語無論次。K仲諗住可以攞埋公司份遣散費先走, 到時一舉兩得。

話說上一次K公司裁員潮爆發，K諗住自己無得留低，又因為K知道自己無技能，英文差，讀到F5，年紀又大，出到去搵工會好難，所以有叫過我如果佢公司裁咗佢出嚟，就一齊搞果汁店生意。有見及此，我老公同G講呢件事，叫G不如考慮返嚟香港同K搞呢盤生意仔做下。跟住G問K係咪對果汁店有興趣，K即刻耍手兼擰頭話：唏，邊係吖，講下之嘛。K喺未識G前嘅幾個月都仲同我講緊話如果公司裁員會撩另一個朋友開果汁店！而家識咗G之後馬上轉軚，又話自己只係講笑，順口開河，根本都無諗過要開果汁店。梗係啦，已經諗住疊埋心水去NY做少奶，歎世界，仲點會留喺香港開果汁店捱騾仔吖!

K返咗香港後，我同佢傾咗一次電話，傾傾下，K話驚A出到去洗晒啲錢，會返嚟搵G，因為G對A仲有餘情，所以G一定會心軟，K驚如果A突然返轉頭，K自己就會一無所有，所以要先下手為強，結果K竟然同我講佢喺8月再過NY嘅時候會喺G個夾萬攞佢啲錢走，跟住我話，你有G夾萬密碼咩? K話G夾萬無鎖嘅，我心諗，你上次去NY玩尋寶咩？你唔開過人地夾萬，又點知人地夾萬無鎖呢?

其實到咗而家呢個地步，G都開始想打退堂鼓，因為自從K去完NY之後，G首先覺得K年紀大過自己，難於接受，另外係覺得K個人格有問題，太貪威識食，大食懶，又有心計，但係又驚飛咗K之後好難再識到女仔，因為G知道自己份工好忙，無時間，自己外表又唔吸引，而家係食之無味，棄之可惜。我地兩公婆已經同咗G講，如果覺得K唔合適就要早啲同人攤牌，因為如果K真係攑手叫公司裁員裁自己，諗住G會養佢，到時G又唔要佢，咁K就真係雙失，兩頭唔到岸啦!

到另一個關鍵，就係我呢兩日見過W，原來W同佢男朋友嘅蛇年婚禮可能會割置，因為W個男友不停喺外面溝女偷食搞搞震，W而家好sad好想分手，咁其實我而家應唔應該再介紹返W比G呢? 因為盤古初開我一心係想介紹W比G嘅，因為我覺得W會較為適合G。但當然我會等G同K搞清楚晒手續先至再作安排。

結論：個人睇法，不喜勿插
我識咗K十幾年，一向都覺得佢純純品品，雖然樣子平凡，身材欠奉，但係幾肯幫人，佢喺而家間公司做咗十幾年都係Merchandiser位，人工唔會好高，又係家庭之柱，要擔起成頭家，原意係諗住想幫佢脫貧搵個好歸宿，等佢喺未來嘅日子會過得好啲，唔使再憂柴憂米, 點知佢久桿逢甘露，見到G雙眼放光, 當人水魚咁㩒，完全見錢開眼，太無分寸, 又唔安分守紀，呢次我覺得係佢自己一手毀掉自己幸福。其實好現實咁講，如果G可以比到晒K開出嚟嘅條件，G大可以搵個青春玉女，使唔使搵個差唔多4張野嘅女人呀，除非K有周文錡，周慧敏呢啲質數啦，K太無自知知明啦! K呢份人係咁立心不良，如果G呢次真係飛咗K，我諗K下半生好大機會都要自己一個人過! K當日同我講只係想搵個伴，我諗佢要搵嘅呢個伴真係非同少可!

點評

蕃茄薯仔湯好長

發表於 12-5-22 00:00

yauyauo A係有夫之婦, G都無理由再返兜佢架, K人格真係唔要得, 叫G飛佢啦. 發表於 12-5-21 12:34

McDonna 樓主呢篇千字文好勁!!!

發表於 12-5-21 12:28

raymondbaby

發表於 12-5-21 12:18

wong191

發表於 12-5-21 12:17

超級特務

發表於 12-5-21 10:34

我想生三個

發表於 12-5-21 10:06

1 1 0

私人傳訊

Angel_BB

珍珠宮

積分: 40109

畀面勳章環保接龍勳章大廚勳章

132^#

發表於 12-5-21 23:57 |只看該作者

呢篇文章好長，睇到我有幾次想放棄...

K好得人驚！我最怕呢d心計女... 但我又唔讚成介紹W，話晒佢得28歲，係香港仲有大把機會，點解要嫁到去NY咁遠？！

私人傳訊

talktime

珍珠宮

積分: 35853

母親節2025勳章

131^#

發表於 12-5-21 23:42 |只看該作者

ngbetty01 發表於 12-5-20 23:25
好明顯，K呢D就係一時得志，語無倫次。佢以為G外表唔吸引，又無時間搵女友，就自持得米，以為飛上枝頭變鳳 ...

yes. you need to warn G first.

私人傳訊

LMCK

伯爵府

積分: 17062

好媽媽勳章醒目開學勳章畀面勳章 BK Milk勳章

130^#

發表於 12-5-21 23:34 |只看該作者

睇哂樓主的post, 但未追其他的回應. 如果我係樓主, 我會將K講過既野(=而家樓主所講的)一五一十同G講, 叫佢回頭是岸, 相信G知道後, 要飛起K都唔會覺得可惜. G只不過36歲啫, 又唔係4, 50歲, 搵女朋友應該唔難.

私人傳訊

豬仔mami

侯爵府

積分: 24030

wyeth冷知識勳章好媽媽勳章醒目開學勳章畀面勳章 BK Milk勳章

129^#

發表於 12-5-21 23:15 |只看該作者

第一次做媒人，估唔到識咗10幾年嘅朋友係啲咁嘅人（都幾長篇幅）

唔做忠唔做保唔做媒人三代好，我三哥就係靠媒人介绍娶左而家個極品三嫂令我哥痛苦一生

私人傳訊

豬仔mami

侯爵府

積分: 24030

wyeth冷知識勳章好媽媽勳章醒目開學勳章畀面勳章 BK Milk勳章

128^#

發表於 12-5-21 23:12 |只看該作者

引用:唔好害咗你老公個friend ，快d叫佢同你個fr

原帖由 Tiffany1212 於 12-05-20 發表
唔好害咗你老公個friend ，快d叫佢同你個friend 講清楚唔啱佢，早d攪點否則後患無窮

...

真係唔好因為幫你自己個朋友就害左你老公個fd

私人傳訊

抒文

男爵府

積分: 8911

BK Milk勳章

127^#

發表於 12-5-21 22:30 |只看該作者

其實樓主一開始就唔應該同K講W有幾多家當，這個始終係W私隱，同埋W除了錢係強項佢還有其它賣點都好直得推介，(如：勤力，人品等...之類)，而你偏偏就攞最萬惡的金錢做賣點，比你幫W搵到個伴都唔方好。

至於K個心態就係佢已經當正自己係W的女主人，佢要W夾萬啲錢，唔係理直氣壯，而係理所當然。因為當日K開個盤口W無一口拒絕，才會發出令K有糊思亂想的空間出現。

而你如果堅持要介紹G比W識的話最好唔好比K知，唔係佢依一世都會當正你係仇人，覺得你玩佢，最初你幫佢掘到個金山，現在你又收番個金山比第二個，到時K人又無工又無錢又無，後果會係點我相信你會諗到，女人失心瘋起上嚟係可以好得人驚。

趕現在還未發生慘劇，你快叫G發番一個正確信息比K，叫K腳踏實地做人，唔好再比K出現幻覺。

[email protected][/email]

私人傳訊

babypig2009915

侯爵府

積分: 22236

醒目開學勳章

126^#

發表於 12-5-21 20:04 |只看該作者

第一次做媒人，估唔到識咗10幾年嘅朋友係啲咁嘅人（都幾長篇幅）

k:;pppp:

私人傳訊

Umi

男爵府

積分: 8531

125^#

發表於 12-5-21 19:32 |只看該作者

回覆：第一次做媒人，估唔到識咗10幾年嘅朋友係啲咁嘅人（都幾長篇幅）

順其自然！一個快40既女人，其實問心都想嫁個唔駛捱既又係正常既心態。我地係外人，真係好難判斷其他人的幸福與否，你朋友都見過唔少人，好唔好佢應心裡有數，牛唔飮水又唔㩒得牛頭低。你既角色只係介紹，其發展下去的問題不在於你可控制了！
至於，駛5駛介紹多一個，我覺得佢地真係散左你介紹也無妨，否則，到時你既煩惱唔止呢d囉