吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 大家會點評價呢個c6?

夫婦情感今日: 5|主題: 42728

收藏本版

發帖

返回列表

跳至頁

查看: 1275 | 回覆: 21

大家會點評價呢個c6? [複製鏈接]

Meryl

大宅

積分: 4082

1^#

發表於 12-5-23 14:34 |只看該作者 |正序瀏覽 |打印

C6係好好先生，顧家又疼小朋友。未東窗事發之前，我有時會抱怨佢太鍾意打機睇波賭馬多過倍我。
但原來佢海潚之前瞞住我走去入市，佢係咩都唔識亂買同賭博無分別！結果輸晒用來結婚的$不止仲要欠街數！佢竟然都無同我講，索性借街數結婚！！原本買樓的首期無左，佢就猛話樓價不合理唔肯買。（可是已經係海潚價囉）但佢出大份唔肯買我唯有妥協。到後來我大肚，辭工想做FTM，佢只係話唔係幾好但都無自首。結果係臨盆前夕，我計下自己私己時發現佢仲試過轉走左我的私己，狂問佢才和盤托出！
佢話一直唔同我講係怕我當時會悔婚，後來又怕我唔原諒佢！
我話你一來不信任我！二來你的愛好自私沒有讓我選擇，亦令我們的婚盟中帶有污點（瞞騙）！
哭了一場，替他還清街數，生下小朋友後再搵工做，儲埋的錢又還埋俾財仔，現在終於清晒所有債。開始儲錢買樓，但眼見現在樓價比那時高三成以上，條數點計都唔掂，真係好唔開心！！
同佢講就話都無辦法，我問佢有無內疚就話內疚都無用！係，我都知無用但見佢若無其事，一點都不在乎，又會更加唔開心。好似一點責任都無，總之而家佢俾晒錢我楂手就係咁多。買唔到樓就繼續同6299住，反正5人住3房居屋係無問題。（但我唔想一齊住）
講多句，家人都唔知成件事，所以對他家人佢係唔會慳架！
生小朋友之後好多不如意事，好難同人講，不知不覺迷上了BK呢個地方，今日終於開post呻下。。。
大家會點睇我c6呢？因為我沒有跟朋友講，但有時又想知其他人睇法。

0 0 0

私人傳訊

tsee

別墅

積分: 719

22^#

發表於 12-5-23 22:46 |只看該作者

樓主你好叻,夠堅強.

私人傳訊

Meryl

大宅

積分: 4082

21^#

發表於 12-5-23 22:31 |只看該作者

引用：我只可以話,你C6已經好過我果個...

原帖由 poonsun 於 12-05-23 發表
我只可以話,你C6已經好過我果個...

我都有睇你個post，佢又真係幾不負責任。。。

都唔知可以點安慰妳

私人傳訊

Meryl

大宅

積分: 4082

20^#

發表於 12-5-23 22:20 |只看該作者

回覆：大家會點評價呢個c6?

可大能大家有些誤會，我沒有成日提住件事，因為我都知咁做好傷感情

唔同得親友講又唔好係佢面前提，唯有上黎發洩下。。。
似乎多數人都覺得佢俾錢我管就即係知錯，可能咁諗我會好錯些。。。

男人唔想認衰似乎係共識，女人唯有無奈忍受。。。

私人傳訊

carolizaton

子爵府

積分: 12622

BK Milk勳章

19^#

發表於 12-5-23 19:23 |只看該作者

過咗去嘅就無謂成日提,好傷感情,講到尾, 你係想佢真心知錯, 雖然, 佢把口無講: 阿老婆, 我真係好錯, 你原諒我啦!!!! 但其實佢行動上已經認錯, 俾晒d$$你管, 基本上, 佢冇咩用錢決定權, 唔通你作為枕邊人都感受唔到佢嘅心意? 你咪信多一次lor. 至於買樓, 而家個市太癲啦, 有$$都要睇定d !!

私人傳訊

LAMLAMLEI

男爵府

積分: 6921

BB防敏心得分享勳章

18^#

發表於 12-5-23 19:12 |只看該作者

男人系咁嘅,要面子,樓主要加油啊

私人傳訊

dbbp

男爵府

積分: 8888

17^#

發表於 12-5-23 18:14 |只看該作者

好多時男人唔係唔知錯，只係你要佢親口講出黎真係好難，男人的尊嚴嘛！況且佢以經用行動黎證明佢知錯，你用另一個角度去睇，個心會好過啲。

買樓都係要講緣份嘅，我當年好心急買樓，我老公就我所以買左，只係隔左兩個星期，樓價就跌左好多好多，我都有自責，但我老公從來無埋怨過半句，只係話「第二時做野唔好咁心急喇，買樓事小，如果你成日唔諗清楚就去做，一陣整親身體就大件事！」

過左去嘅就過左去，努力儲錢啦，樓市呢啲係周期性，有升一定會有跌，祝你地早日買到安樂窩！

私人傳訊

Meryl

大宅

積分: 4082

16^#

發表於 12-5-23 18:06 |只看該作者

chan803 發表於 12-5-23 17:50
如果佢已經俾晒d錢你管, 咁佢點樣仲可以 "對他家人佢係唔會慳" 呢?

係咁既,佢俾6299既家用一直都唔少,因為佢家人唔知, 所以亦無得慳, 同時佢地駛大左又會要幫補下佢地咁....
出街食野又鍾意食貴野咁囉...6299咩都唔知, 唔會覺得有問題架嘛, 因為我地人工都唔錯...表面係風光架嘛...

佢依家一個月自己有5-6千蚊用, 但如果家人用大左果D我都會主動俾返佢, 因為我怕佢無又唔出聲又欠卡數滾大個雪球呀...!

私人傳訊

jojoplanet

珍珠宮

積分: 31256

15^#

發表於 12-5-23 17:52 |只看該作者

Meryl 發表於 12-5-23 17:41
其實唔係仲想點, 可係現實生活中大家都認為C6係好好, 但我地之間又有呢個秘密, 所以想係度搵個位講出黎, 平 ...

我相信佢當年入貨係都係為咗你地既將來..可惜係輸咗..既然而家已還清數, 你地又有小朋友就願諒他吧..有時男人唔係好識表達, 講野太叻既男人又好容易TUM女仔有第三者的..家家有本難唸的經, 好多夫婦都可能有一D秘蜜...你睇我好我睇你好..

私人傳訊

chan803

翡翠宮

積分: 83155

貢獻勳章 BK猜猜猜慶中秋 +5熱血勳章

14^#

發表於 12-5-23 17:50 |只看該作者

Meryl 發表於 12-5-23 17:41
其實唔係仲想點, 可係現實生活中大家都認為C6係好好, 但我地之間又有呢個秘密, 所以想係度搵個位講出黎, 平 ...

如果佢已經俾晒d錢你管, 咁佢點樣仲可以 "對他家人佢係唔會慳" 呢?

私人傳訊

Meryl

大宅

積分: 4082

13^#

發表於 12-5-23 17:41 |只看該作者

DARK_MOON 發表於 12-5-23 16:27
佢知錯了，比晒D錢你管仲想點，真係好好架勒

其實唔係仲想點, 可係現實生活中大家都認為C6係好好, 但我地之間又有呢個秘密, 所以想係度搵個位講出黎, 平衡下心理...

同埋...其實佢若無其事...我真係唔知佢心係咪真係知錯...雖然唔係想佢好唔開心, 但當要傾買樓的時候又唔想佢無事人一樣...好矛盾丫...係咪都可以講句:"對唔住, 老婆你忍耐下喇..."或者講下依家工作情況點樣, 幾時有機會升職加人工情況會好轉等等...起碼唔係我一個R晒頭計唔掂數佢就無所謂地一句"無辦法喇~", 安慰都無句...