興趣嗜好今日: 1|主題: 124521

收藏本版

發帖

返回列表

跳至頁

查看: 49430 | 回覆: 629

我住過係鬼屋。(舊＃1，新加#458，496，552, 569，再加575）

12 3 4 5...32

積分: 17834

畀面勳章

1^#

發表於 12-5-28 18:44 |只看該作者 |正序瀏覽 |打印

本帖最後由無氣同你講於 12-5-30 15:14 編輯

仲住左８年添。

呢排個個都咁驚Ｄ鬼屋，等我一陣得閒講下我呢間經典鬼屋。

大家可按：　只看該作者

＃＃＃＃＃＃

係我21YRS OLD既時候，屋企人比左首期我買樓，叫我供。

因為當時香港好好景，Ｄ樓好搶手。睇左好多層都唔岩，因為全部都太細，就係我幾絕望既時候，比我見到一層４００幾尺，好實用既單位，而且價錢係預算之內。

唯一唔好既係，個單位既裝修好古舊好殘，而且好暗，唔知係因為Ｄ顏色定其他，仲要配埋Ｄ古老木製傢俬。

因為睇左太耐樓，見到咁大單位已經開心到咩咁（只因我當時年紀小，未見過大蛇疴尿，覺得個單位好大好正），其他咩到唔理，就咁買左。（當時要決定得好快）

全家人用曬全部積蓄交左首期，地產佣金，簡單裝修費，置左簡單傢私，我就一個人入去住。

第一晚，

我叫左幾個 FRIEND黎陪我，玩到零晨。當Ｄ FRIEND 走曬之後，我就走去訓覺。

其實我有D驚，亦有朋友問我駛唔駛陪我。但我諗，始終有日都會一個人，所以就迫自己練習下，無叫任何朋友陪。

第一晚係陌生地方訓，緊係好難訓得著，再加上開住房燈，更加訓唔著。一直攪到２點幾都未訓得著。。。。。終於，頂唔住關左房棧燈，用被蓋過頭諗住大覺訓。

就係呢個時候。。。。。。。

本來好靜既環境，開始有聲。。。。。。　

＃＃＃＃＃＃＃

係間房出面，廁所門口個燈掣突然　’拍’　左一聲，跟住竟然有人禁沖廁水

再然後又係　’拍’　左一聲，似係有人關燈聲。

我最初以為幻覺（當時亦都希望係），於是好留心咁聽。。。。。

點知，今次唔止係燈掣聲，我直頭聽到外面有人係度行黎行去，有Ｄ好似衫磨擦咁既聲。。。。

我好驚，當時第一時間係度諗，唔係呀？？係咪果Ｄ野？？？如果係，咁點走？？

如果走咪要起身？？起身會唔會撞到正？

就係我仲未決定到既時候，我感覺有Ｄ野入左房。。。。。。

我當時好想大叫，又好後悔冇叫朋友留低，更後悔買左層樓。

於是，我做左你地可能覺得係好傻既事，我決定求情：

我細細聲係度講：求下你！唔好嚇我啦，我仲好細個，我咩都唔識架。

好對唔住呀，住左你地方，但係我冇地方住架啦，我全家用曬所有錢買呢度，我冇錢搬架啦。

可唔可以比我係度住呀？你唔好嚇我得唔得呀？只要你唔好比見到，唔好比我聽到就得架啦。求下你啦！

真係講到冇人信，呢頭講完，果頭就成間屋靜曬，再冇任何聲音。

我當時認為，如果真係有鬼，咁佢即係答應左比我住。

＃＃＃＃＃＃＃

之後落黎幾晚，我都有叫朋友黎訓。

我地都冇見到或聽到任何野，就係我搬左去呢間屋唔夠一個星期，我就中左我人生中第一次既奬。

我竟然中左公司ＰＡＲＴＹ既大奬。一隻精工手錶。

我要交代一下往績，我係一個從來都冇中奬命既人，由細至大抽奬都唔會抽到我，係連安慰奬都冇我份果隻，邪到好似唔記得放我既號碼落抽奬箱咁。

而我住呢間屋唔夠一星期，就竟然中奬，仲要中大奬。。。。。。。

不過，跟住就患左腸胃炎差唔多一星期。。。。。

＃＃＃＃＃

其實我唔知間屋有一個定係唔只一個"朋友"，我以後會叫佢做＂朋友＂。

係往後既幾年，好多朋友黎過我屋企過夜，都話見到。。。。。。野。

有個朋友係陰陽眼，佢話見到既係一個＂老人家＂。。。。。

而我另一個自細就好易撞野既朋友，就話係一個＂女＂的。

而我，返而無再見到亦無再聽到，所以就一路住落去。。。。

因為當時好多ＦＲＩＥＮＤ都會夜蒲，有時玩夜左就會黎我屋企過夜。

有晚又如是姐，有個ＦＲＩＥＮＤ玩到零晨點幾黎過夜，咁我就行張床係廳比佢訓。

臨訓前，佢交帶我，一定要７：３０ＡＭ叫佢起身（因為鬧鐘係我房），怕朝頭早會塞車，返工遲到。

而我就敷衍佢，其實心裡面係度諗，盡量啦。

第二朝，我一起身就望見鬧鐘已經係８：１５分，心諗：大獲啦！實比個ＦＲＩＥＮＤ鬧死。即刻沖出房。

奇怪既係，我個ＦＲＩＥＮＤ竟然已經沖曬涼，換曬衫，差唔得走得咁款。我就好奇問下佢：咁勁既？自己起到身？

點知。。。。。佢竟然答我：

咩呀？你係我床邊行黎行去，仲拍我話：起身啦！係你叫我起身架麻

我當時唔敢講咩，淨係問佢：係我把聲黎架？　佢答：係呀。