wingwantze 發表於 12-5-28 21:57 
想知用藥後，會有什麼後遺症
我個仔兩年前又係有呢個病，作為媽媽都幾無助
想對個病瞭解多少少，係可以上網搵資料，不過我相信當時人更需要既係知道個病有得醫、及時用藥係可以完全康復，d藥其實唔係藥，係IVIG - 丙種球蛋白，一種血製品，有一定風險(低既)。
我仔當時(3歲幾)第5日入院(qe)，第6日用藥，24小時內所有病徵都退
你朋友個女第幾日?用藥未?因為呢個病係無 lab test/blood test，只可以排除其他病之後先用藥，我仔當時入到院之後少咗個病徵，排除其他病之後醫生竟然仲未想用藥，要我親自"高度交涉"先用藥(醫生同阿媽出發點差太遠)，所以適當時要俾少少壓力醫生，錯過用藥黃金期，就用藥都無用，要靠自己好返，比較容易有後遺症。
有人(如我仔)只要一個IVIG療程就好，有人要2個療程。我仔當時住咗5/6日就出院，有d人要住兩星期，不過聽過多數都係一星期左右。
之後要食阿斯匹靈同胃藥(因為打過IVIG要食阿斯匹靈薄血，又因為食阿斯匹靈怕傷胃，所以要食胃藥)，以後年年check up，我仔(touchwood)so far 無事。通常最怕既後遺症，係因為心臟血管擴張又收縮後有scar，將來有心臟病既機會比其他人高。
至於成因，仍然係個謎，有人話裝修，有人話漂白水，但都係估估下，未有醫學界既確認。
我以過來人既身份建議，你作為朋友，可以讓當時人知道，其實香港都有好多病例，醫生識醫，而家無生命危險，暫時唔敢話一定無後遺症，雖然好多人係完全康復，但將來既嘢其實無人知，唔好擔心將來，而家努力陪個女用藥，好返，出院先。
識網友只限吹下水、交換下資訊、發揮網力，邊個認真就邊個輸。
發表於 
返回列表
