吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 更新#1 / 我無資格做人媽媽.....

自由講場今日: 61|主題: 1355526

收藏本版

發帖

返回列表

跳至頁

查看: 8042 | 回覆: 152

更新#1 / 我無資格做人媽媽.....

[複製鏈接]

12 3 4 5...8

ope

侯爵府

積分: 20753

1^#

發表於 12-5-31 14:28 |只看該作者 |正序瀏覽 |打印

本帖最後由 ope 於 12-6-18 17:42 編輯

睇晒咁多位BK 媽咪的意見和鼓勵, 好感激大家 !

我知道我並不是孤軍作戰的, 要返10幾個鐘頭工的媽咪大有人在, 我一時脆弱, 好在有各位支持鼓勵.

開完呢個POST 之後, 我自己搬左返娘家暫住, 想比自己靜下, 諗下我份工要點, 諗下我屋企要點安排.

我的所謂專業, 是學歷+經驗. 以前我一直都唔想放棄, 因為每年都有6-12 % 的人工加幅, 或者有公司會刮角. 我還是自私, 只係一諗到而家乜都貴, 我真係想搵多D 錢比小朋友.

但近呢一年, 開始有些問題, 例如長期心神彷彿, 輕微抑鬱, 壓力太大.

我同老公也越來越多問題, 佢成個大細路, 唔能夠幫輕我. 我返左娘家, 佢同我 whatsapp, 話想我回去, 會長大. 我都係想暫住一排.

我上星期同公司講, 希望可以轉做彈性上班時間, 但人工會減, 唔知道阿頂批唔批. 佢話要時間同大老細傾, 萬一傾唔掂, 我最多咪轉工 / 再打算.

多謝咁多位媽咪的意見, 我好認同, 工作時間太長, 工作壓力太大, 工人未獨立..... 再加上小朋友正常的行為 ( 不停玩/ 跑/ 跳/ 玩飯...) 就變成我的爆炸點.

同埋, 我而家都搵緊多一個工人, 希望我搵到好的啦 !!

大家都要照顧自己的心理健康呀 !

***************************************************************************************************
我好失敗, 好沮喪.

我要返工, 專業人士, 有一仔一女, 兩個都仲好細個, 有工人幫手.

每日返完 10個鐘頭工, 好累, 返到屋企, 一開門, 唔似其他要返工的媽咪話 : 一見到仔女就點累都唔記得/ 點都值得.....

而係, 我覺得好大精神壓力.

仔女跑埋黎叫我, 對住我笑, 我竟然覺得好驚, 因為我已經無力再同佢地玩.

我竟然笑唔出.

返到屋企, 工人煮飯, 仔女不停搵我玩, 但我想去廁所洗手, 想放好工事包, 又未沖涼, 好熱好累.

開飯啦, 我都好肚餓, 原來我做到連LUNCH 都無食, 只係飲左杯咖啡.

但一開飯, 工人掛住自己食, 對仔女跟我們食, 佢地又扭要自己食, 但又食唔到, 我要先餵飯.

一路餵, 佢地一路扭, 玩飯, 玩餸, 最終成匙飯潑左落地, 成地都係飯.

我唔覺得嬲, 只係好想喊.

佢地食完飯, 飯餸已凍, 到我食. 我老公玩電話一邊睇仔女, 佢地又跑黎叫我, 要我抱. 我話我食緊飯.

終於食完飯, 我去沖涼. 一路沖, 個仔係門口不停大叫大喊搵我, 工人洗緊碗, 老公繼續一邊玩電話一邊叫佢坐去SOFA.

我沖完涼, 坐係SOFA, 差不多訓著. 但D仔女, 有排都唔會訓, 佢地起碼要玩到 10 點半.

期間, 又係不停叫我 / 扭抱/ 大喊/ 大叫......

終於, 佢地迷迷糊糊, 11點幾先訓著.

佢地唔肯跟工人訓, 到而家為止都係跟我們訓.

佢地訓左, 我仲有大叠文件未睇, 於是我訓廰.

今早返工, 我閃過一個念頭 : 我想搬出去 !!

我到底要點樣做, 先至可以改變而家呢個局面? 我好累, 我係咪唔愛仔女? 我無資料做人媽媽? 我係衰人?

點評

kufubaby 唔好俾工作凌駕你的家庭, 日後伴你到老的不可能是工作, 是你的老公與兒女發表於 12-6-7 11:53

TV8 家家都是一樣呀,如果工人幫吾到你,你就換左她啦,仔女行先,因為她們很快大發表於 12-6-6 08:48

oliviapuiyeebb 小朋友幾大呀?不如叫工人姐姐早D餵佢地食左飯先，到你食飯時叫C6同小朋友玩陣先啦發表於 12-6-1 22:53

topkidsmom 加油........... 發表於 12-5-31 22:28

0 1 0

私人傳訊

BBCHANCHAN

禁止訪問

積分: 2402

153^#

發表於 12-6-7 10:43 |只看該作者

回覆：fooky-hk 的帖子

提示: 作者被禁止或刪除內容自動屏蔽

私人傳訊

fooky-hk

大宅

積分: 1806

152^#

發表於 12-6-6 21:33 |只看該作者

我覺得你要讓小朋友學習生活規律，要學習自己吃飯，就算食到滿地到係，最多就掃地，過一陣子佢地就會懂得食飯時的態度，不能讓孩子想點就點，如果你這樣下去又做就多2位港童。習慣是從小就要教導的，習慣了便很難改。你自己的時間是自己控制的，不應被小孩佔有你所有時間。

早早讓小朋友學習自理，定時睡覺，你就有時間放鬆一下自己。狠心一下啦

????? 人生充滿問號 ?????

私人傳訊

july2011

禁止訪問

積分: 15254

151^#

發表於 12-6-6 20:52 |只看該作者

回覆：我無資格做人媽媽.....

提示: 作者被禁止或刪除內容自動屏蔽

私人傳訊

santorini

大宅

積分: 4111

150^#

發表於 12-6-6 20:24 |只看該作者

回覆：ope 的帖子

睇完你的故事，完全身同感受。我都係每天工作10小時以上，更慘嘅係我每日要花3個鐘搭車，可以計得到陪細路嘅時間有幾多。成都9點先番到屋企，飯都未食，都陪細路玩下、陪埋訓覺先叮番D反食，佢哋下午又訓好多有時2-3個鐘，搞到夜晚搞好耐都未訓得著，好似昨晚10點上床成11點至訓著，跟著我先可以食飯！

唔知樓主做什麼工作？相信都係管理層工作壓力大。見有JM 話放工以後就放下工作，對我係行唔通，D嘢成村人等你review approve你點可以拖？老闆夜晚急時找你唔通唔聽唔覆？

私人傳訊

ian723

珍珠宮

積分: 41164

畀面勳章環保接龍勳章親子達人勳章

149^#

發表於 12-6-6 14:06 |只看該作者

ope 發表於 12-5-31 15:00
回覆 joyce1107 的帖子

多謝你鼓勵我, 我係好累, 想放假, 而家都諗緊係咪要請多個工人.

好多有建設性嘅, JM們都講咗.
我只想話有D乜野唔開心呀, 煩惱呀, 壓力呀都上來傾, 實質上未必幫到手, 但你並非孤軍作戰, 至少我們會聽你呻, 加油.

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

148^#

發表於 12-6-6 13:33 |只看該作者

樓主, 加油.

私人傳訊

haziki

別墅

積分: 595

147^#

發表於 12-6-6 13:20 |只看該作者

其實你工作完咁累，返到屋企都盡力照顧到仔女訓左先再睇文件，已經係好好媽媽!

如果可以的話，請你c6分擔下陪仔女玩多d，等小朋友唔駛咩都要搵你，同工人姐姐傾下佢可以點幫你，睇下可唔可以改善情況，加油!

私人傳訊

shirleyying

子爵府

積分: 10743

146^#

發表於 12-6-6 11:20 |只看該作者

我完全明白丫！我個女仲要係脾氣超大，一唔順超就係咁叫引人注意，成家都搞佢唔掂。惡，鬧，tum都試過，軟同硬都試過，都唔得。
跟住我開始去人地屋企，接觸其他小朋友，冇錯有啲真係好乖，但有啲真係會令你發癲，我再望吓個女，其實佢比起好頑皮果啲，都算係咁，或者呢啲係小朋友既成長階段，有時做父母既都唔明佢地諗咩，有咩令佢地咁唔滿意。

我覺得如果你對仔女可以早啲訓既話會好啲，如果可以教到9點幾訓，咁起碼之後你都有兩個鐘私人時間先，同埋你lunch果時會唔會去約人食吓飯好啲？唔好成日喺office (sorry我咁講，因為你工作可能真係好忙)

c6方面，我只能夠講佢幫唔到係正常，幫到係福氣，都唔知幾多c6係唔鍾意湊細路，一見到就煩，又唔肯幫手，所以爸爸同媽媽點都係唔一樣的。

同埋，我覺得你需要放假，去一個短trip，三日都好，鬆吓，個腦空白乜都唔諗，點都唧啲淨係屬於自己既時間。

加油！呢度大把人陪你辛苦呀！

私人傳訊

mrschui

大宅

積分: 2561

145^#

發表於 12-6-6 10:12 |只看該作者

回覆：我無資格做人媽媽.....

樓主似乎整個人生都比工作主導住，好似累到咩都提唔起勁。唔單只影響親子関係，其實都會影響夫妻感情。或者應該處理下work life balance 先！

點評

shirleyying Yes, have you considered changing your job? 發表於 12-6-6 11:21

私人傳訊

eaubobo

珍珠宮

積分: 33689

144^#

發表於 12-6-6 09:52 |只看該作者

樓主，好好加油

私人傳訊

eaubobo

珍珠宮

積分: 33689

143^#

發表於 12-6-6 09:46 |只看該作者

樓主，好好加油

私人傳訊

biancaho7

珍珠宮

積分: 47843

醒目開學勳章畀面勳章 wyeth冷知識勳章 2011至尊種植勳章大廚勳章 BK Milk勳章

142^#

發表於 12-6-6 09:42 |只看該作者

樓主或者叫姐姐早d煮飯比兩個小朋友食左先
我地都係咁
試過同小朋友一齊食
但顧得佢地食完
d飯餸都凍晒... 唔想食了
而家唯有叫姐姐6:30比佢地食先
到我地收工返到去先大人開飯!

私人傳訊

milk323

公爵府

積分: 28209

141^#

發表於 12-6-6 09:37 |只看該作者

引用：Quote:ope+發表於+12-5-31+14:50+回覆+wcpc

原帖由 joycec9 於 12-05-31 發表
你要學識接受小朋友係好messy0架，而且污糟係大人0既概念，小朋友世界冇呢樣0野。

佢0地玩食物，亦係學習 ...

係呀，有工人清潔其實解決左好多問題。樓主只要睇開d, 其實會輕鬆好多。食到成面成身都係咁又點？工人會清理現場同埋幫佢地沖涼。

私人傳訊

薯媽

禁止訪問

積分: 15551

140^#

發表於 12-6-6 09:36 |只看該作者

回覆：ope 的帖子

提示: 作者被禁止或刪除內容自動屏蔽

私人傳訊

SS0303

珍珠宮

積分: 43036

139^#

發表於 12-6-6 09:23 |只看該作者

回覆：ope 的帖子

加油!
好多媽媽已提出好好建議，要改一改自己和小朋友的流程和時間表。

和小朋友相處，要重Quality，時間短一些都ok。

自己要放鬆!

加油。

私人傳訊

mm1003

複式洋房

積分: 383

138^#

發表於 12-6-6 08:42 |只看該作者

睇完你咁講,真係唔明點解當初要生小朋友,仲要2個添?老實講,小朋友扭你痴你係正常,而且小朋友好單純,佢地呢個階段好需要父母的愛,父母關注,視父母為學習榜樣,但小朋友只係見到媽媽每日早出晚歸,講真,你賺到好多錢,事業有成又如何?小朋友心智發展最重要,日後你唔好後悔點解個仔唔跟你,個小朋友性格點解會咁,呢D就係現今社會父母造成?你要反問自己事業重要還是家庭重要?點解要為咗份工而放棄跟子女相處?如果老公負擔得起,點解唔停一停,諗一諗,可以轉工作環境/半職/其他可能?如果連跟子女相處時間都交俾工人,你真係絶對無資料做媽媽,唔好怪我咁直接,我自己係FTM,講真仲辛苦過返工,無工人幫,無假期,無私人時間,全天侯24HRS ON CALL,但我好ENJOY每日跟小朋友相處,因為我知道將來佢大咗,開始獨立時,會離我越來越遠,有自己圈子,所以趁小朋友仲細,有得攬好攬,有得錫好錫,呢個寶貴時間我唔想錯過,俾錢係買唔到!希望樓主三思

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

137^#

發表於 12-6-6 07:34 |只看該作者

ope 發表於 12-5-31 14:38
回覆靚豬豬的帖子

工作壓力係大的, 不能出錯, 要好集中精神, 9 時開工, 但我 8 點半已經在準備.

唔係人人都鍾意做ftm, 亦唔係人人都適合做ftm, 你唔係做ftm 既材料就唔好諗啦. 現今女性好多都唔想放棄事業, 但搏殺遇搏殺, 一個女人點都要留番d 時間響屋企度, 你可以話咁係一個珈鎖, 亦可以話係老土, 但現實社會就係咁. 唔係嚇你, 我有朋友同你一樣, 最後婚姻都賠上了.

唔知幾時呢度有女強人話過一個女人放工仲要煮飯, 不如叫個男人娶個工人.... 但早排就呢度有人話個老公同工人搭上左. 男人, 要求有幾高? 可能只係想返到屋企, 個老婆響屋企煮餐飯又可以一齊傾下計, 屋企唔好家嘈屋閉.

仔女既要求更低, 只係想阿媽陪佢. 你有冇諗過點解佢地會搗亂? 唔止小朋友一定係八卦, 而且佢地想吸引你注意, 平時已經唔見左個阿媽, 返到屋企見番媽媽已經好開心, 點知阿媽唔理佢仲要鬧佢. 俾dvd 俾佢地睇, 或者請多個工人都好, 係分散佢地注意力, 但解決唔到問題之餘, 只會分離你地, 同時亦舒緩唔到你既壓力.

唔駛一下子要放遮棄晒事業, 每個阿媽都有佢既壓力, 但至少你要學識放手低d 公事, 放工就放工, 你明知自己係鍾意做野, 就更加要去學習響唔同地方係要有唔同崗位.