吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 身為單親媽媽的你...

單親天地今日: 0|主題: 18398

收藏本版

發帖

返回列表

跳至頁

查看: 1572 | 回覆: 14

身為單親媽媽的你... [複製鏈接]

rhodo

大宅

積分: 2665

1^#

發表於 12-6-3 10:01 |只看該作者 |正序瀏覽 |打印

生活係咪好辛苦? 好難捱? 好大壓力?

我相信係...所以我唔知自己可唔可以捱到! 但好多人都能夠獨力養大一個小朋友...自己會唔得嗎??

我生阿B既時候, 就係睇錯左, 冇諗到一D野, 仲高估左自己既能力! 所以攪成今日咁。呢種捱法唔係我能夠承受! 我冇痴線都已經好好...

我好想走, 不過我好怕好怕決定左之後, 原來又係自己捱唔到或感覺好辛苦...當然, 我有諗過無論點辛苦點捱, 只要為左心愛既孩子我都會努力!

各位單親媽媽們, 你地有冇後悔過離開? 面對孩子, 又會點既呢? 有幾多親友會真係幫你?

我好想聽下大家既感受...唔想再作出錯誤既決定!

0 0 0

私人傳訊

wife

子爵府

積分: 14859

15^#

發表於 12-6-5 20:18 |只看該作者

(con't)

其實, 你覺得佢煩, 有無諗過離婚之後, 想佢煩你都無; 又有無諗過, 如果佢好快有新女朋友, 你又會吾會吾開心呢? 你有無真心面對自己個心, 如果有一日佢真係吾理你同bb, 你可以承受到身心嘅壓力嗎? 仲有好多問題.....! 如果吾係無彎轉, 不如試吓去搵婚姻輔導, 攪好兩個人個心, 咁一家都會幸福快樂....!
努力!

私人傳訊

wife

子爵府

積分: 14859

14^#

發表於 12-6-5 17:26 |只看該作者

本帖最後由 wife 於 12-6-6 18:18 編輯

rhodo 發表於 12-6-5 14:24
可唔可以話我知當時你係咪冇返工 (離開果陣)? 咁住屋果度點呀? 返PART TIME可以請到姐姐?
我都係唔想BB冇爸 ...

其實我由個仔出世至而家都係做咗一年嘢(仔返pre-nursury之後做咗一年嘢), 到離婚到而家都無正職(只係有時返舊公司做part-time). 無正職都可以請姐姐, 不過要提交最少36萬定期存款證明就可以(Immigration批就得).
其實, 爸爸對小朋友影響都好大, 你要睇吓你c6嘅問題係吾係直接影響到bb日後生理,心理,性格,行為.....! 例如: 個男人吸毒, 做賊, 愛飲酒, 爛滾好色....呢d就會直接影響到小朋友; 但如果佢做到爸爸嘅責任, 愛護小朋友, 只係同你相處有問題, 我覺得係可以靠大家改變調節去解決(如果仲有感情...或者仲有些少愛)....!
坦白講, 我ex係衰, 但我同你諗法都一樣, 有個男人喺身邊係好d, 即使我都已經吾愛佢; 但諗深一層, 咁樣嘅生活, 令自己嘅人生好似好吾踏實, 為咩要同個吾愛嘅人一齊生活呢? 阿仔係咪真係覺得有個咁嘅爸爸就係好呢? 自問都想有人愛我, 同我開心生活, 真正一家人同步成長.....但從ex身上完全睇吾到"將來"呢兩個字....所以我先決定離婚!

(to be cont..因同仔去上堂....)

私人傳訊

rhodo

大宅

積分: 2665

13^#

發表於 12-6-5 14:24 |只看該作者

wife 發表於 12-6-4 21:29
其實無話捱吾捱到, 最重要係有無決心; 我自己一個人揍, 最初無叫人幫我(因為覺得其他人吾識揍我個囝,同埋 ...

可唔可以話我知當時你係咪冇返工 (離開果陣)? 咁住屋果度點呀? 返PART TIME可以請到姐姐?
我都係唔想BB冇爸爸, 好驚佢一路長大會對佢心理有影響! 不過遲早都走, 我覺得係愈早愈好...
我唔打算同佢補救, 冇心力去諗同佢既野! 佢俾我既感覺係好煩...唔想理佢! 但有好多時又覺得有佢係身邊會好過一點...即使我已經唔愛佢! 可能係因為覺得兩個人去照顧一個小朋友會好D...

私人傳訊

rhodo

大宅

積分: 2665

12^#

發表於 12-6-5 12:17 |只看該作者

allysharlin 發表於 12-6-4 14:03
不要太灰，如果有家人幫你最好，冇就去搵社工，你不要成日諗太多野，一定有辦法解決，慢慢來。 ...

謝謝你!
家人唔會幫我。
社工, 我搵過。不過佢地幫唔到我D乜, 極其量只係話可以搵社區褓姆幫湊BB。我最需要解決的住屋問題, 都係叫我去排公屋。

私人傳訊

rhodo

大宅

積分: 2665

11^#

發表於 12-6-5 12:15 |只看該作者

小雄維尼發表於 12-6-3 10:30
咦, 你講晒我既野甘既(知我咩環境既人都聽過我甘講).不過我同朋友講, 我未黐線都好奇怪. 好老實, 做人呀媽 ...

我簡直覺得自己係痴左線, 點會跟呢個男人架!!! 但冇辦法...已經成事實, 我只想改變, 亦想放棄不能改變的所有!

私人傳訊

rhodo

大宅

積分: 2665

10^#

發表於 12-6-5 12:13 |只看該作者

多謝你地既回覆。
本來, 我決心要離開呢個男人, 但因剛剛發生左一件事, 我又唔忍心....原本同佢家人同住, 而家大家出黎租左間屋, 仲要我出住錢先 (問心, 都唔期望佢有能力俾返哂我)。
成個計劃錯哂! 原本我係留來自己同阿仔租屋, 點知而家變左同佢一齊。
原因係, 我俾埋最後一次機會佢, 而且阿仔9月開學, 我好想佢可以返學, 唔想佢做大仔 (佢年尾出世)。所以, 我打算俾多一年時間佢, 同時我亦可用呢一年時間睇下可否有返自己既事業, 因阿仔已返學, 我可以返工搵錢, 即使要請人湊佢, 我都寧願做野搵錢生活好D, 好過焗悶無錢既生活!
不過, 租左屋後又好後悔, 根本自己就對佢絕望到不能再絕望, 只係為左阿仔...但係咁樣又唔知對佢係好定唔好, 因為遲D阿仔再大D, 識野D既時候先分開, 對佢既影響豈不是更大???

私人傳訊

iceling

複式洋房

積分: 366

畀面勳章

9^#

發表於 12-6-5 00:03 |只看該作者

後悔？我相信無一個媽媽想自己的仔女在一個單親家庭環境下長大.無奈的是世事難料，我有兩個仔，佢地個樣似足老豆.我有時也會覺得後悔，但現在選擇這條路，就要向前望，正所謂明天會更好！大家一齊加油.

私人傳訊

wife

子爵府

積分: 14859

8^#

發表於 12-6-4 21:29 |只看該作者

rhodo 發表於 12-6-3 10:01
生活係咪好辛苦? 好難捱? 好大壓力?

我相信係...所以我唔知自己可唔可以捱到! 但好多人都能夠獨力養大一個 ...

其實無話捱吾捱到, 最重要係有無決心; 我自己一個人揍, 最初無叫人幫我(因為覺得其他人吾識揍我個囝,同埋驚阿仔吾鍾意)...其實自己好辛苦, 不過後來阿哥話我成日當自己係"超人"....遲早會爆; 所以開始去請個"姐姐", 搵份part-time, 有時將阿仔交比阿哥家姐細佬照顧幾個鐘, 用d時間去返學同做吓自己嘢....!
我最初離開時一d都無後悔, 不過, 過咗一陣有些少後悔, 因為覺得好似自己攪到阿仔無得同爸爸一齊住(雖然阿仔無講話掛住佢, 但有時見到佢望住人哋兩父子嘅眼神, 我有d心酸), 我個心有時都有軟弱時, 果陣諗ex係衰....但阿仔總算有個爸爸同佢一齊成長, 我自己吾咁執著,忍吓可能阿仔會開心d....! 後來, 當一切上咗軌道, 原來我同阿仔都覺得咁樣生活比較舒服, 跟住就無咗後悔果種感覺喇!
樓主: 如果有得補救就盡力啦, 當為小朋友又好, 為自己又好, 自己覺得小朋友單親始終都係有些少缺失! 努力!