吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 成為罪人之旅---婚禮準備篇

婆媳關係今日: 1|主題: 27766

收藏本版

發帖

返回列表

跳至頁

查看: 4684 | 回覆: 86

成為罪人之旅---婚禮準備篇 [複製鏈接]

12 3 4 5

mimilan

複式洋房

積分: 211

1^#

發表於 12-6-11 16:35 |只看該作者 |正序瀏覽 |打印

上回講到我地拍拖時候既野...到我地準備結婚，又係發生好多不快事...

坦白講，雖則兩老對我沒有太差的感覺，但因為佢地對我老公一直都好老馮，我老公咁孝順都係得唔到好的對代，反之佢其他成員，佢兩老都就得到就就，所以我對佢地既感覺都係麻麻...但基本尊重都係有。但真係太多事令我覺得佢既呢家人真係好煩，加上結婚的錢都係我地自己比，我真係唔想問佢地咁多野，我只會做一d我想要既野。

張帖係全英文，仲要係以我地角度去請客，係冇父母名的。我地拎去印後，我老公在佢朋友提醒下，同我講好似唔加父母名唔係咁好(之前佢冇留意)，話睇下可唔可以加多張中文，我就話加中文...咁不如唔好寫英文啦...寫英文0來做咩姐?!而且加多張係影響張帖既設計，我唔會咁做。之後老公都冇再講d咩。之前我本身想用黑色做帖，佢話怕家人唔like，我都就左佢。我只可以講，婚禮上既事我係比較堅持，我希望呢個婚禮係屬於我地，唔想人多加意見。當中唔加父母名當然包括我父母啦!!

另外，佢媽的化妝各樣野我都冇理佢，但我老公有問過佢，佢話佢攪掂。之後我先知原來都係我地比錢佢做新的裙，ok，唔緊要，但我嬲在我老公之後先同我講。花車我都係用黑色。一切一切都係我喜歡的事，不是有心作對，但我也不想問佢地意見，我覺得佢地都唔尊重我，我都唔想問佢地d咩。

禮金方面，本來我和我老公都覺得唔好同佢父母講咁多，廢事誤會我媽獅子開大口。我也問過佢家姐同細佬的禮金幾多，佢講出0來既數目都唔係好多。但經過之前既不快，我覺得我地都唔需要講大話，即使我比好多又點?都係我地d錢，加上那時d金咁貴，我覺得我比得多都唔係問題。我話如果佢兩老問，就實話實說。這段時間其實我都好少見佢地，一來工作忙，二來準備婚禮的事我花好多時間，我真係唔想山長水遠再同佢地食黑面飯，那時心情已經好煩，我唔想同佢地爆。

直到我知道我地入門那刻，佢家人同佢講佢細佬拎唔到假唔會0係度，我真係火都0來!!講真，我係唔like佢，但依家阿哥結婚，我地又成年幾前已經講左邊日結婚，係唔係真係請唔到假?定係根本唔想0來?!我係咁同我老公講佢呢個細佬有冇尊重你先?!我覺得佢唔比面我唔緊要，但都要比面阿哥囉!!最好笑係佢家人都覺得冇咩...之後仲好笑!就係本來佢阿哥都0係度，但點知我地結婚那天有份工佢要去見，可以上午或下午，佢媽叫佢上午(即我地入門時間)去見工，下午先回來招呼親戚。我火都0來，即係招呼親戚重要過我入門...原來係咁既....!!!!!我老公見我咁火，佢就同佢阿媽講，叫佢下午就見工啦。其實我覺得已經唔重要啦...最重要我已經知道0係佢地心目中邊樣先係最重要囉!!!佢細佬0個邊，我真係係咁爆佢!!爆到佢終於覺得有問題(之後我先知其實佢都好唔開心，但佢希望佢自己盡量體諒先唔出聲)。佢0係我面前打電話同佢家人講話佢細佬唔到佢覺得好有問題，但原來佢家人真係覺得冇問題。我老公都話佢家姐同細佬結婚，都係齊人，點解到佢自己結婚就唔齊人呢?!但我聽佢同佢家人的回應得知根本佢家人就覺得冇問題，我咪叫佢睇清楚係咩事!睇清楚呢家人到底有幾重視佢!!佢仲話佢家人話佢細佬個老婆已經造左套衫，早上係會到...講真，佢造套衫佢家人覺得佢好尊重啦,,,但我覺得佢只係唔衰得，但既然佢話佢早上會到，我就話:"咁好!既然佢老婆會到，我都仲真係叫做信你細佬真係拎唔到假!!!"(我係睇件事，既然佢老婆都到，我都算!!之前係我唔信佢拎唔到假，但依家佢老婆到，所以ok...我信。)之後佢有次都要唔順回家講出心底話(我唔知佢到底講d咩，佢只係話講晒佢既感受出0來)，當晚佢來接我收工，我見佢隻眼都有少少腫，佢都認佢講到喊左出0來(我未見過佢咁)，佢仲話佢媽話最錫係佢喎...我只回應一個冷笑。

帖方面，佢老豆話唔洗比佢細佬，但我自己覺得應該要比，因為佢已婚，係有一頭家，係咪都應該要比呢?!佢話佢老豆都話唔洗比，咁唔比咪算。我忍唔住講:"哦...唔洗比，係咪怕佢要比人情呀?!" 佢話佢老豆覺得係一家人，所以唔洗比，佢家姐係因為嫁左先要比。佢阿哥未婚所以我都冇打算比，但佢細佬結左婚正常都要比囉!!ok~佢地話唔洗咪唔洗囉...我都唔想煩呢d野!!

我已同佢講明，主家席係比長輩坐，係佢老豆的親戚。好了，之後我地快結婚時就安排坐位，因為我都好多野攪，我比左我那邊的坐位分配佢先，佢就會整張坐位表出0來...好彩之後我都睇一睇..發現佢細佬0個兩公婆係坐主家席!!我真係嬲到爆!!問佢點解要咁安排?!!佢話佢老豆係咁講!!我真係火光了!!!我火原因:1/佢好似有點先斬後奏之嫌!!2/佢細佬結婚都冇安排佢坐主家席!!!3/係咪我結婚都要對住d黑面神?!!! 我都有同佢講以上的說話，我仲話我唔係唔比咩人坐，而係我覺得主家席係比長輩坐，論排輩幾時都未到佢坐!!佢解釋話佢細佬係直系兄弟所以佢老豆咁講，我話我唔會接受呢樣野，強調係比親戚長輩坐。之後佢先同佢老豆講番。

另外既係...之前我有朋友兩公婆，在半個月前同我講佢有親戚過身，但佢家鄉係冇呢樣野的，但佢老婆提佢我地廣東人會介意呢樣野，佢問我介唔介意，如果我唔介意佢會照來。我問我老公，佢都話唔好，咁我唯有叫我朋友唔好來算了。到一星期前，我有一位重要的姊妹個阿叔過身...佢話佢0來唔到，咁我都知我老公mind呢樣野，我臨時臨急真係唔知點搵人....幸好最後都搵到。好了，到我睇坐位表，見到佢有個在大陸的表妹都會0來(之前佢同我講佢表妹呢家人係唔會0來，因為有親戚死左。但之後又聽到好多唔同版本，有人話因為那親戚就死，有d就話死左一個月，有d就話剛剛死)，最奇怪既係佢表妹會0來，但佢父母(即我老公舅父舅母)就唔0來.....我問佢咁即係點?!佢話佢表妹親戚已經死左一個月...我話咁如果佢可以0來，咁佢父母點解又唔來呢?!佢都唔識答我...我真係火都0來，咪話咁即係唔得咁先至唔0來，但係咪你表妹想0來你就比佢0來先?係既話早d講啦.,,,當日我唔洗叫我朋友唔好0來(佢係想0來的)，我亦叫我姊妹照做...唔洗我搵人搵得咁辛苦啦!!我問佢點解要咁做?!點解你d人想0來就可以，唔洗原則，唔洗利事，我d人係遠房親戚死左都唔0來得?!!我嬲到話好!如果第日離婚，我就會賴因為呢件事而起!!我覺得道理唔係咁囉...唔係一視同仁，佢d人就重要，我d人就唔重要?!!

婚前幾日全部都係因為佢家人的事而不快!!唔開心到直情講話唔結婚算了!!佢問我做咩...我話攪結婚本身已經好煩，我已經唔洗你d家人幫咩手，但點解佢地要比咁多煩野我地煩?!我要做既野都做左，但佢地只係不停帶d問題出0來，最慘既係...我覺得我老公本人都覺得冇野，我問佢到底係咪對佢家人麻目到咁?!佢工作係高職位，我都好欣賞佢工作的能力，但點解一講到呢方面，點解會笨到如此?!!我話我已經唔介意佢地點對我，但我覺得佢地都要諗下佢呢個仔囉，點解對我老公咁唔公平!我嬲係因為我心痛我老公每次都係受到最不公平的對待，我真係唔明.....可能人善就是被人欺吧!!!

我真的不敢相信.....之後結婚當日...我真係.....每一個人聽番都覺得佢地好不知所謂!!!我覺得佢地唔係0來開心，係0來玩野!!之後再講...(待續)

0 0 0

私人傳訊

szechk

大宅

積分: 1042

87^#

發表於 12-6-12 15:51 |只看該作者

回覆：成為罪人之旅---婚禮準備篇

小心逼到你老公痴線

私人傳訊

toby1357

別墅

積分: 932

86^#

發表於 12-6-12 15:42 |只看該作者

回覆 ill 的帖子

港女樓主既麻煩之處係
佢自己都唔尊重人, 但又要求人地"徹底"尊重佢

自己黑人憎阿叔仔唔想參與入門, 但大佬結婚都晚上都照去

入門, 阿老爺奶奶o係度都ok 啦, 至少個畫面好好睇睇咪算囉
叔仔o係唔o係度唔深究真係唔多覺

痴線~咁港都嫁得出
真懷疑佢老公有被瘧狂

私人傳訊

toby1357

別墅

積分: 932

85^#

發表於 12-6-12 15:28 |只看該作者

港女

私人傳訊

mimichong

珍珠宮

積分: 34695

2024年龍年勳章畀面勳章環保接龍勳章 wyeth冷知識勳章叻叻勳章

84^#

發表於 12-6-12 15:19 |只看該作者

其實妳幾個post 我都有睇開...
次次都係小事化大...問題一直係妳身上...
只覺得妳份人好難相處...唔識尊重人...

前面是絕路~希望在轉角

私人傳訊

JenTam

男爵府

積分: 5179

83^#

發表於 12-6-12 15:00 |只看該作者

如果有親戚離世，一個月之內係唔方便出席婚禮的。
正正係你朋友同你姊妹的情況。

相反，男家表妹超過一個月，係可以出席婚禮的。
當然，各處鄉村各處例啦。有D好介意，要白事後足100日先可以參加紅事。
又有D人完全唔介意，百無禁忌照樣出席都有。
咁既然男家介意，費事將來touch wood有事時俾人攞出來講，你朋友同姊妹唔到係明智的決定。

帖，我都同意弟弟係自己人，不用特別派給他的。
請帖無落老人家名，難怪男家會唔開心。唔係話酒席你們兩個後生找數，就完全唔使尊重長輩，咁樣會俾男家覺得你這初歸新抱好唔識做人。

我都係以事論事，希望樓主唔好太嬲。

私人傳訊

HLDMaMa

水晶宮

積分: 65273

82^#

發表於 12-6-12 14:39 |只看該作者

我都有睇哂你三篇，係第－篇我認同你唔駛喺聖誕買嘢俾佢家姐。但第二
篇我就認同大多數jm話你太自我。例如請帖用黑色又冇父母個名，雖然
你覺得係你地既婚禮，但有可能你6299會俾人話啦。至少啋啋聲唔會少，養大個仔結婚,連名都冇得出，你話佢地俾D親友笑都要梗食,嬲個仔又明知係你話事,甘你話佢地係咪會喑地裏覺得嗰仔冇用，而個個都遷怒於你。雖然你話你父母都冇得出名，lee D 係你既事，你父母接受Lee 個安排唔等於
我要接受，但作為父母既我，我都好介意。
至於見工既兄弟，我也覺得早上比較好，你點知interview要幾耐，而加好多真係要見成半日㗎，如果早上做兄弟，搞到身水身汗奌去見工呀，又或
者入席先到你又嬲啦。而請唔到假真係唔出奇喎，你估你大哂咩，老闆
話冇人頂到你,唔俾放就冇得講啦，你又唔係養佢。
其實你老公都覺得屋企人最錫佢，Lee D係佢親身感受，會唔會你太霸道
令佢屋企人對佢失望先至會甘對待你地。
又例如佢父母既兄弟姊妹多，主家席坐父親既兄弟定母親既長輩好呢？
有D索性自己一家算了，但Lee D 你都要管,甘你老公夾在中間，唔辛苦
就有鬼囉。我C6家人都係唔會出帖俾佢兄弟㗎，因為帖係承父命，做老豆
駛乜出帖請個仔啫，但結咗婚就－定會做人情既。(可想而知帖冇父母名係
唔得既)
希望甘多人俾意見你，你會有所感受，唔好樣樣從自己角度去睇。

私人傳訊

琛媽

水晶宮

積分: 67171

81^#

發表於 12-6-12 14:07 |只看該作者

男家以後應該家無寧日

生得積極, 老得開心
病得舒服, 死得安樂

私人傳訊

WunieCon

伯爵府

積分: 17359

HiPP勳章(1) 2018父親節勳章 2018復活節勳章 15週年勳章親子王國15週年勳章畀面勳章叻叻勳章陪月勳章 BK Milk勳章 hashtag影視迷勳章貓狗褓姆育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

80^#

發表於 12-6-12 13:47 |只看該作者

回覆 mimilan 的帖子

我有睇你第一篇, 但都係覺得有問題囉~
正所謂一家唔知一家事, 咁佢哋屋企一直都係咁相處相安無事咪算囉~
唔通樓主要老公好似長毛嗰D咁掉蕉抗議咩.....

其實你咁做, 咪整到老公做咗夾心餅囉~
可能佢真係因為屋企唔開心(事實上只有當事人知啦),
再加埋你咁樣樣, 咪變咗因為埋你又多樣唔開心囉,
變咗雙重唔開心啦......

為咗個老公, 睇開D啦~
我覺得做人老婆應該係要開解老公, 氹佢開心,
唔係迫老公去"爭取"囉.......
你可以幫佢爭取, 但首要係你幫佢爭取同時佢唔會唔開心先~

你老公夾喺中間查實都好難做家~

私人傳訊

WunieCon

伯爵府

積分: 17359

79^#

發表於 12-6-12 13:41 |只看該作者

ginnie717 發表於 12-6-11 17:50
你老公覺得冇野, 佢屋企人覺得冇問題, 只有你一個不滿........
其實有時放開d 不要小事化大, 個人會開心d.. ...

AGREED!!! 每個人都有自己一套同屋企人相處嘅方法家啦~正所謂一個願打一個願捱, 唔通樓主想見到自己老公同屋企反面先安落咩....

私人傳訊

booboo_long

大宅

積分: 4653

78^#

發表於 12-6-12 12:33 |只看該作者

大致上真係幾過份，好多野都冇尊重過任何人，尤其雙方父母同老公，不過有時一隻手掌拍唔響，我睇埋個下集再評論~

私人傳訊

Phoebe_snufkin

公爵府

積分: 25021

hashtag影視迷勳章 BK Milk勳章

77^#

發表於 12-6-12 11:35 |只看該作者

我結婚前都同男家冇咩交往, 但我會明白結婚係兩家人既事唔係兩個人既事, 要分清楚咩地方可以自己話事, 帖唔係話你地結婚就同父母冇關, 當親戚收到帖時, 係會話邊個邊個嫁女, 娶新抱, 好少話邊個邊個結婚, 人地到好多時係睇父母面上, 帖冇父母名同埋用黑色我都過唔到自己個關。溝通係好需要, 係婚禮準備前要將要傾既事攤出黎, 酒席方面我地好簡單, 問雙方父母要幾多圍, 俾人名寫帖, 主家席有幾多圍, 佢地自己安排俾咩人坐, 我會盡量少煩囉, 我會enjoy個婚禮, 你個日係主角, 邊理到咁多野架, 一隻手掌係拍唔响既....

私人傳訊

lala1668

男爵府

積分: 5303

好媽媽勳章

76^#

發表於 12-6-12 11:10 |只看該作者

回覆 crazygal 的帖子

私人傳訊

oxford0158

子爵府

積分: 14430

環保接龍勳章 hashtag影視迷勳章

75^#

發表於 12-6-12 10:59 |只看該作者

樓主, 結婚個婚禮, 除O左係你O既, 仲屬於你老公, 男家和女家O既...

坦白講, 我睇O左一半己經無心機睇...... 你叔仔O個到, 有時有 D 工請唔到假就係請唔到假. 唔係十年前話請定先, 到時就請得到O家......

私人傳訊

蘿絲頭

禁止訪問

積分: 54604

畀面勳章

74^#

發表於 12-6-12 10:33 |只看該作者

提示: 作者被禁止或刪除內容自動屏蔽

私人傳訊

yinyin1981

侯爵府

積分: 20347

73^#

發表於 12-6-12 09:30 |只看該作者

如果男家冇咁多長輩,唔通吉哂D位出嚟都唔比人坐咩?咁咪仲肉酸
而且成件婚禮事件睇嚟,樓主唔成為罪人都唔得啦,為左自己有一個自己鍾意嘅婚禮,無視男家,比我係男家嘅人都唔會專登出席啦~

私人傳訊

socute

大宅

積分: 1557

72^#

發表於 12-6-12 07:58 |只看該作者

回覆：成為罪人之旅---婚禮準備篇

樓主婚姻最重要不是婚禮是一生一世的生活，你咁不鍾意咁唔高興，我勸你咪嫁啦

私人傳訊

RockMusicLover

男爵府

積分: 6077

71^#

發表於 12-6-12 02:34 |只看該作者

引用:Quote:yanyan1018 發表於 12-6-11 17:52 樓

原帖由 mimilan 於 12-06-11 發表
咁帖方面黑色...呢樣我都明，所以我冇堅持了。

佢大哥唔在...咁可能見工真係重要過我入門...咁我心裡點都 ...

不用難受。作為初歸新抱，入門做足本份無愧於心就夠，其他人要來就來不來也沒所謂，衰點講句又不是自己親兄弟，你們的感情又不是很好，不來白不來，有什麼好氣的？

私人傳訊

Babykibi

大宅

積分: 3867

70^#

發表於 12-6-12 02:26 |只看該作者

回覆：成為罪人之旅---婚禮準備篇

太霸道！你一五同意就嬲

私人傳訊

RockMusicLover

男爵府

積分: 6077

69^#

發表於 12-6-12 02:24 |只看該作者

回覆回覆:fishstoneb的帖子

同埋如果結婚只是兩人的事，為什麼要擺酒，為什麼要請埋人地親戚，為什麼請長輩又發英文帖，正如請大量外籍人士但限帖只有中文一樣。如果只是兩人的事，為什麼要搞入門儀式？如果是為尊重老人家意願而做，那當天少了什麼人在場又有何關係？樓主一方面說是兩人的事，另一方面卻很在乎其他人，這樣只會令自己不開心。既然c6不覺得父母不錫他，你又認為結婚是兩人的事，那他父母做什麼也不需理會。