吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 成為罪人之旅---結婚當日

婆媳關係今日: 0|主題: 27780

收藏本版

發帖

返回列表

跳至頁

查看: 4560 | 回覆: 65

成為罪人之旅---結婚當日 [複製鏈接]

12 3 4

mimilan

複式洋房

積分: 211

1^#

發表於 12-6-11 18:52 |只看該作者 |正序瀏覽 |打印

剛發完之前的一篇，大家都認為我好唔岩，我都唔係要各位認同當然的做法，不過在回應時我都講左點解我會咁做。但點都好，當時佢兩老都唔知咁多野，對我都冇咩，我見到佢地都係會做番我要做既野，一樣叫人，幫手拎碗碟(其他人都唔會幫手，除了我老公)，一樣人到禮到之類。

到結婚當日，因為我之前那晚只係瞓左1小時(有野要整)，我個人已經吽吽地....我只知當晚我既親戚係冇每家在台上拍照，係到送客的時候先可以同我那邊的親戚影到相(在送客位草草影完就算)。最衰係我忘了整影相list，咁在台上我老公就叫mc叫邊家人來拍照，但我老公又好好笑，係全家人名咁叫(即係a舅父，a舅母，a表哥、a表妹咁叫...)我在旁都叫佢可不可以只係叫a舅父一家就好，mc又聽唔係好到佢叫咁多人名而叫人，令到時間都拖慢了。我都同我老公講左好多次佢先識一叫就叫全家人，但整過拍照過程，係叫左a家人上來，佢地先慢慢行上來，其他人都坐0係度...叫b，b先上來..每一家都係咁，叫c先準備下個到呢家人，但c見b都未影完，c唔會出定0來先。而我親戚們都排晒出0來等，其間他的尊貴親戚慢慢起身打算上來時，我都叫等了很久的親戚影左一張先，但佢地都示意唔好，等佢地影左先。佢那邊親戚，還不同組合咁影左好耐....最後係因我伴娘識做，同酒樓堅持一定影到我父母兩的大合照先開始(那時已超晒時好耐)。

以我所知的就是這麼多，到完了成件事，回到家，老公同我講:"你媽唔比我家姐坐接待處喎.."(佢安排佢家姐坐接待，而我安排了我姊妹坐)。

我話一定冇可能，因為我媽唔似我咁唔識做，佢係好好的。我覺得佢唔會咁做。第2日，我問番我伴娘發生咩事，佢話佢都係聽回來，之後我都有問番知情的姊妹發生咩事，最後先問番我媽(初初佢都唔講，係我迫佢先講)先知件事係點。

事源係我地切cake，兄弟姊妹一齊上台拍照，咁我伴娘同我媽講，叫佢搵我細佬睇住個接待處先。之後我細佬就睇住個檔先。但我媽唔放心，就0係附近徘徊。之後佢家姐同佢堂妹到左，因為我細佬好肥，阻住佢入去，佢就同我媽講:"喂!我要坐入去喎!!"我媽唔知佢係邊個，就話l:"下?你要坐?" 佢家姐:"係呀!阿x(我老公)叫我坐呀!" 咁我媽事先不知佢安排佢家姐坐的，但都feel到咩事，就叫我細佬行開比佢地入去，我媽就話:"佢地d姊妹上晒去，咪搵我細佬坐住先.,.,唔好意思呀.." 佢家姐仲係少少面面話:"阿x叫我坐咋喎!" 咁我媽都唔出聲了。到之後姊妹回位，我媽就同佢家姐講:"佢地攪掂勒,..咁唔阻你招呼親朋好友勒~"就走開左(呢句我幾個本身不相識的姊妹都聽到，我問佢地我媽d態度係點，佢話我媽係笑笑口講的)，之後佢家姐就即刻搵我老公，姊妹只見佢指手劃腳一番...佢地估佢係講緊我阿媽。(咁事實上老公當晚真係同我講呢件事)。佢咁對我阿媽，我真係好嬲!!我同番一d當日先識我媽既姊妹講呢件事，佢地都即時話:"冇可能呀喎...你阿媽好玩得好講得笑，我唔信佢會咁做!" 係每一個姊妹不約而同都係咁講。我亦問晒當日見到呢件事而佢地當日先識既姊妹，大家講既野係一樣的。我唔想屈人，如果我媽d態度差，我都唔會幫佢，當係誤會。但我都信我媽唔係呢d人，之前我媽都有話我唔好咁衰，所以我都唔信佢會咁。但佢家姐係冇叫過我媽，講野仲要態度惡劣，我媽都唔計較，之後仲要咁屈佢，我真係好嬲。即使真係我媽有問題，我老公日忙到咁，係咪真係需要即時投訴?

另外，有個姊妹一直保持中立，但我婚後，佢都話佢那邊的人..真係好恐怖，話佢男家d人(連親戚)看起上來係有點奇怪，但我女家那邊是好開心的。有個不知情的姊妹在事後有問過我老公係咪執回來。係每個姊妹，即使平時唔多出聲既都同我講番當日佢對呢班人既睇法。點解佢地有呢d睇法?如下....

---伴娘一直在我身邊，每次我出去，佢就見到佢細佬個老婆係"超"住我....佢話本身都冇留意，佢本身都估係佢家姐，但之後講番先知係那個女人。

---a和b負責周圍搵來賓拍片，a總覺得有點怪...之後先見到原來又是那個女的"超"住佢地...，佢冇理，之後又係有點怪怪的，點知又係眼見那個女的'超住佢"(之前我冇同佢講之前的事)

---c出名好口，也對我地既事不知情。佢拎阿襟花比佢細佬，佢細佬只係同佢家姐個b玩，問佢:"請問你係咪新郎既親兄弟呀?"佢細佬唔理佢，問多次都唔理，佢大哥聽到，就話"人地同你講野呀!" 佢一手搶左個花。c再問:"咁你有冇伴侶呀?比個手花佢。"佢冇應，走左。

---中立的d見我地影相0個part好趕時間，就問佢媽:"唔好意思呀~請問你有邊個親戚係要影相，我可以幫你安排。"佢媽唔應。d再問，佢望都冇望d，講左一句:"得啦!要先叫你!" 佢話之後都受左d氣，佢頂唔順同我媽講，我媽就安慰佢，叫佢忍下...好快就完。

---c幫佢媽整個襟花，佢媽只係冷冷一句:"你小心整到我呀!"

---中途e派cupcake(回禮禮物)，我地都叫佢比左來賓先再比親人。忽然佢聽到佢家姐講l:"喂!呢度冇呀!!"

仲有其他人都受左氣，但話唔想提，怕我唔開心。

c其實係我表妹，佢話我舅母(佢阿媽)問佢知唔知xx係個，我表妹話唔知。事後知就係佢細佬個老婆。話大家打對行時，佢一直打量我舅母，眼神仲係好有問題，唔知佢想點。c都見到。

之後我也聽伴郎講(我問佢那晚有冇d咩唔開心事發生)，佢同我講:"都係佢細佬啦.." 佢地之前都叫做識，但唔算熟。佢話打算吹下水，但佢話:"妖!以為自己咩高知識分子姐!!教小學咋,....扮晒野!!" 我問佢細佬講咩，佢話唔好提了，係講佢阿哥是非(我老公)，係我老公結婚當晚對住我老公個fd講我老公不是...真係好野!!佢再同我講:"我咪對住佢講囉...x!咁唔x鍾意咪0來囉!!" 佢話佢都忍唔住爆粗!!

之前我聽我d姊妹講番d事，我都有同老公講，佢都唔出聲，有d就話係唔係誤會。最後就話呢d都係我的朋友講，佢話佢自己冇聽佢d朋友講。所以見到佢伴郎，我先問下..到底係我 d fd敏感定係事實?! 我再同佢講，其實你的朋友都有講，但關於你家人，你估你朋友會同你講咩?!

最後，都發現佢細佬係冇比人情。我唔知需唔需要比，但我覺得心意上都會有，而且都已婚。好似我細佬，佢都買左金介指比我老公。我唔洗佢買野比我，只係買件禮物比我老公都好正常姐..但都冇。只係全程黑面。但呢件事我同好多人講，佢地都話咁都唔比人情真係唔得!!

之後發生左件事...係我老公同佢阿哥發脾氣，講番佢覺得一切有咩問題。我老公先爆左樣野出0來，那時我先知。老公話佢親手比野佢細佬，佢細佬係一野丟在桌子上。佢話呢d係親眼見到，係親身經歷，如果佢真係冇野(佢細佬話佢自己冇野，係一直我地對佢有野)，點解要咁?!件事唔係佢細佬講到自己咁無辜!(其實佢婚禮自己都睇到好多野，只係唔同我講。所以佢之後都冇同佢細佬講野，對佢家姐都冷淡)

0 0 0

私人傳訊

alicemic

翡翠宮

積分: 92598

2025勳章蛇年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

66^#

發表於 12-6-16 01:05 |只看該作者

mimilan 發表於 12-6-15 20:14
有D朋友都問我點解唔可以高招D，唔好意思，我真係做唔到。你講一堆我第2篇寫既野，佢地係唔知我係咁諗，佢 ...

你錯喇！結婚前我同99都係勢成水火，我仲試過比99掟電話，我亦唔睬99，唔見面唔食飯連C6話係99特登買比我既外賣都擲走，不過而家99對我幾好，小磨擦同呷醋佢一定有，問題係你點處理，令到大家開心，佢而家打電話比我仲多過打比C6，所以我都認係婆媳問題上我都算幾幸運既！

我唔係因為我幸運無麻煩99而對你有呢個評價，對比起我家姐既99，你99都只係小問題。唔係話要鬥差，其實如果你搞結婚唔係搞到咁衰，道理一定係你果邊，你唔好話無當場落你99面，淨係請帖無4大長老既名，已經擺明唔尊重，你仲要管埋男家主家席坐咩人，你唔好意為無人聽到睇到，大把男家親友行過一定聽唔少！點解我咁肯定？因為我都係過來人，你黑面忟憎，一定有人見到，影相果度，係你哋無計劃過，你老公又唔識處理，咪搞成咁囉！講真，我自己結婚都同親戚朋友影漏好多相，唔通我又怪99？

我知你男家係好有問題，但你而家係自己整個洞嚟比自己踩，你仲唔明？你想聽支持既說話唔洗係度講，你朋友一定企係你果邊，但你擺得出嚟，都係想聽下啲唔識既人中立意見，你唔啱聽我都無計！

私人傳訊

mimilan

複式洋房

積分: 211

65^#

發表於 12-6-15 20:14 |只看該作者

木土土發表於 12-6-15 19:14
睇第2篇，你絕對係超級港女！至於你阿媽同佢家姐個單，睇落只似係大家言語上有誤會，談唔上邊個屈邊個，洗m ...

冇啦~已經冇咩好做。

私人傳訊

mimilan

複式洋房

積分: 211

64^#

發表於 12-6-15 20:14 |只看該作者

alicemic 發表於 12-6-15 17:30
你老公都知佢屋企人有問題，但果啲係佢屋企人嚟，你認為佢可以點做？為咗你斷六親好唔好？佢已經識得安 ...

有D朋友都問我點解唔可以高招D，唔好意思，我真係做唔到。你講一堆我第2篇寫既野，佢地係唔知我係咁諗，佢個仔好多野都已經問左佢地，只係我冇問。你覺得我鬥氣，都係呀，但你話點講都係我錯，我就唔認同。你媽講得好岩，但問題係真係睇情況同睇性格，可能我屋企有咩就講，唔似佢屋企,,,佢地每個人都有各自心病，個阿媽同個女為左酒席互相唔妥，之後又阿老豆又唔LIKE佢女婿冇請過佢地食飯唔識做(但我覺得佢姐夫又真係冇咩)......好多好多呢D心病，但唔會講，係放心裡後面唱，但話人那個我又唔見得佢又幾識做人。我係有我責任，但呢件事變成咁，全部都係我一手做成?!你覺得係，我都唔會覺得係。我有問題，佢地都有，就係咁。我冇當住賓客唔比面佢父母，我已經全部影相時間比晒佢，中間本來有時間同我親戚影相，但佢要我地斟茶比親戚(好正常)，但連一D唔係親戚，但佢認為係長輩都要斟，人地話唔洗，佢地都要，佢地0係度推來推去，我都笑住對住佢地話要斟...令到我冇晒時間同我那邊親戚影過相...咁都話唔比面佢地?我真係唔比面佢地，我走左佢影相都得!!(我那邊親戚一張相都冇影，你覺得我媽會點諗?我D親戚會0係我媽面前講咩?!"但算了...我已經好比足面佢地。為左一張帖就話我唔比面佢地，或者為左我個人感受就只係話我一個有問題...咁我諗你真係一個好幸福的新抱。

私人傳訊

木土土

琥珀宮

積分: 169637

63^#

發表於 12-6-15 19:14 |只看該作者

引用：Quote:JenTam+發表於+12-6-12+15:09+其實咁

原帖由 mimilan 於 12-06-15 發表
其實係因為我阿媽件事我先要問過明白，我唔可以比人屈我阿媽，但我亦唔想屈佢個家姐，所以一定要清楚成件 ...

睇第2篇，你絕對係超級港女！至於你阿媽同佢家姐個單，睇落只似係大家言語上有誤會，談唔上邊個屈邊個，洗mug睇到咁大件事！你老公家人對佢唔好，你睇唔過睇，鄧你老公唔抵，但呢d無法改變，你成日係你老公面提住佢家人對佢有幾差，你認為你老公除了難受外仲可以做mug呢，你有顧及佢感受嗎？既然改變不了，唔開心既事點解要仲要提住呢？

私人傳訊

alicemic

翡翠宮

積分: 92598

2025勳章蛇年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

62^#

發表於 12-6-15 17:30 |只看該作者

mimilan 發表於 12-6-15 15:07
其實一切佢自己都有眼睇，我寫都寫唔到咁多野出0來，或許我只係以個人立場去寫。佢完全明白點解我會咁，因 ...

你老公都知佢屋企人有問題，但果啲係佢屋企人嚟，你認為佢可以點做？為咗你斷六親好唔好？佢已經識得安撫你，如果你結婚果陣你識得大方啲，唔好管人男家主家席坐咩人，唔好計較99一身打扮係邊個出錢、出帖果陣比面下人哋父母唔好當人死咗寫返雙方父母個名，咁所有人都知你大方得體，亦知道問題唔係你果邊，你依家既行為，根本係50步笑100步，係咪因為拍拖果陣佢哋對你唔好所以你而家同佢鬥衰，叫做爭返啖氣呀？

我媽成日教我人哋衰你唔通要同人鬥衰？點解唔同人鬥好？做咪要咁低裝人衰你就跟住衰自己整衰自己？你識得大方人哋先會尊重你，以後發生咩事，例如婚後唔同男家來往等無人會怪你，但你當住滿場賓客咁唔比面佢父母，就一定係你唔啱！點講都係你錯！

私人傳訊

chocolate9592

珍珠宮

積分: 40393

2025勳章蛇年勳章

61^#

發表於 12-6-15 16:18 |只看該作者

你老公個細佬真係有病....佢老婆都係有病.....根本係兩個病人......

點評

panda1985hk 同意發表於 12-6-15 16:24

私人傳訊

mimilan

複式洋房

積分: 211

60^#

發表於 12-6-15 15:41 |只看該作者

toby1357 發表於 12-6-12 15:22
如果齋睇第三篇
男家好似好衰

如果佢地真係知道我第2篇的做法和感想，之後佢地對我衰，我接受，因為我知原因。
但我想講，只係我一個人冇問佢地意見，我老公係有問的，亦識得咁同佢地大方地講野。所以佢地唔會知我係點。咁第3篇佢地所作所為已經唔成立。
即使佢地真係知，唔like我係咪就要咁對我家人或朋友咁?我一直講主要都係唔like佢細佬2個同佢家姐，佢姐夫係冇咩，我係會同佢打招呼，也會講下野，因為我唔會因為唔like佢家姐而憎佢姐夫。當然可能我係咁，人地未必係咁...但我想講，婚姻當日，我feel到佢老豆係開心既，佢阿哥都冇咩...只係其他人有問題，佢阿媽我都唔知點解呢日會咁對我d朋友姐!!如果係咁...我阿媽覺得個女比人蝦，係咪都要對佢地黑面呢?但唔係喎..我阿媽都唔會咁做!

私人傳訊

小豬澄

珍珠宮

積分: 47485

畀面勳章環保接龍勳章

59^#

發表於 12-6-15 15:36 |只看該作者

成為罪人之旅---結婚當日

我老公屋企人好冷漠所以我對老公好好不過我屋企人都對我地唔好但我地唔介意因為我同老公+女女先最親其他人唔重要所以佢地講咩做咩我都唔上心不過人係會變我99現在都對我地幾好不過都係君子之交

私人傳訊

mimilan

複式洋房

積分: 211

58^#

發表於 12-6-15 15:34 |只看該作者

JenTam 發表於 12-6-12 15:09
其實咁刻意問返D姊妹當日情況，又要嬲餐飽又有乜好處呢？
有時D嘢唔係親眼見，唔係親耳聽咪算數啦。
點解要 ...

其實係因為我阿媽件事我先要問過明白，我唔可以比人屈我阿媽，但我亦唔想屈佢個家姐，所以一定要清楚成件事係點。我只可以講，呢度好多人都覺得我港女(睇第2篇時)，但我只係想講，如果呢件事係我阿媽唔岩，我都會話佢，我係幫理不幫親。只係問呢件事時，好順便姊妹就會講其他野....
但我都知有時真係同自己過唔去，d性格攪到自己咁辛苦真係好無謂，但到自己想睇開d...其實真係好難，除非我唔係呢種人...但坦白，有時我好憎自己咁樣!!

私人傳訊

mimilan

複式洋房

積分: 211

57^#

發表於 12-6-15 15:27 |只看該作者

corn819 發表於 12-6-12 13:06
樓主嬲完就算啦, 唔好夾老公係中間, 佢會好慘架! 手掌又係肉, 手背又係肉, 你叫佢幫邊一方好呢? 我覺得, 既 ...

唉...真係...唔識講。我明白你好意，也明白你比我更為難。大家都努力吧!

私人傳訊

mimilan

複式洋房

積分: 211

56^#

發表於 12-6-15 15:26 |只看該作者

socute 發表於 12-6-12 13:04
看了你三篇（好長好濕碎），我懷疑你將來生活點過，看文你老公都好就你和就佢屋企人一樣。屋企人改变不了， ...

都係...佢係對親人好好，就因為咁，我做的都係覺得咁好既人係咪都應該唔係只係比家人利用呢?我只係一直睇唔過眼呢d野...
將來點生活?!冇話點生活，其實我老公自己都親眼見到佢家人的一切，只係平時唔會在我面前講姐...佢點會唔知，只係我係火爆型，佢唔想再火上加油。所以都唔係咩問題既...(下回最後一篇你會知道係點)

eq提高...真係好難，我有做過，不成功。盡力試緊..有d野已經好左少少，盡力而為啦...

私人傳訊

mimilan

複式洋房

積分: 211

55^#

發表於 12-6-15 15:21 |只看該作者

方方媽媽發表於 12-6-12 12:03
同意.
既然你都明白佢地唔當你老公係家人,而你都決定唔當佢地係你老公家人,做咩仲要嬲?
對住街外人,你無理 ...

純粹啖氣姐...我唔洗佢地對我好，我只想佢地對我老公好d(我唔係話一定要同其他仔女一樣)，真正明白問題0係邊姐...
可能我係不平則鳴既人啦.,,.我都知我要學習下唔好再執著呢d事，但d朋友又覺得我呢個性格係好(指平時待人接物)，唔洗為佢地變得咁假之類....我都唔知...但我只知我幾爆，我都冇0係佢地面前講過d咩，但要我屈住唔同我老公講，我真係好辛苦。

私人傳訊

mimilan

複式洋房

積分: 211

54^#

發表於 12-6-15 15:17 |只看該作者

panda1985hk 發表於 12-6-12 10:38
比著我...當場炸爆佢地啦= =
都簽左紙~ 洗Q俾面你呀=.=
嫁你個仔你阿哥咋~唔係嫁你呀~

如果咁做，人地咪又係覺得我唔岩.....我只係同老公爆，已經係咁比人話港女了= =
有時我會好似你咁諗...但有時我又會諗係咪我出現令到我大家都唔開心...
但最唔順氣係...點解我又好似要跟我老公一樣就晒所有人，但就唔會有人諗過我老公感受?(講真，我但願佢地對我老公如佢地其他仔女一樣我已經夠，但我老公在佢家庭角色係付出那個，佢地都習慣晒...)

私人傳訊

mimilan

複式洋房

積分: 211

53^#

發表於 12-6-15 15:13 |只看該作者

tobey0713 發表於 12-6-12 04:21
算啦！多一事不如小一便！
當男家全部透明而且你同你老公呻，佢同佢既家庭生活左咁多年點都習慣曬，你睇開 ...

你說的是，只是我真係eq低...我已經用左好多方法去令自己唔好咁在意....可惜真係做唔到。唉....有時我都覺得自己好冇用，就連唔好放0係心都做唔到。

私人傳訊

mimilan

複式洋房

積分: 211

52^#

發表於 12-6-15 15:11 |只看該作者

melun 發表於 12-6-11 23:22
既然知道係佢哋有問題，點解唔可以互當透明？點解仲要在乎他對你做d乜？佢哋叫都唔應，咁你哋可唔可以以後 ...

下回分解...

私人傳訊

mimilan

複式洋房

積分: 211

51^#

發表於 12-6-15 15:10 |只看該作者

flyingrabbit 發表於 12-6-11 22:19
連續睇晒三個，真係...唉！如果係我一定係咁小爛佢！介唔介意講佢兩公婆係邊樹教書，我唔想我啲仔女比佢教 ...

我諗你大概明白我的感受吧.....

我都唔知佢地邊度教，我都想知，將來有仔女都驚比佢地教= =

私人傳訊

mimilan

複式洋房

積分: 211

50^#

發表於 12-6-15 15:08 |只看該作者

WTM 發表於 12-6-11 21:38
發生咩事？介意講嗎？

下回分解..

私人傳訊

mimilan

複式洋房

積分: 211

49^#

發表於 12-6-15 15:07 |只看該作者

alicemic 發表於 12-6-12 00:47
佢呢啲叫愛之心責之切！明白男家都唔係好，不過無男人會鍾意一個對自己咄咄迫人既太太..........唯有祝佢 ...

其實一切佢自己都有眼睇，我寫都寫唔到咁多野出0來，或許我只係以個人立場去寫。佢完全明白點解我會咁，因為佢之前話我諗太多都係想安撫我。有時我都有自責係咪我既出現令人睇唔順眼(我講的係拍拖時的事，不是籌備婚禮的事)，令到佢地咁，我有時都會諗不如我消失咁大家都唔洗煩，但佢都話知道唔係我問題，佢唔覺得我有咩問題，佢只係話佢細佬係咁，佢全家人都知，係全部人太錫佢令佢變成咁，所以叫我唔洗理佢。自問eq低...所以.............

私人傳訊

mimilan

複式洋房

積分: 211

48^#

發表於 12-6-15 15:03 |只看該作者

多謝大家覺得第2篇的我好港女，坦白說，我都覺得婚前的行為好不知所謂，如果呢家人係好既，我一定唔會咁做，但呢家人.....(請看第一篇)，太多野睇唔過眼，我真係唔想理佢地。而事實上第二篇只係講出我呢件事的立場，而實際上我的火爆佢那班人係唔知。當然受罪的是我老公。可能我知佢對佢家人過份地好，那種好係連第一篇的事佢都都覺得唔係咁大問題，唔好理佢就算。如果呢班人係同事係朋友，我一早已經唔會理會，但問題係佢家人，我絕對唔會想咁做。可能有好多人唔明點解我會咁做，當然唔明的點講都唔會明，明白的就會知道點解我會咁衰。我只想我老公知道佢家人的真面目，可能會有人覺得做咩一家要佢面對佢家人的真面目?因為我唔想佢再比人呃，就係咁。我做既我唔係覺得自己好岩，但我只係覺得你點對我，我先點對你，絕對唔係我點對佢地，佢地先咁樣對我。針唔拮到肉唔知痛...講真，再賤d其實都可以，但我都唔想咁做，我都唔想佢老豆有咩事...點都好，因為呢家人比左太多陰影我，我希望講曬大部份的事，睇下可唔可以比自己當係一個了結，希望唔好再因為咁成日發惡夢，唔好成日糾纏在我心中...我冇各位eq咁高，我只能這樣。