婆媳關係今日: 0|主題: 27770

收藏本版

發帖

返回列表

跳至頁

查看: 9031 | 回覆: 154

我的汕尾99之我生B篇(23)

[複製鏈接]

12 3 4 5...8

joechan1999

男爵府

積分: 7839

1^#

發表於 12-6-17 21:59 |只看該作者 |正序瀏覽 |打印

本帖最後由 joechan1999 於 12-6-18 10:51 編輯

一早就見到5版既留言, 多謝大家對我既寵愛. 由於不能一一致謝. 係呢度真係多謝甘多位既鼓勵同支持. 不要為我流淚, 因為今日的我已經班師回朝.

上文提到我請左姐姐同時都與無賴哥決裂左. 有左上一胎既經驗今胎我咩都自己黎, 如煲薑, 買定D坐月既野. 唔駛靠99. 甘當然呢我甘做都引起99既不快. 不過佢又要湊4磅仔. 又點幫到我丫. 靠人不如靠己. 閒言閒語都聽唔少. 99成日都講我今胎一定生女. 我地從來都冇表態呢胎要生仔. 為何次次都要講呢. 唔係引用隔離鄰居講我似生女, 就係唔知邊個親戚話. 其實我生仔同生女對任何人冇影響, 唔明咩事99成日都甘緊張我生仔.

過左一段時間, 要去照bb既結構. 個時既姑娘好好人. 一邊照, 一邊問我今次同上一次有bb有冇咩唔同. 我話冇呀冇嘔又冇暈. 都係差唔多啦. 甘姑娘問我有冇出去睇私家醫生. 我話冇呀. 又唔係第一胎. 甘姑娘講即係唔知BB既性別. 我話係呀, 唔知嫁. 甘姑娘就好好人話如果照到就講你知啦. 個時俾姑娘講一講個心真係好似有D緊張. 個15分鐘好似一個鐘甘耐. 最後姑娘問我準備好未. 想知道BB既性別未. 我話OK, 準備好. 姑娘話係仔. 個下真係心頭一動. 個心好亂. 出到醫院門口我即刻打俾C6講俾佢知. C6淡淡地講佢預左呢胎係仔. 因為今次個胎係尖又輕形. 不過C6叫我打俾62講聲. 甘我都叫做既. 62俾我既感覺一向好開明, 一D都唔似D原居民甘唔講理. 不過當62聽到我今次係仔後. 62講左句一定係生仔. 生女係生錯嫁. 個下我真係接受唔到. 咩事要當女人做生仔機器. 唔通女人生唔到仔就要俾人蝦. 唔同我唔生仔C6係屋企既地位就不如無賴哥.

為左令自己保持心境平靜. 我極少返99屋企. 因為唔聽埋D不知所謂既道理, 都唔想見到D唔想見既人. 好順利甘過左36週. 因為係開刀關係. 我一夠周數就入院準備, 而且C6都會陪產. C6一早送我入院, 甘開刀前一日要入院做準備. 係個晚真係好緊張. 因為我頂左成8/9個月. 成日叫自己放鬆唔好理D閒人. 到左開刀日真係好難忍. 開刀日C6一早黎醫院陪我. 不過因為開刀分時候. 我係第2個, 所以C6只可以係病房外等候. 我個心呯呯跳. 要等幾耐呀. 又唔可以問. 因為姑娘太忙了. 唔好意思再加重姑娘既工作. 等到11點鬆D, 終於都到我喇. 我張病床由病房推出去就見到C6. 佢就跟住我地走. 最後因為我要打針同手術室做準備. C6又係手術室門外等. 而我係呢個時侯, 當一切都差不多準備好既時侯, 我D眼淚不停流出來. 有個陪產嬸嬸叫我唔好驚唔駛緊張. 我話我唔係緊張. 我又唔知點同呢位嬸嬸講, 只好問嬸嬸我C6幾時可以入黎. 因為我好想見佢. 甘嬸嬸話快嫁啦. 好快可以叫C6入黎陪, 仲叫我唔好喊. 等左一陣就真係叫C6入黎. C6入到黎嬸嬸就講佢知我喊, 叫佢安慰下我.

C6見到甘就講我唔好傻啦. 咩事甘想唔開. 生BB係開心事. 呢個時間呢醫生已經將我豬甘劏. 我到呢一刻真係認唔到. 我係手術室入面當住甘多醫生姑娘向C6發炮. 我同C6:講你估我想喊, 我忍左甘耐, 為咩. 都係為左你. 生女俾人睇唔起, 生仔又俾人話. 你叫我點做人好. 我2面不是人. 我隔左成7年再生. 你估好易. 我壓力好大. 我唔表露出黎唔等於我冇. 如果我再生個女. 你個頭點抬得起. 你係呢個屋企點做人. 而家唔係我地既事. 而家我做咩都係你一家既事. 如果今次唔係仔. 我真係唔知你呀媽會點對你. 你話我點會唔驚, 點會唔怕. 我嫁俾你, 唔係嫁俾你成家人. 咩事要我面對佢地. 仲要好似我係衰人. C6只係唯唯諾諾. 因為佢心知我講既係事實. 差不多時間醫生講BB要出世喇. 好快就聽到bb既喊聲, c6仲話bb好惡好大聲. 我即刻叫佢快d睇下bb係唔係仔. c6話一定係啦, 甘大聲. 個麻醉師聽到後即刻同我講係仔黎嫁. 叫我唔好擔心. 好快有bb見嫁喇. 等左一陣姑娘抱bb埋黎俾我同c6睇, 問佢係男定女, 個下真係好激動, 姑娘照我地bb似邊個. 我地2個都講似晒c6. 真係一個餅印. 姑娘叫c6係時候要出去啦, 因為要連針. 甘陪產嬸嬸又出黎陪我. 佢聽到我同c6講野. 佢話我可憐甘細個就受埋俾生仔既壓力, 又問我c6係邊個鄉下. 咩事甘唔文明. 我真係好多謝個位嬸嬸, 佢冇義務要聽同安慰我. 就係甘我家第2個小生命就誕生左.

如果想知道故事既發展, 請留個言支持下丫. thanks!