2012年媽媽會今日: 0|主題: 24639

收藏本版

發帖

返回列表

跳至頁

查看: 1182 | 回覆: 14

早左3個星期, 岩岩37W 出世... [遲來報告等生既情況, 好長...] [複製鏈接]

Cruby

大宅

積分: 3315

1^#

發表於 12-6-18 19:54 |只看該作者 |正序瀏覽 |打印

我既寶貝囡囡早左3個星期, 搭正37W出世... 由6月B衝閘變左5月B...

我當日早上7:30左右開始30min陣痛一次, 當時痛都唔覺有咩野, 仲以為自己肚餓... 不過心諗有d唔對路, 所以痛左3、4次之後開始mark低痛既時間...

到左大慨10:00, 開始15min痛一次, 到左11:00, 已經10min痛一次, 不過都唔係好痛, 似m痛多d, 因為早一個星期試過胃抽筋, 所以都仲係不意為意...

到左大慨1:00pm, 突然感覺有舊野排出黎, 馬上去廁所一睇, 原來係一舊帶血絲既透明jelly, 呢一刻, 真係咩都唔洗再估, 今朝既痛一定係陣痛, 而依家一定係見紅...

於是馬上打電話通知C6, 點知只係講左2句, 突然下身流出水, 嘩... 陣痛、見紅、穿水一次過滿足晒, 立即同電話入面既C6講, 唔洗再研究, 馬上call 的士, 我要入院喇...

1:30, (好彩一早預備好走佬袋), 一個人由屋企跳上的士去醫院, C6就係醫院門口等我, 在途中開始通知家人及朋友, 陣痛都唔係好痛...

2:30, 正式入院, 先安排入待產房等檢查, 當時應該仲係大慨15min 陣痛一次...

3:00, houseman檢查完話宮頸仲未開, 要俾d時間, 因為已經穿水, 如果24小時內生唔到就要催生...

4:00, 姑娘次次行埋黎都問我幾耐痛一次, 我鬼知咩, 我無帶錶, 又唔準開電話, 入左院之後真係唔知時間, 所以如果知道要入院, 都係帶埋隻錶好d... 不過我都唔理咁多, 馬上airplane mode左個電話, 用apps 去count住時間, 原來已經去到4mins 痛一次, 呢一刻真係覺得好痛, 好似攪腸沙咁... 同d姑娘講, 佢地再幫我check, 之後就話未係時候, 如果依家我已經話痛, 生得既時候會痛多5-6倍... 自問係好忍得痛既, 如果佢講既係真話, 咁我真係好後悔唔用無痛...

4:30, 真係開始頂唔順, 開聲叫姑娘俾笑氣我聞, 點知佢地check完情況就叫我唔好咁快用笑氣, 用呼吸法或者fit ball 減痛先, 因為太早用笑氣會對產程無咁好... 無計啦, 鬼叫自己話過唔用無痛唔打針, 要體驗下十級痛既經歷, 好彩我上過呼吸班, 於是用盡晒所以呼吸法, 都頂到下tim既...

5:00, 真係好痛, 有種好想大便既感覺, 姑娘話千其唔好用力"痾", 否則對阿b唔好, 一聽到對阿b唔好我馬上忍住, 果種想痾又唔可以痾, 再加上攪肚痛既心情難以形容...

5:30, 不停希望快D到探病時間, C6可以係身邊, 繼續用呼吸法去減痛...

6:00, C6終於可以入黎, 佢事後話我知一入黎見到我咁痛都唔知點做好 (哈哈!!) , 姑娘後來俾左支massage oil佢, 仲教佢幫我按摩減痛, 不過, 我覺得作用唔大. 不過知道C6咁體貼, 真係好似打左booster咁!

7:00, 醫院換間, 有另一個姑娘見我咁痛問我要唔要聞氣, 我話我真係頂唔順, 都想試下聞, 佢地好快就推左支氣俾我, 我馬上吸吸吸, 都好似無咩作用, 突然諗起呼吸班教過, 聞左笑氣要等20秒至發揮效果, 所以我一feel到就黎痛就開始吸定, 效果真係好好多, 不過個感覺就好似飲到high左咁, 好wing, 周圍d人講咩都好似唔係聽我好清楚, 而且成個人都好似好遲鈍, 有d唔受控制, 我終於明白點解姑娘叫我唔好咁早用笑氣, 因為咁wing, 真係唔知阿b個頭仲識唔識落去...

8:00, 探病時候結束, C6無奈要走, 佢因為想知我究竟開到咩情況, 所以仲係出面等醫生巡房... 醫生一埋到我床位, 突然聽到醫生好似叫左好多聲叫我試下痾 (因為太wing真係聽唔真周圍d人做緊咩!), 跟住聽到醫生講左d術語, 但我聽到入面有"8,9" 兩個字, 於是我問醫生究竟我開到幾度, 佢竟然同我講已經8度, 要馬上推我入去生... 嘩... 點解會咁? 一直都話我未得, 點解突然又話我可以生得?

好彩C6未走, 佢即刻被call 入黎陪產, 我由推入產房到生左阿b出黎唔洗半個鐘, 生完真係一身鬆晒, 就好似痾完咁舒服...

全程我覺得生既時候其實唔係最痛, 反而係8,9度既時候至係最難捱...

希望各準媽媽加油, 十級痛其實可以捱得過架~