Baby Kingdom - 親子王國 香港 討論區 › 首頁 › 論盡家傭› 工人湊好定係奶奶湊好??

論盡家傭

收藏本版
發帖
返回列表
跳至頁

首頁
1234

尾頁
   0
wahmaggie


大宅

積分: 1868


1#
發表於 12-6-22 21:11 |只看該作者
如果奶奶肯湊, 我同佢的關係算可以啦
咁大家覺得繼續比工人湊好,定係叫奶奶幫手然後請返鐘點做家務好呢?
但我好怕奶奶會寵壞小朋友,然後有咩問題又唔好意思出聲.
而且~~~好怕小朋友之後會跟奶奶多過跟自己.
但工人又真係成日激死我,而且對仔女唔多鍾意工人姐姐.
點好呢?
私人傳訊

waiwaiwongwww


大宅

積分: 3576


63#
發表於 12-7-28 15:27 |只看該作者
比奶奶湊,小朋友會經貴D,起碼照顧周到,至於婆媳關係都是建立的,
大家定期溝通下,相信一切ok,我就唔怕仔女跟奶奶,相信你都會花時間
照顧仔女,小朋友好心水清,知那個痛愛他.
私人傳訊

dabi34


大宅

積分: 3571


62#
發表於 12-7-28 13:06 |只看該作者

回覆：工人湊好定係奶奶湊好??

奶奶啦！忍一下但不用擔心！
私人傳訊

SweetyMuiMui


大宅

積分: 1815


61#
發表於 12-7-22 14:08 |只看該作者

引用：整到+bb+你都唔出聲同奶奶講呀?+如果係我，

原帖由 ta__ta 於 12-07-22 發表
整到 bb 你都唔出聲同奶奶講呀? 如果係我，無論個個係工人定奶奶定老公，整到我個小朋友我都會出聲。 你唔 ...
講咗好多次奶奶掃風不足，佢話掃咗好耐又有嘔氣聲，佢咁講又可以點？今朝第一餐奶又嘔到成床都係，又要洗床單被，換衫，奶奶又係果句，點解會嘔架？講完佢答＂係呀？！＂之後咪又係咁，原因係佢唔覺係佢嘅問題，係我d奶同我囡有問題。我老公都冇佢辦法。

私人傳訊

333s


象牙宮

積分: 233429


60#
發表於 12-7-22 11:20 |只看該作者
wahmaggie 發表於 12-6-22 21:11
如果奶奶肯湊, 我同佢的關係算可以啦
咁大家覺得繼續比工人湊好,定係叫奶奶幫手然後請返鐘點做家務好呢?
但 ...
1. 如果奶奶肯湊, 我同佢的關係算可以啦 -- 99 願不?

2. 咁大家覺得繼續比工人湊好,定係叫奶奶幫手然後請返鐘點做家務好呢?
a. 奶奶幫手 + 請返鐘點做家務 = perfect
b. 工人 + 奶奶幫手

3. 但我好怕奶奶會寵壞小朋友,然後有咩問題又唔好意思出聲. = 可能...

4. 而且~~~好怕小朋友之後會跟奶奶多過跟自己. = 暫時性會, 未來100%不會

5. 但工人又真係成日激死我,而且對仔女唔多鍾意工人姐姐.
成日激死我 = 一定, 有几个雇主說從來沒有???

結論是 : 你的方法 no. 2.
再看那一方案 利弊那些多...
想不開、就別想. 得不到、就不要.  失去了、繼續笑.  擁有了、要珍惜。
快乐不是拥有的多，而是计较的少。  

生悶氣，發脾氣，煩躁，焦慮，失眠.   是指因生气（生闷气、怒气、着急上火生成的火气、思虑生成的郁气）。
理性討論交流者。
私人傳訊

ta__ta


大宅

積分: 1568


59#
發表於 12-7-22 09:47 |只看該作者

回覆：SweetyMuiMui 的帖子

整到 bb 你都唔出聲同奶奶講呀? 如果係我，無論個個係工人定奶奶定老公，整到我個小朋友我都會出聲。 你唔出聲，佢以為自己好啱。

答返個問題，我係唔會比奶奶主力湊的。工人湊，佢得閒上黎望下就得。
私人傳訊

莎莎莉莉


伯爵府

積分: 17389

好媽媽勳章


58#
發表於 12-7-22 09:42 |只看該作者
奶奶會縱, 但都會教.
工人一樣會縱, 但係因為方便佢做野, 所以佢唔會同你教.
私人傳訊

莎莎莉莉


伯爵府

積分: 17389

好媽媽勳章


57#
發表於 12-7-22 09:41 |只看該作者
有能力就請工人啦, 奶奶可以就幫手.
工人可以減輕好多家頭細務負擔, 自己有多D親子時間.
我第一個仔都係奶奶湊一至五,
其餘時間我湊, 辛苦都嘔呀.
私人傳訊

SweetyMuiMui


大宅

積分: 1815


56#
發表於 12-7-22 08:30 |只看該作者

回覆：工人湊好定係奶奶湊好??

我本身同奶奶關係好好，但七月頭奶奶來我家小住10天後，先發現奶奶係幾咁頑固，好彩我有請工人，佢只係星期六過來瞓星期日走。佢來住十天期間，我囡幾乎次次嘔奶，然後懷疑我d奶有問題，其實就係佢掃風不足；我奶奶唔開冷氣，我24小時開，只係開24度，佢自己覺得凍，幫我囡加衫，有兩日朝早熄咗我冷氣，搞到我囡生熱痱，仲話果d唔係熱痱，又一次懷疑我d奶有事，我用金銀花菊花幫個女冲涼，唔俾奶奶加衫，五日已經好得七七八八，點知星期六奶奶來，怕我囡凍，用張被摺三層蓋住我女個肚，星期曰d熱痱又勁返；佢學工人用印尼揹巾，唔知我個女係咪俾佢整到好痛，我個女得四個月人仔，佢一見到奶奶攞條揹巾已經喊定先，係狂喊，我個女好少會狂喊，佢明知用揹巾我個囡會狂喊，咁仲成曰話要試，搞到我囡把聲沙晒，仲要問我點解會沙聲，我同工人就睇到心都痛，佢走之後我有一日試下用姐姐條揹巾，我囡都冇喊。尋晚我瞓緊（8點）突然又聽到我囡狂喊，行出房睇原來佢又用揹巾。媽咪叫我百忍成金，我自問好忍得，我冇表現不滿，但好心痛，我又要照顧我兩歲囝，分身不暇，我個囝又唔鍾意奶奶陪佢玩，我來十曰我幾乎冇得掂我個囡，乜都爭住做，幫囡抹屎又抹唔乾淨，佢話冇帶眼鏡睇唔清楚，又唔肯帶，真難搞。
私人傳訊

le_petit_mama


男爵府

積分: 7057


55#
發表於 12-7-22 03:50 |只看該作者

如果奶奶肯湊,+我同佢的關係算可以啦咁大家

原帖由 wahmaggie 於 12-06-22 發表
如果奶奶肯湊, 我同佢的關係算可以啦
咁大家覺得繼續比工人湊好,定係叫奶奶幫手然後請返鐘點做家務好呢?
但 ...
奶奶！工人冇上心！
私人傳訊

celia529


複式洋房

積分: 114


54#
發表於 12-7-20 22:59 |只看該作者
最好當然係請姐姐湊之餘...奶奶一星期過黎幾次望下啦，此終相見好同住難，工人係聽我地命令，但我地要聽奶奶命令，話妳又唔可以駁咀，到有丫叫面左左仲頭痕！
私人傳訊

VeryB


別墅

積分: 670


53#
發表於 12-7-20 22:55 |只看該作者
你呢個topic都正正係我最近既煩惱。

我囡一出世就有請工人，每日都有我媽或我奶奶黎睇孫。但工人湊到亞囡一歲就話唔做，原因係太太（我）對佢唔好wor，婆婆同嫲嫲就對佢好好，所以唔開心唔做喇。

而我個囡，咩都唔識，byebye唔識，hi揮手都唔識，佢16個月架喇依家，都唔會同人打招呼。我奶奶話咁細，使咩有禮貌wor! 最近有人黎我屋企，人地帶埋個女黎，佢話人地個女矮，佢個孫最高wor. 幾embarrasing! 人地張table四方玻璃，好危險，佢話人地個囡好矮唔會撞到wor, 我話人地會高架實會有日撞到，佢話有排wor. 99咁睇小人好恐佈。佢個孫（我囡囡）第日去公園玩唔會有朋友架喇，佢嫲嫲咁大口氣，實無人會同佢玩啦。

我自己每晚都有爭取時間教個囡，一放工番屋企自己同個囡沖涼，夜晚同我訓。個女都跟我既。但教育方面，真係daytime時間教會吸收好多，靠我地夜晚番黎BB都好倦架喇。我晚晚教bye bye, bye足半年個囡都係唔識lor. 但嫲嫲黎到教爬sofa，爬高爬低爬window，就學得好快。同埋99教BB飲“衰衰”lor, d 音錯晒，水水就水水啦。印姐我都可以教佢，話佢，但99 。。。sigh ....

真係唔好睇少老人家黎睇一陣間（我只係俾佢地黎下午），都有咁既效果。個姐姐一有老人家黎，就唔會理個BB架喇。

我新姐姐今個星期黎左，我仲train緊佢。我老公打算如果佢上左手，就叫老人家完全唔好黎 ... ... 但我有D 擔心lor ... 今個禮拜要決定個安排係點，因為過多個禮拜我要返番工架喇。
私人傳訊

melissalanlan


複式洋房

積分: 183


52#
發表於 12-7-18 22:53 |只看該作者
Manshiu 發表於 12-6-23 09:43
我由始至終都堅持請姐姐湊，姐姐可以train，教唔聴、唔好，可以請過另一個，但奶奶縱小朋友又唔話得。
當然 ...
絕對同意啊！！我個女一見到爺爺特別嗲嘎，跪地攬腳扭抱，阿爺來佐就邊個都唔要。阿爺縱得緊要，從來唔say no.有次湊我個大女返去住2日返來，拽到不得了，調教幾日先好返。所有我堅持自己同工人湊。我大姑奶2個仔女都係老爺奶奶湊，超拽嘎，所有我落命令，他們只可以過來玩，唔可以湊返去。
私人傳訊

mamath


大宅

積分: 2459


51#
發表於 12-7-18 11:27 |只看該作者
回覆 wahmaggie 的帖子

If you are at home most of the time, hire a maid of course! You can monitor her and instruct her what to do. Inviting grandpma to take care bb is a really risky option for the education of your kids.
私人傳訊

PaytonMAMA


複式洋房

積分: 491


50#
發表於 12-7-18 11:10 |只看該作者
完全同意birdbird既講法呀!!!!因為我bb頭11個月都係比奶奶揍..開始發覺好大問題,管教係好大既問題..newborn 係安全第一..但宜家教育佢已經開始重要...如果咁落去一定唔掂..所以我宜家都忍不住要搵工人喇
私人傳訊

Zhuangshinai


別墅

積分: 721


49#
發表於 12-6-25 00:52 |只看該作者

回覆：工人湊好定係奶奶湊好??

如果奶奶有體力，點都係奶奶湊好，因為奶奶一定會錫住個孫，食得飽，瞓得好，自己都安心啲。最多自己俾多啲時間教仔女，就算仔女跟奶奶，都冇大問題，話哂係嫲嫲，如果跟工人咪仲唔開心。最唔好係有工人又有奶奶，如果奶奶同工人溝通到，關係好，個工人就唔會聽你話，你叫佢做野，佢仲會同奶奶講你留難佢，你又唔炒得佢，因為你奶奶鍾意佢。

點評

ccyin  贊成！  發表於 12-6-25 00:54
私人傳訊

yuyueng


水晶宮

積分: 66649

2026勳章 2025中秋節勳章 父親節2025勳章 母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 15週年勳章 親子王國15週年勳章 親子王國15週年勳章 畀面勳章 BK Milk勳章 開心吸收勳章


48#
發表於 12-6-24 23:57 |只看該作者
五歲仔 發表於 12-6-23 22:05
一定係比奶奶湊
第一: 你個心態要改, 奶奶湊, 唔係寵, 而係錫, 而小朋友有老人家錫是一種福氣, 而有老人家 ...


Agree！今日死左果個BB，上星期判刑定罪虐待男嬰，上個月定罪果2單影女嬰私部比男友睇，搣男嬰私部...仲末計無報警果D話姐姐係老虎，比姐姐咬果D，我哥起陽明山莊間超級巿場做，佢話D工人由得細路搗亂，我哥話同D細路工人講教下佢地，D工人話我最多對細路幾年，咪等佢地父母受返囉，我理得佢地好吾好！所以，有能力梗係自己湊，再吾係比奶奶湊最好, 你同BB都有福！我以前係自己湊頭2年，跟住c6湊2年，上幼稚園比我媽湊，6歲至請工人！
私人傳訊

wahmaggie


大宅

積分: 1868


47#
發表於 12-6-24 22:21 |只看該作者

回覆：birdbird 的帖子

其實我唔洗出去返工，每日有幾個鐘要係屋企做野要有人睇b.如果唔用工人我就直程屋企份工都唔做。而奶奶我只打算叫佢一星期黎兩次幫我煮幾日的餸。家務就要請鐘點做了。
但仍未決定好，好矛盾。
私人傳訊

kurocat


侯爵府

積分: 24660


46#
發表於 12-6-24 21:38 |只看該作者
本帖最後由 kurocat 於 12-6-24 21:40 編輯

奶奶湊好d....
我奶奶要返工....要佢唔做個成萬銀的工...唔係太好..
我阿媽同爸爸無野做...但要照顧有情緒病的大佬...
即係阿B 唔可以放係阿媽到...
兩老其實...一個聾...一個睇野唔清...我都擔心佢地

我都逼住要請工人...呢排有個完約..
都知工人唔好...可以個害BB ....
但我無得選擇...
最多叫阿爸有時上來睇...同安cam

因為我份糧...仲要幫娘家無樓(頭先講...父母都無做野...大佬有病...份份工都做唔長...有時係屋企成年唔野做...又打人發脾氣)....我又唔可以做FTM

希望上天比個好姐姐我...咁我一天都光曬...

如果奶奶湊...我想好好多....
好工人...講真...好少....佢地都會教好BB...仲可能害佢...
好似edison 咁...有唔正確的價值觀..
私人傳訊

birdbird


水晶宮

積分: 61573


45#
發表於 12-6-24 21:29 |只看該作者
Manshiu 發表於 12-6-23 09:43
我由始至終都堅持請姐姐湊，姐姐可以train，教唔聴、唔好，可以請過另一個，但奶奶縱小朋友又唔話得。
當然，奶奶一定錫同緊張孫，但有時真係縱得過份。你見過兩歳幾係屋企都成日遞手比嫲嫲抱佢係屋企行黎行去未？點解小朋友咁自然遞手？咪因為亞嫲經常抱佢囉。亞嫲仲成日驚佢跌，大佬，兩歲幾喇！講野又唔得，鬼咩，亞嫲每日照顧佢，佢gut起條尾亞嫲已知佢想點，孫未開口已經攞埋比佢，根本唔駛講野！有時我地問小朋友問題，小朋友未答佢已經幇口答左（鬼唔知你識咩，我想要佢講下野啫嘛）明明個孫已識著鞋，仲要爭住幫佢著，到亞媽開聲要個小朋友自己著，小朋友自然唔制，又知邊個會幫佢，好自然企係亞嫲度想喊咁，跟住亞嫲就會話＂好啦唔好喊，仲細，亞嫲同你著啦今次＂哈，當然呢個＂今次＂我已聽左好多次！但話佢佢又唔高興。



完全同意.
我仔未出世, 我已經決定要請工人而唔係搵99湊, 因為工人要聽我支笛, 而99 係唔可以比心抱話的.

幸好, 我請了一個好工人, 佢盡心盡力照顧我仔, 同佢玩, 又教佢好多野.
工人又識得帶我仔去屋企附近上興趣班, 令我放工都幾放心.
如果比我99湊, 我諗, 我仔一定被寵壞, 因為每星期我仔去我99屋企, 99都係餵我仔食飯
(我仔8歲喇, 99都仲係想餵我仔食飯, 係我仔話 唔洗咋);
零食, 任我仔食.....
好在我仔比99一星期寵一次, 如果日日係咁寵, 真係不敢想像.

所以, 我覺得請工人湊, 如果一個得力工人, 係放心過比99湊.
但又咁講, 99如果肯間中上來間屋企睇睇工人和小朋友, 那就更 perfect.
私人傳訊


首頁
1234

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy