婆媳關係今日: 0|主題: 27780

收藏本版

發帖

返回列表

跳至頁

查看: 5709 | 回覆: 54

99你真痴定扮傻?!(有的長篇)更新左 [複製鏈接]

12 3

Ccb1031

男爵府

積分: 5444

畀面勳章

1^#

發表於 12-6-26 21:09 |只看該作者 |正序瀏覽 |打印

本帖最後由 Ccb1031 於 12-7-1 18:32 編輯

我本身同老公搬出去住...因為有左BB我冇收入,同埋食得好的就搬左去同62,99住....佢地都好鍚我,因為我煮食方便好差,日日都係我買送整好材料等62/99收工返黎加工...日常生活就真係覺得佢地好好,好到可以話會種壞人果隻,我老公係一個好例子.種到冇手尾,水果,湯果的唔放到面前都懶得自己拎....長期要有工人咁....好好彩老公唔會要我咁做...我不停話佢知咁大個人自己唔係廢自己做,第時BB有樣學樣教衰晒.......講返正題...我講到佢地咁好點解我仲係到出post呢......就係因為我隻狗....我99好鐘意佢架,但佢又係種到衰晒,我一向小比零食隻狗,一星期1/2次....以前我地返去食飯都只係一星期一次,返到去有比的恰肉隻狗食....平時我係唔會比...我比食既份量仲係好少,同於我地人黎講2啖就冇左....唔會影響正餐,我搬左黎後佢日日比肉隻狗食,仲要好多.幾乎一碗食飯碗,我同佢講唔可以咁樣比佢.佢冇理過我.話佢肯食就比佢食,搞到狗糧惦都唔惦下,我同我老公講我老公話佢,又係唔理...唔比肉,就比狗零食,最多一日一塊佢就同我比到隻狗唔食為止...係咁話佢廋要比多的野食,肯食就比多的,搞到錯晒....仲成日話只係食狗糧悶架嘛隻狗緊係唔食啦...你地日日食同一樣野都會悶啦,我同佢講,肉食得多都會搞到佢便便有影響,糧係佢正餐,有佢需要既營養,就好似bb要食奶咁,唔通bb日日食咁多餐奶悶...走去比其他野佢食咩,你比零食佢食到唔食仲點會食正餐呢,你個仔(我老公)開飯前係咁食零食,都食少左半碗飯啦...我99就只係到笑....都係冇理過....,我忍無可忍了,老公都見到以前一日兩碗糧變到一星期都冇一碗後就好惡咁用警告既態度唔比99左咁做,而我就鎖起晒的零食,同開口講,以後都唔比得肉佢食,開頭一星期好好架....以為終於告一段落....點知有一次我係room,隻狗係廳,我出去時比我睇到佢唔知幾時係我room拎左的零食,收埋,仲偷偷地見我係room就比隻狗食,我出黎睇到冇講野,99以為我睇唔到,佢用手拎起左的零食收埋另一隻手拎狗糧扮喂食,我冇出聲行去廚房,佢竟然一手抱左隻狗入自己room,我火都黎埋,隔左陣就放返隻狗出黎,仲要係到到嘻嘻嘻咁笑住出黎....扮冇野!!!!我發脾氣入room,老公見到唔對路入黎問咩事,我開頭唔講,但最後我忍唔住喊出黎,話好辛苦,搬黎咁耐講咁耐話咁耐都仲要咁做,唔係有左我真係唔想係到住....我老公話我要自己出聲惡的話佢,因為老公同佢又嘈又話又x都唔會聽.....我同佢講我身份點樣嘈/x佢亞媽牙...好唔合情理架...我老公話唔怕,有咩佢會企我果邊,一定要我x佢/嘈佢/惡佢......我完全痴左線..........其實我要發惡唔難,只係諗在佢係長輩,我打後日子仲要對係佢......人都癲...唔上呢樣野,仲有另一件事的....不過太長啦.....等各位消化左先~~~~

原杠都打算比bb99睇住我,我返工,話晒我搵錢能力較高,但見佢咁樣,我都係唔駁啦,唔想到時小朋友唔知會變成咩人......比佢照顧到不知所謂.....
多謝晒睇我咁長既怨聲.........