吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我的醉酒99（2）

婆媳關係今日: 0|主題: 27779

收藏本版

發帖

返回列表

跳至頁

查看: 4664 | 回覆: 87

我的醉酒99（2） [複製鏈接]

12 3 4 5

Tc280684

別墅

積分: 820

1^#

發表於 12-7-1 04:23 |只看該作者 |正序瀏覽 |打印

今晚有時間打多篇

自從上次順左佢意，佢啲態度180度大大大轉變！仲要拜神話保佑我地，叫我地食燒肉喎，其實我心諗，如果我有報應，你都會有一半，拜咩都無用，只不過62話，啲燒肉排隊買左成個鐘我先食

其實我完全唔明，佢由細到大都教我老公做過嘅野要負責任，唔可以玩玩下，但到頭來佢自己就甘樣…

經始一役之後，老公都知99唔係好野，愈來愈生性！只要道理係我度，咩都幫我出頭！

點知經過果次，99就以為我好好恰，62激嬲佢，理論上完全唔關我事，佢都罵我，其實可以話，只要佢心情唔靚，就搵野罵我，而我老公又出面撐我

上過左一段長時間，我一直都好唔開心，老公其實一早同我求左婚，但我想生左bb先結婚，可以做花仔花女，我覺得好sweet，亦決定順其自然！組織家庭！(當然我爸爸好讚成，佢好開通，只要有能力就ok，佢好鍾意好錫我老公

但佢就唔知99甘對我，我唔想佢擔心)

等左一排，證實有左bb！當然超開心啦！但因為我一向三個月先一次period，仲要唔多準時，都好遲先知，所以拿拿聲book左做檢查，照下bb甘，拎到呢相就第一時間放上facebook開心share.啦！

今次我地醒左，老公首先親身同我爸爸交代先，爸爸無大問題，只係擔心我地唔識買野同驚我亂食野，之後再同6299講。

99一聽到，激大反應，又嘈啦，講到明五個幾月，佢仲諗辦法叫我落！！！

老公同62都呆左，下？五個幾月仲要落？今次老公同佢死嘈，話搬啦！點知又話大肚婆唔可以搬屋整屋搬床=( （後尾先知道，原來99一早知我有左，有親戚見到我老公fb.啲相打俾99講，仲買西瓜俾我食！！期間一直扮無野，但就㷛好多激涼湯水飲品）

我有左之後食唔到野，一食就嘔，但就好訓得，6299都知，我要係甘訓係甘訓，夜晚十一二點訓都可以訓到下午三點先有精神，但99就突登係門口大大聲講野，吸塵又大大力撞度門嘈我，又放啲狗入黎，之後嗌啲狗，搞到無覺好訓，老公勸佢，嘈交都無用，加上老公係屋企佢唔會甘樣，但要番工都無計，心諗死火啦！今次真係搬不得咖喎！(雖然我唔知點解，不過爸爸都話寧可信其有，都要聽喇！)

到我有左七個月左右，有一日99又突然間對我好好

好到令人驚驚怕怕！如是者都準備bb野到最後，99都有幫手買，買完俾番錢佢（唔貴唔買，包被都買三百蚊張，其實因為覺得唔用得耐，我地覺得百零蚊ok，買左一厚一薄）明明同佢講左買左，佢都要買！買甘多又用唔曬！其實我好鍾意comxx呢個牌子，但99就好討厭，成日硬銷佢鍾意嘅牌子，又吹到其他牌子用左有問題，又話大6做唔好，俾佢煩到我成日頭痛，其實咩牌子都好閒姐，百貨應百客，幾好幾衰嘅牌子都有人用，點知佢唔心足，依家搞到總之果隻牌子有嘅野我都有甘濟！其實某啲野無其他甘方便，不過算啦！又唔係用得耐，加上最重要質量無問題！

到差唔多八個月，佢開始露出真面目，佢不停打俾啲朋友話個孫幾時出世，又話拎彊醋俾人，又話遲下要幫手湊孫

我推左佢n次！以上都唔係問題，佢初初就話，如果我想番工，佢可以幫我湊，我推左，之後佢就拉埋62黎同我講錢有幾重要，番工有幾好，有能力點解唔搵多啲，又話其實佢好唔想湊，不過如果我想番工都無辦法啦，佢日日都講一兩次，我都一一推左，佢直頭煩到老公叫佢唔好再講，到後期唔知點解佢開始好心急，係甘叫我番工，之後直頭話一係坐完月你兩公婆搬出去，擺bb係度，放假黎睇下佢囉

甘你都講得出？？

我已經講到明，
第一，6299每日最少飲十支八支啤酒先開心，仲大大聲話咩情況下都唔會唔飲酒，
第二，廿幾年前湊仔方法我覺得要更新一下，佢唔聽，
第三，我老公new born （滿月後）俾左人湊，我覺得俾99湊好唔安全，佢都未必真係識，
第四，佢會帶住bb出去食飯飲酒，個人覺得呢個成長環境好唔得！
最後，佢太強調佢唔想湊，不過我要番工就無法（我從來無講過我生完要番工！）

係未夠9個月嘅時候，bb平安出左世喇！但得2.1kg.......

好累了！下回再講！

其實我主要目的係想呻下，真係屈左好耐，可能有啲jm好睇我唔起，但都加一句，不喜勿插，可以就支持下我啦！！

點評

luck_tang 你好堅強的了！

發表於 12-7-1 18:08

0 4 0

私人傳訊

amilaulau

大宅

積分: 4099

88^#

發表於 12-7-4 19:38 |只看該作者

回覆：我的醉酒99（2）

十卜

私人傳訊

cheung2000

珍珠宮

積分: 37193

87^#

發表於 12-7-3 23:06 |只看該作者

引用：我都好唔讚成去鬧人，事情都過咗去，閙來都

原帖由 Sfc9 於 12-07-02 發表
我都好唔讚成去鬧人，事情都過咗去，閙來都冇用。我明白樓主想呻下，我好多時都會會樓主個角度睇件事。依個 ...

認同，好客觀

私人傳訊

Tc280684

別墅

積分: 820

86^#

發表於 12-7-3 21:06 |只看該作者

回覆回覆:天使心公主的帖子

私人傳訊

天使心公主

禁止訪問

積分: 3636

85^#

發表於 12-7-3 20:22 |只看該作者

我的醉酒99（2）

提示: 作者被禁止或刪除內容自動屏蔽

私人傳訊

mapp2009

子爵府

積分: 13784

84^#

發表於 12-7-3 14:27 |只看該作者

1) 我情願呢個係一個膠post.......

2) 一條小生命被謀殺了, 過了多久仍是一件血淋淋的事實, 不要以為可以抹掉!!!!!!!!!!!!

3) 樓主, 你可憐so你要呻?? 咁你第1個bb呢?? 你為佢做過dセ??? 佢就可憐啦, 要等多久才可排到做人身?? 請替他/她超渡!!!!

私人傳訊

Sfc9

大宅

積分: 3846

83^#

發表於 12-7-2 08:57 |只看該作者

我都好唔讚成去鬧人，事情都過咗去，閙來都冇用。我明白樓主想呻下，我好多時都會會樓主個角度睇件事。依個post, 真係好令人不安，樓主99係好差，但樓主思想亦非常古怪，又victimize 自己，明明自己落咗個仔，但講到好係no way out。每個人真係要對自己講過同做過的事付責。依家係好多人有咗BB先結婚，但樓主明知99 變態，又怕人講佢個仔未婚生B，咁做乜落完一個，唔結婚，又再大肚？其實樓主一早就應該同老公move走，但又話大肚唔move 得，又話唔識搵屋。我真係唔明，what is your priority? I not here to judge you, 但係貓同狗都識得保護自己BB。係中國，好多大肚婆被中國政府捉去落BB，佢哋先係真正受big 害。如果你果時得18 歲，我都重可以話你年少冇知。希望你可以好好地湊大BB，同老公學識獨立。

私人傳訊

藍莓綠茶

伯爵府

積分: 15407

畀面勳章

82^#

發表於 12-7-2 03:30 |只看該作者

引用：完全唔明，都已經同居，點解係要等有左，生

原帖由 方方媽媽 於 12-07-01 發表
完全唔明，都已經同居，點解係要等有左，生埋，仔女大到可以做花仔花女，樓主先肯結婚。
你的奇特諗法與奇 ...

私人傳訊

hayleyhoho

別墅

積分: 669

81^#

發表於 12-7-2 02:35 |只看該作者

Quote:原帖由+RAY媽+於+12-07-02+發表個人

原帖由 Babykibi 於 12-07-02 發表
甘件事發生左，我地做旁人需要公審佢ma?討論姐，樓主少年時做錯事，無得番轉頭！個因已種以家咪食個果，今 ...

認同呀！

私人傳訊

Babykibi

大宅

積分: 3867

80^#

發表於 12-7-2 01:41 |只看該作者

引用：Quote:原帖由+Babykibi+於+12-07-02+發表大

原帖由 RAY媽 於 12-07-02 發表
個人覺得唔係一句話件事過咗就算數。大家大動肝火嘅原因，係呢度大部分JM都係或將要做媽媽，對BB嘅生命都好 ...

甘件事發生左，我地做旁人需要公審佢ma?討論姐，樓主少年時做錯事，無得番轉頭！個因已種以家咪食個果，今次個bb要！我好相信係因為佢五想一錯再錯！同埋詎都話五會比99照顧小朋友！！大家都係做女人！人地第一個甘樣無左其實好慘！帶住慈悲心睇！可能你會覺得樓主傻！但係你用左自己度尺去睇呢個人！

私人傳訊

Tc280684

別墅

積分: 820

79^#

發表於 12-7-2 01:23 |只看該作者

引用:拜觀音既人做埋啲陰質野，正宗佛口蛇心

原帖由 YURICKY 於 12-07-02 發表
拜觀音既人做埋啲陰質野，正宗佛口蛇心

佢話佢好誠心咖！咩都用觀音發誓！郁啲就我向觀音發誓！我b出院，佢仲要等我唔知，抱左bb，跪係地下，雙手第高bb...話求觀音保佑喎！勁近甘聞啲香囉！

私人傳訊

RAY媽

侯爵府

積分: 21217

母親節2025勳章 2025勳章蛇年勳章 2024年龍年勳章

78^#

發表於 12-7-2 01:14 |只看該作者

引用：Quote:原帖由+Sammy1981+於+12-07-01+發表

原帖由 Babykibi 於 12-07-02 發表
大家背景不同！樓主都係分享經歷，姐係我甘講！當時詎細個處事能力吾高！件事如果係ing 緊我諗甘多jm教路第 ...

個人覺得唔係一句話件事過咗就算數。大家大動肝火嘅原因，係呢度大部分JM都係或將要做媽媽，對BB嘅生命都好緊張。

做之前，諗一諗，咁就唔會殺死一個小生命。

既然樓主知佢99咁唔中意佢有BB，何苦要住響佢99屋企？繼續住，其實係taking risks。如果佢99想害佢個BB，同佢99一齊住係比多D機會佢99害個BB。

剩係話人逼佢唔要BB，咁自己是否需要做些保護BB嘅「預防性」準備呢？