親子旅遊 今日: 12|主題: 161732

剛去完返來, 都想分享一下今次經驗, 先講講聖淘沙, 聲明只是純個人感受, 僅作參考啦..

聖淘沙:

1.我四日都住在Festival Hotel,所以聖淘沙都係我的重點, 帶住兩個小朋友, 都係以玩為主. 在Beach Station外左右兩邊連接了兩個主要沙灘~~~Siloso Beach –和palawan Beach。以後者較適合小朋友玩，因為有個細型的雀鳥動物園, 有個”Port of lost wonder” POLW- 該處係一個巨大的小朋友嬉水區(平日收$8,假日$15),有隻大海盜船,小朋友應該好喜歡. 如果嫌wildwild wet遠，呢個都係好選擇。

2.Palawan其實較近Beach Station,行去都ok(10-15mins), 至於Siloso就可以坐Tram,去前最好先在旅遊中心取地圖, 因為同一個沙灘都有不同落車點.

3.Skyride就在Beach Station附近. 吊車上山就係 ambiah outlook. 可以坐luge落返山. 都幾好玩, 如果坐luge夠放,就會好玩D,因為控制桿前推就加速,後拉就減速, 阿女就細膽,窒住窒住,扯到手痛

3.千祈唔好買4D Magix,超厄錢, 又貴又冇野睇, 內容又老土。

4.其實我唔多贊成先買飛, 在現場買都好方便, 你可以睇清楚D野啱唔啱玩, 人龍長唔長先買, 其實Day Pass真係貴, 玩唔晒就會好唔蝕. 我因為先玩沙灘, 到7pm就買左個evening pass, 揀左skyline, 4D, Song of the sea

5.我上星期去，市中心的魚尾獅正維修中,好彩聖淘沙都有,響正Imbiah Station外. 都好大條,
記得去拍攝.

6.環球影城-USS : 我早20分鐘到,買即場票(大人持boarding pass有9折),職員話現在門票已好少會Sold out,
我去當日人都唔算少， 如果早入場,唔好順玩,第一站先去玩左熱門的Transformer ,
呢個係3D影像,真係好好玩,雖然我都有D驚,但好刺激真實,如果未睇過部電影,最好睇左先去會有投入感. 第一排個位,因為近屏幕,真實好多.細膽就唔好坐。 臨走時又玩多次(排左15mins),但就坐第二排,感覺差好遠.之後可以順序玩,因為個園唔大,會返到轉頭，玩"侏羅紀河流探險"
真係會濕身,一定要買定雨褸(大人用即棄,香港買平好多),唔好彩坐正好位,由頭濕到腳,特別是由腳底湧上來. 另外, .要留意巡遊行時間, 我地miss左.

講住咁多先啦. 另外最想提大家, Duck Tour 千祈唔好玩, 因為太厄錢. 因為呢個係整個行程最唔抵玩的玩意,因為毫無玩的成分,除了落水一下嘩一聲之外,其餘時間,同坐一般觀光船車無分別,但就好嘈(,摩打聲)坐得唔舒服,當中有個導遊介紹周圍風光,小朋友就更悶,因為齋坐一粒鐘,收HKD200大人,HKD140小朋友真係好唔抵.