使用意見

跳至

首頁

尾頁
   0


公爵府

積分: 29789


1#
發表於 12-7-9 15:12 |只看該作者
******我幫佢係FB 度COPY 黎比大家睇******

草的心聱:

當發現BK戶口被禁止訪問, 我真係超震驚, 跟住覺得有D嬲, 我真係唔明發生咩事, 個ACCOUNT係完全睇唔到討論區內容, 冇任何警告, 冇得PM出去. 震驚過後我諗返起早一日左右有個POST被封左, 我唔明點解被封, 我自己就冇講粗口, 都冇罵戰, 只係諗返起以前做野D無聊事, BK大把無聊POST, 冇理由覺得太無聊封左; 我又以為唔通有FRIED同我係裡面吹水, 所以封左, 不過都係O個句, 大把POST有吹水成份, 於是我PM問左版主, 未有回覆之前已經被處決, (其實唔知係咪處決, 由星期五直到我寫的呢一刻 (星期一上午10:57)我都冇收過任何BK的人的通知
) 處決後我send左mail比管理員問, 仍然未有回覆.

由於唔知, 我就開多個ACCOUNT問下人通常幾時會放人, 同埋希望有個途徑知道'禁止訪問'係一時定一世等等, 點知好快被刪, 我心諗你咁快BAN得我可唔可以SEND一句話比我知咩
事都好, 或者講句'查緊, 唔得閒之類'都好, 至少係有D回應. 我覺得我好似我真係極度重犯咁, 連同我講一句都好似貶低晒咁, 講真, 真係難過, 我就咁比人HOLD住左(好似捉左坐監), 有人'目及'住我, 但係又唔話我知做咩.

係監倉度, 我開始諗到底自己衰咩, 我覺得係因為我加左FB條LINK落簽名版, 因為四月份我有係二手違規, 比bktcc警告左, 我專登搵返出o黎:
佢話: 禁止 在頭像,暱稱,頭銜,簽名檔,使用帶有廣告或宣傳推介成
份之字句/圖片/超連結
咁我答:唔可以放fb link? 其實除左幫人畫野, 我個page好多都係分享bb趣事同推廣母乳咋... 係咪都唔得?
佢再覆: 是的,因為fb內,有寫到可以幫人畫野
咁我就回應: 明白啦

於是我立即改左個簽名檔, 同時我個親善大使名都被除, 就係因為呢件事. 我刪左簽名link之後仍有係二手市場賣畫, 其實我仲有其他野賣緊, 一路都冇再收到話有問題.

其實我賣畫都係三月左右開始, 當時剛放完產假, 返工第二日被炒, 日日係屋企對住兩個b, 我仲要供樓, 其實我對自己d畫冇乜信心, 我冇讀過相關的degree/dip/
cert, 有關呢方面的學歷極其量都係令我超傷心的e級A&D會考成績, 我唔係冇辦法都唔會拋個身出o黎做住先, 雖然唔係偷唔係搶, 我都係怕羞的, 但係都洗濕左個頭, 為左兩個女, 比起好多媽媽, 少少的拋頭露面都唔算係咩. 係呢段期間, 我一直都有揾野做同見工的.

然後六月份, 我揾到野做啦, 新工日日都好忙, 我返到屋企都冇乜時間, 有時間都想多d陪佢地, 其實幫人畫畫個價錢一定少過最低工資, 我真係比心機畫的, 因為我自知唔夠勁, 希望用心機補救, 宣傳上冇寫明, 但係我一直都係唔ok唔收錢, 其實都用好多時間做, 咁我不如用多d時間陪老公/bb同休息, 仲有畫自己的事.

於是我諗住唔再幫人畫野, 我係6月底cancel晒fb o既服務內容, 寫埋係純分享. 我好簡單咁諗, 既然我都冇服務, 冇再寫幫人畫野, 就好似好多寫blog的媽媽一樣, post返條link係簽名檔. 經過呢幾個月, 我對自己的畫開始有返d信心, 好多人讚賞, 我又有虛榮感又開心, 而我畫左好多好多晚的母乳漫畫亦都好想多d人睇到, 希望更有用, 唔好浪費. (題外話: 我真心覺得太多有心餵媽媽奶的姊妹因為各種的誤會餵唔到
. 篇漫畫都係我o係bk睇到大家的問題, 好想好想改正大家的諗法而畫的. 我唔係好hardsell地想全部媽媽餵人奶, 只係想有心餵的媽媽明白多D同埋有多D支持, 每個BB只有一次食母乳的機會, 要食奶粉, 就算廿幾三十歲都仲食得, 有錢就得, 因為方法錯而錯失左真係好可惜) 所以我POST返條LINK係簽名檔, 我無冇係二手出POST, 只係多數係母乳區回應, 仲有開左個分享無聊事POST係自由, 不過講到底, 我都唔知呢個係咪就係我被判刑理由, 因為暫時都無從得知.

被封之後我好擔心母乳區的姊妹唔知會唔會以為我係d咩怪
人, 一路講的都係亂up, bk求救冇路, 所以係facebook求救, 我本來都好驚佢地會被牽連一齊被封, 所以有人問我點幫, 我都係叫佢報個平安, 話我都唔知同埋已經問緊, 前兩日我出街, 唔係太想再處理呢d唔開心事, 夜晚稍稍睇左fb, 我知bk有人開左post支持我, 但係未有仔細睇, 因為按照討論區傳統, 有支持實會有插, 我要比自己一d時間去開心, 煩野唔諗唔睇住. 我都係今日放假同BB去打針先一次過處理今次的事.

我用訪客的身份去睇我真係好感謝好感謝支持我的姊妹, 我有一刻都差d忍唔住想喊, 原來我背後有咁多人記得我留過的正能量, 你地的名我未必會記得哂, 但係o個一刻的感覺好難忘. 當然亦有人會問我點解唔刪post, 我完全冇諗過要刪post, 因為二手d post30分鐘都唔知去到第幾版, 呢個一個月前up過的post真係唔知去左邊度, 我又冇諗過要up post, 點會再無啦啦搵返出o黎, 我可能係唔細心, 我只係個c9, 如果有人將我同d高官比就提高左我的身份, 都係好事來的. 其實可能太抬舉左我, 我淨係up個facebook都已經用好多時間, 創作係我強頂, 收拾係弱點, 其實我都唔記得o個幾個月仲派左d咩'傳單'出去, 我估都唔止兩個post的, 而家都唔知點收返, 咁講起好似仲有個阿虎blog, 我都好耐冇update, 如果唔涉及bk, 我都唔鬼想搞佢啦.

點都好, 打完呢篇野就當係收拾心情, 有冇人睇都好, 至少我寫晒出o黎, 我到呢一刻都覺得自己問心無愧, 最多係蠢同唔夠機心, 不過因為呢件事都有好多得着, 我會努力畫多d自己的野, bk不留人, 自有留人處, thanks all.

P.S. 我個腦仲有好多好多野想做, 仲有好多bb的事要記, 錯過左好快唔記得, 仲有好多開心的回憶, 仲有d母乳打氣金句, 我諗左一d, 例如: 泵一泵, 慳返好幾蚊; 補左奶粉又唔泵, 奶量減少盞'dom'心; 埋身埋得多, 唔洗飲魚湯. 等等, 諗左好多都未有時間做/ 發表. 上帝比我的工具, 希望唔會浪費, 今次係我畫畫史上第三個打擊, 第一次放棄左兩年, 第二次放棄左十幾年, 今次我唔會再放棄, 唔會再逃走, 有冇人鐘意都好, 我唔再理人點諗, 我唔會再隱瞞, 我真係好鐘意畫畫.


禁止訪問

積分: 32848

叻叻勳章 wyeth冷知識勳章 畀面勳章 陪月勳章


60#
發表於 12-7-16 17:08 |只看該作者
提示: 作者被禁止或刪除 內容自動屏蔽


大宅

積分: 1502


59#
發表於 12-7-16 13:07 |只看該作者

引用:各位會員,草的確曾違規,佢有send信畀foru

原帖由 召藥師 於 12-07-11 發表
各位會員,草的確曾違規,佢有send信畀forummaster,管理員已經回覆咗佢,下星期草就可以返黎。

請容我在 ...
管理員,多謝你終於回應大家,今天已是星期一,請問草今個星期哪天可以回來,就算草本人未登入,佢以前啲post仲可以睇返嗎?幾時?




超級版主

積分: 55014

2025勳章蛇年勳章 2024年龍年勳章 2023年兔年勳章 2018父親節勳章 2018母親節勳章 熱血金章 精緻種植勳章 好媽媽勳章 超級版主 2011至尊種植勳章 環保接龍勳章 大廚勳章 BK猜猜猜慶中秋 hashtag影視迷勳章


58#
發表於 12-7-12 09:48 |只看該作者
點評
戲如人生 真的嗎? 我曾在這裡識了一個MAMA, 在無警告的情況下就封了號..永不超生呢@@ 發表於 7 小時前

可能妳唔知對方係唔係做咗嚴重違規嘅事都唔定,如pm宣傳或做媒宣傳,有時真係唔易察覺架。

盡我一己之力,發放正能量!


超級版主

積分: 55014

2025勳章蛇年勳章 2024年龍年勳章 2023年兔年勳章 2018父親節勳章 2018母親節勳章 熱血金章 精緻種植勳章 好媽媽勳章 超級版主 2011至尊種植勳章 環保接龍勳章 大廚勳章 BK猜猜猜慶中秋 hashtag影視迷勳章


57#
發表於 12-7-11 12:59 |只看該作者
各位會員,草的確曾違規,佢有send信畀forummaster,管理員已經回覆咗佢,下星期草就可以返黎。

請容我在此溫馨提示大家,大家註冊後同發表前應該先睇清楚版規,咁就會大大減低唔小心違規嘅情況發生,而一般輕微違規,版主都會先作提示而唔會即時封戶。謝謝合作!

點評

戲如人生  真的嗎? 我曾在這裡識了一個MAMA, 在無警告的情況下就封了號..永不超生呢@@  發表於 12-7-12 02:32
盡我一己之力,發放正能量!


大宅

積分: 4257


56#
發表於 12-7-11 09:55 |只看該作者
其實就算調查緊或者check 緊, 管理員都可以回應一下大家, 等大家知道有人跟進丫....之前話要等office hour, 但今日都星期三啦, 管理員可以回應一下嗎????????

btw, 當然支持草啦, 如果唔係都唔會特登走過黎呢度留言!!!!!


別墅

積分: 896


55#
發表於 12-7-11 09:20 |只看該作者

致管理員和各位JM - 草的心聱

十卜草草




男爵府

積分: 5976

畀面勳章


54#
發表於 12-7-11 08:43 |只看該作者
Up Up
我而家每朝都會睇下見唔見到亞草,
點解咁多日都仲未開返A/C?


男爵府

積分: 5964


53#
發表於 12-7-10 23:15 |只看該作者
支持草,我很喜歡佢的漫畫,有正能量呀,絕對幫助到人奶媽媽的。希望管理員重新給草一個機會。


水晶宮

積分: 60070

好媽媽勳章 大廚勳章


52#
發表於 12-7-10 21:45 |只看該作者

回覆:致管理員和各位JM - 草的心聱

Support草



---生命無價,請支持領養---


大宅

積分: 3696


51#
發表於 12-7-10 20:48 |只看該作者


大宅

積分: 1502


50#
發表於 12-7-10 19:22 |只看該作者
管理員你見到有幾多JM支持草嗎, 睇下以下另一個POST就知, 請快D回應大家, 開返草個A/C啦

http://www.baby-kingdom.com/foru ... page%3D1&page=1


大宅

積分: 3650


49#
發表於 12-7-10 19:12 |只看該作者

回覆:致管理員和各位JM - 草的心聱

就算放在"使用意見"少人睇,都要來留言支持草!更希望bk 看到大家的意見!



Our anniversary[br]


男爵府

積分: 5561


48#
發表於 12-7-10 18:46 |只看該作者

回覆:致管理員和各位JM - 草的心聱

Support ~~~ 希望板主知道我地依d窮人奶媽是需要阿草及她既漫畫。




男爵府

積分: 7134

畀面勳章


47#
發表於 12-7-10 18:35 |只看該作者
草都曾經解答我嘅難題,係一位熱心嘅JM,特登過黎撐草!
感恩


男爵府

積分: 7134

畀面勳章


46#
發表於 12-7-10 18:34 |只看該作者
草都曾經解答我嘅難題,係一位熱心嘅JM,特登過黎撐草!
感恩


公爵府

積分: 29789


45#
發表於 12-7-10 14:13 |只看該作者

回覆:致管理員和各位JM - 草的心聱

Up up




男爵府

積分: 5561


44#
發表於 12-7-10 09:23 |只看該作者

回覆:致管理員和各位JM - 草的心聱

我好認真講,之前因為餵唔到人奶而同C6嘈交,嗰刻好想放棄(C6迫我餵,但我是窮媽),之後睇了草的漫畫,明白了原因,就開始密密泵。

好多謝阿草




大宅

積分: 1929

陪月勳章


43#
發表於 12-7-10 08:00 |只看該作者
Support you ar
Bk 是不是誤會咗
呢度是交流咖嘛
咁多人支持草
另當別論再處理啦
好嗎


大宅

積分: 3178


42#
發表於 12-7-10 02:25 |只看該作者
支持!
漫畫以外, 草一直都幫唔少媽媽解決問題, 我一直有留意, 資深用家之餘, 意見分享中肯又實用, 唔會誤導, 有咩理由被banned?!


首頁

尾頁

跳至
Presslogic Logo
Baby Kingdom Logo