吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› [最新update] 我有個極不注重屋企環境衞生既99 ...

婆媳關係今日: 0|主題: 27775

收藏本版

發帖

返回列表

跳至頁

查看: 5250 | 回覆: 109

[最新update] 我有個極不注重屋企環境衞生既99 [複製鏈接]

12 3 4 5...6

blackblackie

大宅

積分: 4141

1^#

發表於 12-7-9 20:26 |只看該作者 |正序瀏覽 |打印

本帖最後由 blackblackie 於 12-7-16 14:46 編輯

大家好！我同C6真係極度頂唔順99既生活習慣，屋企曱甴橫行，無論廳，廚房（直頭係重災區），睡房都係曱甴既天下。

我同C6一星期只係得少部分時間響屋企自己煮，就算煮完食完都會清潔乾淨，所以，好多時都係99用廚房多，但係真係頂佢唔順咁污漕。

1 食野下巴穿洞，食乜都好，食完都可以成地同成檯食物碎

2 食完野又唔抺檯

3 hea洗碗，唔用洗潔精，淨係用水然後拎個刷刷兩下就叫洗左，又唔知自己食過既野有幾油

4 用完雪櫃又唔記得閂好個雪櫃門，搞到D食物變壞，曱甴入去搵食

5 最極級的就係裝水水壷有曱甴既屍體飄浮

6 成日響唔知邊度執D野番來，有用的，有食的（例如茶壺，屋企已經有好幾個都仲要拎番來，而且拎番來只係放響度唔知做乜）（響D酒樓收工後拎酒樓當日既食材番屋企，有菜，有生肉，都試過有半熟既肉）（響麵包舖拎D人地收工唔要既麵包）

我地一晩無番來，屋企竟然成地曱甴，於是C6開99波叫佢要乾淨D，衞生D，而最勁果樣係c6同99講話屋企好多曱甴但係99竟然不為所動，以不回應做反應，既係覺得屋企有曱甴係應該咁。

相反地，我同C6之前都試過用廚房超過一星期，都只係得零星幾隻孤兒仔。

點解我會有個咁汚漕既99（連個仔都頂唔順），我就黎癲喇！

我並唔係一個潔僻既人，但係都唔想住響一間咁污漕既屋呀！

[最新消息] update on 16/7/2012
今日99放假, 響屋企, 咁話說我地間屋係好難有太陽入屋, 所以d 床呀被單呀果d真係好惹蝨.
但係我同c6張床, 以前曾經有床蝨但係而家已經消失曬.
都唔知話99係自作自受定係點, 佢張床有蝨 (佢間房既環境係開窗, 都算有太陽入房, 但係唔多[因為基本上間屋唔太入陽光])
而我地間房就因為好多時都落窗簾, 所以都係黑咪咪, 但係都無床蝨.
當我換完衫出房, 就見到99拎住佢訓緊果張床既床墊. 咁我就問佢咩事啦, 佢話佢張床有蝨.
我話下...有蝨呀, 佢話係呀, 係我張床度呀, 好多呀, 咬到我成身都係. 我仲見到佢右手手指公同食指又黑又紅, 好明顯地係有好多蝨死左響佢手上面.

咁我呢d有知識既人梗係話比佢知要點做啦.
方法如下
1. 將床墊拎去曬太陽, 曬番佢一日半日, d蝨實死無生
2. 拎盤水開d滴露抺下張床

點知99, 佢只係做我suggest意見既一半
1. 拎盤水開d滴露抺下張床 (仲好快手)
2. 掉左張床墊

我仲告誡佢, [床單被單一定要勤d換, 勤d洗, 如果好似你咁, 一世人只係訓一張床單, 用一張被單, 你唔比蝨咬死已經算好彩, 因為d蝨最鍾意就係人體既汗味, 張床單同被吸曬你平時訓教既汗同皮洩[夏天唔開冷氣, 冬天最多加被], 唔咬你就假喇! 點解我地張床無蝨,係因為我地好多時都會換床單,同被單, 所以就無蝨. 仲有, 你知唔知點解一開初你張床無蝨係因為比你訓之前係我用滴露水幫你張床抺過曬, 噴過曬野先比你訓嫁!(當然佢聽完又係唔當一回事)]我既意見係咁多, 你鍾意聽就聽, 唔聽就算!]

講完我就出門番工, 留低個響度煩惱緊張床既99響屋企.

謝謝收看

點評

immc

發表於 12-7-18 16:30

beaclem

發表於 12-7-17 23:13

booboo_long

發表於 12-7-16 14:51

NIcoleLeung

發表於 12-7-13 18:49

Strawberrybaby

發表於 12-7-12 02:29

lamyungyu

最驚小強發表於 12-7-11 11:59

壞女孩~yuki 第3點~我99都係咁~之後我叫佢以後食完煮完放係到得~唔洗佢洗~ 發表於 12-7-9 21:20

0 2 0

私人傳訊

blackblackie

大宅

積分: 4141

110^#

發表於 12-7-18 16:18 |只看該作者

小豬澄發表於 12-7-18 14:38
其實唔知又唔出奇既我屋企人係我有左個時勁叫我食蕉佢地話唔怕喎

我會答佢, 唔怕一萬, 至怕萬一, 身體有乜問題, 都係得我自己一個人去承受, 無人可以代替到.
even 去阿媽度食飯, 阿媽都會帶埋我一齊去巡個街市一路買, 話怕買左煮完我唔食會浪費金錢同爐火, 我又覺得佢岩wor.

有另一個case, 係個b6婆(個b6婆同我99同一個鄉下), 話說佢有左(唔知幾耐), 唔知係佢屋企人定佢自己想食綠豆沙, 於是就日日煲, 佢就日日食, 於是, 後果係意料之內既"流啡肚痛". 最爆趣係, 個b6婆同屋企人見到流啡肚痛先至停食綠豆沙同仲要特登買野去補身安胎, 我就話, 咁辛苦, 點解唔可以避免下呢?!

私人傳訊

blackblackie

大宅

積分: 4141

109^#

發表於 12-7-18 16:03 |只看該作者

fionlei88 發表於 12-7-18 14:33
好恐怖呀!咁嘅環境佢都頂得住,係未小強同類來架?

佢同小強係唔係同類我唔知, 但係以我既認知就應該係因為佢做下欄野(清潔果d)所以佢見慣不怪, 但係問題係工作埸所同屋企唔同嘛

私人傳訊

小豬澄

珍珠宮

積分: 47485

畀面勳章環保接龍勳章

108^#

發表於 12-7-18 14:38 |只看該作者

引用：Quote:lambing+發表於+12-7-12+00:13+救命

原帖由 blackblackie 於 12-07-13 發表
唔好話你...我都叫緊救命......呢兩日除左發生曱x事件之外, 仲發生好多事
唔知點解個人好憫, 99一同我講野, ...

其實唔知又唔出奇既我屋企人係我有左個時勁叫我食蕉佢地話唔怕喎

私人傳訊

fionlei88

翡翠宮

積分: 92922

畀面勳章叻叻勳章 BK Milk勳章

107^#

發表於 12-7-18 14:33 |只看該作者

好恐怖呀!咁嘅環境佢都頂得住,係未小強同類來架?

I 大蚊豬

私人傳訊

blackblackie

大宅

積分: 4141

106^#

發表於 12-7-18 13:19 |只看該作者

suenmay 發表於 12-7-17 23:27
回覆 blackblackie 的帖子

有左小朋友之後我直頭變左有潔癖(當然唔係好嚴重),同埋你99都幾唔負責任,仲要講 ...

99最鍾意就係用呢d咁既說話黎嚇窒c6,(因為c6好尊敬99以前養起頭家, 話因為62無乜點養屋企喎~) 其實屋企夠位住(3房), 只係99自己個人問題 - 唔想注重衛生+鍾意我行我素+闊佬懶理.

其實而家間屋(供樓)同全屋洗費全部都係c6比曬, 而家唔係我地想趕99出街, 而係99自己口口聲聲話唔想同我地住, 就係因為我地成日哦佢污漕, 講過d野佢自己唔記得, 又鍾意hea我同佢講既野, 鍾意聽既野就聽, 唔鍾意聽既就hea答.

講真句, 99哦心抱就聽得多, 但係真係未聽過心抱哦99要佢乾淨同衛生.
無奈+ing

私人傳訊

suenmay

大宅

積分: 2088

105^#

發表於 12-7-17 23:27 |只看該作者

回覆 blackblackie 的帖子

有左小朋友之後我直頭變左有潔癖(當然唔係好嚴重),同埋你99都幾唔負責任,仲要講晦氣說話(唔好介意)

衰D講句,同你C6商量下寧願辛苦D搬出去都唔好同住喇,最後只怕苦了阿B又苦了你..
有時我都會諗,99又唔知D小強爬邊到黎,之後佢又周圍摸,摸完又摸我個女,雖然佢都係一個好乾淨GE 99,但係個種睇唔到當冇GE諗法我實在做唔出

私人傳訊

blackblackie

大宅

積分: 4141

104^#

發表於 12-7-17 22:25 |只看該作者

引用：我屋企都有小強呀已經殺左好多但都仲有,又

原帖由 suenmay 於 12-07-17 發表
我屋企都有小強呀
已經殺左好多但都仲有,又係由廚房爬到出廳,廳又爬到入房:nau ...

狀似你99講既一兩隻同你形容既好似兩個唔同世界咁。的確，有一兩隻係正常，但係我c6已經殺左我估有3x隻，呢D叫做非常嚴重。

99仲要衰到話：你地要咁衞生，（我做唔到）我係咁嫁喇，再唔係我搬走。

就算呢句係c6隔日先同我講，但都好慶，咩叫做我地要咁衞生？！衞生都係想大家住得舒服D，點解你唔可以配合？！

私人傳訊

suenmay

大宅

積分: 2088

103^#

發表於 12-7-17 15:47 |只看該作者

我屋企都有小強呀

已經殺左好多但都仲有,又係由廚房爬到出廳,廳又爬到入房

我就黎顛

尋晚買左d硼酸諗緊點殺d小強又唔會傷害到我ge baby..
最慘係我99話一兩隻緊有..

天呀!!我未嫁之前屋企日日煮飯但係我都冇見過小強同大強

私人傳訊

sitab

伯爵府

積分: 18582

好媽媽勳章陪月勳章 BK Milk勳章畀面勳章

102^#

發表於 12-7-17 11:36 |只看該作者

別人笑我太瘋癲，我笑你們更低b～～

私人傳訊

blackblackie

大宅

積分: 4141

101^#

發表於 12-7-16 16:40 |只看該作者

booboo_long 發表於 12-7-16 15:09
我已經冇可能同呢個99有來往，唔好講同住，我見一面都想死，污糟既程度實在嚇死人~ ...

如果可以,我都想唔來往, 但係c6係大仔, 迫於無奈下都要接受, 事關叔仔係一定唔會理. 呢d叫做硬食

點評

booboo_long 硬食係最慘

發表於 12-7-16 16:42

私人傳訊

booboo_long

大宅

積分: 4653

100^#

發表於 12-7-16 15:09 |只看該作者

我已經冇可能同呢個99有來往，唔好講同住，我見一面都想死，污糟既程度實在嚇死人~

私人傳訊

blackblackie

大宅

積分: 4141

99^#

發表於 12-7-16 14:40 |只看該作者

pcbu 發表於 12-7-16 13:21
床蝨會唔會野開去架?

希望唔會啦, 99d床單都唔洗, 藕出床蝨真係唔出奇, 我同c6 既床單, 大約1-2星期換一次.
99無論響邊張床度訓都可以藕出床蝨, 以前工人同62同99一間房都可以藕得出. 我諗唔到佢有d咩係唔得.
99日日都有沖涼(一放工番來就沖) 見到佢d 個人衛生都ok.

以前有工人果陣佢就勁罵爆個工人, 話淨係唔洗佢張被, 好喇, 洗佢張被, 又話工人洗完佢張被唔long乾就比佢come, 搞到佢比蝨咬, 但係我想講,係佢自己自作自受! 因為佢張床真係超級污漕!

私人傳訊

pcbu

子爵府

積分: 13023

98^#

發表於 12-7-16 13:21 |只看該作者

床蝨會唔會野開去架?

私人傳訊

blackblackie

大宅

積分: 4141

97^#

發表於 12-7-16 11:18 |只看該作者

終於有人自作自受!

私人傳訊

blackblackie

大宅

積分: 4141

96^#

發表於 12-7-13 18:45 |只看該作者

qmui 發表於 12-7-11 23:55
你都好丫，我９９中意手洗３，０唔乾d３滴滴下，留下投訴你估距講咩？距話點解唔比人晒３喎:badfe ...

我99係鍾意用機洗, 好少用手洗, 因為佢嫌煩. 我屋企都好少long衫出外面, 但係響細廁所度long, 但都會有機會fing得唔乾.
雖然我99係鍾意用機洗, 但係佢好多時得幾件衫都要開一機洗, 仲要唔分類, 即係外面d衫會同內衣, 有時會連襛一齊洗, 但係我覺得出街衫一機, 內衣一機咁先唔會乾淨d

私人傳訊

blackblackie

大宅

積分: 4141

95^#

發表於 12-7-13 18:43 |只看該作者

lambing 發表於 12-7-12 00:13
救命呀

唔好話你...我都叫緊救命......呢兩日除左發生曱x事件之外, 仲發生好多事
唔知點解個人好憫, 99一同我講野, 我就會好想罵爆佢.

尋日早上, 佢無啦啦望住個果盤係度睇有咩生果食(其實佢想講佢買左香蕉叫我食) 仲係度講話, d香蕉好有營養嫁, 你食唔食呀.... 雖然我知佢係好心, 但係....我都係忍唔住爆佢. "香蕉係滑腸, 食左有可能會滑胎, 你係唔係想我唔要個BB" 佢仲要扮無知咁話 " 啊, 係啊? 我唔知wor" 果下我勁爆嬲, 唔想彩佢, 之後就出門番工喇! 一路行, 一路打比c6, 仲問佢, 到底99有無生過仔, 點解呢d野佢會唔識?, c6 就話, "佢生仔果陣響鄉下係唔會理呢d野, 有同無佢都照食, 有問題先算" 果下我O左咀..............

呻完...