吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 論盡家傭嗰邊個個都好似仇視姐姐甘

自由講場今日: 1153|主題: 1366876

收藏本版

發帖

返回列表

跳至頁

查看: 9778 | 回覆: 180

論盡家傭嗰邊個個都好似仇視姐姐甘

[複製鏈接]

12 3 4 5...10

MLOVEL

大宅

積分: 1217

1^#

發表於 12-7-10 01:01 |只看該作者 |正序瀏覽 |打印

我只係出左個post話登一個姐姐慘，啲人即刻大反應到又話人講你就信？乜乜乜！如你認為我太天真人講乜我信乜，無問題，我會接受，但係有家教少少禮貌啲啦，佢地又何常唔係人講乜就信？個個上嚟話姐姐衰你地又信，一面倒插插插？你地係簡嚟信啫，可能真係我好彩，用親工人都係好，但我信，你點對人，人點對你，我就做唔出唔俾鎖匙工人而要佢地喺門口食風囉，乜原因我都唔會甘罰佢，工人要帶朋友返屋企根本唔洗鎖匙，用人不疑，疑人不用！我會俾工人親我個女，我亦當工係屋企人，因為呢一份工，唔係容易做，要24小時喺公司，工人都會有負面情緒，都係人，唔係奴隸，係幫我屋企做事嘅好幫手，當然唔排除有好多係唔好，但講人唔好前，問自己有當過工人係人嗎？你做你自己老闆會點？呢個babykingdom我好少發言，答人就多，知幾多，幫到人，安慰到人我都會答，但開新啲問人嘢嘅post就會有啲人就會好無禮貌甘答，真係好唔開心！我要同呢個王國88了！

點評

hkitty09 support u! 不要激氣發表於 12-7-11 12:51

lovebbb 開個post來批評人,都幾特別發表於 12-7-11 12:19

波子同意, 你對我時, 我對你好! 發表於 12-7-10 21:45

baby_cat

發表於 12-7-10 19:09

vanyau 你真好彩,請親都是好女傭. 發表於 12-7-10 14:04

rabbitjc Agree!! 發表於 12-7-10 13:51

happiijan take it easy, online world ma... 發表於 12-7-10 13:45

luvysl_blythe support u

發表於 12-7-10 12:26

Sk818 Agree 發表於 12-7-10 11:11

ok_ko support you! 發表於 12-7-10 10:11

0 5 4

私人傳訊

lovehaileybb

大宅

積分: 2435

181^#

發表於 12-8-5 01:06 |只看該作者

引用：我工人同我續第二張約時同我講：好多謝我第

原帖由 小曳人 於 12-07-11 發表
我工人同我續第二張約時同我講：好多謝我第一日就信任佢，當佢係自己人！

樓主，我支持你！ ...

私人傳訊

coreywlm

複式洋房

積分: 467

180^#

發表於 12-8-4 22:59 |只看該作者

回覆：論盡家傭嗰邊個個都好似仇視姐姐甘

樓主，我第一次請工人，情況同你一模一樣，個姐姐好好二年幾都無變樣，就是好似你所講，你點對人，人點對你，到而家都好滿意，我支持你！

私人傳訊

smartlam

禁止訪問

積分: 561

179^#

發表於 12-8-4 22:58 |只看該作者

提示: 作者被禁止或刪除內容自動屏蔽

私人傳訊

smartlam

禁止訪問

積分: 561

178^#

發表於 12-8-4 22:28 |只看該作者

提示: 作者被禁止或刪除內容自動屏蔽

私人傳訊

DoReMi媽媽

象牙宮

積分: 236487

馬年勳章 2026勳章母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

177^#

發表於 12-7-11 19:07 |只看該作者

華美發表於 12-7-11 18:12
哈哈, 你估啲印印又弱啊, 佢地一樣講大話唔斬眼. 好似我果個咁, 我去睇中醫, 有攞藥返尼煲, 啲藥有後下(即 ...

哈哈~哈，其實兩者都係差無幾，不過賓差得嚟仲要黑面發脾四，印係陰濕，但未至於下下令我皮質醇升高。

私人傳訊

小曳人

侯爵府

積分: 22599

開心吸收勳章醒目開學勳章畀面勳章貢獻勳章

176^#

發表於 12-7-11 18:18 |只看該作者

我工人同我續第二張約時同我講：好多謝我第一日就信任佢，當佢係自己人！

樓主，我支持你！

私人傳訊

華美

侯爵府

積分: 21308

175^#

發表於 12-7-11 18:12 |只看該作者

DoReMi媽媽發表於 12-7-11 16:23
其實我好想講, 而家好多話自己工人好嗰啲, 實在知幾多嘢? 賓印我都請過, 兩者比較, 賓係好識掩飾, 門面功夫 ...

哈哈, 你估啲印印又弱啊, 佢地一樣講大話唔斬眼. 好似我果個咁, 我去睇中醫, 有攞藥返尼煲, 啲藥有後下(即係煲完先落嘅玉桂粉), 喺個膠袋底. 我無同佢講, 但飲藥時醒起同覺得個味無玉桂味, 果隻嘢我飲好多次, 所以我係知. 跟住我問佢有無落後下啊, 佢諗都唔駛諗話有. 我費事同佢嘈. 第二日佢就真係有落, 啲藥完全唔同味架.
另外有個工人, 係請比我樓上99用嘅, 佢好差, 我日日都要鬧佢. 終於請到第二個我換走佢. 佢仲同佢啲朋友講, 話太太我係好鍾意佢, 不過佢同太太屋企個工人鬧交, 太太個工人嬲我所以叫太太炒咗我.

仲有我阿嫂個前工人, 佢成日同男友講電話跟住勁喊. 但佢要湊new born的. 有一次佢又係咁, 講完電話喺房度狂喊之餘仲聽到好嘈打啲櫃打到bom bom聲. 果時好夜, 我阿嫂想佢即走但唔識處理, 我阿媽打尼問我點, 我話驚佢發癲, 自殺或襲擊你地都唔好啦, 所以即刻叫阿媽抱bb來我屋企先, 我叫阿嫂報警第差人喺度睇住佢執嘢走. 跟住我過去幫手, 後尾差人來問話, 佢扮聽唔明, 但其實佢尼咁耐都係用廣東話溝通嘅, 我地梗係篤爆佢話佢識聽識講啦. 差人問佢頭先仲咩打啲嘢打到bom bom聲, 佢話無啊, 我褶被之嘛. 佢地真係講大話唔駛諗架, 乜都講得出口架. 同差人傾計佢都講咗好多case比我聽.

所以你講得岩, 對佢地, 跟足勞例, 合情合理就得架啦.

私人傳訊

DoReMi媽媽

象牙宮

積分: 236487

馬年勳章 2026勳章母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

174^#

發表於 12-7-11 16:25 |只看該作者

點評
meow~meow 我日日同平台班衰工人鬥啤, 佢地賤到比BB爬地, 自己就搔腳指吹水發表於 2 小時前
meow~meow touch wood, 我未身受其害....但好明 wor.

鬥睥? 你夠唔夠佢哋嚟ga? 佢哋人多勢眾喎!

私人傳訊

DoReMi媽媽

象牙宮

積分: 236487

馬年勳章 2026勳章母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

173^#

發表於 12-7-11 16:23 |只看該作者

tssy 發表於 12-7-11 15:00
我都對佢心淡，以我個case你睇佢表面都喺一個好工人，但我返工後在家在我唔知情底下著我泳衣影相上Facebook ...

其實我好想講, 而家好多話自己工人好嗰啲, 實在知幾多嘢? 賓印我都請過, 兩者比較, 賓係好識掩飾, 門面功夫做得非常好, 放工返嚟只會見到窗明几淨, 但個過程, 最好唔好知道, 否則, 分分鈡連飲水隻杯都唔敢掂.

我都係嗰句, 對外傭, 我會跟足勞例, 用合情合理的態度對待, 過份的同情心, 自有工會, 領事館, 李X人, 政棍等爭住去俾, 香港外傭僱主需要的, 係互助的精神和團結.

私人傳訊

DoReMi媽媽

象牙宮

積分: 236487

馬年勳章 2026勳章母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

172^#

發表於 12-7-11 16:15 |只看該作者

點評
meow~meow 姑寒

唔姑寒點得世間水? 抽水咁容易呀?

私人傳訊

Loreal

男爵府

積分: 7070

171^#

發表於 12-7-11 16:09 |只看該作者

樓主,好彩唔好彩,我自己未到死個一刻,都唔會講

岩聽未傾兩嘴囉,你又唔係同D網友做人世,好小事啫,兄弟姊妹都未必100%岩傾

點都好,你既然唔再上嚟,我唯有講一路好走, bye bye

私人傳訊

MLOVEL

大宅

積分: 1217

170^#

發表於 12-7-11 15:55 |只看該作者

其實我認為對工人好,+唔等如工人會對你好,+

原帖由 hkitty09 於 12-07-11 發表
其實我認為對工人好, 唔等如工人會對你好, 好彩我遇到4個工人都係好(我媽媽+我屋企) .

不過, 我覺得樓主 ...

正是我所想，但唔明點解會有人話要幫工人洗底褲呢啲說話都講得出，理性討論？唔見得囉！你地慢慢玩吧！

私人傳訊

tssy

伯爵府

積分: 18048

169^#

發表於 12-7-11 15:00 |只看該作者

回覆：論盡家傭嗰邊個個都好似仇視姐姐甘

我都對佢心淡，以我個case你睇佢表面都喺一個好工人，但我返工後在家在我唔知情底下著我泳衣影相上Facebook ，你對佢幾好有用嗎？
不如各jM 都上網睇下有冇驚人發現？可能自以為自己有個好工人嘅都好似我咁跌晒眼鏡，我以前都好似樓主咁有heart對工人，但發現後我覺得我有眼冇珠

私人傳訊

crystal_pig

男爵府

積分: 7484

最關心BB問題熱投勳章環保接龍勳章畀面勳章 BK Milk勳章

168^#

發表於 12-7-11 14:29 |只看該作者

回覆 bbfish1992 的帖子

你又係同我 same case? 其實講真，有幾多個工人真係會同你動真感情吖? 係就唔會有咁多打小朋友、偷野既個案.....將心比己，有幾多個工人真係會將心比心吖?

點評

bbfish1992

發表於 12-7-12 16:00

私人傳訊

華美

侯爵府

積分: 21308

167^#

發表於 12-7-11 14:09 |只看該作者

oooasis 發表於 12-7-11 11:14
我都覺得。
雖然我知道有d工人係差，但都唔駛咁憎恨工人架。
我記得有個post話，佢個工人要求關門訓覺，但 ...

真係好睇個工人係咩人啦. 我個工人就ok嘅, 我比佢關門但唔可以鎖, 我亦都唔會無端端衝入去. 我老公直頭姐姐喺阿囡房我叫佢睇下佢地做緊乜我老公都唔敢入. 但我覺得你同我個囡一齊喺房, 你唔會係剥光豬掛. 我要睇係因為真係唔知佢同我個囡做緊乜同驚佢喺入面玩電話, 呢樣我係唔比嘅, 怕幅射.

我有客佢返澳洲, 香港大宅得個十幾歲嘅囡喺度. 有一晚個囡聽到工人房有怪聲, 入去睇下, 啋, 佢帶咗個tb返尼搞嘢, 嚇死阿囡. 佢有咁嘅經歷, 如果佢之後要求新工人開門瞓, 你仲會唔會覺得過份呢.
其實我無咩話幫邊個, 只係覺得好多時人嘅行為係受過去經驗影響. 遇過衰人, 自己會防範心高. 等如如果你借親錢比人個個都有借有還, 你可能一世都會繼續借錢比你覺得有需要嘅人. 相信人性本善. 但如果你次次借親錢比人, 啲人點熟點識咗幾十年, 點拍行心口話會還都係個個都唔還, 有人問你好唔好借錢比人, 你會點俾意見呢?

總之, 過份嘅顧主又有, 過份嘅工人又有, 真係一家唔知一家事, 只不過我地睇到都係表面, 點解人地會咁做背後有咩原因就唔知. 等如我試過工人抺車時我好大聲當眾鬧佢, 有個男人望住我, 可能佢覺得個工人好慘啦. 係嘅, 比人鬧果個一定係可憐, 無人會深究佢做錯咩人地會鬧到青根現. 個男人又點會知岩岩個工人一筒水淋入架車裡洗內籠丫...... 我鬧, 係因為佢洗過好多次車, 佢唔係唔識, 不過唔知果次發緊咩春夢啫.